和牛88

營業中

休息中

我並不是日本控 這間餐廳黎左二次食午餐 地方乾淨 服務夠主動温柔 環境舒適 鍾意佢放定個容器比客人放袋 第一次食牛腩 夠肉味淋度適中 個汁濃蕃茄味到 平時我唔太食汁都要食光 個咖啡有一點點炭燒味之餘 又香濃滑 第二次食青魚 成條大大條上 仲好有質感又有汁 呢餐只係$130 淨係咖啡普通專門店都要几十蚊 食得好滿足 掛住介紹朋友食晚餐 淨係影左晚餐餐牌 自己二次食午餐都無影添😁

以前有銅鑼灣幫襯開，點知佢搬咗去以前屋台屋嗰個位。裝修好過以前。感覺上光猛好多，冇咁似之前嗰啲居酒屋。食物都多咗啲種類，起碼唔食牛嘅都多咗啲選擇。 有雞軟骨豬肉餃子同埋三隻肉類嘅火鍋。以前銅鑼灣店嗰個必叫菜式，例如芝士豆腐而家都有得食。和牛刺身永遠都好食，同埋佢嘅牛扒都係必叫嘅食物。 性價比高我啲朋友都有一兩個唔係食好多牛肉，希望佢哋再加多選擇。飲品同埋甜品方面都多咗好多選擇。希望佢哋可以喺新環境度做得好，香港人支持良心店

和牛88係銅鑼灣時我食過幾次覺得唔錯，所以知道餐廳搬到鰂魚涌就去支持支持!😍餐廳牛餐款式同之前差唔多，今次叫咗吉列黑豚定食$108，另加$20要芝士年糕。😊黑豚外層炸得鬆脆，但我覺得炸粉可以多番少少，豚肉都保持到有啲肉汁，整體都唔錯。定食包括新鮮沙律，漬物，味噌湯，份量適中，味道正常。芝士年糕有2件，掛住食唔記得影相，味道都唔錯，不過如果餐廳可以調節下啲時間，係食客接近食完主菜至上就好啦，因為我當係甜品咁食架嘛。餐廳內部裝修簡約，坐得都舒服嘅，當時已經下午2點，客人都有10個到，其實都算ok，當然希望做耐咗等多啲街坊朋友試過和牛88嘅食物後會繼續幫襯， 畢竟有誠意嘅小店已經買少見少。💝

和牛 88 之前o係銅鑼灣搬過o黎太古地鐵站附近，知道佢仲係試業中就趁晏晝去試一試。雖然 openrice 話o係鰂魚涌，但其實近太古出口。兩點鐘倒人流唔多，枱同枱之間都唔會近，坐落感覺幾舒服。天氣好熱，就嗌咗個以前食過o既招牌燒和牛冷烏冬。上菜，除o左個 main 外，仲有漬物，味噌湯，仲有沙律。一睇個set 已感到用心，沙律菜好新鮮，而且和牛好靚亦都食得出燒味，冷烏冬都有咬口彈牙，presentation 都靚，估唔到味噌湯幾好飲，唔係死鹹。明明係有質素o既小店，希望附近o既街坊可以多啲支持啦。