和田便當 (已結業)

食便當食得多，但係係自助便當販賣機度買黎食都係第一次。睇番menu原來和田便當係全港首間持牌便當販賣機。Lunchtime又得好短時間，所以買外賣最緊要快同方便。成個流程都好簡單易操作，俾完錢又唔駛等，即時拎便當走人番公司食，慳番唔少時間。睇menu星期一至星期五都有唔同便當選擇，我去果日係星期四，揀左札幌炒豚肉飯$52。便當包裝都幾靚，有啲和風ge圖案。打開便當見到有好多豚肉，另外都有唔同ge配菜，eg西蘭花，車厘茄，蛋等等，配菜亦會用紙dull裝住，雖然無咁環保，但係就可以固定啲位唔會撈埋一pat，亦都可以避免啲味mix埋一齊。食落就暖暖地，個人黎講就鍾意再熱啲，不過自助機買到ge便當有咁ge溫度我都滿意啦。

某日放食飯 比我係金鐘見到原來有好多好方便嘅便當販賣機 價錢唔算貴 係金鐘中環而家要食餐飯都已經好貴 果日想食日本野所以去左間有日本裝修嘅和田便當販賣機 一於去試下 我e d 小毒毒最好都係買個便當自己食 😅 我揀左一口牛配蒜香山賊燒醬汁  買嘅過程好簡單 可以比八達通 如果買嘅時候有困難都有員工係旁邊幫手 見到機入面d 機件運送我件便當 十分快捷 好新奇有趣 便當附送餐具 我揀嘅一口牛分量都唔少 一入口唔鞋 入口有肉汁同牛味 係便當黎講已經好難得 個汁十分惹味 好似照燒黑椒汁 蒜味香濃 同d牛幾夾 配飯一流 配菜都唔馬虎 有好似日本八爪魚紅色醬汁嘅蓮藕 夾口惹味 果舊玉子又滑仲要甜甜地 好想食多舊😅仲有酸酸地嘅酸椰菜解膩 食完係圓滿嘅一餐 五六十蚊又唔係貴 就已經可以食餐好

過到嚟金鐘，通常得兩樣嘢做，一喺上政府合署，一喺就過去運輸署，不外乎幫公司、幫老細過嚟搞文件。今日過到嚟，又順便睇睇有咩外賣好食。在「遠東」、「海富」兜個圈，見到呢間「和田便當」，吸引入去望望喺因為佢哋喺自助便當販賣店。 雖然依家落快餐店通常都用啲自助點餐機，但之前都未試過幫襯呢類自助販賣店。裡面好簡單，一邊喺擺得滿滿飯盒嘅販賣機，另一邊喺放滿飲品嘅凍櫃。初時以為真喺一個人都無，原來喺有店員協助嘅。操作好簡單，晌屏幕揀選想要嘅便當，再拍八達通就搞掂。據店員講，每日會提供5款便當（$47-$59），每星期都會轉款，以保持新鮮感，可以上官網睇睇，而且，預先晌官網訂購更有85折，到時用二維碼取貨。 落好單，就睇住部機點樣送個便當落去取貨口，都幾得意。拎上手，都飯盒都好熱吓，但就未至於熨手嗰種。 打正日本旗號，個便當外觀做得好精緻，甚具和風，而且，個便當盒摸上手應該喺啲高質素嘅環保飯盒，因為感覺好唔同。 照燒Beyond Burger野菜盛 $59打開盒蓋，睇得出如日本人做料理嗰份細心，底面都會加多一張牛油紙，除衛生啲之外，更無咁易整濕個飯盒。飯內有大大件「未來牛肉」及大量野菜，野菜嘅味道唔錯

海富中心二樓呢間grab-and-go全自助便當🌟🌟🌟 趕時間個陣想食暖嘢又唔洗叮就啱曬~~~ 之前聽朋友介紹話每個禮拜都會轉餐牌 一日就有四至五個餐選擇✨係佢個網會睇到 可以揀好邊日啱餸就去食 :3店舖有一位職員在場 如果唔知點用都有人幫手 不過其實成個過程全自動 算簡單方便~ 我上網預訂咗 所以有一個qr code 之後再放喺部機度scan等二十幾秒個飯就會自動係部機出嚟🥳 出到嚟都暖手㗎!!! 便當仲包埋一對筷子同一枝牙籤 幾貼心~ 真係快靚正嘅體驗!!!🍱多蜜醬雞團子配焗薯 $58雞團子數量唔少 飯嘅份量亦算多 除咗個名有嘅餸之外 仲有唔同嘅蔬菜 一打開覺得色彩繽紛 呢個價錢係金鐘都幾抵食👍🏻 旁邊仲有啲飲品㗎~~~

