和牛割烹小田

營業中

休息中

原本想食omakase嘅，但去到已經係01.50pm，唯有叫啲lunch set嚟食住先啦。因為miss咗omakase所以一開始都幾失望嘅，不過lunch set都好好食，真係估佢唔到！下次一定要早啲嚟試吓佢哋嘅omakase，一定都幾唔錯！環境裝修好有日本風格，座位好闊落，打卡都係一個唔錯嘅選擇，地點都好方便，餐廳衛生整潔，服務態度都好好。前菜-炭燒昆布生牛肉片，其實類似於牛肉沙律。菜同粟米都好新鮮，口感好爽脆，多汁。入面仲落咗啲魚籽，一啖一個爆喺個口度。牛肉片都唔會馬虎，雖然話係牛肉片但厚度都仲係好有誠意。5成熟嘅肉片配埋自家製嘅沙律醬汁，酸酸甜甜嘅味道，好好食！主角-炭燒肋眼和牛扒，肉味好濃，帶有香氣十足嘅炭燒味，好惹味。肉質都好鬆軟，切件好嘅肉塊大細適中，容易食。而且仲可以保持到肉入面嘅水分，唔會好乾。我叫咗5成熟，唔會太生都唔會太熟，啱啱好。成個set仲送埋一個味增湯同埋啲小菜。

和牛盛宴，來自鹿兒島小田牛😋😋😋好耐冇食好嘢，朋友帶左我去中環呢間 @wagyukappoodahk ！第一次食和牛割烹，叫咗seasonal omakase，要共有11道菜，絕對值回票價！🍭季節の八寸🍭本日の厳選お肉🍭季節の焼き野菜🍭小田牛サーロインすき焼き 日本一こだわり卵🍭和牛トロタク井🍭箸休め🍭炭焼きハンバーグ 自家製ミートソースパルメジャーノ🍭シャトーブリアン🍭和牛とキノコのトリュフご飯ウニいくら🍭本日のデザート可以食到唔同部位，唔同烹調手法嘅小田牛😍 當日品嘗了三角バラ、サーロイン及chuck tender三個唔同部位，各有不同口感～～ 11道菜，每道都好有驚喜！由壽喜燒、到炭燒、煙燻，加上唔同食材配搭，真心正！

慶祝朋友生日，去咗中環嘅和牛割烹小田，試下佢哋嘅seasonal omakase.呢間餐廳由日本廚師主理，每一道菜都好用心。開場嘅日式濃湯好暖胃，味道清香舒服。跟住有炭燒茄子，魚卵同魷魚拌埋青瓜西京味噌，口感好有層次，清爽又唔油膩。甜品係橙皮酒香啫喱配甜梨，酸酸甜甜好清新🍊🍐自家製番茄肉醬芝士小田和牛漢堡，牛肉好嫩滑，配埋肉醬同芝士味道啱啱好🧀。之後嘅炭燒夏多布里昂牛里脊，配上味噌同昆布，肉質好juicy。仲有一道海膽魚子飯，鋪滿蘑菇同松露，配埋麵豉湯，整餐飯食完好有滿足感。炭燒嘅時令蔬菜都唔錯，保持住蔬菜嘅鮮甜。呢餐生日晚餐幾有心思，食物質素唔錯，又唔會太誇張！👍

