品味餐廳

營業中

休息中

成日去食！d姊姊都好熱心～食物水準幾好～最緊要係奶茶必飲～好香滑！性價比都幾高！午餐有湯有嘢飲地址都容易揾.元朗廣場巴士站後面.朗屏西鐵站B出口都可以揾到～正宗茶餐廳！

今日經過元朗返深圳，系元朗廣場附近食早餐，附近餐廳都可以話有d歷史味道，價錢亦比荃灣貴小小，裝修亦舊，anyway,都要食咔。哩間有卡位又有煎豬趴，咪選擇哩間，有一個優點系所有伙計都有親切笑容同禮貌但改善點有— 本來一切都OK，但睇到座位下面地下有一籃檸檬，就算吾系用來食，馬上倒胃口，因為我飲緊杯檸檬水— 如果餐價錢低一點或者吾使一定選擇多一樣野，會更好。沙爹牛肉米餐($45)4分—沙爹比較淡味，好在牛肉又多又無鞋—煎豬趴系比較遲上，食落應該系即煎，幾香脆，系薄小小，有傳統的茶餐廳番茄醬加，洋蔥，番茄青瓜，早餐有誠意雞肉米線餐($45)4分—睇到雞皮有顏色，食落味道同質感有d似煙熏過，分量都夠—米線好滑— 豬趴同上。咖啡都有香味，但太多奶檸檬水正常

返工前係附近揾咗呢間茶餐廳🍴食早餐 朝早人流頗多 不過唔洗等位 可以坐卡位😌 早餐餐牌選擇算多 可以有唔同嘅配搭 我order咗醒晨扒餐(7/10) 雞扒配茄汁豆同煎蛋🍳 跟送走多 熱可力 味道不過不失 唔會太油而朋友就order 咗餐肉通粉 (7/10) 跟火腿奄列同熱檸茶 份量夠大 朝早食十分飽肚 奄列足料 有好多火腿絲而且上餐速度算快 啱啱返工前食 可以話係快靚正 店員服務態度良好 會主動問使唔使走甜 超級細心 而且位置方便 鄰近巴士站

今日喺元朗買咗個外賣港式早餐，食咗五香肉丁意粉，奶油多配熱奶茶。熱奶茶個茶底好靚，飲起上嚟好好飲。外賣奶油多拎到返去都唔會林晒，個五香肉丁意粉都唔錯，個早餐份量都好大😌

每間餐廳都係獨一無二，今次屏雀中選既就系元朗品味餐廳啦，一入到去就見到手寫黑板告示餐牌，就算食飽見到都會覺得想食而即刻肚餓，落單後即刻來左杯涼粉冰伺候，杯內涼粉入口當時就即刻解熱，真係炎熱天氣既救星，來到正餐既出場既時候，成分豬扒腸仔薯條配上青瓜番茄配搭首先就系視覺既享受，趁熱先享受軟硬適中既薯條再嘆埋塊肉嫩豬扒跟住收拾條腸仔，發現食開停唔到口叫多份雞扒沙律配番茄片青瓜加上杯紅豆冰，真係好食到講唔出口，其實人生都可以因為食而精彩。

一向經過都冇唸過幫襯，因為睇落價錢偏貴，門面又唔多討好，事源今日行左好耐，個人突然好想食豆腐，經過見到佢有羅漢齋豆腐，心大心細，小菜都要69，心唸即管試一次啦，6點幾時間，都見幾多人食同買外賣，唔通真係好食？重點見到有咕嚕班腩，好似好開胃咁wor,咁就叫左羅漢齋豆腐同咕嚕班腩，一熱一凍飲，仲送油菜，2碗白飯同例湯，不過冇要例湯，怕太味精，外賣每個減3蚊，總數埋單136。都等左約15分鐘，返到家一打開，賣相都唔錯，咕嚕班腩都好多舊，酸味合適，羅漢齋都足料，味道剛好，唔咸又唔杰，油菜就正常，2樣份量都足，冇唸過都唔錯，都會下次再買。

下午茶頹食之選今日晏晝嚟到品味茶餐廳食下午茶本諗住下午茶都係會帶一丁面啦餐肉麵咁樣嘅但係見到佢哋嘅餐牌上面竟然有乾炒牛河做下午茶餐而我又冇食早午餐喎一於就叫過嚟試吓啦$ 43除咗有個乾炒牛河之外仲可以免費有一杯菠蘿冰或者紅豆冰平視呀呢啲都通常要加錢所以免費送感覺上真係好抵我就叫咗杯菠蘿冰 佢都落咗好多菠蘿所以唔錯 但係個乾炒牛河 就相對上比較重油份雖然平時嘅乾炒牛河都會係好重油但係呢個就比平時就更加重油份但係$ 43嘅價錢來講我覺得性價比都尚算可以

