品曲奇 (國際金融中心商場)

營業中

休息中

PIN係一家新派本土曲奇餅專門店，以香港特色風味元素加入曲奇，令人對曲奇有煥然一新嘅感覺，近日見到係IFC開左新分店，裝潢時尚簡潔，就趁收工買黎試下。雜錦味曲奇 : 一盒有八款口味，包括XO醬曲奇、香辣蝦米曲奇 、蔥油雞曲奇、杏脯迷迭香曲奇、陳皮子薑曲奇、花旗參提子曲奇、七味粉曲奇及紅棗曲奇，每款都各具特色，個人最喜愛香辣蝦米曲奇、杏脯迷迭香曲奇及蔥油雞曲奇：香辣蝦米曲奇 : 入口好香好刺激，味道辣得相當過癮杏脯迷迭香曲奇 : 有粒粒杏脯肉，食落煙煙韌韌，迷迭香令曲奇感覺更清新蔥油雞曲奇 : 蔥油味好濃郁，食落真係好似食緊蔥油雞咁，好有大排檔風味另外，店員亦介紹公司推出左幾款新口味曲奇，所以決定買左鹹蛋蝦膏曲奇及香橙夏威夷曲奇試下；鹹蛋蝦膏曲奇 : 散發出陣陣蝦膏味，入口好濃鹹蛋味，好似食緊鹹蛋薯片咁香橙夏威夷果仁曲奇 : 少數嘅甜味曲奇，食落好重橙甜味，夏威夷果仁令曲奇更有口感呢間本土曲奇餅店真係好有特色，包裝亦非常精緻，買黎送禮亦係一個好選擇。

之前已經試過呢間❤cookies shop,見到佢哋新店係中環國際金融中心3樓開咗，Friday night收工就腳，同同事一齊就去買多次😍因為好有香港獨特風味，🥰我試咗下佢哋嘅什錦曲奇，入面有香辣嘅XO醬味，清香陳皮子薑味道。😋女士，一定是最中意養顏補血嘅紅棗，入面紅棗味好香好出，夠特別。見到有全新口味，🤓我買一個鹹蛋蝦膏曲奇試下，🥚鹹香味非常突出，有鹹蛋甘香🦐又有香濃蝦膏，味道好特別。

自己都係好鍾意食曲奇🍪嘅人，今日經過IFC，見到呢一間小店環境好靚，乾淨企理跟住同售貨員傾談之間，原來呢一間小店係以香港特色風味為主打嘅曲奇餅專門店，全部味道都係非常有心機研發出來，用香港人鍾意食嘅口味應用喺曲奇紙上自己忍唔住買咗盒雜錦味道，一盒XO醬味道外觀已經超級靚，七彩繽紛，雜錦曲奇有八種味道，每款有3塊，用上獨立包裝方便食用味道有香辣蝦米曲奇 、蔥油雞曲奇、陳皮子薑曲奇、陳皮子薑曲奇、花旗參提子曲奇、七味粉曲奇、紅棗曲奇🍪等等，最欣賞係蔥油雞🐤曲奇🍪，仿真度極高！另外XO醬曲奇都超好食😋，咬落去仲有一粒粒口感，有蝦子味道，相當不錯呢間小店啲曲奇外觀精美，款式又夠特別，作為送禮或者自用相當不錯！

四四方方的包裝得體又大方😂無論買黎送禮定自己食都係不錯之選。 加上每包曲奇都係獨立包裝唔駛驚衛生問題更加唔駛怕曲奇會漏風。  最值得讚的係每塊曲奇都採用新鮮食材無加任何防腐劑👍🏻全新口味：香橙夏威夷果仁材料好足, 每一啖都食到好多橙粒同果仁兩隻味撞埋一齊好夾加上曲奇又脆身整體唔錯雜錦曲奇包括下列八款：提子花旗蔘提子乾帶點花旗蔘味真係第一次食, 口感煙煙韌韌幾香口食完有種提神的感覺香辣蝦米曲奇表面舖上蝦米仔, 賣相幾特別口感食落微辣幾惹味幾創新有驚喜的作品蔥油雞打開包裝聞落感覺似蔥油餅的味道, 越食每啖味道越濃味道幾盞鬼惹味XO醬無眼花曲奇入面的確食到瑤柱絲,真係估唔佢唔到！味道方面完全食唔到瑤柱的腥味, 反而覺得跟曲奇的牛油味好夾唔錯唔錯紅棗女士們應該會幾鐘意, 因為紅棗可以保血,食多少少都唔怕, 而加仲要融合係一塊曲奇上, 肚餓或口痕時拎黎食幾正七味粉七味粉味以為食拉麵先會加,估唔到曲奇都會加😆這想法真係夠哂創意, 但七味粉辣的程度偏重左少少杏脯迷迭香煙韌微酸的杏脯肉再撞上啖啖幽香的迷迭香味道好清新, 就算食哂成塊曲奇尾韻都仲有迷迭香味在口腔

品曲奇 (中環)中環港景街1號國際金融中心3樓3022A號舖100%香港製造新派曲奇🍪「PIN」於中環金融中心分店有高貴簡約實體店，新年時買左用黎送禮🎁自用。精美包裝叫人愛不釋手😍手工曲奇主打香港🇭🇰特色風味，例如有XO醬曲奇、蔥油雞曲奇🍪，好意想不🤯！而店家堅持用上新鮮食材，不添加防腐劑，食得放心又開心🥳。每塊曲奇都獨立包裝，盒子設計精美別出心裁。建議第一次買朋友可買雜錦口味。雜錦口味（HKD 208):八款特色獨創口味包括有紅棗曲奇、杏脯迷迭香曲奇、陳皮子姜曲奇、花旗參提子曲奇、蔥油雞曲奇、XO醬曲奇、七味粉曲奇🍪。💓紅棗曲奇： 紅棗用黎煲糖水就多，怡家用黎整曲奇🍪出奇地夾，呢款曲奇質感比較脆不是牛油唧花曲奇，但同時食個陣無咁多曲奇碎，真係有煙韌紅棗肉，好香濃，停吾到口。💓香辣蝦米🦐：真係辣！估唔到將中式嘅味道混入曲奇好夾，香辣味慢慢滲出來，仲要真係有蝦米🦐係到，脆身香口，好惹味😋。另外都買埋七味粉曲奇🍪（HKD 88/12 pcs):有濃郁香氣與鮮豔色彩，均勻混合辣椒、橙皮、黑芝麻、白芝麻、山椒、薑和海苔味蕾衝擊、起初食到甜味之後係香辣味滲出，最尾係牛油🧈味。其他口味留番比你地買