哈比斯燒肉串和咖哩 (利景閣)

營業中

休息中

位於天后天氣道嘅卡巴店嘅印度菜，店主同店員都係印度人，所以入到去叫野食要講英文。大家可以選擇堂食或者外賣，店內外夾埋有5張檯，不過我自己就鍾意叫外賣喺屋企舒舒服服咁食啦......加上佢有個靚靚精美紙袋，方便攜帶。今次揀左烤雞肉配飯，店家用一個精美餐盒盛載，左邊係雞肉同飯，右邊有沙律。啲飯係正宗印度米，比較扁同長身，同香港嗰啲唔同，口感幾得意。烤雞肉配上類似沙律蛋黃醬的醬料，令烤雞肉味道更加豐富。仲有沙律做配菜，食起黎唔會太乾，比較juicy啲。雞翼方面就一般啦，唔係好夠味同埋唔夠香，相信係醃得未夠。另外，加左$12 要左件印度烤餅，價錢好合理。雖然拎左番屋企隔一段時間先食，但仲係熱呼呼的，而且唔會太韌，口感不錯。整體上都算係唔錯，如果想試下正宗印度菜，呢間小店，個人認為係一個唔錯嘅選擇。

琴晚同朋友途徑電器道，有d肚餓，見到尼間“哈比斯燒肉串和咖哩 ”，而且又聞到好香，於是就想入去試下。雖然店面唔算太大，但都有位置可以坐。我點咗羊肉卡巴，我朋友點咗雞肉卡巴。見到落咗單之後佢哋係即做。見到份卡巴卷第一感覺就係，使唔使甘大份啊，做宵夜有種罪惡感LOL。入邊真係好足料，羊肉同菜都好多，做晚餐其實都夠。食起身好香，羊肉唔會騷，吃完真係好滿足。我朋友比較細食，食做一半已將話吃唔落，話剩低d聽日做早餐。所以真係好抵食，分量大，味道又幾好，推薦！

行街見肚餓見到有間賣卷餅既餐廳，唔少人停係度等外賣，八掛咁睇下個餐牌，見人地拎住好大條卡巴，應該價錢都唔貴啦。我就order左個雜錦卡巴，其實我都唔知有咩料，但係有選擇困難，雜錦咩都有應該唔會中伏掛排左一陣買左一大條熱辣辣既卡巴，隔離錫紙都聞到d香味好期待~~番屋企之後先發覺d汁漏左d出黎晒左不過原來入面仍然好多汁，一咬落去口感好rich好多汁早知就買多份用宵夜啦。原來入面係雞肉同羊肉仲有好多蔬菜同肉汁，今次雜錦冇揀錯記得餐牌仲有飯盒賣，下次要試埋先

行行吓街見到間卷餅有人排隊，反正未食野就排埋一份雞羊兩溝卷餅唔該~ 睇住佢即叫即整，眼明手快加菜加醬，重頭戲係見到佢加好多肉多d多d ~ 然後卷卷卷開心帶走。入到電梯d香味充滿成個空間，淨係聞都知冇排錯隊。番到屋企打開張錫紙仲係熱辣辣ga~d汁已經流緊出黎啦！食落仲好juicy好香，卷餅跟本就唔係賣點，入面d肉同餸先係正。d肉好香滑好多好正丫，配埋d汁同蔬菜，一啖啖肉超滿足唔怪之得咁多人排隊啦~食肉獸要試丫

OT晏收工，唔知食咩好，諗起之前附近行過嘅一間印度餐廳，不如就試下啦!鋪頭唔大，得幾張枱。menu上有唔少選擇，望咗個餐牌一陣，都係唔想食飯，於是決定叫個羊肉卡巴拎走。卡巴即叫即做，可能太夜，唔多客，唔駛等好耐就有。由於實在太餓，返到屋企即食。卡巴用錫紙包裹，拎上手就知份量十足，打開依然夠熱。不過可能焗咗一陣，見個皮都有啲濕軟。內裹羊肉味濃，但係一D羶味都無，配上洋蔥、生菜、蕃茄同沙律醬，口感豐富又健康，一條就足夠飽肚，正!

