喜喜冰室

營業中

休息中

想去好耐，終於有機會試下，餐廳地方以懷舊作主題，坐位分隔十分寬敞，還有外座、乒乓球檯、小朋友踩懷舊單車，大細兼顧耍樂，服務態度十級殷勤有禮+風趣，食物大件夾低食，價錢合理。社交平台 follow 有9折👍#什錦扒鐵板套餐「雞、豬、牛、牛脷、司華力腸半條、西蘭花、秋葵、波蘿、煎蛋」+白飯+牛油多士+花生雞腳湯+$3凍0茶（牛油多士必食，香脆，食完口不乾涸，聽靚女講，用鐵板㶥脆，所以香脆，但不乾）🤤#索女餐 「黑松露炒滑蛋配多士、忌廉湯雞粒通心粉、熱好立克」忌廉湯比較稀左d，普通一個常餐，都可接受

是附近街坊。連吃兩日，總之明顯差了，野食難食了，人情味沒有了。計美味廚之後另一損失。sogo 附近還有沒有好食可靠實惠的街坊餐廳？唉！！！ This is such a travesty for the neighborhood.

喜喜嘅茶餐係我最愛茶餐之一喜喜嘅多士絕對會令你想食多塊！比起平時普通茶餐廳嘅跟餐多士呢度嘅多士應該係即叫即整個多士面 每次食都係香脆💯另外喜喜嘅茶底又係100分！鍾意飲凍檸茶走甜嘅我 茶底非常重要香濃但唔澀口 💯💯💯

舊鋪時間中都會食下，鍾意個懷舊裝修，食物就一般不過不失。搬鋪後多年都無去過，早前在附近就打算試下啦，點知中大伏！新鋪裝修其實比舊鋪更有心思，一入去時都幾有期望，卡位又好得意，重打算下次同朋友黎。 叫了一個豬肝薑湯通粉，凍檸茶。第一次黎錯個公仔麵底，我唔食公仔麵就再換比我啦。再食豬肝超硬又有怪味，檸茶唔識講，我覺得我求其自己用紅茶包都會沖得好飲過佢！檸茶都可以搞成咁，都好意思叫自己做冰室！算啦，都費時出聲，求其食兩啖粉填飽個肚，當自己唔好彩就算啦！點知臨起身去埋單，個光頭男侍應粗聲粗氣命令叫我將個胡椒粉樽放返好！70幾蚊一個超難食餐，我都算，係咪要我自己抹埋檯先走得啊？呢間野真係送比我都唔會再黎！！呢個價錢就算係銅鑼灣都超多選擇，大家千祈唔好中伏貼錢買難受！

一間裝飾好懷舊嘅茶餐廳🍴好耐之前都有聽過呢間好特別嘅茶餐廳啦，佢嘅裝飾好懷舊，同埋播住啲好舊嘅中文歌，有少少似番左以前嘅年代一樣😆 佢嘅餐牌都好特別，感覺都係好懷舊，我就試左佢嘅「型男餐」😂😂 個名好搞笑，另外佢都有個叫做「索女餐」😂😂 「型男餐」包括蔥花火腿炒蛋、芝士牛油扒多士同埋蕃茄牛腩濃湯伊麵😋 我覺得個芝士牛油扒多士整得好出色，好香口同埋好脆👍👍 飲品就揀咗B仔鴛鴦，好耐都冇飲過呢個啦！

好耐冇去喜喜，原來銅鑼灣店搬咗，點知大失所望，店員好似當你透明，叫極都唔理，態度惡劣，呼呼學學，叫咗個早餐，沙嗲牛肉意太咸，意粉又太軟，餐具又唔乾淨，地下又污糟。

叫餸食飯大家多數會去咩地方？小編係銅鑼灣搵左間旺中帶靜既餐廳俾大家·仲以為佢係普通舊式茶餐廳·原來食落先知咁正😆一定要介紹俾大家位於銅鑼灣百德新街一間舊式冰室😜門口有張乒乓波枱🏓同小朋友單車玩架🚴‍♂️—————————————————☻非專業食評·純個人口味☻食落有老師傅功架·價錢唔算貴但落足心機整👍👍由其炸子雞同沙嗲金菇肥牛係好出色·係銅鑼灣想叫小菜食以又有咁平味道算中上真係好小·仲要碟碟上枱熱辣辣😋大家都明白銅鑼灣租金貴·果個位你唔行入去唔上網做功課可能好小人會知·銅鑼灣想平平地食小菜小編大力推介

