影片
以上資料只供參考, 請與餐廳確認詳情
今日同朋友去咗尖沙咀行街買公仔，經過商場見到呢間主打日式丼飯嘅餐廳，醒起好耐冇食過丼飯，一於入去試下先招牌海鮮丼 $78叫咗款招牌海鮮丼飯，可以揀白飯、壽司醋飯或者一半白飯同埋一半菜，最後揀咗半飯半菜，醬汁就揀咗刺身醬油，叫得海鮮丼，材料當然都比較豐富，包括有三文魚、吞拿魚、蝦仁、帶子、青瓜、雞蛋、魚籽等等，再加埋經典嘅刺身醬油，食落其實有啲似食緊壽司，口感豐富炙燒三文魚明太子丼 $80另一個就叫咗燒三文魚嘅明太子丼飯，同樣叫咗一半飯一半菜，醬汁就改為揀咗薑香鰹魚醬油。丼飯入面三文魚約有四五片，側邊仲有紫蘇葉、wasabi、薑片、明太子醬，鰹魚醬油帶有微微嘅薑味，但將成碗丼飯材料撈勻之後，明太子味道會更為突出，同埋會食到三文魚嘅油脂香醬油炙燒三文魚 $38呢個一共有三片，同丼飯入面嘅三文魚差唔多，都係燒到半生熟，入口油脂味香，魚肉軟淋
繼續閱讀
見新開，唸住質素都會好啲三文魚、三文魚子同飯係新鮮但份量真係少，外賣黎到見到個碗咁細都心知不妙，唸住如果裝滿都夠飽。點知打開個盒，即刻呆左，得半碗，飯深度無一寸（個碗直徑仲要係越底越窄），啲飯仲要痴實個盒（日本米好黏，仲要用呢隻紙盒。。。），夾硬刮又驚食埋啲紙，食完好空虛。。平時食飯要食成個鐘先食完，呢盒我15分鐘就KO左。。。原本要求醋飯，點知完全唔酸，或者俾錯白飯，因為想食醋飯而叫呢間既我好失望。。。
繼續閱讀
🎀 尖沙咀 。糧尾之選💰高性價比日式飯堂🍣🎀🪄店名* #TEPPEISYOKUDO #哲平食堂🔮地址* 尖沙咀河內道18號K11購物藝術館地下G21及G22號舖🔮🗾分店地區🗾 沒有分店💰價錢$200 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_ 尖沙咀剩系食呢一類👉食物類型搜尋🔍🍜#pickyme_日本菜➖➖➖➖➖➖➖➖➖➖➖➖➖🎵餐廳環境🎵提起尖沙咀嘴 大家都知道食飯一定好貴 但係竟然比我搵到一件性價比超高日式丼飯 舖頭嘅裝修走簡約日式風，開放式廚房睇到師傅準備食材。💯 環境整體乾净企理 無論外賣堂食都好放心~🍽️食物質素🍽️ 雖然地方唔算大，但嘢食嘅美味絕對搭夠🤩 丼飯選擇多，生熟都有，甚至仲有沙律同埋半飯半菜嘅彈性組合，滿足你嘅所有願望～四款醬汁任你揀，仲可以加三文魚、雞胸肉、小貝柱等等配料，打造你嘅專屬美味🤤 重點係消費高嘅尖沙咀，價錢都算親民💰 無論係平日食晏定月尾救急，都係一個好選擇👍👀評分💖💖💖💖🪄迷你海鮮丼$55呢碗海鮮丼雖然迷你，但份量其實都算足夠，好適合貪心中意嘗試多款食材嘅人。碗入面顏色好豐富，有三文魚、帶子、青瓜、玉子、三文魚籽同八爪魚，等我可以一次過品嚐到多款刺身，真係好吸引。刺身質素幾高，完全冇腥味，口感滑嫩，味道幾唔錯，性價比頗高👀評分💖💖💖💖🪄蔥香吞拿魚蓉丼$68 +味噌湯$15呢款吞拿魚蓉丼味道都不錯，吞拿魚蓉打得好滑，撈飯一流. 蔥香味道恰到好處，令整碗飯更加香氣四溢，搭配上熱辣辣嘅味噌湯，湯底偏清淡，飲落去好暖心，如果寒冷天氣就更適合啦!👀評分💖💖💖💖🪄小食-芥辣八爪魚$24 & 醬油炙燒三文魚$38呢兩款小食都好可以一試。芥辣八爪魚滑溜得嚟，個人不吃辣覺得有些辣，食落去幾開胃。而醬油炙燒三文魚燒到剛好半熟，外層微焦，內裡保持住鮮嫩，口感滿足。呢兩款小食可以令整個餐點更加豐富 價錢都不算貴~(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋🎈環境質素*🎇🎇🎇🎇🎈抵食程度*💰💰💰💰💰🎈服務態度*💌💌💌💌💌
繼續閱讀
同事食完番尋味，約埋我到坊呢間新開，位於尖沙咀的哲ぺい食堂，食番個丼飯囉。餐廳簡潔企理，整齊乾淨。加拾多元便可加其他配料，如溫泉蛋&慢煮雞胸肉….，增加蛋白質添架。跟同事都要了三文魚帶子丼，有4款醬汁可供選擇，我哋分別要了香辣蛋黃醬&薑香鰹魚醬油，2款食材都很新鮮，厚切的三文魚油脂肥美, 原隻帶子爽彈可口，主食可選半飯半菜，醋飯的味道調得恰到好處，菜則新鮮清爽，加配温泉蛋拌勻更加啖啖滋味。若果唔想食生冷野嘅朋友，呢度都有熟嘅, 如燒牛肉或豚肉生薑燒丼飯🔥。
繼續閱讀
一直好想入去試，但每次見到入邊都冇人，擔心中伏，結果今日真係諗唔到地方去，入咗去食，以尖沙咀嚟講價錢唔貴，可惜刺身唔新鮮，飯無味，大盛份量竟然好少，太太食咗個帶子丼，完全冇味，帶子亦肯定唔新鮮，簡直嚇死，跟住見到有兩對遊客入去食，都擰晒頭，喺遊客區有咁嘅餐廳，真係會影響香港形象。希望店主有機會睇到呢篇評論，真心希望佢會改善，否則我相信呢間餐廳都做唔到太耐。食完呢餐，真心感受到點解香港市民普遍北上，同樣價錢質素天淵之別，作為一個感受過香港飲食天堂嘅人，真係有啲傷感。啱啱發覺原來評分四星以下，唔能夠post相，否則有相有單據證明
繼續閱讀