呢晚起天后打完波，見有D餓，就同朋友一齊行下搵野食填肚。行過見到間做中東菜嘅，有賣卡巴，諗起都好耐冇食過，就提議試下啦!未入門口已聞到香味，加上見店內師傅手勢純熟，心諗應該都正宗。門口見SET LUNCH 超平，可惜時間唔啱，冇優惠。由於未入店已決定食咩，所以唔駛左諗右諗，直接叫咗個羊肉卡巴卡巴足料，分開一半仲有咁大個，男士都絕對夠食。羊肉既份量唔少，肉味重得黎又唔膻。薄餅皮十分鬆軟，包住菜同肉，加上醬汁，一D都冇油膩覺。一啖食落口，超滿足。

Lunch came to the day, found a Indian food, go try it.Lamb cappaThe restaurant really called the whole is the whole lamb with a perfect match, the restaurant where the Kabbah all that is called the whole, to ensure fresh and hot at the same time enough soft body, fragrant taste with the scones really make a memorableThe lamb is not a dry body, enough tender and smooth, roast rock rock is good and enough gravy. Into a mutton Kaba taste and fragrant at the same time really have a lot of mutton int

今天起來，不知怎的，好想吃卡巴。馬上起行，走進店內，一群食客正在用我不懂得的語言，跟店員在聊著。掛在高處的電視，正播放著歌舞劇，同樣用著我不懂得的語言。我在中東遊行嗎？迷迷糊糊的有了這種感覺。要羊肉卡巴。店員要我在幾醬料中選一種，我選了小辣醬。坐位靠近廚房，也因無聊，看著廚師泡製我的食物。在羊肉串上刨下的羊肉，放在平板上煎炒。撕下一張錫箔紙，放下餅皮，生菜、洋蔥、蕃茄，加上炒過的羊肉，加上三種不知名的醬汁，包成卷，壓在一部上下有鐵板的機器內加熱，即成。送上來的卡巴，非常燙手，一時三刻都不能用手拿起進食。稍涼，咬一口，羊肉有羶味，有肉汁，配著蔬菜三寶，這就是中東風味吧？我搞不懂，但背景的語言、音樂，令我有置身於異地的感覺。

今日在天后的街頭走著走著，突然間聞到了一陣很香的味道，是一種令人立即肚子的味道，因為又是我靈敏的鼻子出動的時候，要找出這一間餐廳。最後是發現味道原自於這一間餐廳，入面工作的人都是中東人，因此我猜想味道大概也是非常正宗。先來一個羊肉卡巴。薄餅皮非常的熱，入面包著猜點冷的番茄后沙律菜，一冷一熱的口感很好。羊肉的質地也非常嫩滑，沒有膻味，人人都合適。butter chicken配薯條。butter chicken並不是指牛油雞翼，是他們當地一種咖哩的煮法，加入了牛油令到咖哩汁底更香更甜。因此這一碟食物並不辣，反之帶著一點點的甜味。雞肉很嫩滑，不怕是那種煮了很久的萬年雞肉。芒果沙沙，說是奶昔左右的飲品。不算太凍，略帶點點甜，奶香芒果味重。必點的飲品。

今日又黎左天后食lunch～電氣道真係好多野食呀～之前食過越南野泰國野，今日試試中東野啦～Kebab對我黎講一D都唔陌生，以前去歐洲同土耳其都成日係街度見到～係香港，唔算多地方有得食～所以一見到就一定要食！佢地既lunch set一D都唔貴，每個餐唔駛五十蚊仲有野飲～店內有四五個位可以堂食～而都有好多人外賣～好啦～我地就叫一份卷卷羊肉kebab同咖哩雞飯啦～首先係咖喱雞飯～佢地既飯係比較幼長，長度比我地食開既亞洲米長接近兩倍，而且口感都好唔同～佢地既咖哩唔太辣，食得出用左好多香料去整，送飯一流！雞大約有六七件，都幾入味～Wow～我最愛既羊肉kebab出爐啦～師傅係卷卷肉上面割D肉落黎再炒一炒，加入其他材料同醬汁，用錫紙包好再放入一個kebab爐度加熱～入面啖啖羊肉！真係超多料呀！反而呢個kebab有輕微辣，可能係乾蔥同醬汁啦～超好味！羊味好濃！而蔬菜係超新鮮！眼闊肚窄，睇佢地細細份，原來實質係大大份! 淘小姐表示飽到郁唔到～重點！兩個人食完都唔駛一百！

