唐記包點 (佐敦大廈)

營業中

休息中

一日三餐唐記包點都可以滿足到你其實一直都只是早餐時段幫襯唐記。例如腸粉，燒賣和他們最出色的蒸包。但今晚放工實在太累了，但又很想吃清淡 一些，剛巧回家途中就被佐敦道的唐記包點香噴噴飯味攻出嚟，所以我決定試試他們的蒸飯，同時間看到有新的咖哩飯出，一於試個夠小小的店鋪但是有超多選擇鹹魚肉餅飯和鹹蛋肉餅飯如果我說非常好食，你未必相信。但以個價錢衡量分量和質素一定冇得輸。鹹魚肉餅雖然不是很濃的梅香，但鹹魚味加上結實的肉餅，誠意地配上小小椰菜，另外附上蒸飯 豉油。白飯份量接近碗半，男士一定夠食。咖哩牛筋腩飯 $29沒看錯，真的有數件牛筋， 牛腩也非常之琳， 配咖哩汁很開胃 . 如果需要加飯底呢個飯就啱哂！相信有兩大碗飯份量鵪鶉蛋燒賣不多酒樓再呢款點心， 簡直是兒時回憶啊！

返工返到好攰有時好晏先返到屋企 冇時間煮飯畀阿女佢哋食所以我成日都去唐記包點到買佢哋嘅點心同埋飯返去做晚餐幫你落完單之後 就會有職員即場喺個爐入面拎新鮮熱辣辣嘅點心出黎 用心製作唐記包點每日都有精選嘅蒸飯套餐 而今日嘅精選就係 章魚肉餅飯 $17大大盒飯 夠飽肚之餘 個肉餅都好大份 材料絕對唔馬虎 非常抵食 另外再叫多個滷蛋滷肉飯 $29飯同埋滷肉汁 會分開上 滷肉肥瘦適中 醬汁甜而不膩 滷蛋亦都好入味 不過我自己就最鍾意食佢哋嘅足料糯米雞$21糯米雞餡料十足 仲要係好大份 食一隻已經好飽另外我再買咗幾個包點比阿女食阿女鍾意食蒸包所以買咗菜肉包 叉燒包 菜脯肉包返嚟食 每款包都只係$5.5 非常抵食簡直係佢嘅至愛最後買多籠雞扎同埋山竹牛肉 $15@拍得住酒樓嘅質素 大件又抵食最緊要係夠方便放工 經過唐記包點就可以買到嚟食 經濟又實惠

唐記，總會有一間係附近，平時都好少食，因為中意食西式野食多d。今日行經佐敦間唐記包點，原來唐記除左點心之外，仲有特式客飯。例如有咖喱牛筋腩飯。滷肉滷蛋飯、咖喱雞飯、豬軟骨飯等等，而且每款都係$29非常抵食。我叫左個咖喱雞飯$29，雞嘅份量都算好多，有紅蘿蔔、洋蔥、薯仔做配菜。咖喱味香濃，帶有點微辣，咖喱汁拎黎撈飯一流。每一日都有一個蒸飯特價今日星期三，做緊$17蚊優惠既係北菇雞飯。雞既肉質腍嫩，飯上面仲要有d椰菜做配菜，份量都唔少，$17蚊真係抵到爛。點心又係做緊優惠，款款都係$15。所以叫咗一客鵪鶉蛋燒賣同沙嗲金錢肚。鵪鶉蛋燒賣$15，一客有3粒，而沙嗲金錢肚非常入味，只係略厭白蘿蔔有d渣。最後，買左一個蓮蓉包比bb 食，個包既size都佔左bb塊面一半，非常大個，食到佢舔舔脷。

佐敦唐記就位於巴士站後面， 放工等巴士返屋企路途遙遠，當然要去唐記買個包頂頂肚， 諗諗下橫掂都係食不如買埋晚餐返屋企， 如是者就買咗三個飯同埋點心， 順便買埋嗰兩個包比個女聽朝做埋早餐， 快靚正。-豉椒排骨飯 17豉椒排骨係是日特價的蒸飯，只係17蚊， 材料同平日 一樣多，冇因為做特價而減少兩舊 排骨。 原來佢每日都做緊一日一特價， 17蚊堅係抵食。-雞蛋牛肉飯22雞蛋牛肉飯即係平時酒樓的山竹牛肉配煎蛋， 最欣賞係豉油可以分開上，返到屋企先再淋上去。 椰菜又比得十分多， 即使唔係特價都十分抵食。-叉燒包5. 5熱辣辣，叉燒唔會太多肥豬肉，調味適中。-香菇雞包5. 5香菇雞包有營養師推介過，有肉又有菇， 營養均衡。-豬軟骨飯29-飯同埋餸分開上， 咁啲醬汁就唔會畀啲白飯索曬， 呢點絕抵讚。 豬軟骨條條軟骨都炆到淋一淋， 即使小朋友牙仔細細都絕對咬得到，爽口好味。燒賣15豬肉燒賣4粒 都大大粒， 而且真材實料入面有蝦有豬肉， 抵食。-雞扎15平時小朋友要返學冇得同佢飲茶， 整件雞扎佢過下癮，雞扎 材料多，雞肉、冬菇、魚肚、芋頭腐竹 ，飽肚又滿足。

