哈豆

營業中

休息中

After ending my appointment with a client, i decided to have my dinner nearby before heading home. Doctor Beans was located at Shing Yip Industrial Building, few minutes walk from Kwun Tong MTR. They sold typical Taiwanese snacks, noodles, rice, bubble tea and desserts etc. Soya bean red tea - It was slightly different from those that we drink, as they used soya bean instead. It was healthier, and not too sweet either. It was smooth, and have slight tea taste. Bubble pearls were smooth and chewy

尋找美食是我鍥而不捨的興趣，繼上次官塘工厦尋味至今又有一段時間，而官塘返工的小伙伴今次介紹咗呢間位於成業街的台灣美食店。普通的工厦格式門面但有個奪目綠色招牌，入邊有古董相機，舊時用品，海報，頗有台灣特色。我哋點咗四樣嘢，分别係1. 逢甲鹹酥雞肉燥飯2. 台灣牛肉湯麵3. 台灣滷水拼盤4. 清境和牛薯餅請看圖好明顯肉燥飯係食台灣嘢必點之物，再加理熱辣辣，香脆脆的鹹酥雞，正牛肉湯麵牛肉好腍，份量亦多，吃到舔舔脷。拼盤樣樣齊，份量不算太多，雞翼，豬手只有一件，两人各取所需。仲有豆槳紅茶及豆槳綠茶，領略到哈豆給人體必須的黃金三角營養，而且佢係您每日維持健康美麗的聰明選擇

係觀塘上完堂，想食好食的台灣野，於是就上網搵下搵到呢間係觀塘工廈樓上的台灣餐廳 - 哈豆～<走心牛肉蕃茄湯麵 $72>Fatbrown 系牛肉控，食親台灣野必叫牛肉麵，今次轉下口味唔食紅燒牛肉麵，整番個蕃茄湯底牛肉麵～ 濃厚蕃茄湯偏酸幾開胃，牛肉鮮嫩鮮嫩的，台灣麵彈牙好味。<古早味蝦捲肉燥飯 $59>蝦卷有好多鮮蝦粒粒，有咬口；加埋肉燥飯，一個濕，一個乾，平衡左個口感，相當好食<魚鬆肉燥時菜 $30>近排少食菜，見到餐牌有個肉燥時菜好似幾正咁，叫左個黎試下味，肉燥汁浸落時菜，濕濕地送飯好正<蘋果眉妹 $48 （跟餐價 $38)>蘋果眉妹其實是蘋果醋加梳打水，配有蘋果片和檸檬片，酸酸甜甜的，好開胃！ <哈豆鮮果茶 $49 （跟餐價 $39)>呢個水果茶好足料！ 茶味較輕，有清爽的果香，飲完覺得好清新同健康

今日同太太去觀塘工商區一帶拎網購野，拎野前食個晏醫飽個肚，但喺工商區唔想食飯堂或 APM 搵食，又係時候打開個 app 搵下有咩選擇，我地搵到 doctor beans，個位置喺觀廣附近，我地就上去試試因為係二樓，所以唔等 lift 都可以行上去餐廳台式餐廳我地兩個最鍾意，所以我地睇左一陣就選擇左食咩，而餐廳用紙仔落 order，避免聽錯 order 的情況出現，👍🏻太太點左 豐盛牛肉鮮蕃茄湯麵餐 + 胚芽豆漿，餐未上檯前已經聞到香味了，見到實物後果然豐盛，牛𦟌厚，d 丸美味夠咬口，再加埋杯胚芽豆漿，豆腐同胚芽唔係冇味果隻，好飲而我就點左台灣五寶拼盤肉燥飯+青蛙撞奶，一次過滿足我嘅口味，食物到了，飯係我鍾意嘅珍珠米，另外除左肉同丸，仲有菜同瓜，鹵水雞翼入味，丸一樣夠咬口，肉燥香唔會太油，豆腐因為太太食左所以試唔到味，最後再加埋杯青蛙撞奶，似喺台灣食嘅感覺，攪到想去旅行了餐廳雖然唔係太大但唔會企到好迫嘅感覺，仲有餐廳有大電視播片，不過有其他食客唔方便影相，下次再食其他餐