朋友今日生日，就諗住帶佢去中環嘅和牛割烹小田食日本菜。我哋跟住服務員嘅推薦揀咗Seasonal Omakase嚟試吓。菜單入面有濃湯、前菜、特選牛肉、野菜、壽喜燒、和牛飯、refresher、漢堡、牛里脊、魚子飯湯、同埋甜品。濃湯飲落非常香甜，冇任何調味料嘅味道，完全唔會膩！前菜有茄子、魷魚同秋葵。茄子有微微嘅炭燒味，甜甜地，特別好味！魷魚上面仲放咗魚卵，非常鮮，口感彈牙，而秋葵加埋其他配料食起來好清爽！每一道都令人食欲大開！牛肉有味噌、昆布同胡麻蔥汁作為搭配，非常鮮美。每一個唔同嘅搭配都有自己獨特嘅風味。我最鍾意嘅係配胡麻蔥汁，喺口中爆香嘅感覺！炭燒嘅野菜非常清香，好爽口！Refresher係甜梨，帶有橙皮同酒嘅香氣，食起來非常清新！仲有好有趣嘅和牛漢堡，入面放咗特製嘅番茄肉醬同芝士，非常惹味，令人回味無窮！炭燒牛里脊亦都係有味噌同昆布作為搭配，非常濃郁嘅牛肉香氣，配埋呢啲作為搭配，味道更加鮮甜！朋友最鍾意嘅就係和牛海膽魚子飯，特別鮮！魚子好Q彈，而蘑菇又好彈牙，多層次嘅口感喺口中咬住，真係太絕啦！仲有濃郁嘅面豉熱湯，熱乎乎嘅，非常暖胃。我哋食到好開心，係個非常難忘嘅生日晚餐！

第一次試呢間餐廳既Omakase服務同食物都好好 而且環境舒服我地試咗Seasonal Omakase樣樣賣相都好靚質素非常高👍🏻日式濃湯飲落香濃又順滑三款開胃菜都清新又開胃之後師傅就呈上鮮嫩多汁嘅精選牛肉🐮同香脆清爽嘅炭燒時令蔬菜🥬小田和牛壽喜燒同醬油蝦海膽和牛他他飯特別鍾意醬油蝦海膽和牛他他飯爽張鮮蝦加上鮮甜海膽同牛味濃既和牛💯橙皮酒香啫喱配甜梨味道清爽且果香濃郁 用作間場解膩真係好岩和牛漢堡味道都十分豐富有和牛嘅肉香味 加上番茄肉醬同芝士 🧀另外炭燒夏多布里昂牛里脊都好好味鮮甜軟嫩嘅肉質夾帶淡淡煙燻香味最後一道菜係和牛松露海膽魚子飯米飯吸收晒海鮮嘅精華搭配和牛松露海膽魚子飯 食落口感層次豐富😋最後仲有甜品擺盤非常精緻 豆腐軟嫩美味而紅酒啫喱口感Q彈清爽帶紅酒香味!

連續兩個月無休息，一定要食好野平衡下心理！omakase一會係我首選！第一道就系我老公最鍾意嘅和牛，和牛牛排配蔬菜。呢個牛排處理得好完美，外酥內嫩，沾埋旁邊嘅醬汁，整體更加美味。呢個有啲湯嘅和牛胸肉配蘿蔔，燉嘅時間啱啱好。肉質同蘿蔔都唔會太爛，仲保持住佢哋嘅口感。每口牛肉都帶有濃郁嘅湯汁，非常好食。壽司入面嘅料好特別，入面系海膽同和牛肉。海膽同和牛都非常軟嫩，有口感，紫菜就好酥脆，合埋一齊食，口感更加好。呢碗飯最豐富，入面嘅料超多，有和牛、蘑菇同埋魚籽。混合埋一齊，每一口都俾我味蕾享受。呢盤嘅和牛配埋日本第一Kodawari蛋真系一流。一開始我仲有啲抗拒生嘅蛋，結果配埋濃郁牛肉味嘅牛肉食，味道非常特出。再嚟就系帶住好香味道嘅炭燒茄子。軟嫩帶啲酥脆嘅感覺真系好正。生牛肉片處理得好乾淨，色澤鮮亮，食落去口感好滑順。配埋新鮮嘅蔬菜一齊享用就非常唔錯。有呢個咁驚喜嘅晚餐，個人即刻recharge返！

