唐宮中餐廳

營業中

休息中

和朋友們聚會，見有85折訂座優惠，便決定一試這家餐廳。我們點了多款食物如下：蜜汁脆皮燒（$158）外表泛起油光，外皮香脆，肉質軟腍，蜜汁味甜美，質素不俗。知心炸蝦餅（$238）一共八件，口感像蝦膠一樣，味道濃郁，配漁露汁，是人間美食。百合蜜豆炒帶子（$248）帶子肉軟腍新鮮，配蜜豆及雲耳，更清新健康。蒜香牛柳粒（$218）每一顆牛柳粒均彈牙有嚼勁，肉汁豐富，配爽口的黃椒及紅椒，味道更有層次。漁香茄子煲（$148）熱騰騰的，每一條茄子吸收了醬汁的香味，配白飯一流，在冬日吃這道菜更感溫暖。雙冬炆子雞（$178）雞肉嫰滑，醬汁調味適中。蔥爆羊肉（$158）羊肉切得薄身，京蔥爆香了，而這道菜份量不算少。咖哩牛筋腩（$188）用星形的大碗盛載，外型特別。牛筋腩炆得入味，肉質爽滑，牛筋充滿骨膠源，青椒和薯仔亦充滿咖哩的香氣。這頓晚餐性價比高，環境亦舒適，服務亦滿意。

一直都聽講這唐宮小菜好吃，今日終於有機會一試。傳統的酒店中菜廳設計，枱與枱之間的位置夠寬廣，唔使擔心影響到隔離枱，很適合與舊同事邊吃邊笑當年。服務到位，年輕既服務員或有經驗的姐姐都很有禮貌和耐性，需要詢問詳情的時候他們總會很快便出現。隨意點了幾款自己想吃小菜的，味道都無可挑剔。鯪魚球，嫩滑香口，鱈魚鮮香，食到我停唔到🤤乳豬亦很脆很香口。甜品方便，點左焗布甸，燉奶，無論賣相或味道都很優秀。已決定要再幫襯。

之前拎左「香港夜饗樂」既唐宮中餐廳港幣＄100餐飲消費券，下午6:00後適用，收工去岩岩好唐宮@九龍維景酒店，酒店較舊式，樓底唔高又冇華麗裝修，中菜廳坐位闊落，員工服務好有禮貌。兩個人食除左可以用兩張＄100餐飲消費券，餘額用匯豐卡仲有 85折，真係好抵！酒糟香浸明蝦＄88:淡淡酒糟香味，一客有6隻份量好足，yummy蝦籽冬筍 ＄68:布咩賣相，不過冬筍清脆細嫩幾好味瑤柱醬烤茄子＄68:瑤柱醬好香濃，好邪惡球野菌燴原條海參 ＄88：一客有成條海參，仲要唔細條，炆到好入味黄金流沙脆蝦球（半例）＄128：都係布賣相，但係咸蛋王份量十足，又保持濕潤，蝦好大隻叉彈牙，超正珊瑚龍皇鍋塌豆腐（半例）＄108:第一食鍋塌豆腐，原來係將豆腐浸漬調料，醮蛋液再油煎，再加雞湯微火塌制，手工野，鍋塌豆腐外層有d似麵筋，内裡好滑，龍皇汁有好多海鮮，夠鮮味生磨腰果露伴擂沙湯丸＄48：份量十足!腰果露又滑又香，擂沙湯丸有4 大粒，流心芝麻餡勁香四＄48真係超值，平時去糖水鋪，只叫一碗腰果露或叫一份播沙湯丸都幾甘蚊啦•川貝陳皮燉雪梨＄48：成餐最有擺盤既一道菜，用左個星星碟，雪梨去左芯開左蓋，清甜滋潤又有果皮香，正