金鐘一向搵食艱難，苦惱午飯吃什麼之際看到很有趣的便當販賣機。看到飯盒已經賣出七七八八，馬上買一個試下。揀完之後以八達通比錢，20秒左右就拎到熱辣辣的日本便當。即刻拎返公司開餐。☞照燒日本七彩豆腐扒☜裡面有玉子燒、西蘭花、車厘茄、紫椰菜、椰菜同漬物，仲有好大塊主菜豆腐扒，望落顏色豐富，有菜有主食，仲有好多飯。豆腐扒好大塊，而且好厚身，味道甜甜的，裡面有啲羅蔔絲同豆，食落感覺清新健康。下面有好多飯，一定夠飽。

今日放lunch行咗去金鐘搵食 見到canteen好長龍 所以周圍兜下見到呢間野幾搞笑 係自助販賣機咁買嘅 佢有分一至五嘅餐單 每日都有五至六款 今日星期四我揀咗西京燒三文魚飯 舊三文魚都好滑 甜甜地 幾好送飯嘅 如果可以大舊啲就好啦 旁邊仲有少少配菜 同埋買到返去呢佢都仲暖暖地 估唔到喺部機禁出嚟都keep到個溫度 又唔使排隊 下次試吓佢個牛仔骨飯

科技越來越先進，現在除了汽水機還有便當機，熱辣辣的飯盒按幾個掣就自動送上，每日仲有一款素食揀添！之前都有留意這間和田便當，不過要去到科技園先有得食，所以一直無意慾去試。最近品牌越來越多分店，地點也越來越方便就腳，繁忙商業區金鐘海富中心商場都搵到，樓上返工的話勁方便！便當的餐牌每個禮拜更新，星期一至星期五日日唔同，應該唔驚食到厭。最貼心係每日都會有一個係素食，照顧到不同飲食習慣的朋友。便當機操作簡單，真係同買罐汽水差唔多，用八達通「嘟一嘟」搞掂，第一次買睇住部機夾個飯盒出來都幾新奇有趣。買的時候亦可以加錢配飲品。照燒素食豬扒野菜盛 HK$66 / 山賊雞扒拼味噌安格斯牛丼 HK$52便當口味都以和風為主，份量適中，包裝精美，而且取出來的時候熱辣辣，品質唔錯。素食飯盒原來係同 Green Common 合作，所以入面都會用相關產品，今日這個「照燒素食豬扒」好明顯就係新豬肉啦！上面個日式照燒汁都幾好食，新豬肉扒都係咁上下口感，我諗食開素既都有食過。配菜有唔同顏色的蔬菜，補充一些清爽口感。素食豬扒下面仲有菇、洋蔥和椰菜絲，吃起來比想像中豐富。飯係用日本珍珠米，撈少少汁都幾好咬口架。現在食素越來

今天來到金鐘的和田便當，這裏有兩個售賣機，每天有五款飯盒供選擇，每日款式不同，感覺是比較日式的便當，除了金鐘外，還有幾個地點有售賣，例如沙田。我是第一次在售賣機買午餐飯盒，感覺很有趣！今天我選了兩款試試。❤️蒲燒鰻魚 HKD 66 - 鰻魚夠軟身而質感不會太淋，燒汁味濃，不會過多醬汁比較健康，味道也夠配整個飯，也有些蛋絲。配料有玉子配紫菜，玉子和紫菜味道很夾，好吃的配菜！蕃茄和酸瓜也能提升胃口，令飯盒材料多元化，又增加色彩！用上日本米很有吃丼飯的感覺。❤️照燒日本七彩豆腐扒 HKD 66 - 這款是素食，豆腐扒沒加肉但味道有驚喜！比較軟既豆腐又不致鬆散，味道有豆腐香，也有一點醬汁提升味道層次感。除了玉子配紫菜、蕃茄和酸瓜，這款比鰻魚多菜，有紅蘿蔔絲、磨菇、西蘭花、椰菜。飯口感也不錯，日本米夠軟糯。

