喜樂點心甜品專門店

黎到長沙灣呢邊見到有間社企又唔駛點等位，所以就試下，等左一陣就有位。見到個menu之後點左蘿蔔榚，叉燒腸，肉餅木桶飯，鮮竹卷，燒賣，春卷。蘿蔔榚，口感算ok,唔會太林同太粉，咬落唔會好易散。叉燒腸，叉燒整到細細粒食落口感特別，腸粉口感正常，整體係ok既。肉餅木桶飯，整體不過不失可以接受，飯又唔會太林，口感係ok。鮮竹卷，味道同酒樓普遍既味道都係一樣。燒賣，口感ok,普遍既點心味道。春卷，食落口感都脆脆地，料就一般，不過不失。。。。總結。。。整體質素算可以接受，價錢又唔算貴。…查看更多

今日同太太第一次試食呢間人氣點心店，叫左以下幾款點心：蝦餃 - 大隻，多蝦，不過皮比較厚；燒賣 - 正常大粒，有1隻半蝦；胡椒牛肉餅 - 外皮夠酥，肉好食；鳳爪排骨飯 - 由細到大都未食過咁難食的蒸飯，只有1件2隻腳趾的鳳爪，排骨似煲湯的肉，無味道，肉淋到梅晒。成盅飯1滴豉油都無，檯面的豉油味道好奇怪。我地食左兩啖已經放棄左。原來想再叫其他點心，但食完盅排骨飯已經無晒胃口。長沙灣有好多酒樓點心店，呢間唔食無損失。…查看更多

這是一間10分差勁的點心餐廳打着社企的旗號但服務態度10分差劣食物質素也不達標第一次吃蘿蔔糕，不配辣醬的多次叫店員也沒有反應叫咗好多次先至有人Seriously?!店員臭口臭面完全不是一個好的體驗剛好坐正門口位店員見到門開着也不關本身有個一蚊湯的優惠其實都沒有關係，但問一問店員他卻很沒有禮貌地回覆沒有認真得罪了什麼？ 俾錢買難受蝦餃燒賣得三件而且上菜很慢，不過人哋有disclaimer 點心，即叫即蒸需時20分鐘，what can I say …查看更多

今次去咗長沙灣青山道一間性價比點高嘅點心專門店，係一間社企營運嘅餐廳，環境方便就腳，餐廳主打點心同埋甜品，點心價格好親民，嗰日中午去場內都坐滿客人，好熱鬧。所有蒸籠點心即叫蒸，保證新鮮滾熱辣。山竹牛肉充滿鮮味，加上喼汁，回味無窮。食物算係新鮮，質素喺水準之上，所以長期都吸引咗好多長沙灣街坊去飲茶。我個人鍾意食佢哋嘅木桶飯。鳳爪排骨木桶飯，排骨同飯嘅份量都幾多，性價比好高。腸粉好嫩滑，餡料亦都好豐富。…查看更多

人均消費約為$51-100，是一個既能品嚐美食又能支持社會公益的好去處。其實呢間食店已經幫襯咗超過10次，食物質素一直都保持水準，由佢開業幫襯到現在👍食到好嘢之餘，又可以幫到人真係好開心😁會繼續支持😊而且呢度嘅食物水準都保持得好好，適合一家大細或者自己一個人過嚟嘆茶座位又舒適👍上菜快😊服務又好好，價錢平民價錢😁好多人喺附近住，都會幫襯吓，而且有好近寫字樓地鐵站行過嚟都唔使10分鐘😍👍👍👍。…查看更多

