唐記包點 (港鐵葵芳站)

營業中

休息中

今日經過這附近便來買兩個包吃當早餐吧選了兩個包: 1)麻蓉包$5  ;  2)蕃薯包$5十分便宜卻很大個呢!又熱辣辣的1)麻蓉包$5....(9分)包身軟軟的..餡料是芝麻蓉但有點像在吃白芝麻湯圓呢~幾特別的包..!2)蕃薯包$5..(10分)包是紫色的令人以為是紫蕃薯呢不過原來都是黃蕃薯-3-餡料很多又有蕃薯味!熱辣辣真係好似食緊真既燒蕃薯咁..$5好平呢!

老闆娘今天突然要在下前往葵芳"名門"購買一盒叉燒和一盒燒飯，叉燒飯則由老闆娘自己吃，另一盒叉燒則由咱們同事一起食。在下乘機在名門購買外賣點心，可是事與願違，名門點心外賣要等候二十至廿五分鐘，其原因是即叫即蒸，而在下看看時辰已經差不多到午餐時間，決定不等，免得老闆娘發愁。既然出到來，一心也想吃點心，然而不等名門點心，只有改為在附近的唐記包點。在下因為尚有一碗通粉吃，所以只能點選兩個點心，一個是雞扎，另外一個是鵪鶉蛋燒賣。從雞扎看，腐皮包著豬肚，魚肚芋頭和雞肉，腐皮很腍也有腐竹的香味和味道。一般茶樓吃到的芋頭較硬及沒有芋頭粉，而這裡的芋頭則蒸得很腍，亦有芋頭的粉，而在下喜歡吃到的芋頭是有點粉狀。而豬肚也弄得較腍，不太硬。在下很少機會吃到鵪鶉蛋燒賣，尤其這十多年也沒有吃過，今次就試吓吧！燒賣皮包著豬肉，蝦和鵪鶉蛋，連成一體，吃下鵪鶉蛋時，與以前吃到的一樣有蛋味，而豬肉則包得較實，吃的時候有咬口，也沒有太多的肥肉在內。在這兩款點心都是經常吃到的點心，反而在下覺得雞扎弄得像茶樓般的味道，令在下有點回到過去在茶樓飲茶時，吃到雞扎的味道一樣。

唐記聽就聽得多，一次都未去過買take away嚟食。自己近年就見到有好幾間以靚裝修去模仿佢既點心專門店出現。做得老大哥(近幾年開了十幾廿間分店)，確有潘咁上下實力！今日終於開到黎葵芳，返工食早餐又多個選擇，埋到去排隊有4個人整整齊齊排近隊。維持秩序個姐姐都好有禮貌叫人排好隊，等咗4分鐘，佢隻足料糯米雞幾吸引，我叫一隻試下佢既食力。返到公司我打開河葉，班同事即刻v嘩鬼震，話咩野咁香，又話要食埋一分，驚死係隔離房嘅老闆唔知我偷食近嘢？！我立刻不顧一切，集中繼續食嘢，唔理班友仔。糯米做得好諗身，不爛，真的好有河葉味。食入去見到有舊擦子膠咁大既叉燒、有舊大大雞件、有粒高膽鵪春蛋，加埋堆肉碎蝦仔溝埋一齊，炒得好香口，真的不賴，不單足料、而且係高質素！

唐記包點係葵芳mtr開分店都有一陣子，自己本身不嬲食開附近包點先生，附近都有2間，質素都唔錯，款式都很多。今天早餐試下新嘢排了5個人，一分鐘到我，叫咗個紫紫的蕃薯包及叉燒包。size真的比食開的要大，食落餡料都好足。蕃薯包的餡係真材實料，用蕃薯做的，有蕃薯香。叉燒包有粒粒叉燒粒，外貌並不是茶樓的那款爆口嗰隻，多謝承惠$8.5，平成咁。飽到下午飯唔食，到下午茶先再開餐。

巨P運動會早放, 我當然要買定午餐回家等他可以補充體力路過就想起這間時常排滿客人嘅排隊店, 那當然要幫襯一下試試威力我就用$20買了盅章魚肉餅飯再加豉油 (阿姐問我要唔要落豉油？)回家後巨P立刻來吃這熱辣辣的蒸飯打開飯盒......章魚肉餅真迷你, 直情是早茶時段$10都唔洗嘅小兜蒸飯size ; 這盒飯嘅飯粒唔夠sharp, 濕濕地又軟淋淋咁~ 一點也不好吃, 失望肉餅無筋性而且章魚粒都無香味, 更加失望巨P原本話唔緊要有豉油撈飯都好, 點知找找吓發現豉油都係落咗好少, 根本唔夠捞飯我唔會再幫襯啦