今日去開佐敦, 幫D戰友去唐記買外賣佐敦呢間極多人幫親仲發現唐記多左新野, 除左點心, 蒸飯, 仲有粥品, 腸粉, 同埋新款的肉燥/猪軟骨飯~不過粥品類賣晒!!! so sad唔緊要, 仲有咁多野食~真係買左勁多, haha~ 好重~唐記燒賣係我至愛，成日都食, 大大粒又足料牛肉球都正~ 至於鮮竹卷有驚喜，d料好足，仲有三舊添～菜肉包超新鮮, 個包夠軟稔稔, 仲熱辣辣腸粉方面，好滑，我加左甜醬花生醬，芝麻！混醬是常識吧～特別推介呢2款飯, 真心正, 只係$29一款, 抵食到暈猪軟骨飯猪軟骨煮得好腍，軟綿綿容易入口，又不會太肥仲有蘿白, 都好入味, 多汁~滷肉滷蛋飯滷肉超級入味同超好送飯!!!  多汁, 撈飯一流~飯及餸之分量剛剛好~試埋杯奶茶, 夠濃夠滑

〈唐記包點〉又平又抵食，分店又夠多真係好多人都知，所以每次經過都差唔多每間都大排長龍，超多人的。今日有幾位女性朋友嚟我家小聚，唔想食得咁heavy，所以就派我放工後去附近嘅〈唐記包點〉買少少蒸包同蒸飯返去一齊食。喺門口已經見到原來佐敦分店設有每日特價精選，$17一個飯，今時今日嘅香港真喺邊度搵得到。同其他分店一樣，除咗有各色嘅蒸飯，蒸包，點心外，仲有粥品同幾款特色客飯，超多選擇。特色客飯有〈滷蛋滷肉飯〉，〈咖喱雞飯〉同〈豬軟骨飯〉，三款都好吸引。揀好之後就等店員姐姐喺度執齊所有食物就可以拎走返屋企。〈燒賣〉$15有四粒燒賣，平過好多酒樓，但味道絕不比酒樓的輸蝕，抵吃抵吃。〈番薯包（左），香芋包（中），菜肉包（右）〉最期待一定係唐記嘅包點，又平又高質真係已經出曬名！！番薯包同香芋包甜甜地，餡料非常綿滑，必定要吃！！菜肉包內餡料豐富，有菜又有肉，營養均衡之選。〈奶黃包（左），黑麻蓉包（中），紅豆包（右）〉三款同樣都係甜甜地嘅包，滿滿嘅餡料真係令人好滿足。〈足料糯米雞〉店員姐姐極力推介一定要試糯米雞，話我哋女仔真係一餐食一個就一定夠飽，又一抵食之選。打開糯米雞裏面真係非常足料，而且真係一

星期六公司突然要開會，將我庸懶的心剪碎，路經依間包點店，成日都好多人排隊發現佢除左有包仲有好多嘢食蒸飯原本22蚊，但每日有款做特價，只係17蚊佢主打嘅蒸包，只係5.5，大大隻，有甜有鹹原來佢仲有點心，一般款式都有，都係均一價15蚊蒸飯，蒸包就放囇起依D蒸櫃內，一目瞭然，因特價飯好搶手，賣完一轉要等十幾分鐘先有，但係而家通街食嘢都要幾十蚊起跳，好多人都願意等待最後用咗八十幾蚊做咗個自製早午餐同同事分享，大家都食得好満足，佢嘅蒸飯足料，好抵食

雖然唐記只係一間好普通嘅連鎖包點店，但我都忍唔住要上來留返個好評我係佐敦呢頭返工，係未搵到唐記之前，我都係捱四十幾蚊嘅茶記(心諗點解茶記都咁鬼貴，又唔算好好味，唔通呢頭d租都好貴？)自從食過唐記之後，我每個禮拜都會食兩次$22一盒飯，餸嘅份量接受到，都算送到大部分飯，味道又唔錯，真係窮人恩物啊而且蒸飯都幾健康，就算病左都可以照食，唐記已經係我飯堂了。唔知係咪佐敦店嘅生意麻麻，佢成日都推出d優惠，本來蒸飯已經比其他唐記平$5，即係$22，而家仲搞埋每日精選，叫指定蒸飯只係$17咋！今日係鳯爪排骨飯做特價，賣相就算啦，最緊要好味夾飽肚～幾鍾意佢每盒飯都會配椰菜，我唔敢講椰菜好健康，但每次有d菜食下心理會平衡d。睇來唐記有新飯出，咁我又多個選擇了搵日去試下先