記得之前朋友講過觀塘有間台式餐廳味道唔錯而且幾正宗，今日收工就過黎試一試～本身以為落單係叫staff埋黎，原來係用點餐紙，都幾方便，同埋一定唔會錯啦～餐廳主打台灣野食 都有唔少選擇 當然仲唔少得台式野飲啦！兩口子諗左一陣 最後決定要五寶什錦醬乾拌麵 同 山賊燒雞翼肉燥飯野飲方面我地跟單餐叫左個百香果綠茶QQ同青蛙撞奶五寶什錦醬乾拌麵($64/套餐)：麵底煮得夠淋，個醬好惹味香口。最好食係個台式腸，一咬開好多汁！提提大家食之前記得撈起呀～山賊燒雞翼肉燥飯($52/套餐)：肉燥份量足夠，雞翼味道濃而不咸，但對男仔黎講飯既份量如果可以多啲就更好喇野飲方面，哈豆嘅半糖都偏甜如果平時係街叫開微糖(30%)嘅話 黎到可能會叫無糖好啲不過非常推介大家試青蛙撞奶 珍珠Q彈 奶味又唔會俾黑糖味蓋哂而無掟企總結黎講 哈豆CP值幾高係觀塘返工既你地平時放lunch要過嚟試吓喇！

觀塘依家越嚟越多人，平日入夜都有好多人，所以好多就算係工廈食肆都好爆，呢間就腳而且好坐，所以買到一抽兩袋都幾適合坐低歎下美食😄豐盛牛肉鮮蕃茄湯麵🍅🐂，真係名符其實好豐盛，除咗牛肉同蕃茄，仲有貢丸同花枝丸，湯底好濃郁蕃茄味，又有好多蕃茄碎，牛肉係牛，肉質好腍，本身滷水味好入味，仍不失牛肉味綠茶豆漿感覺係好有仙氣組合，因為腸胃對奶有少少敏感，所以有時飲咖啡都會將牛奶轉豆奶，呢杯綠茶豆漿既有綠茶芳香🍵，又有豆漿帶來軟滑口感🥛，個人認為豆漿同綠茶嘅配合程度更勝牛奶飲品選擇都幾多，而且跟餐都幾抵飲，食物其實滷水食物製作好有水準，麵條都好掛汁，無論撈麵定湯麵都好索味😋

觀塘有好多隱世美食，而且有d上樓未必咁易知，因為要去觀塘工業大廈買嘢，揾到依間台灣菜椒鹽排骨肉燥乾伴麵🐖，排骨嘅外皮香脆野味，肉地酥軟可口，而且排骨本身都幾入味，伴麵麵身較粗，口感都幾彈牙，而且麵身都幾可以掛汁，仲有半邊滷蛋，都好好味山賊燒雞翼🐔有少少同期望有落差，上檯時先知係滷水雞翼淋黑椒汁，黑椒係淋汁呢樣有少少失望，不過滷水雞翼本身係幾好食，但加黑椒汁就有d怪🍋鮮榨檸檬多多幾好飲，益力多味重，有少少檸檬芳香，本來擔心怕會酸，不過飲落味道洽到好處，醒神開胃😊

朋友鐘意食台灣野 又想搵個靜D 既地方傾下偈見哈豆係工廈 應該都少D 人會去 所以就去試下不過老實講 一上到去比我想像人多D (但下圖已經係D 人走左先影lol)仲有D 好似係熟客因此令我一開始已經覺得哈豆唔錯 係會令客人返轉頭既小店我叫左五寶什錦醬乾拌面(點解會叫哩個 係因為我貪心想試多d野 同埋因為menu 上面有手粒豆豆作推介 不過我唔記得影menu haha)五寶既材料有香腸 雞翼 豆腐 貢丸同花枝丸(不過咁岩我地又叫左台灣滷水拼盤 我既雞翼同埋豆腐就重複左 所以我就分左俾我朋友食)個台灣香腸煎得好香好脆 感覺唔油膩 大愛我覺得貢丸 花枝丸都應該係台灣出品 因此個味道都同香港街市買既有D 唔同 值得一試而雞翼 豆腐屬正常水準什錦醬啫係有麻辣醬同麻醬本人都幾鐘意食麻辣 所以哩個兩溝既口味真係好適合我 亦十分惹味面條有D 似kiki 拌面果隻 彈牙 軟硬度適中而我朋友就叫肉躁時蔬芝麻醬乾拌面原因係佢想食得健康D 一上菜又的確覺得係幾健康 個面上面鋪滿菜相比起我果個惹味 佢哩個面只係得麻醬又的確係清好多不過味道都唔錯 始終咸魚白菜各有人喜愛同埋兩個面都有半隻蛋 味道都唔錯但我覺得如果