首先要同大家講呢間餐廳暫時得Walk in！中午時間亦都非常多人嘅 😂😂😂😂😂放假排隊去到試吓係咪真係咁好食!🥢🥢✨喜樂海苔蝦餃✨蟹籽鮮肉燒賣✨金銀滿屋脆皮腸✨古法胡椒餅✨七彩鮮蝦腐皮卷✨椰汁錦鯉魚一個人邊度有可能食到咁多啊🤔點心紙可以揀要兩粒定係要四粒㗎！呢下超加分！當預製菜已經喺香港餐廳出現好普遍！餐廳每款點心都係舖頭師傅整😱😱😱😱呢種熱誠我諗打敗晒成個長沙灣嘅九成嘅餐廳！每款點心上到嚟都係熱辣辣！賣相味道都超班！胡椒餅比較罕見！脆皮腸粉餡料好豐富!!最後梗係要留肚食埋佢個靚靚甜品🤤🤤每個員工其實嘅招呼都好熱情同令人舒服！當我問可唔可以影相呀？可能會影到你個樣啵！佢：”好呀！影得我靚D！係OpenRice多啲人見到多啲嚟食！”🤳🏻🤳🏻希望大家一直支持社企餐廳!佢哋係好有熱誠！同埋呢間餐廳真係好好食㗎🤤🤤🤤🤤🤤…查看更多

月前聽朋友講，長沙湾麗新商場附近新開一間名為喜樂嘅點心甜品專門店，點心好食街坊價，今日特別去食晏，果然如朋友所言點心非常美味😋該店點心即叫即蒸，有些點心每籠兩件，人少飲茶可以叫多幾款，夠貼心🥰今日我哋點嘅沙爹金錢肚入味夠冧、七彩鮮蝦腐皮卷同海苔鮮蝦餃都食出喺鮮蝦、原隻椰皇芋茸燉蛋白唔太甜兼芋頭味濃、椰汁錦鯉魚造型精美；各樣點心食材新鲜味道佳，抵讃👍最最抵讚嘅係喜樂肯聘用弱能人士👍👍👏👏加上食品味美價錢合理，一定會再來😍…查看更多

今日大年初二，全部都晏咗起身，冇預設去邊度食晏，揸車經過呢間新嘅點心店，即管試吓。入到去見到都差不多滿座，都有幾多老人家添，坐低之後，一睇張點心紙感覺好窩心，好多點心都係兩件（我估計為咗方便啲老人家一個人都可以飲茶嘅關係），叫咗八款點心，蝦餃、燒賣、懷舊魚翅餃、芋角、排骨陳村粉同埋鳳爪，樣樣都性價比幾高，對比埋價錢我覺得係淨係水準之上，一定會再嚟支持佢哋，見到個個員工做嘢都好有幹勁又勤力，好少寫食評嘅我都要讚吓。 …查看更多

我屋企附近開吃一間新慨食肆，專係買點心同甜品呢間點心甜品門店係社企開辨慨，聽聞哟價錢十分之公道，環境服務都十分有水準。今日我啦就去試一試它的質素，我啦叫吃喜樂海苔鮮蝦皎，蝦餃响蝦好爽，海苔味好有特色；北菰棉花雞哟雞好滑，棉花又好味，又有好好食慨冬菇；黄沙猪潤腸好有特色未食過用黃沙豬潤做的腸粉，食落豬潤爽，腸粉好味；馬友鹹魚肉餅木桶飯；鹹魚香口，肉餅鮮甜，飯軟熟；最後食埋雨件甜品，有熱冰花嫩蛋及熱播沙湯丸。我啦带住一個好愉快慨心情，正如店铺個名：「喜樂」心返屋企。…查看更多