兩公婆嚟咗中環嘅萬年大廈，唔知食乜好，就喺網上尋找日本餐，俾我哋搵到呢間人氣好旺🔥嘅日式餐廳。餐廳主打 Omakase，不過我同老公決定食佢哋嘅 Lunch Set，下次先嚟食佢哋嘅 Omakase🥓蘿蔔炆牛腩 （9.5/10）⭐️⭐️⭐️⭐️牛腩肉好有咬口而且肉汁好豐富，仲會有適當嘅油脂，食落去好鮮味。蘿蔔同牛肉食落去又甜又微辣又入味又軟腍，添碗白飯，淋埋啲湯汁，好滿足😋🥩小田和牛炭燒昆布生牛肉片 （9.5/10）⭐️⭐️⭐️⭐️小田和牛燒得啱啱好，每一啖都散發住淡淡嘅炭香味，加上肉質軟腍滑溜，脂肪均勻，配埋特製醬汁，帶嚟豐富嘅口感同獨特嘅風味，食落令人好上癮😍鍾意食和牛嘅大家千萬唔好錯過呢度好食嘅和牛👍🏼

同老公嘅約會，我哋揀咗喺中環嘅「和牛割烹小田」，裝修得體、風味當道，師傅好好傾，真係將日本味道表現得淋漓盡致，整個用餐氣氛氛圍都好舒服，令人一試難忘！💯首先飲咗濃縮洋蔥湯，湯好香好濃既洋蔥味，入口順滑，真系一飲之後，你都會覺得温暖，刚刚好個日有落雨，所以飲完之後整個人都好溫暖。試過湯之後，我哋就嚟享受佢嘅小田和牛昆布燒牛肉竹筍春巻。食落口好嫩，香氣夠，唔會好難咬，好好食！💚接落嚟仲有 Kodawari醃蛋和壽喜燒和牛他他，，好有咬勁，口味實在係濃同滑，入味好香！🥰搭配上小田夏特布里昂牛排：肉質香嫩，有化開個感覺，想唔食都難！最後嚟咗萬願寺燒帶子土佐醋果凍，帶子超新鮮，超甜，有種仲想食多一碟嘅感覺，返尋味！😍✅評分：味道 ： ⭐️⭐️⭐️⭐️【4】環境：⭐️⭐️⭐️⭐️【4】服務：⭐️⭐️⭐️⭐️⭐️【5】衛生：⭐️⭐️⭐️⭐️⭐️【5】

呢間餐廳嘅晚餐omakase我已經係第二次食啦，次次都俾佢驚喜到～ 餐廳氣氛感十足，可以感受到唔同嘅用餐體驗😍前菜已經好好食，餐廳用嘅牛都係小田和牛，超高質！牛肉已經輕輕燒過，所以外皮焦脆，肉質鬆軟，比起熟牛肉更加嫩🤤 底下係滿滿嘅新鮮蔬菜，食落好開胃～跟住嗰道菜就係炭燒茄子，茄子嘅外表已經俾炭燒烤過所以焦焦地，入面就好好軟糯😋 食落冰冰涼涼，好豐富嘅口感🤩關東煮風燉和牛胸肉配蘿蔔，關東煮嘅湯汁好好味！入口超級鮮甜，而且蘿蔔同和牛已經燉到軟腍，咬落去即刻喺口入面溶化🤤靚靚嘅小田和牛紋理，睇落特別吸引😍 加入咗壽喜燒醬汁，和牛吸晒啲湯汁，香甜可口🤤 再配埋日本第一嘅Kodawari蛋，味道更加滑溜～海膽和牛他他壽司，呢個我都好鍾意啊😻 肥美嘅海膽➕質素超高嘅和牛➕脆卜卜嘅紫菜一齊入口，肥潤醇香嘅滋味，滿滿嘅幸福感！擺盤好靚嘅炭燒和牛牛扒，牛扒嘅油脂好豐富而且好鮮嫩😋 食落仲有淡淡嘅炭燒味同牛肉嘅奶香味，成口鮮味！其實食到呢度我哋已經好飽，但係端上嚟就聞到好濃嘅松露香味，又繼續食落去😂 軟糯嘅飯配住肉香滿滿嘅和牛，每一啖都可以聞到松露嘅香味，食完令人回味無窮！最後就用甜品作結，食完超級滿足

