和牛燒肉一郎 (新都城中心二期)

一直想試呢間餐廳好耐，今日終於有時間。提早Book好位，見openrice同Google唔少人話Lv2質素都唔錯，甚至比牛X好食，訂座亦有任飲梅酒清酒啤酒優惠，滿心歡喜期待。光顧嘅日子係星期三夜晚，大概5成入座率，唔算多人。一坐落即刻QR code 落單，大概3-5分鐘上齊第一轉牛，大家可以望下所謂嘅「薄炙牛五花」，韌到咬唔到，同埋一D都唔薄因為冇咩油分，瘋狂癡網。咁都算啦，覺得係第一round唔好彩，或者部位問題，索性叫其他部位。等左20分鐘，終於到了。大家可以望下相，一望個樣就知道唔好食，韌到死，第一次食燒肉會覺得韌到咬唔到（尤其係一間標榜食牛為主嘅店舖）呢個餐會包海鮮，我一坐落就落單（可見落單時間係19:14），等左半個鐘先到另外叫左個泡飯，19:17落單。等左40分鐘未上，問店員，到左60分鐘嘅時候先姍姍來遲。簡而言之，呢間餐廳真係好垃圾，完全feel唔到任何用心。質素+服務態度完全同好評不符。附上一張圖，顯示其實仍然有空位，證明當天並不繁忙 希望大家考慮去呢間餐廳嘅時候都可以參考下我嘅意見，因為真係唔值得去食⋯⋯（至少食Lv3以上，可能會好D？）…Read More

前排喺Klook見到和牛買一送一優惠，平均每人都只係600左右，所以諗都唔諗即刻買左。我地買左最貴嗰個餐，除左頭盤嗰D冇得再叫之外，其他menu上嘅都可以無限叫，款式都幾多，牛有27款，仲有牛肉刺身、牛肉壽司呢D比較特別嘅野。講返個頭盤，講到明食完冇得再叫，咁我嘅對佢嘅期望就會比較高，但除左一開頭個極上夏多布里昂油脂比較豐富同埋較為嫩之外，其他肉類都好一般，總括而言大部分肉類都好鞋好多筋。如果原價係$1300一位的話，我會覺得個質素對唔住個價錢。海鮮的話，虎蝦同甲羅燒係OK嘅，虎蝦夠大隻，肉身彈牙；甲羅燒蟹膏味道好香；而其他例如青口帆立貝係完全冇味道的。其他有得任叫嘅值得一讚嘅係D炸物，真係即炸同埋真係炸到外脆内嫩。其餘嘅都係普通質素。Btw，店員服務態度好好，得閑行過都會提醒下我地要點整會好食d，又會問我地d食物o吾ok，但呢個食物質素都真係好難會再返黎食。…Read More

I was having S1 all you can eat, but oyster and some other of my favourite were sold out. I better have the Combo during dinner instead, more choices and less “sold out” items.P.S. Each wet paper towel cost you 10 cents and you will be rounding up for the nearest dollar for the bill, so you have the quota of (1-x) times 10 of free wet paper towels, where X is the decimal of your bill before rounding up.…Read More

餐廳有不同級數既肉類同海鮮選擇再配自助沙律、飲品同甜品吧！餐廳幾大 卡位坐得好舒服服務態度都好好 上菜好快淨係頭盤都有排食和牛脂肪分佈平均 輕烤後油分立刻滲出令牛肉更充滿油脂香可以叫生蛋 和牛配上蛋液更加香甜可口入口即溶 好有滿足感除咗燒肉呢度仲有啲壽司 炸物 其中好驚艷到我喺有生牛肉第一次試！最愛牛舌 牛舌芯軟嫩口感爽彈有咬口 好惹味自助區有各種沙律、飲品、甜品、雪糕酒鬼必去 三款酒類：梅酒・清酒・酵酒任飲會再去食！❤️…Read More