位於長沙灣的「喜樂點心甜品專門店」是一間主打傳統中式點心及甜品的小店，無論是環境、價格，還是服務，都讓人感到滿意和溫暖。❤️餐廳的座位寬敞，環境整潔舒適。點心的價格親民，每款平均只需二十多元，茶介每位只需五蚊且全日免加一（早上8點至11點更有八折的優惠），性價比極高 🌟 當日點了多款特色點心，當中有幾款屬於平日較少見的招牌菜式，非常值得一試：1. 流心鵪鶉蛋燒賣（$35） 🔥這款點心是餐牌上價格最高的蒸點，初看外貌與普通燒賣相差無幾，但品嚐後才明白它的特別之處。一口咬下去，燒賣內竟藏著一整顆半熟的鵪鶉蛋，蛋黃呈流心狀，層次感相當豐富。這款燒賣味道出乎意料的驚艷，推薦給所有第一次光顧的食客😉 2. 古法胡椒餅（$18） 🔥胡椒餅若掌心般大，外皮烘烤得香脆，表面覆蓋著滿滿的芝麻，增添了香氣。餅內的餡料紮實，胡椒味十分濃郁，帶點微辣。這款點心將傳統的風味演繹得很好，十分值得一試😋 3. 蜂巢炸芋角（$16） 🔥蜂巢炸芋角是中式點心中的經典款式，而這裡的芋角做得非常出色。外層的蜂巢狀炸粉酥脆可口，入口不覺油膩。內餡的芋泥綿密，搭配豬肉蝦米等口感豐富。與一般酒樓相比，這裡的芋角顯得更大，賣相討喜 ✨除了點心的水準令人滿意外，「喜樂」的服務也讓人印象深刻。餐廳作為社企，聘請了不少弱能人士（智力障礙或自閉症人士）作為員工，但他們的服務態度非常好，對顧客有禮貌且細心周到。例如我曾要求打包外賣盒，員工都能迅速回應～ ☺️☺️總體而言，「喜樂」無論是食物質素還是服務水準，都非常值得稱讚。作為一家社企，這裡不僅讓食客可以享受美食，還能以實際行動支持弱勢群體 💕 下次有機會，我一定會再來品嚐他們的甜品，並繼續支持這間用心經營的餐廳！💪🏻💪🏻…查看更多

上星期幫襯過呢間社企：喜樂點心甜品專門店覺得好好食，今個禮拜日要翻炒多一次，上次食嘅黃沙潤豬潤腸、同埋海苔蝦餃味道十分之好，今次再叫，同樣高質素、又試下其他不同嘅食物，倒如叫咗排骨陳村粉，豆豉好好味；招牌嘅古法制胡椒餅、充滿胡椒香辣味十分有特色；生煎白玉花枝片、同好耐未食過嘅魚翅餃，充滿懷舊嘅味道，最後一定是甜品，我哋原隻椰皇芋泥燉蛋白，覺得十分有椰子及芋泥的香味，總而言之，好味、好味、好好味，下次一定會再幫襯。…查看更多

我哋屋企附近開咗一間新嘅食肆，專係買點心同甜品，今日我哋就去試一試嗰個質素，我哋叫咗喜樂海苔鮮蝦皎，蝦餃啲蝦好爽，海苔未好有特色；北菰棉花雞啲雞好滑，棉花又好滑，又有好好食嘅冬菇；黄沙猪潤腸好有特色未食過用黃沙豬潤做嘅腸粉，食落豬潤爽，腸粉好味；馬友鹹魚肉餅木桶飯，鹹魚香口，肉餅鮮甜，飯軟熟；最後食埋兩件甜品，有熱冰花嫩蛋及熱擂沙湯丸。呢間點心甜品專門店係社企開辦嘅，啲價錢十分之公道，環境服務都十分有水準。…查看更多

近期發現屋企附近開咗一間新嘅食肆，原來是一間社企開辦的，店鋪質素十分好。今日我哋去幫襯一下，發現點心好有特色，有豬潤腸粉，好少在第二間酒樓食到，豬潤新鮮軟滑，好好味。另外又有木桶馬有鹹魚飯，鹹魚唔太鹹，有鹹魚味，飯亦好軟熟，另外食咗棉花雞，棉花雞啲雞好滑，魚肚有好味。之後食了一啲點甜品，包括有冰花燉蛋，雷沙湯圓，好耐冇食過呢啲嘅甜品，覺得好有新鮮感！呢間點心甜品專門店值得我哋再去，希望大家都支持社企，多啲幫襯使好多有特別需要嘅人士得到幫助.…查看更多