我同班同事一齊去左「和牛割烹小田」😺，一入到去，就感受到一種日式食堂嘅溫馨氣氛。同事一向讚佢嘅「Dinner Omakase $980」好正， 咁就梗係要每人都嚟一份啦！🥢「Dinner Omakase $980」🥢 好多款嘅日本和牛， 整體嘅牛肉都係好juicy，熱辣辣，又香又靚。CP 值：🔋🔋🔋🔋🔋🍲 「小田和牛壽喜燒配日本第一Kodawari蛋」🍲 和牛用壽喜燒嘅方式煮，就食得出嗰種特別香嘅味道，夾埋日本第一既Kodawari 蛋，口感滑嫩，非常夠水準！CP 值：🔋🔋🔋🔋🔋🍣 和牛壽司 ， 呢一個係我超級期待嘅菜式之一，一上枱嗰下就已經流口水啦！好食嘅和牛壽司好精緻，而且係意想不到咁多汁，非常好食CP 值：🔋🔋🔋🔋🔋🌾「小田和牛蘑菇松露魚子飯」🌾 其實個招牌就已經好吸引，食落去成個口感好豐富好夾，肉味非常美味，味道令人上癮。CP 值：🔋🔋🔋🔋🔋🍦 甜品: 豆腐布丁配楓醬 🍮嗰一陣香氣流露，而且豆腐嘅香滑令到成個甜品加分！CP 值 : 🔋🔋🔋🔋🔋「和牛割烹小田」 呢個成日都人頭湧湧嘅日本料理火鍋餐廳，絕對能夠滿足您對食喜好！

呢個日式午餐套餐雖然簡單，但係充滿咗細膩嘅風味。小田和牛炭燒昆布生牛肉片展現咗主廚精湛嘅刀工。牛肉片切得極薄，幾乎睇到牛肉嘅紋路。入口嗰陣，肉片喺舌尖上輕輕化開，帶來一種細膩嘅質感。炭燒嘅處理啱啱好，添加咗一絲輕微嘅焦香味，但又唔會搶奪和牛本身嘅鮮美窝。蘿蔔燉牛腩嘅蘿蔔煮得啱啱好，外軟內韌，吸收咗湯汁嘅精華。牛腩經過耐心嘅燉煮，肉質鬆軟可口，但又唔至於完全失去嚼勁。每一口都能感受到濃郁嘅牛肉香氣系口中慢慢化開。湯汁好清但唔失味道，喝一口便能感受到溫暖。配套嘅沙律新鮮脆爽，蔬菜保持著原有嘅水分同埋質地，搭配嘅醬汁調配得宜，酸甜適中，好refresh。（沒有用餐優惠）

前幾日朋友介紹，去咗中環嘅和牛割烹小田試晚市嘅seasonal omakase。成晚個餐單好豐富，款款都幾有特色。一開始嚟嘅係日式濃湯，湯底好順口，淡淡嘅，唔會太搶味。之後上咗炭燒茄子同魚卵拌魷魚配 青瓜西京味噌秋葵，味道層次豐富，茄子炭燒得啱啱好，配埋味噌好特別牛肉系列都唔錯，精選牛肉配味噌，昆布，胡麻蔥汁，牛肉軟嫩，調味好有層次，特別係昆布嘅鮮 味同味噌嘅鹹香好夾。最驚喜嘅係醬油蝦海膽和牛他他飯，海膽滑溜，和牛好香，同飯一齊食，好 滿足🤤自家製番茄肉醬芝士小田和牛漢堡，肉餅嫩滑，配上番茄肉醬嘅酸甜，芝士加埋提升咗成個味 道。主菜嚟咗炭燒夏多布里昂牛里脊，炭燒香氣好突出，牛肉口感滑嫩。最後嘅小田和牛蘑菇松露海膽魚子飯，飯粒煙韌，海膽新鮮，魚子爆開嘅口感好有趣，仲配埋麵 豉湯，成個組合好圓滿。甜品豆腐布甸配楓醬，日本柿&紅酒啫喱清新解膩，收尾完美成餐飯好滿足，食材質素高，每道菜都食得出心思

