品樂冰室

夜晚要等個客, 少行美孚呢頭, 咁岩又6點零鐘, 就周圍行下順便搵食~行到呢間見到唔少街坊企響門口等外賣, 估佢應該質素衰極都有譜😂入去坐低飲杯水好重漂白水味, 要扣分...不過一點即刻比湯又加返分~不過杯熱奶茶淡左啲, 啲奶唔靚, 又減返分🤣咖哩牛腩飯上菜~ 開始果陣唔多覺, 一食就發現牛腩好鬼多, "質"到碗仔都爆晒, 搞到我食到尾段唔多夠咖哩, 要就住食~薯仔放響頂,唔怕會浸淋晒, 呢樣要讚下, 牛腩味道正常, 無雪味, 肥肉亦都好少👍🏻 另外啲牛腩係無筋, 愛筋人仕最好問下有無得加筋~廚房比較嘈同多粗口, 唔鍾意既就坐出啲(本人就無咩所謂)整體黎講都算幾好, 睇得出有心整野食, 細節野就一般, 不過一般街坊鋪, 唔要求得咁多, 六十幾算係咁~…查看更多

唔食兩餸飯又唔想煮，簡單想飽肚又想幫襯下小店嘅話係美孚都真係無乜選擇。哩間都食過幾次，外賣有九折又可以whatsapp落單都方便。當然算唔上超班，但絕對水平以上，住係附近係幾好既選擇。多數都食午餐，個喇沙較出色不過係跟米線唔係摻摻。個卡邦尼汁都有煙肉味，幾香，好多茶記都冇乜味。肉餅幾屋企feel。整體感覺唔重手，幾健康。可能因為咁，所以炒嘢好似差D，試過炒牛河，係差D，又未到唔得，不過都係食番是日精選穩陣。…查看更多

為街坊提供美食的餐廳，葱油雞扒飯，葱油整得好惹味，很好下飯，雞扒煎得很香脆，雞扒亦整得很入味，中式例湯亦好好味，沒有味精的老火湯，檸檬水用嘅檸檬亦很靚，沒有苦澀味，是一間用心製作嘅餐廳。…查看更多

品樂招牌豬扒～田園有機蕃茄湯稻旺鳥冬～～～$56~~~豬扒煮得啱啱好，蕃茄湯足料有蕃茄碎～～～品樂海鮮 濃喇沙湯伴米線 配春卷（2件）～～～$65~~~喇沙湯香濃🥰，海鮮亦都夠足料～～～舖頭離美孚地鐵站出口算近，位置尚算方便～～～下次嚟開附近都會再幫襯😊～～～…查看更多

呢間茶記「品樂冰室」喺美孚開咗好一段日子，曾經食過一次下午茶，不過，印象一般般，但聽 啲街坊老死話佢啲嘢幾唔錯，咁都隔咗好一段日子，再嚟試試佢哋嘅早餐睇吓喺點:)。今早就趁天氣唔錯同老婆嚟食個早餐之後，帶佢挑戰下由美孚上馬騮山，再行到去城門，落番大窩口離開，全程用咗3個幾鐘，都算快。由於餐廳地方唔大，所以，平時經過都已經見佢哋早市好鬼旺，今次就好啲，客都唔少，不過，就未爆滿。咁依家疫情都過晒氣，搭枱就變返常態。茶記早餐，不外乎嗰幾款啦，不過，呢度嘅粉麵餐都幾抵食，一大碗粉麵之外，仲有埋多士、腸仔、炒蛋之類，都喺40零蚊左右。另外，有啲外賣單張拎，就順手落張貼埋出嚟俾大家參考吓。仿鮑魚絲火腿通粉 $40老婆話食清少少，就揀仿鮑絲再揀配餐肉、炒蛋，份量好足，至少成片多士，唔喺得嗰1/2，通粉滿滿，仿鮑魚絲、火腿絲亦俾好多。港式清雞湯，啲通粉又煮得啱啱好，餐肉又唔喺平價貨，絕對交租功課，喺塊多士烘得未夠，搽牛油亦都hea咗啲，不過，俾到丹麥多士，又加番佢分。特濃沙嗲牛肉公仔麵 $42嚟茶餐廳食沙嗲牛麵都喺少少情意結，佢哋啲牛質素確喺幾高，而且，又大大件，無碎濕濕，嫩滑有肉香，兼且算多牛肉；個沙嗲汁夠香濃惹味，絕對充滿港式情懷，麵條煮得彈牙，而我就配芝士腸炒滑蛋，前者就普通咗啲，反而後者就炒得幾滑，仲食得出有少少奶香，至於丹麥多士就肯定比一般多士好食啦，多份牛油香，就算唔搽牛油都OK。熱奶茶、熱檸水呢個喺我哋兩公婆嘅標準餐飲，晌茶記飲熱奶茶一向都無乜點衰。茶色幾夠，有光澤，茶味香濃，滑度都OK；老婆一向都講健康，清清地熱檸水就最好不過。今次再嚟「品樂」，感覺喺好咗好多。之後，食到飽飽，行轉中長途山既郁動吓，又幫助消化，難得天氣又幾舒服:)。…查看更多