同事話想一齊食野跟住行左去天后搵地方食野，跟住突然見到呢間餐廳朋友話想入去食個下午茶，就走左入去試下。羊肉卡巴羊肉一啲都唔會乾身，夠嫩滑，烤得岩岩好又夠多肉汁，餐廳果然係即叫即整。作為餅皮嘅麵皮入口要夠軟身，而且夠晒熱，份量亦都好足唔會太小，成個羊肉卡巴味道又夠香濃同時真係有好多羊肉入面架，而且入口唔會辣，味道反而有一點香甜，岩唔太食辣嘅人黎食下。而且將羊肉配合烤餅係一個絕配，餐廳嘅卡巴全部即叫即整，保證新鮮又熱辣辣嘅同時又夠軟身，香濃味道配合烤餅真係令人一試難忘

卡巴係土耳其名物，裏面有夾乜都得，所以變化性好大！小弟喺維園打完波諗住食晏，行過電氣道，見到佢有lunch set，所以入左去試下！食肉獸既我當然搵有肉既卡巴啦。有牛，雞，羊，係冇豬！因為穆斯林唔可以食豬！我揀左羊卡巴，因為夠羶！小弟覺得羊唔羶唔好味！羶係羊味，唔羶同牛分別唔大！師傅即叫即切！可以選擇辣同唔辣！重口味既我選擇左辣！一開二，幾大舊下，我一個人食都飽！小心，超級熱，廝開將錫紙果時要特別小心！裏面有菜，番茄，羊肉同秘製醬汁！辣味好過癮，唔係好辣，又有辣味，好矛盾既味道！一試上癮！肉既份量都多，每一啖都食到肉。卡巴卷皮脆脆地，好新鮮！午餐可以選擇一款飲品，有汽冇汽，任君選擇，好周到！

最近在天后新開了一間吃卡巴卷及印度咖哩的小店, 於是就相約了同樣到過土耳其旅行的好姊姊, 一起去吃卡巴卷.揀了一個羊卡巴卷一起分享. 熱騰騰的羊卡巴卷, 捲得頗為鬆散, 裡面除了有羊肉, 還有大量生菜, 紫洋蔥, 蕃茄等, 靈魂醬汁為薄荷醬. 由於羊肉已被醃得辣辣的, 故此, 其羊羶味未見強烈. 而配料生菜, 紫洋蔥及蕃茄本身已是清爽之物, 混入冰涼的薄荷醬在一起, 的確合拍, 令人吃著清新之餘, 亦減省了油膩感覺.看到其他食客在進食咖哩, 我們也來一客咖哩雞配印度烤餅, 另額外加錢要extra naan. 咖哩雞及薯仔已經煮得軟爛, 像是溶在咖哩中似的, 所以夾在烤餅內吃, 十分方便. 深啡色的咖哩有點兒辛口, 但老實說, 它沒有辣到嗆喉, 倒是惹味非常. 要讚的是, 印度烤餅甚為鬆軟, 酥皮層甚多, 也富有麵粉香, 不沾咖哩汁也好吃哩. 

好好食！我由新界過黎食的！食物好大份好味！環境都ok，係音樂大聲左小小大家不妨試吓烤雞卡巴，好好味但係有啲辣！ 另外羊肉好若惹味，值得一試再試，期望下次試下個沙律

同事住天后見客回來帶了卡巴卷。餐廳位於電氣道。帶到公司都仲係熱辣辣，而卡巴卷size 好似奧運聖火咁大。細食一條兩份分都得。雞肉分量多，又唔會乾，帶點Juicy . 惹味得很，菜量都驚人，生菜蕃茄洋蔥青椒等等應有盡有，健康又美味。尤其生菜脆口新鮮之作，醬汁足料而且混得好好吃，又帶少少辣，重點的包也很好吃，不會乾。由頭食到尾都爆多涵料。$48包飲品實屬抵食之選，真係豐富到七點晚餐都食唔落，菜又夠多最合OL 心意。我明明話要食light lunch .... 變左豐富到爆。唔怪得同事話買嘅時候好多OL 啦！飲品選擇都好多，巨峰提子，綠茶，可樂，汽水，樽裝水都有。打緊食評嘅時候，同事特登send左呢張相俾我。點解？因為佢地好環保，用貴5倍有多的可降生餐具。要我幫佢讚下喎！