喜聚坊

營業中

休息中

今日又去飯堂晚膳，除咗店主廚神寶哥外，食食吓竟然見到TVB果個少年食神行入嚟，但因為那隻滷水鵝太好食，所以我只係望咗一眼就繼續食，又過咗無幾耐，我準備食條清蒸尖咀𩶘，剛剛揭起塊金黃色魚鱗時，又見到一個前體育節目女主持(好似係叫韓毓霞)坐咗係另一張枱，我又無理繼續食食食食...回到家後老公跟我說，其實廚神寶哥的魅力沒法擋，可能下次我掛住食，就連佢行過我都唔理🤣....老實講，喜聚坊的生意越來越好，d失傳秘制菜式咁受歡迎又價錢合理，遲d仲book唔book到枱都成問題啦，所以我叫佢唔洗咁擔心...😅

廚神來了📣📣📣(完全無味精, 食到食材的原味；很多失傳菜式、國宴菜餚，難得一試；親民價海魚，物超所值；很多認真製作的手工菜式，吃得出廚師的誠意和對食材的執著，並非市面上一般貨式；就連炸魚皮，都皮脆少油又多骨膠原! 午市套餐更加超超超值，只喝那碗沒味精的例湯（老火湯!！）巳值回票價，連餐飲每款都可選多少奶、多少甜、多少冰，有誠意到這種地步，確實少見！而唯一缺陷是街道頗殘舊，不可泊車，但如果在高級商場，餐價會包埋租金，個人認為不化算，寧可用這些錢在這多吃幾餐了😝）

一年多前在朋友介紹下到觀塘食喜聚私房菜，前前後後介紹了10位朋友來，個個都讚口不絕。今次是搬到了大角咀，一家人一定要前來棒場，仍然是好味又抵食，同一價錢在酒樓只可食到悶到嘔的圍餐，來到喜聚卻是美味又老少咸宜的佳餚。我最鍾意飲佢地的湯，足料老火非常，全無味精，今次飲雞煲翅也十分正！

老友每次回港，必定會去喜聚坊搵大廚寶哥。今次預備了獺祭二割三分及三割九分兩枝清酒去配美食。首先上枱是前菜黃金炸魚皮。用的是鯇魚皮，先炸再沾滿甘香蛋黃。待放涼後入口更覚香趣，不理膽固醇都要食多幾塊朋友仍未到前大廚寶哥叫了入廚房選擇今晚食的魚。今晚有幾條手釣的海魚返，包括有手釣野生黃腳鱲，海紅鮋等。由於海紅鮋少見，所以選了這條靚魚蒸得剛好，魚味一流，約兩斤多给我們三個人吃清光。今晚得三個人，冇訂湯，簡單滾了個蕃茄薯仔滾魚蜆湯，好味今晚特別為回港的朋友訂了他最愛的炸大腸，新鮮大腸要特別和相熟肉檔預訂，超級美味。黃金鮮魷，超級邪惡膽固醇，好味就不理最後是秘制鵝煲，少辣，入味每次來喜聚坊都是充滿驚喜。

又到lunch時間，又要為食乜而煩惱。。。行行吓見到大大塊紅色招牌，就望吓有咩食，見價位ok，就入去試試！入到去環境似舊式茶樓，食客就多數係附近嘅地盤工人，同年紀較大嘅人，所以環境比較嘈。未落單就送上例湯青紅蘿蔔煲豬骨湯，一人一碗，味道偏淡，不過勝在冇味精！我叫咗個手撕雞飯，賣相吸引！手撕雞連同青瓜、木耳，加入四川辣汁撈埋一碟，辣辣地配白飯，格外開胃！同事就叫咗碟牛河，牛肉大大塊，加埋通菜濕炒，用料十足，味道一流！埋單每人只係$50，名副其實大件夾抵食，一定會再幫襯！

估吓喺估吓喺咩?真係估佢唔到?!丐e雞就食得多, 丐e海魚真係未食過, 端午節食稯係糯米肥肉, 應節食呢個魚就健康好多, 海魚仲係即日新鮮貨, 天天清, 賣完就無。一打開已好有荷葉味, 好香, 以為去咗韓劇running man的野外燒魚😂, 魚肉好滑好鮮, 贊! 蠔餅食得多, 但我個人對蠔麻麻地, 但呢個帶子餅真心唔錯, 帶子彈牙, 又無咗蠔惺味! 最一絕係雞煲(加豬雜), 我本身唔食內臓, 但試吃兩舊肉潤, 好彈牙無”穌”味, 完全無味星的雞煲可以做到咁野味, 的確巧工夫! 仲有紅鯉魚同鮑魚蘇, 紅鯉魚我係第一次見, 超新鮮, 價錢係市價的1/3, 真係抵得沒話説, 我妹妹最喜歡鮑魚, 一人食咗4個鮑魚蘇, 超開心! 連雜菜煲都鮮甜味美, 真係無話可說!! 寶哥, 謝謝你, 常常為我們帶來驚喜, 我哋呢d打工仔, 天價海鮮真係負擔唔起, 但你的餐廳超親民價, 讓我們食到平時唔會食到的海鮮, 所有小菜又完全不加味精, 讓我們食得健康又開心, 謝謝你!!