這天點了海鮮喇沙米線和鹹蛋蒸肉餅配米飯，每款食物也送無味精老火湯和熱飲。老火湯味道比較清淡，不過因為是沒加味精的，喝得健康。海鮮喇沙米線先送上，先試湯頭，很辣，我是愛辣之人，也覺得真的辣了一點點。這海鮮米線的食材很豐富，有蝦、青口、魷魚和蟹柳各兩件，還有炸豆腐4件，各款食材的質感都很不錯，美中不足的是米線煮得過軟，不夠爽口彈牙。海鮮米線還附有兩件春卷，皮脆，內饀滾燙熱辣，可惜沒有酸甜醬作伴，否則會更好吃。鹹蛋肉餅飯的鹹蛋切成條狀，賣相特別，肉餅味道比較清淡，肉質也不夠鬆軟，比較一般。…查看更多

叫咗一碟時菜排骨飯雪味勁重，味道好似啱啱解凍完一樣，排骨直頭冇味，芡汁不知所謂，本來都唔想浪費食物，最終忍唔住食兩啖起身走人，唔建議大家去幫襯呢間舖，由開張幫襯過一次，到半年後再幫襯一次水準一樣冇變………..…查看更多

早幾日收工喺屋企附近食晚餐，見呢間品樂冰室經常都好多人食，未試過就走入去試下睇完個餐牌本來想食海南雞飯，點知佢哋油飯賣哂得番白飯，於是乎我就改叫咗個老街微辣炒貴刁試下另外加咗杯凍檸檬水，凍檸檬水糖水落得太多，我喜歡偏甜嘅都覺得甜咗少少。老街微辣炒貴刁賣相還可以，味道一般般，完全唔辣。也許可能係我食得辣吧？埋單一共六十七蚊。整體味道價錢店員服務都算正常。不難食但亦唔係好食。只係一般。不過回家後不久，我就肚唔舒服，肚瀉我全日就喺公司十二點多食過午餐，自己煮的，一直到夜晚八點幾先再食嘢，點解會食完晚餐肚瀉，自己衡量吧…查看更多

美孚一直是美食沙漠。但最近遇上這個茶餐廳，裝修光猛，環境乾淨，食物選擇也多，試過一日幫襯三次早餐腿蛋治，餐蛋治，足料美味！熱奶茶可以吧法蘭西多士炸得啱啱好，中間夾住粗粒花生醬，正咖喱炒飯炒得好香，好惹味，份量都足！非常滿意，請繼續保持水準😋…查看更多

野食正正常常，住附近見佢新開咪試下，食過4次，有3次食食下要我轉位，頭2次都忍到，今次忍吾到係因為落單時已經被員工吾好既態度搞到心情吾好，叫極無人。有人果時落落下單又吾見人，之後番番黎又落多次。無果樣野又一早吾講，又吾耐煩咁走開左，跟住又落過單......呢家野d 態度真心差，諗住拿拿林食完走（前後13分鐘），最慘杯啡未飲晒，又叫我轉位.........我就終於忍吾住大爆個員工，轉左2次啦wo.又轉？...之後佢地道歉果d 我吾細說了。總知美孚咁多間餐廳，呢間試過就算......態度十分差，人流安排又亂，…查看更多

本人覺得美孚都算係美食沙漠，人氣高至滄浪亭，低至一啲又難食又dirty嘅舖頭。要揾好食嘅真係唔多，今日試下品樂嘅早餐先，我睇住佢開，見佢愈來愈多人，有買過外賣，今次第一次堂食。早餐選擇算多，而且炒蛋幾好食又有蛋香，多士係丹麥多士，幾好食有誠意。另外嘅蕃茄牛腩粒米線，就無咁岀色，因為湯淡，米線量比較少。而杯飲品就唔夠味，友人嘅咖啡亦表示麻麻地。啲位放到比較密，所以想食都係外賣舒服啲。…查看更多

