唐包點 (港鐵黃大仙站)

營業中

休息中

唔知由幾時開始唐記麵包改咗做唐包點， 其實可以話係成個brand都改咗， 店內環境更舒適望落更高級，但係價錢應該都調整咗10%。 anyway， 極趕時間連老麥都食唔切就一定食佢，咬住個包一路行一路食。其實望落去真係有啲elegant，好高級嘅感覺 ，但係其實每個客都係十元八塊 ，同埋 送食物嘅速度真係特別快， 十秒八秒就搞掂。黑芝麻菜肉包 ，勝在包夠大舊， 軟熟，夠熱度 ，肉餡的夠多，不過有少少鹹，夾咗啲包就中和返D味道， 都可以醫到一陣肚。

日日搭車都行過，但係一直都冇幫襯過，因為我家不是「冇飯家庭」，好少會食飯盒。今日突然間想搵啲新意，買個糯米雞番屋企share食，順便煮少幾粒米。當日冇人排隊，半分鐘都唔洗就買完。想不到會有個盒仔裝住，幾企理摸上手都暖暖地打開個樣就差左啲，不過味道最重要!講到明係「足料糯米雞」，就切開來睇下有幾足?入面有一隻冬菇，一隻雞翼，兩件叉燒，肉碎，磨菇片，細粒咸蛋黃😶就係咁多。啲肉都唔柴，軟腍。雖然比我預期少左啲料，但味道都幾好，唔會咸過頭。

成個地鐵站都係賣啲凍冰冰既包，美心啲包凍冰冰得黎仲要勁貴！終於開左呢間買蒸包既舖頭，叉燒包、菜肉包係我最常買既。都足料，叉燒包調味不錯，唔會過咸，食到有肉粒；菜肉包既菜同肉比例都唔錯。最緊要係熱辣辣同新鮮！價錢都唔貴7蚊、7個半。食蒸包感覺上都健康啲，成為左個我既早餐必選物！女仔一個就夠食，男仔可能要食兩個先名飽。另外啲店員都手腳快，趕返工嘟八達通唔駛幾秒就拎得。希望將來啲蒸包款式有更多選擇，最好就賣埋燒賣魚蛋啦。

我成日都 分不清唐包點&唐記包點。不過見唐包點包裝靚啲，用紙袋 ，中式包有獨立包裝。唐記就用膠袋既~~ 約咗朋友食飯八點半，實在太肚餓，路過 港鐵站想買少少嘢食。我成日覺得買中式包比西包係抵D既！因為中式包有肉有菜都係七蚊。買件西包或者仲貴點，仲要比較多糖。紙袋裝，好 decent Made in HK 我最鐘意 菜肉包 & 香菇雞包 ❤❤正正常常啦~我又食唔出同唐記有咩分別。我覺得佢地最成功既地方就係開係港鐵站！ 方便人買早餐或者當小食。佢出貨又出得快 ，絕對啱曬香港人嘅節奏！以前得西餅店，而家開多少少中式包點比到大家另一個選擇~~👍👍

今日做義工之前，要買份早餐，經過地鐵站隔離嘅唐包點，以為去唐記包點，不過唔緊要啦。整間鋪頭嘅裝修都好似唐記，包點個包裝都好似喎，包嘅價錢同種類都大致大同小異。點左一個番薯包同埋芋頭包$7@， 店員動作好敏捷，好快已經執好一份早餐，兩個包都好熱騰騰，番薯包同芋頭包兩隻都唔係太甜，番薯包係高纖，係健康早餐自選，加＄3.5就可以換每一盒紙包飲品。朋友要咗一樽黑芝麻豆漿，味道稍為淡，不過少甜，都係健康之選。

開左之後一直想試，其實我一直誤會以為地鐵站哩間係唐記包點，無仔細睇就會誤會， 但都係同一集團，點解同集團賣同類貨要兩間唔同名，當然生意上有好多技巧野，唔多講，講返食物。今次係家人買返黎的，佢話已經pack 定放在保溫櫃，店員只需入袋，而且無咩客，購買過程超快。由於我一直誤會以為係<唐記包點>，所以一見到包裝都嚇一跳，做咩精美左咁多，包裝睇到有啲Design，偏時尚簡約，睇黎想打年青人市場，但我一路打開拎食物出嚟過程，越拆越覺得唔妥。佢個飯係叮飯膠盒再仲加個隔熱紙套，而個包仲誇張，首先本身個包已經好似老麥咁包左外紙，仲有貼埋貼紙，然後再幫你另入紙袋，覺得絕對過度包裝。排骨飯一打開眼見都有好多件排骨，但件件都好細無咩肉，全部都無咩味，但有啲又好咸，個飯飯粒偏硬，有啲似糯米飯，同平時食到既叮飯無分別，到最後排骨唔夠餸飯另外個菜肉包，個包外形好完美無缺，望落覺得感覺有啲假，包質感偏向硬同實，未去啖啖肉，但包同肉既比例係合格，不過個涵又係得咸味。整體都係叮叮食物質素，唐記包點好食過佢，但如果我要食叮叮食物可以有好多其他選擇。現在流行環保，遲啲掉垃圾仲要徵費，行快餐路線但過度包裝對