品臻

營業中

休息中

呢個天氣又熱又焗, 行街淨係想搵啲冰涼嘅飲品同埋啲小食食吓.今次係新蒲崗搵到依間小食店.飲品選擇多到不得了, 解渴嚟呢度買嘢飲真係啱晒.芒芒特濃鮮奶(HK$38)依間店嘅鮮奶全部都要係用Meiji鮮奶製成.奶香濃郁.芒果粒都幾大粒.份量都幾多味道有少少似楊枝甘露.天氣熱嘅時候飲, 我覺得都幾爽, 而且味道唔會好甜.草莓4.3特濃鮮奶(HK$36）作為店內Top 3人氣飲品, 草莓特濃鮮奶真係名不虛傳!滿滿草莓果肉, 配上濃厚Meiji鮮奶, 奶香同果味完美融合!攪勻之後飲, 口感順滑, 甜度適中.正！Nutella 榛子格仔餅 (HK$26)格仔餅係即叫即整, 熱辣辣.啲醬份量啱啱好, 食落又唔會過甜.不過一個人食晒有啲邪惡.椒鹽燒賣 (HK$12/5粒）炸燒賣我都好耐冇食.之前食過有啲舖頭嘅炸燒賣係勁硬.但係呢個燒賣係做到外脆內軟.食落都仲有燒賣嘅口感.加埋椒鹽粉幾惹味.整體嚟講, 依間小店嘅飲品味道唔錯.下次經過我都想試埋佢唔同味嘅雞蛋仔.

今次喺新蒲崗發現呢間小店「品臻」，主打港式小食配手搖飲品，絕對係平民價錢嘅高質享受！🧇招牌榛子醬格仔餅即叫即整，厚身鬆軟，外脆內軟，內裡熱辣辣🍢蒸燒賣粒粒脹卜卜，魚肉彈牙有嚼勁；椒鹽燒賣炸到金黃香脆，灑滿椒鹽粉，鹹香惹味，食到停唔到口飲品驚喜十足，🥭芒芒特濃鮮奶+寒天真係勁濃郁！滿滿芒果肉同寒天，口感豐富，不過甜度稍高，下次記得叫少甜。🍊百香果香橙綠茶就清新解膩，酸甜比例啱啱好，夏天飲超爽！仲有佢哋嘅芋圓甜品系列，睇落好吸引，下次一定要試～小店雖然唔起眼，但食物質素同份量都誠意十足！

新蒲崗新開的小食飲品店，價格合理，仲有多款飲料選擇，每款都好吸引😍😍 我地本身想試肉鬆格仔餅，但好可惜賣曬🥲 最後揀左Nutella格仔餅，格仔餅比想象中大塊，同埋都幾多餡！😍 港式小食方面，我地叫左個秘製魚肉燒賣同椒鹽燒賣😝 燒賣有魚肉味，唔係個d好平，食落好粉個種燒賣，椒鹽燒賣都炸得剛好，外脆内軟,幾有咬口😋 飲品方面款式都好多，好岩依排夏天飲，推薦草莓4.3特濃鮮奶😍 酸酸甜甜，好解渴，仲有d啫喱，口感好豐富😍 另外百香果香橙綠茶飲落都唔會太甜，百香果同茶味balance，下次有機會路過會再試下其他飲品😝🌟1️⃣草莓4.3特濃鮮奶 🍓🥛𝑺𝒕𝒓𝒂𝒘𝒃𝒆𝒓𝒓𝒚 𝑭𝒓𝒆𝒔𝒉 𝑴𝒊𝒍𝒌 𝒘𝒊𝒕𝒉 𝑪𝒐𝒄𝒐𝒏𝒖𝒕 𝑱𝒆𝒍𝒍𝒚🌟2️⃣百香果香橙綠茶 🍊🍵𝙋𝙖𝙨𝙨𝙞𝙤𝙣 𝙁𝙧𝙪𝙞𝙩 𝙊𝙧𝙖𝙣𝙜𝙚 𝙂𝙧𝙚𝙚𝙣 𝙏𝙚𝙖🌟3️⃣秘製魚肉燒賣𝙎𝙝𝙪𝙢𝙖𝙞🌟4️⃣椒鹽燒賣𝙁𝙧𝙞𝙚𝙙 𝙎𝙝𝙪𝙢𝙖𝙞🌟5️⃣Nutella 榛子格仔餅 🧇𝙉𝙪𝙩𝙚𝙡𝙡𝙖 𝙒𝙖𝙛𝙛𝙡𝙚

