咖啡亭 (已結業)

滿心歡喜期待的白桃下午茶自助餐，去到發覺有白桃的食物選擇好少，十隻手指内。。。。就算有白桃的食物，白桃份量少得可憐，個白桃蛋糕上的白桃片，切到好似Parma ham 咁薄，仲要冇桃味。桃多士塊多士係「淋」既，全部食物都好似已經放左一段時間，行左兩轉，已經㨂唔到食物想食。切魚生位哥仔，切得慢都算，但我拎到碟魚生埋位想夾黎食既時候，係未切開哂的。。。。🤦🏻‍♀️食到最尾，我地叫左碟意粉和生滾粥，叫做唔好餓住走就算。又話Download apps + 頭20位訂台就有6折，我望完全場都坐唔夠20張台，但我地都享用唔到個優惠。。。。都算啦。。。 廣告寫明信用卡都有折，到我地埋單時，就話個優惠已經無左。。。即係要比正價$273一位食個無景無野食，質素仲衰過K buffet既垃圾下午茶！食完只有被騙的感覺，唔會再幫襯呢間酒店內任何餐廳！

首先講環境，冇景冇窗，不過唔錯既係細左小小重點食物：首先由蠔講起，每晚平均有六款蠔，選擇係多但質量低，隔離枱仲發現到有蟲，我見到約有2cm長度，已驚驚，不過隔離枱低調處理左之後到蝦蟹，蟹係"梅"既，佢會每枱放一隻龍蝦，我可以講，我咁大個女，未食過咁難食既龍蝦，啲肉佢咬極都咬唔難架之後到熟食，選擇極其小，其中有一款係小籠包，佢個皮係硬過拳頭，冇汁。燕窩燉蛋甜到啲糖好似唔洗錢。嗌左個意粉（penne)，又係硬既，成晚食熟食就好似同啲牙鬥力咁，連最basic 既印度烤餅都係硬既。甜品都不便多說，平平冇其，冇驚亦冇喜。最後到飲品，要加錢既連自助餐都要加錢，最後我覺得全晚最好係杯凍檸水小甜，味道粒星我係比杯檸水小甜既呢個故事教訓我，唔可以再信面書既打手**恕我比唔到圖，連影相既衝動都冇**

以為都吾會再去，食物種類少 , 係小到簡吾落手，仲要好難食，差過一般餐廳，到食海鮮排隊拎生蠔，條隊連埋拎其他海鮮一齊排，無清晰指示同有人插隊，之後食長腳蟹，麵包蟹都係無味，翡翠螺最離譜，食落去有好多碎左既殻，一人5百幾，比咁貴買難受食過咁多間自助餐佢係最差#種類少#地方細#吾新鮮#價錢貴

見買一賣一咁低，咪試下，平均每位$325, 生蠔好正，而且仲有六款揀，另有兩款收費生蠔，生蠔無論選擇同質素都好好，而且客少，唔會有人同你爭，但其他食物很一般喜歡吃生蠔的人，值得去試ㄧ下

之前因為雜誌介紹白桃下午茶，一心約埋幾個朋友去品嚐，怎料一見到出來食物，非常不對板自己都忍不住問他們經理，點解同相片介紹嘅食物相差太遠整體可以以後不想再來大家記住不值得來品嚐

這間餐廳找到一個高水準及拍攝技巧高的攝影師, 未到達前抱着很高期望, 但很可惜, 經過90分鐘的嘗味, 很失望, 桃味不多。而且地方细. 食物不多。但以此價錢, 食客應該有更多選擇。

😋生蠔迷請注意😋上星期同強哥試左個超正既oyster feast 😍唔知大家有無去過尖沙咀既隆堡麗景酒店 ，佢地餐廳坐位雖然唔太多，但佢地既buffet卻係有好多驚喜！岩岩試左佢地咖啡亭 新出既「蠔」嘆 5 國 8 款即開生蠔 海鮮自助晚餐，真係不得不介紹！呢個自助晚餐主打任食豐富海鮮，包括阿拉斯加鱈場蟹腳及多達 5 國 8 款即開生蠔。 我同強哥都係生蠔迷，所以果晚真係食得特別開心😍可享用任食豐富海鮮，包括來自5 個國家的 8 款即開生蠔、巨型阿拉斯加皇帝蟹腳、阿拉 斯加鱈場蟹腳、翡翠螺、青口及烚蝦，真係海鮮迷既天堂！而生蠔就包括美國 Pacific Rock、澳洲 Coffin Bay、Tasmania、 Portugal Pearl、Smoky Bay、南非 Namibia、愛爾蘭 Irish Rock、Heritage 1835、法國 Argent 及 Fine De Claire 等，聽到都想encore !Hotel Panorama by Rhombus

從雜誌知道有白桃的Tea Buffet, 頗吸引便去嘗一嘗。但，白桃的食物比想像中少，只係一個普通的Tea Buffet。食物種類唔係太多, Refill 食物又比較慢，所以每枱都可以叫即煮意粉。有個燕窩燉蛋，都好味。可惜，冇再Refill, 如果唔係都會想食多個白桃芝士卷，白桃又唔係好出，但，芝士味又幾濃，係好味既白桃小丸子酸酸甜甜，又幾fresh白桃海鮮柸，沒有柸盛住，是沙津吧！海鮮好酸，可能落醋太多，所以有些失望金箔白桃果凍，不過不失啦

