和食居

拉麵湯頭濃郁，麵條煙韌有嚼勁🍜豬排份量足料好好味😋雞翼都好惹味，一份套餐再另加小食，$100可以埋到單！抵！老闆同埋啲夥計都好熱情親切有禮貌，隱世拉麵店，值得推薦！…查看更多

Lunch time 入去食見到半間鋪吉既。入到去佢指左我坐張6人長桌之後有人黎食一切都好正常。點知食食下佢見有其他多人既客就開始亂執位。 要啲食緊野既人搬黎搬去，又係咁講依個就食完喇， 果個係咪走喇，係咁趕客要人交桌比佢。要我搬位果時，問都無問就拎起我杯野要我轉位。真係食到成肚火。我杯野無點飲就走。 我由12:36 入座， 12:50就比佢趕走。勁趕客！野食好一般..唔好有要求。 杯奶茶勁苦又喼又鞋。 價錢$68。 灣仔仲有其他更好選擇…查看更多

🍗 忌廉芝士蘑菇釀雞翼 ($28)整體略為油膩，以這個價位來說算是合格之作，特別適合想試新奇小食的食客。🍚 日式牛肉蓋飯 ($48)碗面鋪滿薄切牛肉片，牛肉量多但偏薄，口感稍欠滿足感，不過以這個價格來說尚算合理。☕ 熱奶茶 (跟餐+$0)整體表現中規中矩，跟餐加配的價格算是合理。📍 環境與服務店面空間狹小，午市時段可能需要等位。服務態度友善，上菜速度快捷，適合趕時間的上班族。餐廳只接受現金和八達通付款，建議前來用餐的客人準備好零錢。💡 整體評價這家小店以親民價格提供日式風味料理，雖然食物水準未達驚艷程度，但勝在價錢實惠、位置便利。適合預算有限、追求快捷用餐的食客。如果想在灣仔區找個經濟實惠的午餐選擇，這裡值得一試，但不要期望太高。 …查看更多

今日同朋友去咗和食居試下😋。店舖唔算好大，但好彩今日唔算多人，我哋可以坐得舒舒服服，慢慢食🥰。一入鋪頭，店員迅速幫我哋安排近門口的卡位，唔會催促我地趕快下單👍。上菜速度也不含糊，冇等多久，一碗碗熱氣騰騰嘅叉拉面就放左係面前🍜。我哋叫咗兩份叉燒拉面套餐 🍜+ 小吃拼盤（雞翼，餃子，吉列蝦，春卷各一），另加特飲，我地揀左檸檬薑茶，埋單每人 $90 ，不收加一👏。叉燒拉面嘅湯底真係好濃郁，味道好醇厚🥣。拉麵嘅口感都唔錯，有咬口。拉麵配有半只半熟蛋，蛋黃流心，好正🍳。粟米粒 + 海苔，都係基本日式拉麵 Style。但叉燒就有啲令人失望，味道比較鹹，同我期待中嘅叉燒有啲差距😔。兩份套餐連埋特飲，冇加一，價錢上我覺得幾抵食。考慮到食物嘅份量同埋湯底嘅質素，呢個價錢係合理嘅💴。…查看更多

晚上同朋友喺灣仔搵食，自己想食下日本野，周圍都幾貴，忽然諗起呢條巷有間平民野日本野，於是同朋友一齊黎試。食物1- 牛肉拉麵如果鍾意食港式拉麵的朋友就啱晒！呢間完全可以勾起我小時喺日式百貨公司food court食拉麵嘅回憶，湯底果種好假嘅豬骨味真係一模一樣！牛肉竟然係另上，我都幾欣賞呢碗麵。2- 豬扒井飯真係好大份量，有豬又有炸蝦，又有港式檸茶，男人都未必識得晒！可惜朋友話，塊豬扒食落有苦味！環境夜晚客人唔多，似做街坊生意多，大家講野都係細聲，最多只係聽到電視台劇集的聲音。服務同香港好多店員一樣，呢度店員都係時刻忙住玩電話咁款。聽到另一檯人落單，但店員好似唔識聽又唔識講廣東話咁...…查看更多