睇完少年食神既專欄，想同愛旦既大王試好耐，但夾唔啱時間，今次終於係銅鑼灣特登去跑馬地試，之後再出翻黎睇戲。六點頭黎到，老細仲係準備中，坐低立即叫個奄列飯同薑怱鷄脾飯，點知老細話只係做到四點，晚市只有意粉。晴天霹靂！！！我地軟硬兼施都唔能夠得呈，唯有食老細推介既紅白意粉各一。紅係蕃茄汁，白既係白酒忌廉汁，配料可以有蛤肉，海鮮，煙肉，蘑菇等、、、先黎一個鷄肉忌廉湯，有少少既雞肉，可以接受。跟住就輪到蕃茄海鮮意粉出場，味道略酸，意粉唔淋，不過可以再硬一點就更好，自己炒既比佢仲好味(大王意見)。到白汁蘑菇意粉出場，呢個似模似樣，色香味全。有白酒既香味，白汁濃淡適中，食落夠嚼頭，口感有Al Dente餐廳既七成。以四十幾蚊既茶餐廳價錢，白汁蘑菇意粉絕對值得推介，只要換咗一隻大啲既碟上枱，佢既賣相令你願意比多一倍既價錢黎食。同大王會再黎試吓佢出名嘅午市碟頭飯，睇吓少年食神有冇老點！P.S. 佢地營業時間有啲飄忽，去時打個電話問吓會穩陣啲 …查看更多
