品香樓中西風味餐廳

營業中

休息中

品香樓📍石硤尾南山村南山商場平台204-205及210-213號舖味道：😋😋😋😋😋😋😋環境：🎑🎑🎑🎑🎑🎑服務：😏😏😏😏😏😏😏以前喺城大讀書嘅時候，有時拍拖或者夜晚開完會就會同同學黎品香樓食嘢，叫返幾碟小菜，食餐飯獎勵下自己。食完飯仲可以到南山邨影張相打個卡😍畢業幾年，呢度嘅小菜依家令人念念不忘，唔同嘅係，一齊黎嘅係家人。🦐🍤黃金蝦 $103炸得酥脆 ，配以咸蛋黃，咸蛋黃唔會因為太咸而搶走蝦嘅鮮味，相反令蝦嘅味道同色澤更突出。🍑🍖蜜桃沙拉骨$98以沙律醬同蜜桃炒排骨十分開胃，味道酸甜可口，排骨香口而不膩，令人食完都仍有味蕾上的享受😋🐠椒鹽九肚魚$98魚肉鮮嫩，皮薄肉嫩，外脆內鮮，十分可口，以椒鹽炒更加香脆，調味剛好，令人食過返尋味😋🥦西蘭花花枝片炒帶子$128帶子非常新鮮，花枝爽口彈牙，西蘭花吸收咗鮮味之後更多味美。————————————#香港美食 #美食推薦 #美食日記 #九龍塘#石硤尾#南山邨#美食推介#打卡 #中式餐廳 # #九龍塘#石硤尾#南山邨#Kowloon Tong #Shek Kip Mei#Nam Shan Estate#hongkongfood #hongkongf

多年前、因為女兒在附近返學、都去食過午餐或下午茶、都覺得唔錯。昨天晚上同朋友在附近活動、於是諗起品香樓。我哋6點去到，見到個場好冷清，心諗點解？原來我哋太早到、6:30 pm 陸續入座、爆满加埋門口排隊等。食物品質👍👍👍👍👍⋯手撕雞（要預早訂）正呀，又有驚喜👏🏻👏🏻👏🏻蒜蓉蝦蒸糯米飯👍👍🏻👍🏻枝竹牛仔骨煲👍👍👍🏻椒鹽九肚魚脆香👍🏻👍🏻👍🏻XO 醬炒腸粉👍🏻👍🏻👍🏻懷舊又好好味😋

提示1: 不要吝嗇， 加$6蚊，叫杯凍朱古力有忌廉嘅，你絕對唔會後悔。 提示2: 夠人嘅話，嗌小菜啦，一定大滿足過你嗌碟頭飯。  工作緣故去左城大附近，工作前已經掛住品香樓喇 - 當年城大人嘅老飯堂。 一個人食飯食唯有食返個碟頭飯。南乳雞中翼菜飯，啲雞翼香脆好食，南乳味啱啱好，啲菜飯帶啲油份又香又好食，跟返2條菜，份量真係啱啱好。 再嚟就係凍朱古力跟忌廉，甜得啱啱好，喺呢度食就唔樂求健康飲食喇。朱古力味濃郁，忌廉滑順，一啖朱古力一啖忌廉好過癮。 食物十幾年都保持到水準，夠晒麻甩。環境衛生同服務都十年如一日咁有待改善，但係嚟得茶記食，呢啲都唔介意架啦。