都食左好幾次哩間私房菜，因為都覺得佢地d 菜式同味道都幾岩自己口味，因為唔算有太多間餐廳，食過幾次都依然覺得佢地菜式新鮮又唔膩，同埋最重要係真係好鍾意飲佢地既老火湯，所以每次去都會提早訂定佢地煲既老火湯，味道濃郁，係真心花時間去煲嫁其他菜式都花心思去製作，都真係食得出佢地d 菜式無加任何味精，但都能夠煮出菜式既鮮味。老板都好好人， 佢會同我地講下笑，又親切，同埋環境都坐得好舒服，所以成餐都食得好開心同滿足

本來一心諗私房菜，應幾好誰知。。。。。想要普洱，與水各一壺，誰知職員說不夠茶壺，只可給一壺，之後叫了一條三百幾的海斑，我們問能否不蒸老，職員說不會，蒸得很滑的，結果蒸得老而且太淡，上面配菜又老。荷葉飯太鹹無荷葉味，海鮮煲太淡，菜心老，唯獨招牌菜黃金蝦球還可以，味道好。服務都幾好。職員問我們對食物意見。最後送了羅漢果凍。而埋單 竟然先給一張沒有總數的單給我們，我們是否要自己計總數?於是問職員，才再拿來一張有總數的單給我們。而且這間沒有簽卡服務，真是一餐 大失所望的母親節餐

之前已經系觀塘食開呢間私房菜，原來搬左過黎大角咀，地方大左，舒服左。一大班同事一齊食，每道菜都好食，又無味精。樓底比以前高，講野無甘嘈。食左個蝦丸好彈牙，點埋個汁，一流。燉湯足料又好飲。每次訂位都要預早。富貴夜明珠每次都必食！

認識了大廚寶哥十多年，一直拜服其高超的廚藝和對食材的執着，所以由灣仔店一路跟隨寶哥到現在最新的大角嘴- 喜聚坊私房菜。四月廿八日為新店正式開張日子，怎能不親身到賀？寶哥還有整定幾樣巧手菜宴請來賓首先是冷盤白雲鳯瓜，超級入味肴肉 紅菇湯足料，火喉十足，鮮味四溢，連飲多碗寶哥親自剪開國寶鴨首本名菜國寶鴨，米鴨醸入蓮子和其他配料，甚為花功夫，現在已經冇乜人肯做。想食請預先預定。炒龍䠢魚球最後是單尾陽春麵，上湯足料，麵身彈牙最後祝喜聚坊私房菜開張大吉，事事順利，財源滾滾來。我們一眾食客大飽口福

新開張私房菜同幾個朋友嚟試下 ，都幾多款式咁我就叫老闆娘介紹咗幾道菜式比我們，聽到老闆娘講到好好味咁，上菜見到個樣好好食咁 一食就知老闆娘冇介紹錯好好食大家多可以試下，我下次我一定會再黎食真係好好味等我介紹下今次食咗啲乜嘢先 蒜蓉粉絲蒸貴妃蚌 ，酸菜煮魚 ，元貝香蔥香煎蛋角，咖哩豬扒煲 ，粉葛眉豆豬骨湯

見呢間新開就入去試下，點知又真係幾好食喎！尤其係個秘製雞煲，色香味俱全！海鮮都好新鮮！見隔離枱慶祝生日嗌左個富貴夜明珠，好特別好有新意。同埋員工服務態度好好，下次再同朋友黎食真係值得推介！👍

唔講唔知原來準備咗四個鐘 ，好食到不得了 ，原來秘密喺個鴨胸裏面 ，啲蓮子瑤柱好入味 ，加上赤肉老雞精製嘅肉汁 ，實在太幸福喇。杏汁豬肺湯由精製嘅 手磨杏仁， 細緻之極深入每一個肺細胞， 加上 陳年果皮及特選尾龍骨， 精心淆製四個鐘 ，好味道唔知點講。

本來今日心情好差, 個人好攰, 但食完餐晚飯, 心情就轉好了許多。所以, 真心值得一讚, 菜式色香味俱全, 西檸雞不油不死酸, 皮脆肉嫩, 仲有手繪伴碟, 都係$78, 物超所值! ! 豉油王炒麵, 係我食過最好味的, 不油但麵是脆的, 汁亦非常平均, 連隔離枱飽了也忍不住點了一碟, 哈哈! 秘製貴妃妦更是一絕, 非常大隻, 肉質鮮美! 連平平無奇的雞腳也令人有驚喜, 雞腳本身巳又大隻又新鮮, 味道亦非常好, 非一般只有酸的那種, 吃過才知道什麼叫天外有天人外有人! 最重要係主廚廚藝了得, 但非常慊虛, 竟然跟我說 「錢永遠賺唔曬, 只希望客人食得開心」, 實在難得, 完全感覺到佢對烹飪的熱情! Last but not the least, 老闆娘亦值得一讃, 對男仕來說, 一位外籍男士說她貌美, 對女仕來說, 她溫文有禮, 細心為客人介紹食品, 仲會不時帶客人換碟, 非常貼心。如此有水準、好服務又有heart的餐廳, 衷心希望更多人知道, 更多因為這餐廳而感到快樂! 💖