之前食過呢間燒肉放題店覺得幾好食，近排喺將軍澳分店仲出咗新優惠，今次食咗其中S2 Course(60品)都幾抵食，$288放題燒足100分鐘！包括特選牛 (AUS)4款・特選牛 (US)2款・嚴選牛 (US)4款・名物8款・日本豚2款・豚5款・雞6款・海鮮9款・野菜11款・其他29款~😝 這個放題🐮🍣還有炙燒壽喜燒壽司每人送2件，店員會嚟到座位前親自燒俾你食，生熟度可以自己話事！餐廳還設有自助區，裏面有沙律、🍮自家製甜品、🧃飲品和日本雪條。餐廳環境乾淨，座位闊落舒適，有良好的抽油煙系統令空氣保持流通，吃完燒肉也不會一身很重的油煙味。店家更會提供圍裙供食客使用，店員嘅服務態度友善，餐廳使用二維碼自助點餐，快捷又方便！😌👍👍🏻特別推介以下的任食食品：🐮特選薄炙蔥花牛舌(鹽味)牛舌切到長長薄薄的一片，食落非常入味，爽爽地，幾有口感，我地encore咗好多次🤭，推薦! 😍👍🏻🐮特上牛舌棒牛舌非常厚切，好爽口，不錯👍🏻🐮特選薄炙牛里脊肉燒完配上溫泉蛋汁吃，入口嫩滑，牛肉味濃郁，大滿足！🦐蒜蓉牛油海蝦海蝦新鮮大隻，加上大量牛油蒜蓉一齊燒，鮮甜爽口！😋🦪黑松露牛油帆立貝/蒜蓉牛油帆立貝帆立貝鮮甜，加上大量牛油蒜蓉一齊燒，非常入味！😋🦪廣島蠔肉廣島蠔好肥美，大顆厚身，燒至剛剛熟透，口感綿軟鮮甜！☺️最後食返幾條日本產雪條🍦，有藍莓乳酪雪條、北海道牛奶雪條等等👍🏻 …Read More

🍗將軍澳抵食燒肉🥓------------------------------💛特選牛肋肉-💵138份量非常之多🤤擺盤同味道一樣😍十分靚同十分好食😋有醬汁嘅調味🥳燒落5會太油膩😚💛豚肋肉-💵68份量一個人啱啱好👍🏻油脂分布十分漂亮❤️雖然價錢相宜😍但質素遠遠超過預期一塊豚肋肉加一啖飯🤭人間美味🤤------------------------------🇭🇰和牛燒肉一郎 (新都城中心二期) (將軍澳)將軍澳寶琳欣景路8號新都城中心二期1樓1040-41號舖…Read More

下午4點左右，本來打算入黎食個燒肉套餐，後尾見到餐牌$188 S1 Course 燒肉放題原先想食既燒肉套餐都要百幾蚊，點知比多少少就多好多食物選擇，最後忍唔住就變左食放題S1 放題食牛肉的選擇唔多，只有３款 牛五花，牛橫隔膜，牛舌牛五花偏肥，但係燒完就岩岩好，佢既油脂可以分埋比其他牛，反而棋隔膜有點靱豚肉都係得幾款，但我只點了豚里脊肉，第一碟就好肥，再點多一碟就變返瘦，感覺唔似係同一部位，好似隨機咁海鮮仲有蝦，帶子，青口，魷魚，八爪魚之類，要有既都有另外仲有小食，點左黑松露薯條，麥當當口感，純粹係過下口癮前菜都好好味，仲有雪糕甜品飲品任飲。整體而言，以$188 加一放題，雖然牛肉質素一般，但係選擇黎講算係幾多對於食燒肉有要求的人就未必滿足到，因為用牛肉質素換左其他選擇返黎過下放題口瘾食下呢個餐係唔錯的！…Read More