Big reunion in the private room. It’s been so long since the last group yum cha- so many dishes, like a buffet!Server explained they just changed the menu, so some new dishes and missing some old ones. Here’s what we had.鮮果明蝦沙律Steamed:-香茜鳳冠餃- not a fan of coriander. So I passed. -小籠包-蝦餃-豬潤燒賣- they didn’t serve the normal 燒賣 anymore. 蘿蔔絲酥餅焗叉燒餐包羅漢齋春卷- very good 甘筍蓮藕餅蔥花炸兩陳皮牛肉腸雞蓉粟米羹- (or what’s left of it)乳豬全體- someone was disappointed thinking they ordered the one wrapped in the little white pancak

I've been here a number of times, but the most recent one was horrendous beyond measure. They used to be a lot better. I cannot speak for the dinner menu, but our experience during lunch hours would require borrowing your hands as well, because face palming with two hands isn't sufficient to show the distasteful dissatisfaction I have for this restaurant. Of course, most people come here for dim sum isn't expecting extravagant dishes, but somewhere that is easy to book, and family friendly to br

呢間中式飲茶嘅地方就喺我嘅工作地點附近 ，呢間餐廳喺酒店入面 環境就唔使講，一定係比普通嘅茶樓舒適 ，相對地價錢一定比出面嘅普通茶樓貴啦 ，不過佢所有食物嘅水準都比一般嘅茶樓好好多 平時呢度下午時間 ，喺weekday 係book到full曬冇位淨， 喺宜家疫情咁嚴重嘅日子 ，好多茶樓都好吉 呢間嘅茶樓都， 比平時少咗好多人 大概有一半人倒啦 ！所以為與為之間嘅距離都可以有一張枱以上， 大家唔使擔心， 我特別介紹呢度嘅菠蘿叉燒包 ，比出面嘅更加豐富嘅餡料同埋結實 ，真材實料嘅感覺 另外佢哋呢度嘅牛筋都好冧！

上月冬至光顧圍餐；食物份量碟頭都算足够,有招牌茶香雞幾好味,但其他餸菜水準一般比外面連鎖酒樓更不見突出！可能定位較多, 故安排在主聽對面的宴會廳,15人坐一桌大枱也算舒適！至於人手可能有的緊張,招呼就系一般了。

周末陪长辈来这间位於何文田的維景酒店饮茶，或許因為位置吊腳，前來幫襯的多數是區內長者街坊。價錢以酒店來講，算是抵食，茶位$18一位，是日叫了龍井及普洱，出乎意料的，茶水質素頗高。除了點心，餐牌亦有不少京川滬小食選擇，點心的種類亦算多且有新意。講下印象深刻的幾種食物：紫菜鮮蝦墨魚餃$53 有新意的組合，蝦仁與墨魚的組合非常彈牙，加上紫菜更能襯托出味道的鮮美。四川口水雞 $78雖然不是正宗的四川風味，但加上麻醬的改良版較適合老人家品嚐。小炒肉滷讚岐烏冬 $80頗有北方風味的麵滷，加上爽滑的讚岐烏冬，風味十足。

媽咪好鐘意食上海菜，每個月起碼都會食2,3餐咁岩果日搭車經過見到這間餐廳做緊京滬菜於是就陪媽咪過黎試下上海菜就食得多，但係北京菜就好少食上海菜當然一定要叫小籠包啦，每次必點！小籠包個皮都算ok，未去到好薄，但係都唔算厚湯汁真係好多，而且味道好鮮甜，絕對值得一試跟住再叫左個北京鮮蝦金魚餃其實同蝦餃無太大分別，最特別就係佢個造形真係好似一條魚架，不得不讚真係好足料，隻蝦都幾大隻跟住要左個菜，栗子扒津白，這個同頭先的金魚餃都是屬於北京菜這個栗子扒津白同平時食的有些分別栗子好鬆化，好香，好好食，從來沒有試過呢個配搭無諗過會咁夾，清清地都唔錯仲有個真係好特別，松子桂魚球通常食松子魚都係成條魚咁的但係呢度個松子魚係起球，外面炸得好鬆脆裡面魚肉好嫩滑，呢個一定要試另外我地再叫左個砂窩蝦醬唐生菜一上蝦醬陣香味已經吸引住我熱辣辣，好好味仲叫左個薑蔥鱸魚煲，呢個都好好食總括黎講媽咪都好滿意，仲話下次叫多幾個人可以點多幾個菜！

