唐包點 (港鐵大窩口站)

營業中

休息中

去到哪裡都遇到分店。發現公司附近有間分店，今日午餐想吃蒸飯，於是點了鼓汁鳳爪排骨飯，$29，外賣拿回公司吃。店員會問要不要鼓油，一定會要！是甜甜的那種，加上油油的飯，好配！有時候，沒法子約到一群人去茶樓飲茶，卻又好想吃時，我會再選擇唐包點。

喜歡吃一盅盅的中式蒸飯，也喜歡吃中式的蒸包。有時候，沒法子約到一群人去茶樓飲茶，卻又好想吃時，我會選擇唐包點。分店多，容易找到。尤其喜歡吃它的鼓汁鳳爪排骨蒸飯，$29，外賣拿回公司回家吃。每次店員都會問要不要鼓油，一定會要！是甜甜的那種，加上油油的飯，好配！中式蒸包也喜歡，偶爾會吃它芋蓉包，也好吃！

唐包點是一家享譽盛名的點心店，在台灣擁有廣大的食客群。他們以傳統的包子點心聞名，提供多種口味和餡料選擇。包子皮薄而韌，口感極佳，充滿彈性。餡料新鮮、美味，其中包括豬肉、牛肉、雞肉和蔬菜等多種選擇。每一個包子都精心製作，味道濃郁，肉質鮮嫩，讓人回味無窮。唐包點的副食也十分豐富，如糯米飯、豆漿和煎餅等。這些副食與包子搭配，構成了一頓豐富的餐點。店內的環境舒適，氛圍溫馨，為用餐提供了愉悅的場所。價格合理，性價比高，給人物超所值的感受。

相信住大窩口嘅人都知道，如果係坐地鐵返工嘅，一定會經過依間嘢，最鍾意佢啲包一拎出嚟就熱辣辣，朝早食個熱包個人全日會精神好多，有時未肚餓嘅，坐完地鐵落車就啱啱好，個包都仲係暖既。

出左角落生物包包，好可愛呀🤩🤩一定要買🥰🥰出左兩款口味，但係分開兩個日子推出🥲🥲咁依家試左其中一款先啦🤗😎～～～白熊 . 菜肉包～～～「白熊」 生於北方，但因怕冷所以來到南方，生性怕羞，覺得躲在角落飲熱茶最放鬆😚😚冰凍🥶🥶嘅白熊包包要先蒸熱先可以食，見到實物覺得比圖片偏左啲，冇咁圓！😂😂但都睇到個形狀🤣🤣佢有耳仔同手手嫁😂😂菜都幾新鮮沒有變壞，肉味幾重！肉多過菜，比例大約2:1😚😚但包嘅份量就厚左啲，食完都幾飽😛😛

聖誕節雪人包$15/1個，要自己回家蒸，做早餐黎講，超飽超大隻，又可愛！可惜個餡係紫薯，唔甜，味道一般，如果換成其他餡，一定會更加受歡迎架呢！真係過節買黎食下都試試都ok！

今日出去之後返屋企，仲未食野，但係只想買少少野食，諗緊食咩既時候，一出地鐵閘口，睇到唐包點（由開業至今一直都無買過）有點心賣，好奇之下睇睇有無咩岩食，見到第二件點心半價，所以決定買個燒賣（$17）同鮮竹卷（$17），最後合計$25.5。兩樣貌相都唔差，燒賣有4粒，面頭有隻蝦仔，雖然未係酒樓咁多料，但都ok，不過不失。鮮竹卷有3條，感覺比較油少少，食落有少少滯。兩樣都有酸菜配底，食左酸野又開胃少少咁。😂

