品記鮮粉人家私房菜館

營業中

休息中

有心又有質素既邊爐🫶🏻☺️呢排天氣唔太熱，有少少秋意，梗係要打返個邊爐啦友人介紹呢間邊爐同小菜幾出色，因為之前有外賣佢既絕味雞腳返屋企食，覺得好好味，所以想試埋佢既邊爐😝😝兩個人夜晚七點半左右黎到walk in，等左半個鐘左右有得入去入去坐低店員會放低盤熱水浸住啲餐具比你洗，仲有壼茶可以飲一開頭揀左個煲底先，有好多選擇樣樣都想試，最後唔想食咁辣，所以就揀左品記花膠養生雞煲半隻。個雞煲黎到要煲滾幾分鐘先食得，店員教路食哂啲雞先飲湯啲雞都算幾滑，只有幾舊雞胸位少少鞋食完雞件我地飲湯，個湯非常好飲！係屋企煲個種藥膳雞湯味，好足料，湯底有花膠，滑雞，紅棗，栒杞，淮山、黨參雞既精華同藥材味濃縮哂係個湯到，我飲左兩碗我地嗌左 牛舌、墨魚滑、海鱸魚片、萵筍、生蠔、韭菜餃、淮山麵同寛薯粉平時食開肥牛，見到有牛舌就試下，幾彈口墨魚滑調味岩岩好，入面仲有粒粒墨魚海鱸魚片 同平時酸菜魚一樣厚度，幾滑，無骨新鮮生蠔 本身我地叫左廣島蠔，店員話今日有新出既即開生蠔，大粒啲新鮮啲果然好大隻又鮮美，洽完都無點縮水淮山麵 同個雞湯底好夾，有啲似係出面食藥膳雞湯淮山麵既味，如果食呢個湯底推介!😝價錢中等，整體野食質素算高

土瓜灣人一定識一定食，有次我搭的士講起司機都搭到嘴話土瓜灣最好食係佢。我喺度已經食過原條烤魚，酸菜鯛魚片，藥膳花膠雞煲，胡椒豬肚雞煲。每一個，係每一個都好食。最鍾意始終係酸菜鯛魚片，湯底香，魚片脆滑，無敵。花膠雞湯底好濃郁，材料份量好足。胡椒豬肚雞好夠辣，好啱冬天食，同樣亦好足料。如果要講美中不足就會係烤魚，唔係唔好食，只係相對冇乜特色。另外小食都嗌咗黃金皮蛋同埋紅糖糍粑。比起主食，小食就相對上冇咁有特色，但係都係中上嘅水平

🐷📌 #豬西食土瓜灣#豬西食九龍品記係一間好正嘅餐廳呢度嘅招牌重慶雞煲麻辣鮮香仲有頂級雪花肥牛同美國黑豚肉都好吸引🐷招牌重慶雞煲佢嘅雞肉鮮嫩，個香料底夠正， 我哋唔係食得好辣，所以叫咗小辣 感覺都唔錯 如果完全一啲都唔辣嘅話，應該唔夠過癮🐷麻辣小龍蝦啲龍蝦肉嫩滑，麻辣鮮香，食完仲想再食～🐷頂級雪花肥牛肉質鮮嫩，有淡淡嘅甜味，配埋啲醬汁，好過癮！🐷美國黑豚肉厚切豬肉質地緊實，燒烤得啱啱好，好好味！品記📍土瓜灣浙江街18號利.港灣1樓

星期五想食好d又唔想出街。。一黎驚太多人。。要排隊等位。。又驚食一陣比人趕走。。。。又係時候用外賣平台落order.......上次其實都食過呢間品記。。但就係外賣自取。。。自己去拎。今日天氣唔係十分熱。無啦啦都想邊一邊。。。同老公叫左鍋清湯蘿蔔牛腩。。加左個細牛。。跟住自己屋但加d丸加d菜。簡簡單單。。。。講番個煲， 黎到時包住的。。。開完一層又一層。。。。非常好。。一d都冇整濕。。開始食。。。牛腩都幾多又大舊。。。味道都唔錯。。又唔會太鞋。。。蘿蔔就有d生。。。。到食飽果陣d蘿蔔先岩岩淋晒。細牛肉味重。。。如果外賣邊爐。。呢間算係性價比高