今日屋企做節，便去了座落何文田窩打老道九龍維景酒店。我們預先訂位，一去到便可入座，人流水洩不通，全廳滿座。我們點了鐵板野菇牛柳、雜菜煲、薑汁芥蘭、黃金蝦、蘆魚煲及炸子雞。鐵板野菇牛柳：一上枱就被香噴噴的味道吸引、牛柳很嫩滑雜菜煲：材料足，裡面有各款有營養的蔬菜、加上獨有的上湯點綴，味道極佳薑汁芥蘭：芥蘭獨有甘香與薑互相輝映，芥蘭炒得很嫩綠及爽脆鮮甜黃金蝦：香濃美味的咸蛋黃入饌，黃金蝦炸得脆蘆魚煲：蘆魚鮮嫩可口，讓人回味無窮,勁推炸子雞：皮薄如紙、滿口生香、雞肉嫩滑

香港依家越嚟越少用心做嘅中菜，而呢間真係可以算得上少數嘅精心做菜嘅餐廳。餐廳提供兩個menu，一個應該係佢哋期間限定嘅promotion，一個係ipad menu。ipad個menu比較方便，自己揀好之後，可以睇番自己頭先揀咗咩，再加加減減。而佢哋今期promote果個係食故鄉菜，比較適合我呢啲鐘意懷舊嘢嘅人。其實我哋食到嘅每個餸都好有誠意，真材實料之餘，都特別有每個餸自己嘅特點同風味。湯一盅盅上，我揀咗淮山圓肉燉鷓鴣，因為鷓鴣依家好似市面上都好少買到，而且買到都好少識得煲。個湯特別濃郁，湯料煲到好軟唸。煎焗魚頭同燕麥蝦仲有蜜椒鱔球，如果下次嚟個故鄉promotion未完的話，我一定會encore！個魚頭香口滑溜。燕麥蝦超大隻，估唔到燕麥同蝦可以咁夾得埋！另外個蜜椒鱔球，我真係食唔到骨，好大好大條鱔，啖啖都係肉。而且呢啲菜式，香得嚟都係所有原料同配料嘅原汁原味，唔會覺得係靠味精去調味。另外推薦兩個係佢地平時就有，無特別限時嘅菜式，其實都係啲staff推薦嘅，一個係薑蔥鱸魚煲，一個係雙皮奶。唔識得形容有幾好食，但係我會為咗呢兩樣嘢，特別係個雙皮奶再返嚟！總體嚟講，我哋今次食到嘅都好好，無

約咗一個好耐冇見嘅老朋友，諗住咁耐冇見就唔去酒樓，去酒店坐得舒服啲，傾計都靜啲！ 10點半嚟到，入到去一個人，都冇原來11點先開門店員安排左我哋坐一張側邊嘅細枱，然後我們看看點心紙，選擇覺得有啲少。因為我同朋友只兩個人，所以我哋只叫咗四樣嘢食。粟米魚肚粥:個粥唔係好夠熱。蘿蔔絲酥卷:夠晒大件,炸得又夠脆口。雞札:好好味.嚿棉花得好入味蝦餃:啲蝦夠晒彈牙，蝦亦都好新鮮😍我哋嗌左香片茶加滾水，香片茶同其他酒樓唔同，夠晒香。四樣點心,埋單$28x......