石硤尾南山邨的品香樓是昔日學生時代聚會食飯之地，畢業之後，相隔多年未有前來。這晚和家人去又一城睇戲，特意走過來品香樓吃頓晚飯。我們坐的圓枱是在卡位之間的通道，座位擠迫。而且冷氣過凍，凍到食物好快變凍，凍到連人都想快快吃完便走。明太子炒飯，配料有蟹柳及蟹籽，炒飯都算乾身。加入了蟹籽，有爽脆口感，令炒飯更有咬口。雖然叫明太子炒飯，但不會吃到明太子那陣淡淡鹹香味。蜜桃沙拉骨，沙拉骨香脆得來又啖啖肉，澆上沙律醬及加入蜜桃粒粒，味道酸酸甜甜，幾醒胃。啫啫芥蘭煲，好夠鑊氣，芥蘭嫩綠爽脆，惹味！火焰蜜椒牛柳粒，食物送上桌後，侍應在我們面前點火，將牛柳粒的醬汁燒至吱吱聲，打卡菜式之選！牛柳粒軟稔入味，帶微微蜜甜，很好吃！薯仔脆脆的，好香口～～鍋貼芝麻蝦，賣相一般，像是在蝦多士上隨意的灑上白芝麻及肉鬆，每件都不平均。味道普普通通，蝦膠尚算彈牙。港式脆煎蠔餅，蠔仔份量不多，鹹香度普通，但都算是夠酥脆，入口不會太油膩。風沙雞 (半隻)，面層鋪滿金黃的炸蒜，雞皮炸得香脆，惟肉質有點柴及乾身。七味椒鹽豆腐，豆腐炸得金黃，口感外脆內軟，七味椒鹽的調味恰好，惹味又不會太鹹，大家都吃不停口！凍朱古力，依舊是回憶中的味

黎到石硤尾, 真係會好自然行去南山邨食返次「品香樓」！佢唔係特別好食，但可能係想食返情懷同以前既回憶，食黎食去都係個D致肥菜式蜜桃沙拉骨 (邪惡指數: 😈😈😈😈😈)沙律醬+ 罐頭蜜桃+炸排骨全部都係肥又甜又開口既送，只要即叫即整一定好好食！ 不過排骨炸得有D耐，唔知係咪放係到有客叫再翻炸，口感略硬。無左好熱食入口時個種感覺，失左D分。啫啫通菜煲 (邪惡指數: 😈😈😈😈)叫菜唔一定係健康, 呢碟野又多油又熱氣…但好食&有鍋氣！食左一陣都仲keep住熱辣辣好幸福南乳豬手 (邪惡指數: 😈😈😈😈😈)同行朋友竟然話未食過品香樓，但我地唔係好多人，唔能夠叫晒所有出名菜比佢試。所以就叫左個每次我都一定要叫既豬手，未食過都唔可以話黎過品香樓。南乳味好香，聞落去已經好吸引， 豬手一食又熱、皮又香脆，呢個菜真係明知肥仔都要照食凍朱古力 (邪惡指數: 😈😈😈😈😈)最後唔少得凍朱古力點綴下，上面個pat cream 加上濃郁既朱古力，配搭係好普通！但又忍唔住次次都叫黎飲雖然品香樓已經比起以前差左，伙記D態度都無好過haha，但久不久食下懷緬下以前一大班朋友黎食個種回憶真係加唔少分。。。

難得與老婆在閒日都不用上班,就一起去品香樓吃午餐,品番樓已光顧了很多次,難得是日午餐有最啱情侶或夫婦的浪漫精選,兩公婆就一齊Order 荳腐枝竹火腩飯, 老婆要求少飯量的。不用多講,有圖有真相,的確是料厚味美！

下午茶餐：菠蘿咕嚕飯+福建炒飯南山邨的品香樓是我的其中一間食堂,原因是即叫即炒,合心意又啱胃口, 忙得偷閒約了知已一起外出蛇下,情侶卡位最啱不是情侶一起享用.....你一句,我一句,你一口,我更大口, 好快就 KO 兩碟飯, 人生就是有空就去享受下, 無空就更要懂得去偷空, 謝謝收看！

南山邨的品香樓是我的其中一間午餐食堂,原因是一支公可快速攞到位,甚至乎是卡位,今天口淡淡要食D酸野開下胃, 一於叫個「菠蘿咕嚕肉」菜飯餐,連一杯熱㗎啡共銀$48咕嚕肉是即叫即炸的,無錯呀！上桌時仍熱騰騰的。