呢餐晚餐真係令人食得好滿足。日式濃湯好開胃，暖笠笠又唔會滯，為之後嘅美食做好準備。橙皮酒香啫喱配埋甜梨，清新嘅柑橘香味同梨嘅天然甜味好夾，口感輕盈又有層次。醬油蝦海膽和牛他他飯呢個組合好正，鮮甜嘅海膽同嫩滑嘅和牛互相融合，醬油嘅鹹香味令成個菜式更有層次，米飯嘅軟糯口感就中和咗各種濃味。炭燒夏多布里昂牛里脊係呢餐晚餐嘅亮點之一。牛肉外面微焦，入面粉嫩多汁，配埋嘅味噌同昆布醬汁令肉質更有鮮味，令人回味無窮。炭燒時令蔬菜保持到蔬菜嘅原汁原味，同時又有少少煙燻香味，令成餐飯多咗個清爽嘅口感。小田和牛蘑菇松露海膽魚子飯簡直係呢餐晚餐嘅華麗終章。和牛嘅油脂平衡，松露嘅香味同海膽嘅濃郁互相交織，魚子就令成個菜式多咗份奢華。配埋嘅麵豉湯清淡得嚟又有味，好好咁平衡咗主食嘅濃味。呢餐晚餐呈現咗日本料理嘅精緻同平衡。每道菜都經過精心搭配，無論係口感定味道都啱啱好。

前晩我係同家姐一齊去咗呢間日式餐廳享受咗一頓omakase晚餐，真係好滿足！✨炭燒小田和牛牛排配時令蔬菜牛排外焦內嫩，配上新鮮嘅時令蔬菜，味道好夾，食落口好清爽。✨關東煮風燉和牛胸肉配蘿蔔和牛胸肉燉得夠耐夠入味，肉質軟嫩，配上軟綿嘅蘿蔔，好正。✨海膽和牛他他壽司海膽鮮甜，牛他他質感滑嫩，味道搭得好，又同時食到食材嘅精華。✨小田和牛蘑菇松露魚子飯 麵豉湯米飯煮到粒粒分明，搭配蘑菇同松露香氣濃郁，加埋魚子嘅鮮味提升咗整體口感；麵豉湯味道清爽，啱啱配飯。✨小田和牛壽喜燒 日本第一Kodawari蛋壽喜燒味道濃郁，搭配咗口感滑溜嘅Kodawari蛋，真係好正。✨豆腐布甸配楓醬豆腐布甸滑嫩，楓醬嘅甜味為佢增添咗啲特別嘅風味。✨小田和牛炭燒昆布生牛肉片生牛肉片經過炭燒，保留咗原味，昆布嘅味道都令佢更添風味。呢間餐廳真係值得一試，食物質素高，服務亦好好。希望有機會再嚟！

難得有人請食好嘢，去咗位於中環嘅日式餐廳食割煮料理！舖頭入面以日式風格做主題，有吧枱前座可以近距離欣賞師傅手藝，店員服務亦好有禮貌。✨Lunch Omakase $880冷凍炭燒茄子第一道為冷盤前菜，賣相精緻，燒茄子燒得剛剛好，濃茄子燒味，幾出色。自家製番茄肉醬小田和牛漢堡第二道菜係和牛漢堡，擺盤好吸睛。肉碎番茄肉醬配埋5成熟嘅和牛漢堡，做為主食嘅第一道好啱食，食完之後好開胃。炭燒小田和牛牛排配時令蔬菜之後上嘅係和牛牛粒，好厚實一粒粒咁。肉質好軟，有牛味，唔會韌到油，整體好好味。小田和牛壽喜燒主角和牛壽喜燒除咗和牛片之外仲包埋白飯同埋味增湯~睇個樣已經知和牛好吸引，油脂分佈得好平均，未食已經覺得好掂。師傅一邊講解成個流程，先用牛脂開鍋，再落壽喜燒汁。放入鍋唔夠幾秒就熟，肉質好嫩滑，食落去有入口即溶嘅感覺！牛肉好濃郁同時都唔會太膩~跟餐嘅味增湯都好清甜好飲！豆腐布甸配楓醬最後上嘅本日甜品：豆腐布甸，清甜嘅味道，豆腐都幾滑，完美地清咗成餐飯嘅膩滯感。師傅整得好細心，用嘅食材夠新鮮，侍應又會幫手換碟，好好服務！