大窩口站唔算係大站，買包通常都唔洗排隊！經過時見到出左新口味‘奶茶流心包’及新飲品‘荔枝椰果紅茶’就買來試下味！返到公司大約半個鐘，個包仲熱，飲品已經唔凍啦！先講講個奶茶流心包，真係非常非常非常流心！流心到可以用飲管飲走裡面餡料，味又濃仿佛飲緊熱奶茶咁🤣！不過如果我係酒樓有個碗裝住就好好食，現在我要用手嗱住食要十分小心，我要食一淡飲一淡免得佢瀉到一地都係！荔枝茶就正正常常有果肉有椰果，勝在唔係好甜，凍飲會好飲d!😌

之前在唐包點用券買了餅卷，今日見經過地鐵就過來換一個蒸飯，這裡的蒸飯都幾多選擇，而我就選擇差不多每次叫的章魚肉餅飯作午餐，但一買完見到了沒有菜和之前盒而家是碗，已經有點失望，回到公司整熱看到飯份量感覺差不多，但肉餅好似少了，飯的口感今次硬了點，肉餅的口感比之前的有點硬身，章魚份量好少，肉餅都是硬的沒有之前咁好味道，食完都是剛飽，己經用蒸的方法整熱都那麼硬，這樣有點失望，下次都是去另一間唐包點買比較好。

第一次試唐包點，先知都係唐記既分店，不過無論係包裝同賣相，都比唐記更勝一籌！先睇下佢既包點，全部都係獨立包裝，而且包裝簡約清楚，吾洗擔心會食錯另一隻！今次我都試左佢奶皇包、菜肉包同香菇雞包！香菇雞包感覺相對健康，不過同菜肉包一樣都係超級juicy！都幾肯定剛剛出爐食既話就最好食！另外叫左一款點心雞扎，雞扎裏面有雞，芋頭仲有豬皮，都幾豐富！為左媽媽著想，買左2種飯做晚餐，一個係章魚肉餅飯而另一個就係北菇雞飯，仲有配上獨立包裝蒸飯豉油，咁就吾怕店員太重手落得太多，令你個飯又油又鹹啦！加多枝黑芝麻豆漿都吾洗一百蚊，就好足夠應付我同媽媽既下午茶同晚餐，真心扺到喊！

前幾天剛好要由大窩口回家，在大窩口站出去之後，看見有幾個小朋友在排隊買唐包點，可能正是剛剛放學的時候，看到他們在滿心歡喜地等待，這樣也令我不自覺地看看唐包點有什麼可以吃。我買了一個腐竹雞蛋糖水，回到家還熱辣辣的，湯水煲的味道很濃郁，而且雞蛋整個也是熱辣辣的，味道甜甜的。我還叫了一個魚香茄子飯當我的晚餐，他很細心地提我魚香茄子分了一碗，白飯分了一碗。魚香茄子味道很濃郁，用來送白飯一流。我還叫了一個豉汁蒸鳳爪，鳳爪蒸得很入味，而且底下還有蘿蔔。

大鑊😖 飲茶癮又發作……明明前幾日先飲完茶，點知今日咁快又心癮起，所以又走左去唐包點買啲一盅兩件止止痕~ 唐包點同唐記賣既嘢其實差唔多，但包裝可愛好多，如果話唐記走傳統風，唐包點就潮流風啦😂-☆ 秘製豬軟骨飯 HKD$29豬軟骨同飯分開裝，好貼心👏 份量唔少我都食唔哂，豬軟骨超級軟腍，軟骨勁易咬開😍 醬汁唔咸仲好多，攞嚟送飯一流👍👍-☆ 鳳爪排骨飯 + 燒賣 HKD$34蒸飯加點心係分店精選優惠套餐，34蚊真係好抵！鳳爪夠軟腍，排骨有我至愛軟骨💕 而燒賣有一粒蝦仁喺面頭，大大粒質感厚實，食落無乜肥豬肉，不錯的。-☆ 雞扎 HKD$18唐包點既雞扎同酒樓有少少不同，所謂既"綿化"即魚肚換上豬肚，仲有其他配料如芋頭火腿條等，食完好飽。-☆ 叉燒包 HKD$7.5叉燒包質地軟綿，搣開見到有好多餡，叉燒為瘦唔肥膩，醬汁係蜜汁甜甜地，所以叉燒包係我平時唐記蒸包既首選🤗-☆ 香滑奶茶 HKD$12的的骰骰用個細細樽仔裝住，味道有茶既苦澀味，仍有奶香味，如果可以再濃啲就好啦…