我想話金鐘店個看店女人態度十分差👎🏻今日9月17號 買左個飯盒 個看店女人就禁放盒檸檬茶係我盒飯上面 話因為8折左冇得揀嘢飲個態度差到一個地步👎🏻👎🏻👎🏻我仲以為我自己係監犯 俾人派嘢飲冇得揀8折左就冇得揀嘢飲，就好心寫明啦～人地俾晒錢 你就問都未問就放左盒檸檬茶硬要人頂👎🏻吾係個個都一定會飲檸檬茶 我講自己唔飲檸檬茶最後個女店員先肯換其他紙包茶俾我Bad experience @ Wada Bento

和田便當的名字已聽了很久，就趁到來金鐘上班，就近的和同事一試吧。採取自助形式，用八達通付款立即取得便當，十分方便又可以用消費券，便個便當大約五十元左右，在金鐘來說價錢很合理。但下午一點多來到，已有很多款式賣完，預早訂比較好，還有八五折。烤雞扒拼原條司華力腸吃便當感覺很日本風，便當出來是暖暖的，溫度剛好，飯十分鬆軟，便當都是新鮮即日製作的，和平日吃的微波爐叮飯差很遠，幸福感UP，司華力腸非常巨大，外皮脆身，有濃郁味道，配飯吃十分下飯，烤雞扒添上一些醬汁，肉質軟嫩，啖啖肉適合食肉獸，配菜有少少洋蔥甘筍等。廣島蒜鹽汁燒豚肉肉片薄薄嫩嫩的，蒜鹽汁的蒜香突出，加上不少的蔥和少少黑椒，十分開胃，這一盒配菜有西蘭花，玉子，黃瓜和車厘茄，感覺十分滿足。風味特別，不一樣的午餐，值搏率很高。

是日朝早同同事喺金鐘處理文件，太古廣場選擇唔多，惟有去海富，見到呢間舖有便當販賣機幾過癮。望下餐牌，款式每日精選每日四五款，相片幾吸引，$50- $60左右就試下啦。雖則全自助，但都有位姐姐喺度輔助大家買飯，見有啲人用QR CODE掃瞄完就拎飯，我同同事大鄉里出城咁用八達通，快手出餐。平日用汽水機多，見住機器去挑個飯再運返落嚟感覺又幾新奇。出餐捧個上手但未至於焫焫焫著但都暖暖地，部機保暖功能OK。快快手返到公司同同事望下個餐盒，賣相絕對無大廚鮮製咁靚但都幾好，一份係柚子照燒雞併牛丼，另一份韓風豚肉泡菜春雨。照燒雞係約半隻手當份量，入口小小照燒汁味，肉身唔乾唔鞋口，都正常喔。牛丼嘅洋蔥入晒秘製牛肉汁嘅汁味又腍身，GOOD啊！牛肉片有幾四五片大大片，厚度唔係平時薄切係稍為厚切，入咗味都充滿咬感。至於飯，都係軟冧冧身，唔會硬磞磞。整個份量一個正常女仔都會夠，甚至淨返一兩啖咗，男士就可能8成飽。同事嘅韓風豚肉泡菜春雨多咗一件玉子、醃漬蓮藕及醃漬大根，份量小小地，開胃一流。豚肉泡菜炒泡菜量唔算多但都會食到有泡菜而非淨醬汁炒。豚肉都係四至五大片厚切，少咗一種鐵板/ 鑊氣味，感覺無平時咁熱氣但又食到

最近番工都冇帶飯，成日都岀去食，點知俾我發現金鐘有一間自助日式販賣機😂價錢都只係$52-68，價錢唔太貴，現家新開仲有優惠tim，仲有埋飲品👍🏻👍🏻👍🏻簡直對於我地呢班打工仔黎講係恩物🤣成個購買過程都係只係三分鐘👍🏻今日中午十二點半倒購買人數有6-7人排隊，好好彩有一個工作人員幫我地手，工作人員都好有善👍🏻所以客人好快好客易就買到飯盒。而今次我就點左個柚子照燒雞拼安格斯牛丼$47連飲品，賣相好有日本風格，令到我諗番起之前成日係日本食既便當咁，既方便又可以食得飽肚，而我拎上手仲熱辣辣👍🏻份量好多，以我女仔既食量都岩岩好，好滿足👍🏻雞扒好滑好入味，牛丼都好多舊，飯入面都仲有西蘭花🥦同蕃茄仔，食外賣之如仲可以有均衡飲食😊值得推介