朋友聚會，土瓜灣街坊朋友熱烈介紹這間品記打邊爐，看着Google地圖逐步逐步走，走入暗街，位置有少少偏僻。不過到埗後，店舖非常有氣氛，地方大，不過人太多，枱與枱之間的位置有點窄。未打邊爐前先吃重慶雞煲，麻辣香，店員會親自來炒兩炒，雞肉嫩滑，味道濃郁。大大碟肥牛，擺得非常漂亮，雪花充足。第一次食辣魚皮，少少辣，但真的非常惹味。響鈴夠鬆脆。其他食物都非常高質，不一一盡錄原來品記平常營業到凌晨三點，未來想深宵打邊爐一定再來。

減肥暫時告一段落，可以不停食我最鍾意嘅打邊爐。品記平時我哋係會買外賣返屋企嘅，因為好方便。但係因為今日放工已經好晏，所以同老公兩個人去撐枱腳。通常叫返屋企，我哋都會叫花膠湯底，今次試吓沙嗲濃湯底，冇花膠咁野味，但係都唔錯。每一次必叫嘅都係本地手切牛。超淋超好味，不過唔知係咪心理作用，我覺得堂食嘅好似好味啲。辣魚皮好野味，夾啤酒係一流。

公司旺季收工都成凌晨12點，呢期慣例都會同同事一齊食埋宵夜先返屋企，不過開得夜嘅餐廳都唔係好多選擇，好食嘅就更加少。今日就有同事帶路嚟到土瓜灣食呢間傳統港式火鍋店，話價錢平靚正。🤓🤓成班同事叫到一枱都係，款式超多，大把選擇，而且有好多大枱，咁多食物一張枱都放得晒。我哋叫咗豬骨煲，睇番相都覺得足料，湯底香濃，火鍋配料都新鮮好食。推薦鵝腸同手切肥牛🤓小食都有水準。同事講得冇錯，真係要用三個字：平、靚、正😋

喺網上見到影片介紹呢間餐廳好受當區人歡迎，鍾意食雞煲嘅我終於約埋朋友過嚟土瓜灣呢度會一會佢🥸土瓜灣地鐵站出口行過嚟都好方便，一條直路就到，好彩今日早約咗朋友，仲有早鳥優惠😌7:30前埋單八八折雞煲一上到嚟都比想像中大，佢哋係做重慶雞煲($248)，煲咗一陣之後店員會再過嚟親自炒兩炒，重慶香料好香，味道係超級惹味，夠麻夠香。最衰今次少人一齊食，下次約多啲人過嚟再試吓佢哋其他菜式同火鍋配料，有超級多款，小炒小食都有，煲類仲有豬骨煲羊腩煲等等，呢個價錢呢個質素，真心物有所值。

外賣好方便，又有得送貨，不過美中不足要自己落樓下拎，但係都好方便，即日落單之後大約一個鐘頭左右就送到，仲有個煲跟埋，同埋辣椒蒜蓉豉油外賣湯底，胡椒豬肚雞煲好足料，個湯底好好飲，胡椒味好濃下次再試吓其他

呢間火鍋店都食過幾次，之前外賣🥡都一直幫襯開，水準保持，呢度嘅打邊爐湯底同出邊唔同，佢哋個湯底入邊好多料，其實差唔多都可以當係一個餸咁樣食，不過如果兩個人過嚟嘅話，可能就真係唔好眼闊肚窄，堂食嘅地方都好大闊落，唯一美中不足嘅就係位置有少少唔就腳。墨魚滑：食到有墨魚粒，不過墨魚味唔夠濃，但係都幾彈牙野生竹笙：真係原條嘅竹笙，大大條吸湯汁汁一流牛舌：夠薄，煮一陣間就就食得冰粉：如果凍少少就更加好，紅糖煮得夠濃，幾好