我返工喺工廠區 食飯多數都係茶餐廳搞掂 點知行街反而唔打誤撞搵到間隱世 台式食品店。行完街未夠鐘食dinner,咁就諗住入去hea下食個tea。今次我叫咗個台灣五寶拼盆肉燥飯， 炸物拼盤同埋台灣鹵水拼盤三樣嘢食。 另外再加咗杯青娃撞奶（黑糖珍珠鮮奶） 百香果綠茶qq。第一樣上嘅係鹵水拼盤， 有豆腐 鹵水蛋 牛展 豬腳 雞翼，個豬腳好淋身証明夠時間，好味👍🏻跟住嘅炸物拼盤 有鹽酥雞 薯角 香腸 蝦卷同埋丸子， 台灣鹽酥雞好食就係人都知，估唔到佢哋整出嚟嘅薯角都咁好味，個邊係脆，真係第一次食到外脆內軟薯角。仲有唔可以唔提佢杯青蛙撞奶超好飲，黑糖好香，走前再外賣多杯。正👍🏻

今日相約家人到了這間工廈中的台灣菜。入到去有d 似台灣嘅民宿餐廳，好地道，美美的紅磚牆上掛左唔少台灣嘅風景相，椅子都係用左唔同顏色嘅配搭。以4人枱為主。入到去都幾有氣氛🤓仲播緊聖誕歌🎅🏻都幾岩大排人一齊聚會。我地睇餐牌都有唔少的抵食野🥰同台灣地道野。我地叫左2個套餐加左個小食😋套餐包綠茶，紅茶或者豆漿😌台灣5寶拼盤肉燥飯真係有台灣5樣特色野，香腸烤得好香好脆😋豆腐滷得好入味。雞翼好嫩🥰香菇丸同花枝丸都好彈牙😍飯拌埋肉燥一齊食好正🤓飯仲要係珍珠米。另外一個係豐盛台灣牛肉湯麵，湯底都幾濃，牛肉好腍同入味。貢丸好香香菇味，花枝丸真係有花枝👍🏻麵係幼嘅台灣麵。小食方面，蓬甲鹹酥雞好香唔會好厚粉👍🏻口感香香脆脆😋同埋都幾大份☺️飲品方面，我地叫左一杯茉莉綠茶同葉月紅茶。茉莉綠茶好有花香味❤️👍🏻葉月紅茶都幾重紅茶味😋。

朋友介紹喺佢公司附近有間又平又好食嘅台灣菜，今日屋企無住家飯食，就叫佢帶我嚟試下😊因為今日得兩個職員喺度，所以食物要等耐少少☺逢甲鹹酥雞($32): 熱辣辣，一炸起就上枱雞肉幾滑而且唔會好油膩🤤路邊攤小香腸($32): 表皮脆但入面啲肉好香好嫩仲充滿肉汁，要小心燙口❤排骨芝麻醬乾拌麵(套餐$60): 拌麵彈牙，豬扒香口不會太鹹👌🏻胚芽豆漿(+$6): 豆漿有豆味仲有好多胚芽☺紅燒牛肉肉燥飯(套餐$56): 牛肉煮到好軟淋完全唔會硬仲要勁厚切👍🏻白飯粒粒分明，配菜辣蘿蔔超香超好食👍🏻👍🏻青娃撞奶(少糖去冰/+$18): 鍾意佢嘅珍珠有咬口唔會好似其他地方太淋一咬就爛，鮮奶味亦都好香濃❤埋單付錢嘅時候竟然見到店主自家製舒緩皮膚敏感膏俾人客免費免費自取，真係好貼心😍😍