期待已久既白桃自助餐上星期遲book就食唔到滿心期待咁出發只覺同poster 相差甚遠白桃下午茶原來都有海鮮,算有少少驚喜甜品主題區最多白核肉竟然係粒"白朱古力麥提沙"甜到核爆其他既白桃肉都少到唔覺有-_-無生蠔 食下焗蠔唔掂算正常 唔記得咩黎白桃肉碎食到最後都唔飽叫個意粉食...意粉量多 地盤佬食就good啦越食就越覺得被騙了唔想影相了走果時仲發現原來食物經過廁所門口推出黎-_-感覺衛生又扣分了總結唔值得!!呢個價錢我自己去買白桃食仲好我諗佢1個白桃煮左20人既份量唔會再食

以前去哩間食粗蟹腳,質數差好久沒去,今次再去係信用卡有折,話有八款生蠔和麵包蟹任食,全埸得5枱客,粗蟹腳是有但冇味,5國7定8款生蠔,其實只得3款係免費任食,其它要另收費,過份!雜誌介紹有麵包蟹,去到係冇的.得部軟雪糕機都是壞的。最得係甜蝦.

830＄/2位 平均＄415一位，OpenRice 做緊優惠！下載app 有七五折！送龍蝦 有即開生蠔任食，即開生蠔有兩種，愛爾蘭石蠔/法國蠔！✨❤️熟食都做得唔錯，香茅羊架值得嘗試，甜品櫃啲甜品就普通，但係佢有手動自製 玫瑰味牛奶雪糕！自己整自己食 淡淡的玫瑰味加上 牛奶的芬芳！一個字 正 ，另外佢啲沙律都唔錯！什麼 吞拿魚牛油果木瓜沙律， 紅菜頭煙三文魚，都好特別，利用水果同埋 熟食 混合喺埋一齊！創意之中嘅創意！＄400左右來講 都算高質素了～👏🏻 服務都好好，我食嗰日端午節仲送 椰汁！☺️

朋友好喜歡食白桃， 所以約埋我一齊試 位於尖沙咀 隆堡麗景 酒店一樓Café Express 嚐嚐 自助餐 ] 自助餐 由3:15 分開始，預早五分鐘左右可以入座。但我們今天是為白桃而來¸ 當然第一時間行個圈睇下有幾多以白桃入饌食物，但行左幾個圈都唔覺有太多選擇，朋友頓時有點失望。以白桃入饌食物包括有: 包括白桃Pizza ，白桃片配西班牙火腿、白桃Cheese Cake，白桃啫喱等等， 白桃選擇的確唔多。不過下午茶有海鮮供應反而幾Surprise  ，咸食選擇都唔算小， 有炒飯、中式點心、南瓜湯、串燒、炒菜、咖哩牛腩，甜品有曲奇、朱古力、芝士蛋糕、果撻、水果、朱古力噴泉等等。咸食以咖哩牛腩味道唔錯， 牛腩入味軟稔， 香而不辣。甜品方面最喜歡 又滑又香， 燕窩絲都幾多，為了靚靚所以我吃了三碗。 最後嘆杯即磨咖啡和朋友分享生活點滴，假期就是這樣過。  

雖然只係$248一位，但waiter 們的服務態度同聰明程度簡直離譜🙈首先係訂座時個女仔話full booking, 點知walk in 又有位bor🤷🏼‍♀️ 入去之前我都已經feel 到唔對路，見到食物枱上得普普通通的食物....毫無水份的salad菜、乾到無油份的salami & ham、普通到不行的忌廉粟米湯、窩夫機壞左、雪糕機壞左、恐怖的軟糖當做甜品。。。有無發現我無提過白桃item? 哈！係要用對眼好認真望先發現到有一、兩粒白桃放左係D 菜上面🤦🏻‍♀️救命！叫餐飲時候，我問有無Earl Grey Tea, 佢唔明，問佢有無西式茶，佢話有菊花茶，咁我咪話要Earl Grey，點知俾左杯Camille Tea我🤦🏻‍♀️ OK! 算了！唔會再黎！

朋友好鍾意食桃，所以去試左呢間既白桃tea buffet...講真，有點失望..雖然網上介紹既食物都有，但個buffet其實有好多唔係白桃既野（炒麵，刺身等等）佢個餐廳好細，桃既食物唔多，每次供應不足，行到去已經俾人拎哂由於tea buffet 係3:00-4:30pm..其實食得黎都唔可以再encore...個個好似要搶住拎食物。所謂既桃味食物冇乜桃味（可能太細舊）D staff 3:45就開始叫你埋單,久唔久會行去你枱度開下黑色埋單本野睇下你擺低錢未😑一到4:30就叫你快D走因為要趕做晚市🤔 下次應該唔會再黎

上網見到有人推介呢間餐廳有白桃下午茶自助餐，每日頭20位都有65折決定同屋企人試下先下午茶時段係3pm-4:30pm，得個半鐘，有d少。沙律吧，有個白桃火箭菜沙律好好食，白桃超甜白桃啫喱，係白桃茸整出黎既，味道麻麻地呢個甜品入面有小丸子和白桃粒甜甜地，推介蛋糕全部細細件，最右邊係白桃糯米滋，正常味道啦除左白桃，仲有海鮮凍盤小龍蝦好甜自選意粉意粉份量好多，配料較少呢餐白桃甜品下茶餐每人$170，都幾抵！但係餐廳好近酒店lobby，所以好噪