喜喜冰室算是銅鑼灣鬧市中的老牌茶餐廳了，去年到銅鑼灣週末上堂的時候週週都來吃早餐。今天閒逛到附近，停下來飲個下午茶。 每次來到這裏都會被店裏古早風的裝飾吸引，時光彷彿倒退到幾十年前。點了兩樣點心，都是這裏的招牌。菠蘿油鬆脆可口，蛋撻細軟綿密。希望這樣老牌的茶餐廳常做常有，一直在城市裏作為人們的歇腳處，一個可以停下來的地方。

食物味道一般，勝在有露天座位方便吸煙人士進食，廚房有落味精做調味，本人本身有味精敏感，用餐後勁眼瞓 (眼瞓程度好似通宵一晚無瞓) 以及有水腫反應，當日我叫咗"四人餐"。

第二次幫襯，基本上食物一如既往極度難食，但勝在有露天茶座可以煲下煙，服務唔好諗會有因為這是理所當然的，而且連最簡單嘅火腿奄列都可以做到異常難食，但平心而論佢的確提供咗一個非常之唔錯嘅煲煙好地方..

到銅鑼灣經過百德新街，咁啱見到「喜喜冰室」， 好耐冇去，原來佢搬咗新嘅地址， 地方大左，設計好得意, 好舊式，我都未見過😚餐牌好多款唔同既食物， 叫左2份 《Happy Breakfast 》 ， 食物好快就送上😋煎雙蛋+牛油通粉+牛油多士+凍檸茶 $42煎雙蛋+沙嗲牛肉意粉+牛油多士+凍鴛鴦 $49煎蛋邊夠脆， 多士夠熱👍🏻👍🏻😋😋😋😋😋坐出邊舒服（天氣未太熱）但我怕飛嘅動物，所以都係坐入邊穩陣😇

今日一早起身要去銅鑼灣，去咗喜喜冰室食早餐，叫咗早餐A，好抵食$39，煎雙蛋多士火腿通粉，熱奶茶，味道雖然正常，但係值得讚嘅係多士外脆內軟，熱辣辣，同埋份量好多👍🏻👍🏻👍🏻，同埋因為疫情，啲飲品會有個紙蓋冚住好衛生👍🏻👍🏻👍🏻

法蘭西多士係用煎多士既方法，所以會覺得無咁油膩，因為要慢慢煎，製作需時亦都較長， 西多士好厚身，煎到兩面都好金黃色， 賣相非常吸引，麵包都好鬆軟，配糖漿牛油食，啖啖滋味。

如果唔係朋友帶我去，我都唔知銅鑼灣有間咁懷舊裝修嘅茶餐廳，牆上擺咗好多舊卡式帶，以及掛咗多張舊嘅學校畢業相。餐牌都有好多張，而且每張嘅設計都好特別，無論圖案及字體都睇得出好有創意，仲有擺放牙簽及方糖嘅不銹鋼容器，都好懷舊感。最特別係電視機播嘅都係好舊嘅電視或MTV片段。睇完餐牌後，就叫咗兩個蛋撻、鴛鴦太極炒飯、熱檸水、熱檸茶及凍檸茶。蛋撻$9個，細細個好味道，一個人都可以食到兩個。鴛鴦太極炒飯$96，份量都唔細，賣相及味道都唔錯。總結：無論早餐、湯粉、小菜、鐵板餐、中西式粉麵飯都有，出前一丁仲係用日本版，難怪餐室內外都有咁多食客。

Ouiii。WeeeEat - 銅鑼灣- 紅Van 主題懷舊冰室🍳🌝Lunch非一般既懷舊冰室以香港紅van 做主題：座位令你感覺置身於小巴中，食野落單就要禁下鐘仔😳～👱🏼‍♀️All Day Breakfast $78 📍牛扒，火腿，炒蛋，司華力腸，蘑菇，薯蓉，茄汁焗豆，蕃茄，多士足料全日早餐， 食飽飽迎接新嘅一日😌 牛扒非常juicy 🤤👱🏼‍♀️蕃茄牛腩粒米粉（配牛油多士炒蛋）$57驚喜又有點失望既一個餐🤭～ 好surprise 佢個油多食落好香口， 同出面一般茶記不同😍！ 但個米粉比較失色，牛腩粒很碎，湯底加左Tabasco，太重手，覆蓋左蕃茄湯應有既味🥺2 個餐都包飲料，凍飲就要加$3。另外，有小朋友嘅你地就非常合適，餐廳門口有個大空地，可以享用兒童單車設施🤩～