屯馬綫開通咗之後，嚟土瓜灣方便咗好多好多，帶旺左好多舊區，而且舊區租金嘅水平都同油尖旺有唔同，所以價格都會比較相宜。呢間火鍋店之前疫情都幫襯過，外賣有個煲跟埋都幾得意，就咁可以拎上去電磁爐攞嚟打邊爐，今次OT完就提議過嚟呢度打個邊爐，食物都選擇多，牛肉特別深刻印象份量夠，而且有牛肉味其他配料都新鮮正常，而且停到車，可以encore

上網話好多人好評，又去睇下啦，一到，店員已經唔禮貌，冇計啦，太遠過嚟，地方又唔就腳，無謂嘥油錢就照食啦，點知就伏到一個點。豬骨煲勁味精，牛肉一Pat pat，紅糖糍粑就只係一個粉團，響鈴又話即炸，淋到呢。。。其他都係水準普通。地方痴立立仲要係通風唔夠🫤一個定就係中伏。d服務仲要西口西面，呢個價唔好同大陸比丫，香港都大把豬骨煲好好佢，祝佢生意興隆啦！！

好鍾意食羊，天氣咁凍，羊腩煲點少得個人覺得煎羊架食羊味，羊腩煲食調味見品記個細羊腩煲，連埋個放到電磁爐用嘅兜 $298，凍凍地又懶懶地，外賣個返屋企去打邊爐屋企打開好開心，細羊但份量唔少，兩口子夠晒食；跟生菜一份同靈魂腐乳，生菜鮮綠乾淨，腐乳教個味唔錯爐滾起，個汁濃厚但唔會涸口，舒服；羊腩入晒味，有皮有肉，嫰滑唔靭唔柴唔會黐晒牙，無骨啖啖肉；花菇厚身好juicy；馬蹄爽甜；支竹炸得脆炸得挺，索晒汁一流；仲有蒜苗，蔥，唐芹點綴，真係食到紅都面晒，成個身暖粒粒

餐廳喺老城區土瓜灣入面，營業到凌晨三點，有好多街坊幫襯，特別有氣氛，啤一啤佢超好feel！平時收工夜咗都可以嚟食返個宵夜，有多款小炒同火鍋可以選擇，仲有足球直播可以睇，氣氛超正！半夜肚餓，落嚟食少少嘢，叫返一個煲加幾味小菜就啱啱好，惹味又滿足！-——————————————🐖◖豬筒骨煲◗ $198個煲入面都有唔少豬筒骨，而且仲有唔少肉黐住，加入蘿蔔粟米去熬煮，湯底清清地，啱晒鍾意吮骨頭嘅朋友仔！🦪◖特大A級廣島蠔◗ $128一份有好多隻，每隻都好肥美飽滿，食落特別鮮甜！🐙◖手打墨魚滑◗ $68都幾足料，味道幾鮮甜，唔會有好多粉嘅嗰種口感👍🔥◖即炸響鈴卷◗ $38港式邊爐必備嘅配料，索晒啲湯嘅精華，好香好食！🌟Encore指數：8.8/10

前兩日天氣又凍番，同朋友仔走左去食雞煲打邊爐，暖笠笠🤣。雞煲我地叫左一隻雞都係$248好抵食，一打開已經香氣十足。雞件嫩滑入味，味道濃郁，小小辣食得好惹味。食到咁上下就可以加湯底打邊爐，出面有自助區落醬汁。叫左打邊爐必點既自家製響鈴，沾了上湯仍香脆鬆化。另外，仲有多配料選擇例如：鴨血、墨魚滑爽口彈牙、毛肚等。本地手切肥牛好靚仔，少少油花及筋位，口感較有嚼勁爽口，油香滿溢，牛肉味較重。叫左枝藍妹啤酒用戰鬥碗飲🤣好盞鬼。呢間餐廳開到淩晨三點幾正，坐晏啲都得，仲有足球直播氣播都好好。下次睇完演唱會可以過埋黎食🤣🤣。