講起浪漫，好似個個都諗起西餐，但其實中餐因為果份親切感同傳統嘅味道，反而我覺得更加浪漫。呢區其實喺旺角行完街過嚟，好似去咗另一個仙境咁，唔會好多人，好舒服嘅地方。餐廳喺酒店二樓，裝修唔算好靚，但係好有親切感。吸引我嚟嘅，係facebook廣告介紹呢間餐廳嘅大江南北菜。所以嚟到第一時間叫侍應要咗個menu，裡面全部都係嚟自唔同地方嘅特色菜。江西手撕羊係冷菜，同唔同嘅配料撈埋一齊，非常開胃，好適合依家天時咁熱嘅時候食。金錢雞，可能未必好多人識，但係係屬於香港嘅一個回憶。以前燒味鋪會有得食，但係好似喺香港已經無幾個地方食得到了。由中間層豬肉嘅爽脆程度可以知道大廚落足心思。宋嫂魚羹，所有配料嘅份量恰到好處，每啖湯都係精華。無錫脆鱔，鱔肉起出嚟，非常適合我呢啲唔鐘意吐骨嘅人。而且，肉質真係有脆嘅感覺，唔係薯片果種脆，而係一種結實嘅感覺。拔絲蘋果，雖然好多地方都食到，但係呢度一啲都唔會覺得甜膩，而且蘋果嘅清甜，配上冰水浸過嘅糖漿，夏天恩物。

早幾日同朋友去食晚飯，朋友住附近，成日都過黎食飯的佢覺得唔錯所以今次叫埋我一齊黎食飯餐廳而家做緊大江南北美食，意思即係集合左好多中國唔同地方的美食例如有廣東、杭州、敦煌、北京、重慶、海南等等等既美食，各有特色一講起大江南北，我個腦就響起一首歌，拿啦喇喇拿啦喇, 拿啦喇喇拿啦喇，哈哈Youtube竟然搵到呢首歌，真係洩露年齡講返呢餐飯先，真係有好多好多選擇，每樣都想試下好彩我地有4個人，都可以試多幾個菜式。江西五彩手絲羊手撕雞就食得多，手撕羊就真係第一次喇，小小辣辣地，配埋調味，真係好開胃，而且有芝麻，真係好香安徽墨魚大(火靠)墨魚大大件，但係完全唔覺得un，真係好好食~上海銀芽炒鱔糊我好鐘意食鱔糊，呢個味道好好，如果有菜飯配黎食就更好譚家干燒海參呢碟海參都係開胃菜，海參煮得岩岩好，個汁有少少辣辣地，配上有大量既蔥，菇粒，真係好搶飯北京黃燒魚肚魚肚真係好厚，我未試過食魚肚係有咁既口感，仲有個汁唔會太濃味，配起魚肚一齊食真係好Match順德大良炒鮮奶真心覺得呢個好好食，印像中炒鮮奶好難炒得好食，D奶炒到脹卜卜，裡面仲有蟹肉，配埋松子仁真係好好食，而且一D都唔會覺得膩真心覺得呢餐大江南北好特

今日中午Uncle同Auntie特意約咗我們飲中午茶提早預祝媽咪生日，我們當然係去返我們嘅老地方何文田九龍維景酒店嘅「唐宮中餐廳」啦！我們叫咗蟹籽賽螃蟹餃嘅餃皮都算薄身，質感好煙煙韌韌，至於餡料嘅味道就比較清淡！豉油皇海鮮炒腸粉炒得好夠鑊氣同好夠乾身，腸粉嘅質感好煙韌彈牙，味道啱啱好，唔會過鹹，而且表面輕輕煎香過，所以食落更加香口惹味！潮式蠔仔肉碎粥嘅蠔仔相當肥美，而且份量竟然比肉碎多，所以湯底嘅味道非常鮮甜，感覺都幾抵食！竹林上素甫嘅賣相唔係好吸引，因係用一塊大腐皮包著啲粟米、紅蘿蔔同其他雜菇等等等等⋯⋯本來以為呢個會係比較清淡，但由於有好大量嘅油份，食落成個口都係油，感覺超油膩同超失望！菠蘿鷄粒三文魚粒炒飯炒得好乾身同粒粒分明，鷄粒同三文魚粒係有輕輕煎過，所以食落都幾香口，再加埋清甜嘅菠蘿粒一齊食，感覺相當清新，而且唔會有好油膩嘅感覺！芝麻沙拉拾香骨嘅肉質非常鬆化軟滑，但沙拉醬嘅份量超級多，多到好似沙律醬湯浸拾香骨咁，所以感覺極之膩，呢點係令我們覺得相當失望！