我家毛子好鍾意食呢間和牛燒肉一郎，而家推出咗新嘅”All you can eat”套餐，特登嚟回一回佢，點知原來裝修咗，變咗有送餐列車，感覺好得意，而家連燒肉都用列車送，不過個音樂略嫌大聲咗少少哈哈😆二人放題會送澳洲M9薄灸盛盒，係牛里脊肉，精肉較多，油脂少啲，有咬口，放入口會爆發出嗰種牛肉香，喺其他地方比較少咁樣食，都幾特別🐮海鮮🦞控嘅我食咗半打帆立貝，牛油蒜香帆立貝同黑松露牛油帆立貝，燒完都仲係大大粒，除咗有牛油蒜香味之外，帆立貝肉質鮮甜，係唔錯嘅選擇。肉類方面，牛舌同埋日本豚肉片都不錯喔，兩款肉切成咗薄片，燒一陣就會見到有血水，就可以翻面，千祈唔好一翻再翻，翻一次就可以食，如果翻得太多次肉質就會變柴，配合一啲特色醬汁，我鍾意佢嘅蔥油醬同芝麻醬。然後將韓式小菜（菠菜、芽菜、紅蘿蔔絲）連生菜同肉類包住嚟食，好好味呀！吉列蝦外皮超香脆，新鮮炸嘅熱辣辣，入邊蝦肉好實淨，仲配埋特色蛋黃醬，唔錯👍🏻 見佢炸嘢咁正，所以叫埋炸雞，又係個外皮入邊超Juice，全部都係即叫即整，辣口。出邊嘅半自助餐區仲可以自己整紫菜香蔥拌飯，仲有好多茶包可以挑選，有爆谷、雪糕、雪條、棉花糖、甜品區，一應俱全，滿足晒我呢一啲為食貓。呢個新套餐性價比好高，相信香港經濟唔係太好，所以先至會有呢種改變， 2024年經濟未必會好轉，但係希望大家都可以以樂觀嘅心態去面對🌦️🌈…Read More

我3月31日剛去過將軍澳第一次嘗試優惠價$498一位和牛燒肉一郎，一次供應和牛份量少都唔緊要，而且仲要好薄，味道還可以！但啲蝦叫了兩次都是一樣又霉又細隻，個爐仲搞笑嘢，食物唔係燒熟的是燜熟的，個火力好細，問咗服務員可唔可以校大啲火，都冇人理，另外話就話$498一位，實質收費$628一位！若正價去幫襯最貴個餐每位要$1000左右就真係抌心口，我諗幫襯佢最平嗰餐可能會覺得性價比比較高，貴個餐就真係唔建議了！真心一句冇下次😅…Read More

🌟整體評分: 8/10🌟❤️味道：8/10🧡環境：8/10🩵服務：8/10💚性價比：8/10💗小朋友喜愛度：8/10將軍澳區燒肉放題選擇唔算多，呢間都係不錯既選擇！款式多小朋友老人家都好歡喜！半自助式沙律同埋特色飲品bar滿足哂鐘意一路行一路揀既小朋友！超讚日韓甜品全部獨立包裝，衛生又方便！除左有炸物小食，冷盤前菜，同埋各款肉類選擇外，仲有海鮮類：大蝦，青口等，海鮮唔係主打都係冰鮮水平。牛肉選擇算多而且肉味香濃，抵讚👍🏻…Read More

好耐無食燒肉放題，近近地去左將軍澳分店嘅和牛燒肉一郎！依加仲有將軍澳分店限定優惠，只要係下午4:00後入座至晚上7:00前離座或晚上8:30後入座，燒肉放題套餐可以免加一，超抵食！✨S2 Course 80 品燒肉放題 $288/pp呢個燒肉放題好抵食，$300都唔洗就可以任食80款食品，當中更包括澳州特選牛4款、美國特選牛4款同多款新鮮海鮮，自助吧亦有多款沙律、飲品、雪糕同埋甜品供應。依家惠顧呢個套餐仲會送炙燒壽喜燒壽司兩件，仲有店員喺你面前燒埋，真係100分嘅服務。🔸牛肉類食得呢個餐梗係要叫澳州特選牛同埋美國特選牛。佢一共有四款，分別係M9薄炙牛里脊肉、牛肋肉、牛里脊肉同埋牛角切肉。除此之外，仲有多款牛舌同埋牛橫膈膜，全部牛肉都好新鮮，當中我最鐘意就係M9薄炙牛里脊肉，食落油脂感豐富，牛味亦好香濃。🔸豚肉、雞肉類呢個套餐共有五款豚肉同埋六款雞肉，當中包括平時食燒肉最鍾意嘅豬頸肉同埋雞腿肉等等，食牛肉食到膩膩哋不妨叫吓豚肉同雞肉，質素絕對唔會失望。🔸海鮮類食燒肉又點少得海鮮，呢個套餐共有十款海鮮供應，分別係海蝦、帆立貝、魷魚、多春魚、青口、廣島蠔肉、八爪魚仔同埋我最推介嘅黑松露牛油帆立貝、蒜蓉牛油帆立貝同埋蒜蓉牛油海蝦，呢三款海鮮真係超好味。…Read More