熱爆茶飲店 地道格仔餅 呢間茶飲店 好多選擇 仲有好多糖水及小食 啱晒我😋 一時之間唔知食咩好添🤣 ✨濃香芋泥麻糬鮮奶$40呢杯嘢好有層次 攪勻之後飲味道好夾 好Creamy 推介😍 ✨蘋果蘆薈綠茶$34蘋果味酸酸甜甜 每啖都飲到蘆薈 好Q彈 咁熱嘅天氣飲 爽呀😎 ✨秘製魚肉燒賣$10軟糯彈牙 係地道嘅小食 真係百食不厭🥰 ✨椒鹽燒賣$12即係炸燒賣 外邊炸到勁脆 好香口👍同蒸燒賣 各有千秋😋 ✨榛子格仔餅$26好地道 榛子味濃郁 好邪惡 😍🤣 整體嚟講 地點方便 價錢親密 值得encore 🎈品臻 (新蒲崗)新蒲崗大有街23號地舖

經過新蒲崗 就叫咗啲街頭小食飲品部分，兩杯鮮奶類分別叫左草莓4.3特濃鮮奶 同 芒椰紫米鮮奶，都真材實料，甜度控制得宜草莓香氣濃郁，搭配4.3特濃牛乳，口感滑順，微糖甜度剛好，唔會太膩，少冰讓整體更濃郁，喜歡草莓牛奶既人必試！ 芒果既香甜搭配椰奶既濃郁，紫米增加咀嚼感，整體層次豐富，有嘴嚼感另外仲叫左秘製魚肉燒賣、椒鹽燒賣魚肉鮮甜彈牙，外皮薄而滑嫩椒鹽口味外皮微脆，椒鹽香氣十足，帶點微辣，口感比傳統燒賣更重口味，有鹹香刺激，當小食好開胃！

行開新蒲崗覓食，經過大有街見到呢間「品臻」小店，白色簡潔嘅門面好乾淨企理✨🌟 原味雞蛋仔 🌟即叫即整熱辣辣，外脆內軟，蛋香味濃郁，完全係童年回憶嘅味道呀！😋🌟 秘製魚肉燒賣（5粒）🌟粒粒脹卜卜超彈牙！🤤 配埋獨家秘製醬汁同辣油，惹味到停唔到口！🌶️💖🌟 椒鹽燒賣（5粒）🌟炸到金黃酥脆，外脆內軟，加上椒鹽粉鹹香惹味，勁有口感！🤩🌟 芒芒特濃鮮奶（微糖）🌟夏天必飲！🥭🥛 超多新鮮芒果肉，配埋香濃鮮奶，微糖清新又解渴，好似楊枝甘露咁‼️🌟 白香果香橙綠茶（微糖 微冰）🌟健康清新之選！🍊🌿 酸酸甜甜，充滿熱帶水果清香，綠茶底回甘，消暑一流，飲完精神晒！✨💖