「品樂」開咗好一段日子架喇，但作為美孚街坊真喺未幫襯過，其實有諗過去食次早餐，不過有街坊老友話佢啲質素跟上手嘅西餐廳都差不多，咁佢嘅定價又唔喺話特別優惠，所以，就無乜誘因去試。最近同啲老友行完山，終點落返美孚，見客人唔多咁就不如入去試試下午茶，衰極都叫做成本低啲。 睇門面，一片主色調喺湖水藍，又加啲仿磚牆，諗住有啲文青感，但入到去，其實裏面裝修好簡約，基本上牆身都無話掛啲乜；由於本身個舖位唔大，加上做盡生意，啲枱自然拍得密密麻麻，亦喺之前疫情仲有番咁上下，而一直無幫襯嘅原因之一。 而餐具放晌枱側抽櫃，調味料就放晌枱面，基本茶記設定。 下午茶套餐，細細張餐牌，底面兩頁，都喺見慣見熟嘅款式，無咩驚喜嘢。我哋4個人，1個叫餐蛋治，3個叫菠蘿油，皆因見佢標示菠蘿油喺推介。 餐蛋治餐 $30朋友嘅餐蛋治睇落做得唔錯喎，啲炒蛋望上去都幾厚身，佢就話炒得嫩滑，啲餐肉亦唔喺平價貨，連嘢飲收30蚊，算喺幾好架喇。 菠蘿油餐 $25圖文不附就預咗，其實，我哋落單嘅時候都唔喺好多人，都唔知點解我哋3個嘅菠蘿油都烘到燶，個皮亦有少少乾同硬，呢個扣分比較多；至於片牛油唔算話好大片，亦唔叫厚，OK咁啦。 熱奶茶嚟到茶記，熱奶茶都喺小弟自我嘅心水之選，呢度嘅奶茶飲落真喺唔差，你都見色澤沉實，入口有茶香，茶、奶嘅比例亦啱啱好，幾啱小弟嘅口味。 見個菠蘿油喺推介，可惜，揀咗錯，揀三文治仲好。另外，服務一環正如街坊老友所講，喺有少少亂，感覺啲店員好似仲未好熟啲流程咁，我哋落4杯飲品都會搞亂晒。…查看更多

落餐叫寫野冇人理。本打算食早餐，撘正前少少入座，店員只顧收餐牌，不顧客人落單，到11:30就輕言淡語一句「落常餐」。雖然一樣嘅食物不同嘅價錢，但本身已經早過cut off time幾分鐘被同一位店員按排坐底，理應知道客人早早就想落餐而且是因等侯而過時。但店員竟然攞個電話show 時間出嚟話時段已過。雖然店舖忙，但有時間收餐牌卻沒時間落單，真讓人不愉快😮‍💨 餐廳剛開業不久，已經從開業光顧一段時間，初時感覺不錯，宜家感覺退步，同埋款式亦不多。相比一般茶餐廳，大部分菜式均不包括在內。 環境方面比較迫，煩忙時間通常要搭枱、外賣亦要外面等侯。…查看更多

平時見好多人排隊，充滿期待，放假去食咗一個下午茶，下午茶都唔平，要40幾蚊一個，點咗個沙嗲炒河同埋豬扒炒公仔麵，份量唔算多，不過好鹹，期望越大，失望越大，唔會再幫襯…查看更多

這家店新開不久，終於有機會嘗試。 點了常餐試試，feel到佢嘅心機。1. 除正常的沙爹牛公仔麵，佢仲有一啲較特別嘅選項：例如手撕雞火腿通粉、蔥油雞米粉2. 上到嚟個蛋係金黃色嘅滑蛋，有蛋味3. 午餐肉係脆嘅 👍🏻 4. 方包係丹麥方包，都係熱同埋香脆嘅 5. 唔知咩原因，仲有個例湯， $48食到好飽 所謂嘅心機，就係將一啲微細嘅地方就好 。這一條街有三家類似的餐廳，尤其另外兩家是大財團的，要勝出，不容易。 keep住呢啲心機 👍🏻臨走嘅時候，再見到有個店員好細心咁樣撳住道門幫一個婆婆行出餐廳，呢啲就係細心的服務 …查看更多