品樂食店

營業中

休息中

未轉手之前（津津年代）既湯濛味道好食d，而家轉手到品樂之後，感覺做唔番以前水準，蟹肉縮水，portion size又縮水，又做唔番以前既味道，但係佢既蕃茄湯濛系列加價左起碼14%，老闆以為碗野真係有寶咁，成日趁weekend既時候upsell呢個湯濛系列去据遊客。閒日會有午餐set, 但係絕對係兒童餐size, portion少得可憐，唔好話男人，一般女性都唔會夠食，我見有對couple要加碼叫第三個set先夠飽，價錢$54起步，抵唔抵見仁見智，只可說味道ok, 食得落口，但係如果有裹腹之需既朋友，建議唔好去，因為真係唔夠食，佢所有食物都比之前細份左好多。唔怪得之閒日少左咁多梅窩人幫襯，係有原因既。

好後悔...黎左梅窩咁多次...完全唔知有呢間咁正嘅越南野😞 蝕晒2:30黎食仲有蟹🦀檬！好興奮🤩 好開心😁 無諗過咁重蕃茄味 （係茄醬）仲有兩舊牛腩 🤣（好抵）因為11月中仲係熱 🥵另一碗老闆就推薦我地食：「撈檬清爽D 夾住食啦」 食完好熱嘅湯檬 🥵又食涼涼地嘅撈檬🥶我地覺得好正 😎以後星期日入到黎我地都會再食🤭同埋期待平日都想試午餐注意⚠️：有得同狗狗🐕一齊坐出面🤗同埋4點收舖 真係唔好瞓到咁晏呀🙂‍↕️

今日提早下山,所以可以去梅窩食下午茶.經過此餐廳,被黃色招牌吸引住,星期日特別推介~蟹茄湯檬,朋友們都想試一試.除了選擇蟹茄湯檬,另外也算了招牌越南春捲,豬扒包,肥制雞翼,咸檸水.🦀🦀🍅🍅蟹茄湯檬（$75）~今日檬粉已售罄,可以轉了米粉.除了香濃的蕃茄🍅湯底外,還可以聞到蟹🦀鮮味.湯底滲入米粉內,超級鮮甜.而且材料也十分多,最驚喜的是真的有一隻完整蟹仔,豆卜,貢丸,肉碎丸,蕃茄. 值得讚賞的地方是將一塊小青檸及三粒小辣椒放在湯匙上,如果不能食辣的可自行除去小辣椒.必食推介.越南春卷($78）~ 這是另一必食推介,估不到份量這麼多共有八件,而且配上生菜.張香脆熱辣辣的蝦春卷🍤捲上生菜一同進食🌯,除了看減去油膩外,還多了一份清新感覺.超級好味😋豬扒包（$35）~ 脆脆豬仔包也售罄,只可改以普通麵包(如果改為烘焗麵包,應該會更好食). 但是豬扒都算大塊,入口香脆又沒有太多油.肥制雞翼($68）~普普通通,都算香脆.其實就是普通醃製的炸雞翼.問了靚女店員什麼是“肥制”,她回答：你一陣望下老闆就知道😆咸檸水($25）~ 咸檸檬都有半粒,看得出也醃了一段時間,朋友渴後感覺喉嚨好舒服.👍

中午係品樂，食招牌🦀檬，更好食，因為個人不是太喜歡多香草的味道，現在的🦀檬非常適合我，而且重大碗左。另一款招牌辣雞檬，湯底比從前豐富，辣度好合我，我唔太食得辣，從前是雞粒，現在是雞件，好好😋……重有叫左個炸雲吞，剛好一口size食一粒😋新鮮酥脆，配埋點泰式雞醬，好食🤣好食🤣，最後牛腩飯都味道剛剛好😋

同小絲梅窩2日遊，第2日離開梅窩時實在依依不捨就找多間食店，吃多餐才離開。這間品樂食店最特別的地方是假日有些特別的食物。剛好今天是假日，我們當然要試試特別食物啦。我同小絲一人點了一碗檬粉$68/1碗，本來我一碗麵都很夠飽，但因為怕小絲和小絲的相機不夠飽，所以就再加個肥制雞翼。小絲説她的檬粉很夠味，蕃茄味很香濃，材料亦很足，有條豬骨在碗內。我那個順化辣雞湯檬幸好不算太辣，雞的份量就少了些。肥制雞翼炸得很脆，味道就一般般，就是平常茶記的味道。而且$68/6隻是遊客價錢。吃完這餐就圓滿結束今次梅窩2日遊。神級無味食評師-阿偉

入梅窩之前睇左網上玩樂美食推介，知道星期日剛好有得食蟹茄湯檬😋我咁鍾意食蟹，真係唔會放過試佢嘅機會！-店舖要由碼頭行一段路先過到去。網絡寫話係津津食店，好彩店門外掛左隻大蟹嘅公仔，又寫明有蟹茄湯檬，9秒9入左去坐🤓店舖係冰室果種感覺，望下啲地磚同卡位，好有懷舊風味。-點左心心念念嘅蟹茄湯檬，仲點左下火嘅咸檸雪碧。-🍴蟹茄湯檬我嘅走蔥走芽菜版本。首先一上枱，個湯真係好香！話明蟹茄，蟹嘅鮮味絕對突出過蕃茄味，仲有豬肉嘅香味，香濃鮮味食到停唔到口。料方面，有蟹蓋、蟹身、蟹鉗、蕃茄、大大舊豬骨，仲有好多肉碎，都幾豐盛。另外匙羹上放左青檸同辣椒，喜酸開胃同食到辣先加，唔食嘅辣又唔食酸嘅隨便夾返走，單純佢湯底都夠你開心食到清底。屋企人食嘅正常版本。-🥤咸檸雪碧可能係響澳門飲左杯更濃味更出色嘅，只覺得中上，但必然夠清涼，飲一啖即解暑熱咁款。-感覺全部店員連收銀都好友善，員工主動又識補位，連找錢都極好笑容雙手遞出，好感動🥹可能呢種就係離島特色，遠離市區嘅煩囂都比較平和友善啲。-本身仲覺得店舖唔係中心地帶比較難搵，但後來發現呢間店舖左右路口繼續向上行都可以通去瀑布，算係一個中心點。再入梅窩都會想再食呢間

星期六dayoff, 更係要去品樂食飯啦，首先要個招牌雜錦飯新常試，唔果然唔錯，雖然係普通食材，but有齊我最鐘意食既餸😋, 正正正.....今日星期六限定...招牌之一鮮茄牛腩檬粉，非常好味，一流鮮茄🍅湯底，🐮牛腩夠入味👍, 重有每次必食，招牌肥制🐽豬扒👉人正都無朋友🤤

品樂食店🦀📍 大嶼山梅窩鄉事會路35號地舖∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎話說⋯⋯⋯小編去完梅窩，發現左呢間好足料抵食既小店😍，雖然呢間鋪頭既外表好普通，但野食就一d 都唔普通🤭，大家去開梅窩，記得去試下啦🫠👋🏻。🌟 蟹茄湯檬 $68呢個簡直係抵食🦀，個湯底有香濃既蕃茄同埋蟹味，令到個檬粉好入味😍。另外，有一舊好大既豬骨， 雖然唔知點解要放豬骨😂。 仲有配上肉丸。🌟 肥制雞翼 $34/ 3隻其實係香茅雞翼😂，都ok 既。🌟 菠蘿冰 $25🌟 雜果冰 $25野飲方面，我就覺得麻麻地😵‍💫，唔建議去點。整體推介指數：❤️❤️❤️🤍🤍∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