今晚晚餐過咗去葵芳mtr 站買唐記點心外賣,7點幾去到,已經有一條頗長既人龍,另一邊又有一堆人等緊叫號碼,之前已經鎖定自己叫乜,唔晒排到去先睇阻住後面,一個人食叫咗一個鳳爪排骨飯同雞扎鳳爪排骨飯>>味道唔錯,賣相ok,雖沒有酒樓咁好味,但廿蚊一盅飯,真係抵食,而且份量亦不少!!雞扎>>呢個就味道還可以,有d硬,味淡,但算足料,

今天放工專登去試試這新店,睇下同包點先生有咩不同.叫左個叉燒包同香菇雞包.叉燒包是最能表達其實力的包之一,而香菇雞包想睇下有咩菇味同雞肉質素.食個圓既,一咬,心感不妙,好乾,包皮好多洞洞,是典型的發粉包,是不經酵母或加老麵發酵的.再食個餡, 唔係叉燒包,佢俾左個炸菜肉包我,服務俾1分算好. 個餡無肉味.食個麥穗形既雞包,菇味好淡,應該唔係乾香菇,而是濕香菇,口感有d靱,我懷疑是加左其他雜菇. 叫雞包,應該是以肉為主,但個餡d肉不多,可惜. 香菇雞包是以菇味及肉香最重要,但這兩者欠缺.上星期在包點先生食左個醬汁牛肉包,但有牛味.我以為夠膽在地鐵開店,一定比包點先生優勝,但事實卻唔係.

裝修了很久的唐記包點終於開業了,位處港鐵站出口及交通燈必經之處, 人流一定不成問題。店面最吸引是那些蒸飯及點心照片, 在飢腸轆轆之時望見口水定必直流,也許是位置及衛生問題,在店前是看不到丁點食物蹤影,不是另一家包x先生般有個開放式廚房隨意觀看,只是2個收銀, 四個阿姐在準備食品予人客,雖然人龍蠻長但流量也不慢。首次光顧唐記當然首選蒸飯,同價的鳳爪排骨飯剛好售罄,退而求其次的豉椒排骨飯($20)也可以。側面廚房裡以蒸櫃及蒸籠蒸盅仔飯,一向都認為以瓷盅蒸飯是比塑膠碗的蒸飯有風味也好吃得多;以有凹凸店名的泡泡膠盒外賣,焗過後食味稍減已有心理準備,誰叫這裡不供應堂食哩。份量不太多的全瘦排骨醃得夠味肉質不韌, 但外觀乾乾的像放了很久似的,調味也不見得突出,不太有酒樓排骨風味反而像家常蒸排骨似的,只是家裡蒸的排骨外觀也不如這幾粒般乾身,也許水蒸氣關係飯粒是不Q的,畢竟這裡全是外賣,師傅調教米水時可以稍稍減少,經過飯盒的倒汗水,飯粒就會濕潤一點,相信效果會較現在的有嚼勁, 現在的有點過軟了;是次豉油下得很少,就算不夠餸也沒有豉油伴飯唷,蒸飯還配水煮椰菜少許,沒有什麼調味,而椰菜本身也不太甜美,作用就

今日是萬聖節，沒事幹的我返工後就立即回家，在葵芳地鐵站旁新開了這間包點店，見有點肚子餓就去買了一個香菇雞肉包試一下。誰不知包一到手，我就從包上見到一小黑點，有所懷疑，所以立即給店員看，她就立即連聲對不起及換另一個給我。新嘗試變驚嚇，雖然是日萬聖節，但都不用這麼「邪」吧！再講味道方面，雖然是熱騰騰的，但本人仍是覺得酒樓的比較好吃。這間包點店除了中式麵包外，也有一些中式點心，例如山竹牛肉，希望下之去的時候不會再有驚嚇吧。

香港人一向都不大重視中式包點,視之為老餅老點,反而西式麵包蛋糕店就開到成行成市.唐記包點引入電腦打飛,於港鐵站開店,一洗老餅形象,應該可以成功打入年青人市場.路過買了兩個中式包,分別係叉燒包和菜肉包.叉燒包面頭有少少芝麻,由於分量太少,根本食不到芝麻香,我猜那是用來識別叉燒包的標記.包夠大隻,是傳統一籠兩隻那種尺碼.肉餡香甜,蠔油汁較得剛好,味道不輸酒樓茶樓.菜肉包的肉沒有蠔油汁,肉味反而更出,配料椰菜清爽,值得一吃.天氣漸涼,吃一個熱騰騰的中式包點,比起凍冰冰的西式吞拿魚包,更加暖胃.預期唐記包點,會在港鐵站越開越多.