有沙漠之稱的金鐘開了一間好特別的「餐廳」，就是出現一部出售日本便當的販賣機，可以先預訂，也可即場購買，即場購買的話，有機會因為預訂太多而無左一個選擇。所以聰明的我先上了他們官網預約，那一定吃到自己最喜歡。 店內放了兩部販賣機，如果已網上預訂，只需掃一掃QR code 就拿到自己餐盒。 拿完餐盒後，職員提醒我們取一支飲料，飲料有茶、汽水、特製冷泡茶等十多款選擇。我們選擇照燒芝士漢堡配吉列炸蝦及BBQ燒風味雞排味噌安格斯牛丼，兩個飯盒配冷泡茶。首先，照燒芝士漢堡配吉列炸蝦那個餐盒整體還不錯，芝士漢堡是能拉絲，吉列炸蝦雖然炸皮淋左，但蝦身還是爽口，而飯盒最驚喜配菜，最好味是蛋卷，偏甜入味，建議加多少少因為只有一小塊，蓮藕等配料都好吃。而另一個飯盒BBQ燒風味雞排味噌安格斯牛丼，雞排是大塊的，厚切，雞皮味道偏甜，而牛也還可以，但建議飯汁可以加多，因為兩個飯盒飯量不少，飯不會偏濕及乾，是適中。最後職員推薦冷泡茶也不錯，茶味濃，小小一支方便飲用。

海富中心最近新開左一間日式便當店呢度係用自動販賣機賣便當🍱過程方便快捷 啱晒打工仔係有限嘅lunch time內節省排隊落單同等外賣嘅時間 而且價錢都相宜係美食沙漠中嘅新選擇😝.🌟蒲燒鰻魚 ($66)便當盒非常精美 而且已經附上筷子🥢打開餐盒就見到有張紙鋪係面 我估係呢個設計係為左令到水蒸氣唔會流返落飯所以個飯唔會太濕同焗到腍晒 夠晒貼心大大條鰻魚鋪係蛋絲同飯上面🤩燒汁好惹味 鰻魚亦都好高質 完全無骨而且我仲好鐘意佢旁邊嘅配菜例如甜蛋同車厘茄 好食又好睇 夠晒色彩繽紛🌈.🌟照燒日本七彩豆腐扒 ($66)豆腐扒好有驚喜 本身唔係特別鐘意食素菜🤭但係今日想食得健康d所以就食佢 果然冇揀錯豆腐扒裏面有栗米、蘿蔔同青豆碎 令味道更豐富而且旁聽仲附上好多炒雜菜🥬 係健康之選👍🏻

今日要嚟金鐘做嘢，由於午膳時間只得一個鐘，唔想行太遠，所以近近哋走咗去海富中心搵食。本來仲諗緊食乜嘢好，竟然畀我哋喺商場二樓搵到「和田便當」。呢間舖頭之前喺數碼港幫襯過，店裡的飯盒做得很不錯，有營養又健康，啱晒我倆口味。店舖逢週一至週五，每日都會有 5-6 款唔同嘅便當供應，而且每個星期都會轉換餐單，以保留新鮮感。菜單會預先擺咗上網頁，客人可以提早於網上預訂，當然亦可以好似我哋咁，喺便當自動販賣機隔離嘅屏幕，即場選購，既快捷又方便。一人揀咗一款，兩個飯盒都包裝得很精美，賣相高檔，而且拿上手時仍熱辣辣。據說便當的紙盒是由甘蔗漿製造，在高溫下也不會釋出有毒物質，可自然分解，有效降低環境污染。今次揀咗韓風烤牛肉 同 蒲燒鰻魚，前者用料好慷慨，除了有大量薄切牛肉片外，仲加入咗唔少時令食材。牛肉醃得好入味，入口軟腍，啖啖肉。連伴菜都好有水準，洋蔥微甜多汁、配上爽口嘅蓮藕和嫩滑玉子，營養豐富，夠晒健康。至於另一盒蒲燒鰻魚，賣相亦十分誘人，塊鰻魚好厚身，肉質肥美，油脂嘅香味完全迫晒出嚟，入口一點也不腥，醬汁很香甜，連埋啲蛋絲一齊食，可口味美！連配菜都有心思，有車厘茄、西蘭花、蓮藕片等，營養均衡，一點