忙裏偷閒又到下午茶時間，靜靜雞行落去南山邨的品香樓蛇一陣，午飯吃得不夠飽，一於就選一個粉麵下午茶餐吧！這間味香樓的炒粉麵都是即叫即炒即上的,香噴噴再配一杯熱啡，夠滿足了。

天氣涼快一點就步行往石硤尾的南山邨, 如果不是邨民,就要花點時間及腳步去找了。如傳統舊式屋邨的茶記在點不同的是,餐牌每天有頗多選擇,我選了是日午餐~蔥油煎蛋炸雞比意粉。雞比夠大隻配蔥油煎蛋,大男人一定夠吃

星期六晏晝過去食，有lunch set 大大碟主食加杯野飲，兩個人夾埋都唔駛$100😲😲椒鹽豬扒飯好有鑊氣，上枱嘅時候出晒煙，不過食完就超級口渴，不過佢有跟埋菜好好👍🏻仲要係菜飯🥬茶餐廳店員冇禮貌，好有風味回頭率：👅性價比：👅👅👅👅打卡值：👅

品香樓是一間屋村內的餐廳，歷史悠久，亦算出名，有大排檔風味，能容納一大班朋友聚會食飯。剛巧朋友生日，差不多8人一張大圓枱，其他座位亦未滿座。西芹炒雞柳，一般蜜桃沙拉骨，排骨炸過，有少少硬蒜蓉炒菜心椒鹽豆腐，香脆好味薯仔牛柳粒，火焰驚喜，薯仔粒出色醒胃小食魷魚，爽口彈牙益力多沙冰，大杯又好味道環境、枱凳、碗碟、設施都比較舊，如果你接受到這種環境食飯，就可以一試無妨。食物價錢相宜，味道質素亦不差。人多的時候，可以叫不同的小菜一齊分享。

品香樓⭐️ 相信唔使多介紹 石硤尾食小菜必選🌝今次同朋友食飯一行人叫左椒鹽🦑鮮魷 大腸煲 薑蔥🐠魚腩 風沙🐓雞 蒜蓉通菜重頭戲椒鹽鮮魷 睇相就知道整得好靚 炸得啱啱好 外表黃金✨ 每件鮮魷都好厚肉 配埋華鹽真係🤭🐓風沙雞都係呢度嘅特色 係炸過既雞配上粒粒炸號房麵包糠 雞炸完都保持到肉質👍 皮脆大腸煲嘅豬大腸係通走曬啲脂肪同油 比較健康 適合平時唔鍾意食肥膏既人🤣 但鍾唔鍾意就見仁見智啦 因為大腸就係食肥膏主角絕對係嗰杯有cream嘅朱古力🍫 每次嚟都必點 口味就係偏甜嘅 但儀式感💯

基本上D嘢食大部份偏咸，冰梅骨唔入味，焗蠔D蠔油未撈好就上碟；風沙雞皮脆但有啲部份雞皮食到D鹽，幾年前食過都ok,唔知係咪D廚換咗人定點；總之我就唔會再去幫襯。基本上D嘢食大部份偏咸，冰梅骨唔入味，焗蠔D蠔油未撈好就上碟；風沙雞皮脆但有啲部份雞皮食到D鹽，幾年前食過都ok,唔知係咪D廚換咗人定點；總之我就唔會再去幫襯。基本上D嘢食大部份偏咸，冰梅骨唔入味，焗蠔D蠔油未撈好就上碟；風沙雞皮脆但有啲部份雞皮食到D鹽，幾年前食過都ok,唔知係咪D廚換咗人定點；總之我就唔會再去幫襯。

朋友帶我黎呢間收係屋邨入面嘅餐廳佢多人到少一個都唔入得去座 但都幾多人等位服務不過不失一坐低有啲花生同菠蘿比你但食物質素真的不錯佢係有鑊氣嘅餸菜但就偏向多油 不過如果同朋友黎食飯吹下水都會再黎嘅