今晚小妹經過新蒲崗，突然好想食小食及飲手搖茶，點知見到呢間「品臻」手搖店，除咗賣手搖飲品外，仲有小食，甜品，不同款式格仔餅及雞蛋仔，非常多選擇，價錢合宜😆就買嚟試吓～草莓4.3特濃鮮奶🍓 🥤呢款手搖飲用咗4.3特濃鮮奶，奶味相對濃郁，而且有切粒草莓🍓味道👅非常香甜，超好喝，加上好解膩🍓以及加入椰果，提升咬口，顏色好少女風🤭杏仁雪燕桃膠鮮奶🥤雖然桃膠本身無味道，但結合咗杏仁、雪燕及鮮奶，味道👅好甜，且非常滋補養顏，潤膚通便～食時好有口感，爽滑煙韌😍深海炸魚蛋🍡絕對係香港街頭常見既小吃，呢款小食用咗魚漿製成，外形好似隻蛋，加上經油炸後，口感好Q彈，不錯👌🏻😌椒鹽燒賣🍢採用椒鹽來調味，同樣經過油炸，令每粒燒賣既外皮非常酥脆，而內裡保持到彈嫩既口感，形成好鮮明既對比🆚 呢種獨特既椒鹽風味，實在令人回味無窮😚幸福仙草🍲仙草好滑溜，加上有豐富既材料，當中有芋圓，紅豆🫘珍珠及椰果～呢個配搭令甜度剛好，芋圓煙韌，紅豆🫘軟霖，入口溶化，芋圓入口Q彈軟綿，而椰果好有咬口😙😬正🤭整體職員服務有禮🤩 加上門面乾淨企理及衛生，食物有質素😚真心推薦😌

黑糖鮮奶 $30明治鮮奶，鮮奶口感順滑，奶味會更濃郁 ，加黑糖少少甜，是一杯夏日的消暑飲品。芒芒特濃鮮奶 $38香濃的芒果粒與明治鮮奶混在一起，喝下去的時候有一種吃芒果布甸的感覺，滿口都是芒果的味道，最適合炎炎夏日。秘製魚肉燒賣(5粒) $10沒有胃口的夏天，看到熱騰騰的燒賣，加上豉油及辣油，會令我胃口大增。椒鹽燒賣(5粒) $12這是一個很新穎的做法，椒鹽加在炸燒賣上，這是一個刺激食欲的食物，適合夏天。Nutella 格仔餅 $26用榛子醬代替花生醬像的口感會更濃郁格仔餅外脆內軟，味道不錯，值得一試。

最近唔知點解有個心癮，一無嘢做就會好想飲手搖果茶🥤今日等緊人之際，果茶癮又發作～～即刻搵到呢間本地茶飲店❤️ 仲有小食食添‼️「百香果寒天綠茶」新鮮百香果甜甜酸酸，有埋滑嘟嘟嘅寒天，係我最鍾意飲😋 用綠茶底更能突出百香果嘅清新甜味「草莓4.3特濃鮮奶」用左4.3特濃鮮奶，奶味非常突出，飲得出係用新鮮草莓blend😍 整體好match😋仲有QQ jelly增加口感極力推薦食「椒鹽燒賣」，即叫即炸，炸到脹卜卜，外脆內煙韌，好好食😋$10有5粒，忍唔住食左1粒先影相～～榛子格仔餅

新蒲崗 珍珠奶茶店竟然賣埋小食仲要係 港式創意小食.好鍾意佢每一日都有一款特價飲品買嘅時候可以唔使諗.芒芒特濃鮮奶啖啖芒果蓉比起芒果粒更易入口鮮奶又濃又滑芒果配鮮奶味道好夾.香芋珍珠牛奶粒粒珍珠好 煙韌有咬口星期四特選優惠飲品香芋味好濃牛奶味好淡鍾意香芋嘅一定會好鍾意飲.格仔餅好好食麵粉份量比較多口感煙韌 比較挺身熱辣辣整好即刻食非常香脆.原味格仔餅食花生醬加煉奶懷舊味道.Nutella 榛子醬格仔餅竟然會有創意味道朱古力榛子醬愛好者必選仲要很多醬啖啖都食到榛子醬同煉奶味道好夾.椒鹽燒賣炸燒賣外脆內軟加椒鹽粉好香口比蒸燒賣更加容易飽肚