原來咁快就3週年啦，最近推出咗驚喜優惠，凡惠顧晚市燒肉放題A-F套餐，四人同行一人免費，好抵食呀全港首創「燒肉新幹線」送餐模式，快捷衛生～ 主打高質黑毛和牛燒肉放題，更用上「和牛識別番號」，和牛背景一目了然，確保顧客品嘗真正美味的和牛！套餐由A-F，價格由$198-$990一位不等，今日我就選擇了Set D ，$478一位，日本黑毛和牛6款放題，任飲梅酒、清酒及啤酒，食物多達132款，非常豐富呀🤤自助區提供沙律、甜品、雪條、多款果茶、果汁及罐裝飲品，其他食物就Qr code落單店員先送上兩碟和牛燒肉拼盤，最好味係和牛牛肋肉，油脂超豐富，有入口即溶的感覺😋之後都係瘋狂追加呢隻牛肋肉，真係好好食，而且每一碟都keep到個質素！除咗日本和牛，呢個餐都有澳洲牛同埋美國牛，個人覺得美國牛好味啲，牛味香濃啲～另外，我仲食咗帆立貝、海蝦、雞泡魚乾、可樂餅、冷麵同埋菠菜都好唔錯😋可以任飲梅酒、清酒及啤酒，都係呢個餐另一賣點，超正呀🍶🍻…Read More

和牛燒肉一郎最近推出超抵食嘅任食套餐，唔執輸試咗佢嘅S2 80品任食套餐 ($288/位)限時100分鐘都夠食，包自助沙律吧、甜品、飲品放題另外加$8仲有得任飲清酒、梅酒、啤酒🍻 超抵價錢就有得飲飽食醉🤤雖然價錢比較平，但係啲牛肉都唔輸蝕，有嚟自澳洲、美國嘅靚牛特別推薦：M9薄炙牛里脊肉、牛里脊肉、極上厚切牛舌、兩色蔥花牛舌其中薄切和牛燒完之後點壽喜燒溫泉蛋，超滿足😋另外厚切牛舌肉質好嫩，薄切調味好足，食落爽口，不論厚薄都好正🫶🏻除咗牛肉之外，仲有其他肉類、海鮮、野菜、料理等等，推介蒜蓉牛油帆立貝、蒜蓉牛油海蝦，新鮮又入味～…Read More

係香港都可以食到高質日本和牛，和牛燒肉一郎有日式燒肉放題同定食。 最近餐廳仲推出咗💥3 周年驚喜優惠💥由 2024 年 3 月 1 日至 3 月 31 日，只要登記成為 <和牛燒肉一郎> 會員 ，於推廣期內到全線 <和牛燒肉一郎> 惠顧晚市燒肉放題 A-F 套餐 ，即可享四人同行一人免費優惠 。🙌🏻🌟Set D 日本黑毛和牛6款放題 $673120分鐘用餐時間仲有任飲梅酒、清酒、啤酒 🍻頭盤🌟是日黑毛和牛精選🌟黑毛和牛四款盛合（牛肋肉，里脊肉，一口牛，肉眼）🌟日本A4和牛西冷頭盤頭盤只係上一次，有2款肉部位可以再叫A4和牛西冷最出色，油花分佈均衡，唔會切得太薄，食落軟腍。盛合既和牛肉眼都係肉質軟嫩既位。牛肋肉同里脊肉都可以再自己叫。最好食牛肋肉，有三款醬揀🌟薄炙牛里脊肉🌟薄炙蔥花牛舌（鹽味）🌟薄切上等牛舌芯🌟熟成壺漬牛外橫膈膜另外仲叫咗幾款肉，薄炙牛里脊肉油脂少唔算滑。牛舌正。牛外橫膈膜都唔錯。🌟炙燒拌生牛肉 🌟生牛肉壽司🍣除咗燒肉仲有生牛肉食。生牛肉壽司口感幾特別。炙燒拌生牛肉撈蛋黃好食🤤🌟牛油帆立貝有幾款海鮮揀，蝦同帆立貝正常🌟溫泉蛋（壽喜燒）可以叫埋溫泉蛋點肉食🫶🏻🫶🏻…Read More

We ordered the S1 set which was $188 per head plus service.This includes over 60 items with many seafood choices. I feel 100 minutes is a little rushed but the more expensive sets have longer dining times.Pros: value, desserts, seating Cons: reception gave incorrect info about dinner set availability. We had to check with manager.…Read More