男朋友咁啱收工搭地鐵，就順便叫佢喺地鐵站買個唐記返嚟大家一齊食😬😬😬，喺地鐵站位置勝在夠方便👍👍不過唔好彩嘅係，好多點心因為太夜都賣晒😭😭😭😣😣於是男朋友叫咗個豉椒排骨飯，招牌糯米雞，雞扎，鳳爪，同埋最鍾意飲佢嘅樽裝奶茶，咁多樣加埋都唔使$100😍🤓🤓真係抵食到一個點🤑🤑🤑永遠最鍾意食嘅就係唐記嘅糯米雞🤓🤓，甚至比起酒樓更大，更足料，而且最緊要係價錢好平👏🏻👏🏻👏🏻🤑🤑今次試吓唐記嘅鳳爪，😌😌同酒樓食法有少少唔同嘅係放棄用花生，係用白蘿蔔做底😬😬，蘿蔔可以吸收鳳爪嘅汁之外👍🏻👍🏻而且存放時間都可以更長，唔會好似花生咁放得太耐會太林冇左口感👏🏻👏🏻👏🏻😎雞扎更加不在話下😎，鍾意食唐記嘅雞扎係因為雞扎底下好多蔬菜，而且唔偷雞好足料 👍🏻👍🏻👍🏻個豉椒排骨飯唔洗講，足料都不在話下😎😎啲飯唔會好似喺酒樓啱啱整出嚟嗰啲飯咁樣林晒，仲好有咬口😍😍值得一讚👍🏻👍🏻$100食到咁多野，而且仲可以飲到樽裝奶茶，就算平日茶樓特價時段都做唔到👍🏻👍🏻，最重要係唐記喺香港開咗咁多年🙆🏻食物質素方面從來無失手過👍🏻👍🏻👏🏻👏🏻

一排無幫襯唐記，原來多左一d客飯，一於試下佢個豬軟骨飯，另外買多個排骨飯，一個燒賣，同埋香芋包，蕃薯包，奶王包同埋一個麥曼頭同屋企人做早餐，放工口渴再飲枝奶茶先。豬軟骨飯和餸分開兩盒，唔洗浸淋晒d飯，唔好諗住細細盒，食落都有6-7舊肉，味濃又軟淋，雖然汁方面油膩d，撈兩啖飯就收手，正，好似豬油撈飯咁。排骨飯係平時叫開嘅，加埋蒸飯鼓油無得彈，唔覺唔覺就食晒成盒架喇。另外四款包係我平時番工或放工肚子餓都會叫的包款，餡料足，而且飽肚，幾蚊一個包抵食。在回家途中飲枝凍奶茶透心涼，奶味茶味都夠！

6月最適合去野餐，今日是星期三公司停工一天約了同事們一起去草地野餐。路經大窩口地鐵站， 原來閘口附近剛開了一間新的唐記包店。原來包點是香港製作，即買個外賣去也~ 我買了糯米雞 ，冬菇滑雞飯， 番薯粟米粥 ，山竹牛肉， 燒賣及 奶茶。糯米雞 ~足料我糯米雞，內有大大隻雞翼冬菇滑雞飯~ 雞肉嫩滑充滿著冬菇的香味番薯粟米粥~素食人仕之選，大大舊番薯十分足料味蕾之享受。 山竹牛肉及燒賣~味道不遜色於酒樓，燒賣賣相吸引，蝦仁十分吸精。奶茶~味道香濃，像冰鎮奶茶一樣美味。