💛💛💛誤打誤撞的，來到觀塘區呢區這家台式餐館小店居然有驚喜😍菜單設計得很有心思！清晰地分類 =)店舖設計有舊台灣的感覺，牆上盡是電影海報。由於非常餓，先點了一個台灣滷水拼盤$42裏面非常豐富，有豆腐、老闆、牛肉、豬腳、雞翼飲品方面選擇了胚牙豆漿 & 梅子綠茶山粉圓胚牙豆漿跟餐加$6 - 有驚喜😍豆漿香濃，胚牙有咬口。梅子綠茶山粉圓$8 - 梅子綠茶味道夾，不太甜，健康又養身!不過用紙杯就比較冇咁靚，不過味道勝。五寶雜錦醬乾拌麵 （套餐價$64）台式五寶拼盤肉燥飯 （套餐價$62）拌麵醬料是麻辣醬加芝麻醬，香濃微微辣，拌麵口感好好，彈牙又香口。肉燥飯肉燥不夠，不過材料豐富搭夠，包括有香腸、雞翼、豆腐、貢丸、花枝丸花枝丸非常彈牙好食!最後埋單二人唔洗 $200落樓，價錢實惠。

環境: 位於工業大廈2樓，但係坐得十分舒服，亦好有去左台灣既感覺。其次佢會有部大電影播住台灣歌手既mv，音響亦唔錯，夠聲得黎冇雜音。枱面都好乾淨冇油積。服務: 店員全程十分有禮貌，笑容十足🤙🤙(留意呢到係落完order比左錢先)食物(依上菜次序): 我本身呢幾日喉嚨唔係咁舒服，飲完有養聲好潤喉既功效。比想像中冇咁甜，第一次飲豆漿加紅茶，感覺好特別。呢個我會特別推薦，26蚊性價比好高，味道亦好好。呢道我認為係必點，我同時亦偷聽到格離果枱客人大讚呢個，仲想再叫多次!當中甘梅薯角超好味，有d似食咁薯片既味。台灣經典既牛肉麵，亦好好味，有3大舊牛肉。滷水拼盤都唔錯，有畫龍點睛既作用。

台北的食物總令人感到吸引，有見及此，相約摯友到這個有人情味的地方吃晚飯，吃著放鬆一下，一連串台灣地道美吃，今天也吃了：包括深受香港人喜愛的肉燥飯、台牛肉及鹽酥雞，真感謝這店的店主由台灣帶來地道感覺，讓香港人隨時亦吃到地道台吃系列喔*蕃茄牛肉麵牛肉面一直是台北的拿手絕活，這碗牛肉面令所有人吃過都快樂喔！豎起大拇指說讚，如果要選擇一份食物代表這店子，是它了!很好吃的，份量也不少，愛吃的牛肉湯香氣四溢加上番茄的甜味，可以吃上一大碗呢～加上配吃，讓人流口水的蕃茄牛肉面出來呢！摯友也很喜歡吃這店番茄牛肉面，加入蕃茄紅燒牛肉麵，讓濃厚的湯汁略帶微微的酸，既爽口又令人開胃的！店內之牛肉外焦內嫩香氣足呢！鹽酥雞鹽酥雞，是台灣最常見的小吃之一，且是台灣相當有代表性的美食之一。在街上幾乎隨處可見，已成為台灣經典令人難以忘懷的滋味，更是宵夜的好夥伴。店家的雞件炸得金黃，很棒。台風當道，很多人也愛吃台式食物！這店子的不僅在店面裝潢及人情味上有台灣的感覺，連帶食物也很有台灣味呢。香菇肉燥飯香菇肉燥是人人愛吃的料理，如果小朋友不愛吃飯，加上一匙香噴噴的肉燥，馬上就可以把飯吃光光，台灣常見，而且很經典的人氣美食，在

我同朋友平時都好鐘意去工廈搵好野食，因為啲野食相對比較平，有時都會比我地搵到一啲隱世美食架！我地今日黎左觀塘工廈既一間台式餐廳食晚飯，呢間餐廳既野食真係平靚正啊！我地點左兩個主食，包括係家傳肉燥飯同埋排骨芝麻醬乾拌麵。家傳肉燥飯就係一道比較簡單既台灣菜，食落去好有台灣既味道！排骨麻醬拌麵既排骨炸到好香口，而麻醬亦都好香，麵既質感爽滑！我地仲叫左酥炸小丸子同埋蠔油時菜，小丸子有貢丸同埋花枝丸，高度推薦！我地仲加配左豆漿綠茶同埋青蛙撞奶！