每次經過大有街都會買啲小食，最近見到新開一間茶飲店，仲有好多港式小食，就決定喺呢度解決我嘅下午茶。草莓4.3特濃鮮奶呢款係舖頭嘅top 3，用咗4.3特濃牛奶，士多啤梨味好出，仲食到粒粒果肉，另外仲有份量好多嘅椰果肉，所以好有咬口。椰汁紫米西米鮮奶呢款就好似可以飲嘅糖水咁，配料份量好多，夠晒足料，口感好豐富，又唔會太甜，下次一定要試吓佢其他飲品。阿華田格仔餅格仔餅入面有好多阿華田脆脆，令到個口感同平時食開嘅原味好唔同，呢款唔係恆常款式，所以想試嘅就記住早啲嚟試吓！秘製魚肉燒賣/椒鹽燒賣試咗兩款燒賣，如果揀蒸燒賣嘅，記得叫佢一定要落辣椒油，夠晒香口；如果想食外脆內軟嘅就一定要試炸椒鹽燒賣，個皮唔會好硬，所以口感都幾唔錯，灑上椒鹽粉，夠晒惹味！

行經新蒲崗呢間茶飲店，除咗手搖飲品，仲有小食、格仔餅、雞蛋仔、糖水等，大部份價錢都幾相宜～叫咗兩杯飲品，其中一杯係top 3嘅草莓4.3特濃鮮奶，入邊有椰果肉，味道有少少似草莓牛奶糖～如果怕甜嘅話最好減糖～另一杯係椰汁紫米西米鮮奶，好似飲緊中式糖水咁，但係唔會好飽肚，椰汁味濃，個人幾喜歡呢杯！仲有叫咗份Nutella格仔餅，呢個配搭最穩陣最好食，同埋都係即叫即整，製作需時～另外叫多份秘製魚肉燒賣～價錢參考

品臻 (新蒲崗)地點📍 新蒲崗大有街23號地舖---------------炎炎有夏日，有杯解渴嘅嘢飲真係差得遠---------------珍珠奶茶💲28茶底有層次，並非一般即沖既茶---------------原味格仔餅💲24格仔餅勁脆內軟即叫即整，溫度夠曬---------------芒芒特濃鮮奶💲38芒果肉勁多，每一啖都有芒果肉有種似楊枝甘露嘅感覺------------------------------

喺新蒲崗做完野．口痕痕想食下野聞到呢間店香噴噴估唔到呢區都有地道港式小食幫襯嘅人源源不絕每日仲有不同特價茶飲多款糖水同小食吸引不少附近上班族✨原味雞蛋仔即叫即製．熱辣辣好香脆仲有不同口味選擇．下次可以試下朱古力味✨蒸燒賣 + 炸燒賣每款五粒．份量恰好兩款各有特式．我自己就鍾意椒鹽炸燒賣✨芒芒特濃鮮奶加入粒粒新鮮芒果肉配上特濃鮮奶．口感香滑✨椰汁紫米芋圓鮮奶加入紫米同芋圓．口感Q彈充滿嚼勁啖啖椰汁．份外香甜

最喜愛飲品舖有賣小食，一次過滿足幾個願望。店舖店面簡潔，而且餐單清晰，一嚟到就已經知道想飲咩😍😍草莓4.3特濃鮮奶奶味濃郁，草莓香甜自然，好喝又不膩，仲有少少果肉，果然係店入邊頭幾款飲品🍓🥤朱古力味雞蛋仔外脆內嫩，呢一點非常之重要，小小脆嘅感覺令到雞蛋仔更好食，朱古力味香濃，微苦帶甜，口感很好🍫原味格仔餅🧇經典簡單，外脆內軟，麵香十足，唔想食主食，淨係想食少少嘢嘅時候一定要選擇佢👍🏼👍🏼桂花桃膠青烏龍🌸🌸清香回甘，桂花淡雅，桃膠滑溜，很舒服的一杯茶，適合夏天青青涼涼品臻 (新蒲崗)新蒲崗大有街23號地舖