▪️火腿奄列 個火腿奄列好大份，入面有好多火腿絲，個蛋好香，佢唔會好油，啲火腿都好香，味道真係好好味🔻魚蛋米粉加火腿奄列加飲品$34▪魚蛋米粉 佢嘅魚蛋唔係一粒粒個啲魚蛋，佢係三角形嘅個啲魚蛋，啲魚蛋口感好爽，魚嘅味道都唔係好香，不過啲魚蛋都好大舊，一碗都有4至5舊魚蛋，啲米粉唔會好淋，會有啲口感，個湯都好清淡，唔會好重味精，真的不錯👍🏻

🔻沙嗲牛肉米粉加火腿奄列加飲品$34▪️️沙嗲牛肉米粉 沙嗲味就唔係話好濃，但係都有沙嗲嘅味，啲牛肉都唔係好多，得4至5塊，而啲牛肉嘅口感好有肉汁，而且口感比較淋，牛肉已經入晒啲沙嗲味，所以好香沙嗲味，啲米粉唔會好淋，個湯都好清淡，而且加埋啲沙嗲汁都好夾，個湯味道都係唔會好重味精，不錯👍🏻▪️火腿奄列 個火腿奄列好大份，入面有好多火腿絲，個蛋好香，佢唔會好油，啲火腿都好香，味道真係好好味

上星期同屋企人係度食個早餐之後俾店員大嗌話我哋無俾錢。雖然係個位店員唔會咗但佢嘅態度真係好差！當收錢嘅店員同佢解釋清楚之後更本都無唔好意思！真係無會再去，無啦啦一早俾人咁對你火都黎😡

下午茶時間想hea下食番個tea，去元朗嘅話，不妨試下呢間餐廳。行開元朗廣場，係元朗西巴士總站附近，近車頭位置，好容易就搵到佢。唔好睇佢店面平平無奇，裏面嘅下午茶餐其實非常吸引。叫咗洋蔥汁豬扒加薯條，等咗冇幾耐就有得食。塊豬扒超大舊，煎得好香，蘸汁好好食。薯條剛剛炸起，熱辣辣，脆卜卜。仲有少少配菜：番茄同青瓜，入口爽脆。配紅豆冰，竟然唔洗加錢！紅豆非常大粒，有口感，飲完好清涼。唔想食豬扒嘅朋友，可以揀牛扒或雞扒，仲有其他例牌野，好似西多士，亦都有細份炒粉麵。

在元朗廣場後面的巴士總店，羅列著各種不同的茶餐廳，我比較偏愛品味餐廳的早餐。首先，它的早餐配搭比其他餐廳多，特別是本人特別喜歡的吉列豬扒和魚柳，比起傳統茶餐廳的炒蛋多士也只需要加 2 塊而已。其他麵類食物倒是一般，主要是麵條過軟，還有衛生需要改善。

近我和嫲嫲多了外出吃早餐，所以不斷試不同的餐廳，看看那間餐廳的味道較好，今次就選擇了「品味餐廳」。看過一輪餐牌後，發現他們的早餐配搭有相當多，而且亦經濟實惠。由於款式相當多，我們亦花了一點時間才能下定決心要點甚麼。魚蛋米線配雙火腿嫲嫲一向都喜歡吃魚蛋，同時亦喜歡吃火腿，所以她點了魚蛋米線配雙火腿。雙火腿煎得非常香口，但是油了一點。魚蛋米線方面，魚蛋爽口又彈牙，而且帶有頗為香濃的魚香味，米線亦見滑身，可是湯底淡了一點，整體上這碗米線只屬一般。餐肉雞蛋三文治 (烘底)三文治烘得香脆可口，而餐肉和雞蛋亦相當厚身，餐肉煎得香口又美味，不過雞蛋沒有甚麼蛋香味，同時又不夠嫩滑，所以整體也只屬一般。這裏的食物不過不失，不過價錢非常合理之餘，他們的服務也不錯，殷勤又有禮。

通常去茶餐廳食早餐.....一定係例牌菜....午餐肉火腿炒蛋五香肉丁....其實真係了無新意.....不過我都好鍾意去元朗尼間茶餐廳.....因為佢可以晨早流流又扒剧.....尼個百塔早餐就係我哋呢度嘅精髓通常我都會叫魚蛋麵....清淸地易入口....呢排洋蔥豬扒吾係到到都食到.....佢哋塊豬扒好鬆軟真係唔知佢哋點様可以整到塊朱扒咁軟熟睇到都已經流口水再黎嘆番杯熱辣辣嘅華田.....食飽走人...

已經好肚餓，所以去咗呢間茶餐廳。位置處於元朗廣場嘅後面巴士站。等交通係講非常之方面。＄48一個午餐同凍飲加＄3總共51蚊嘅男人的浪漫豆腐火腩飯。勝在夠晒大碟就算肚餓都冇問題。但係個飯質就一般啦唔係真係好好食嘅飯。冇咩飯味其他真係做得唔錯喎，真係好友男人的浪漫嘅感覺既半肥瘦適中既火腩，煎過佢嘅豆腐，汁又合適不太多不太少。講真＄51 嘅價錢來講，如果係一個晚餐嘅話佢係非常之平，但因為一個午餐，對我來講略嫌小小貴