和氣食堂 (黃大仙中心南館)

今日同3位同學來食午飯，我同1位同學到左先，原先安排我地坐53號枱，都有啲細張，但我地照叫左野食，後來都係覺得有點逼，所以就調左去35號枱坐，搬位時另外兩位同學都到了，我地同時都有同店員講我地點左兩份野食，咁佢就叫我地重新掃code，我地get到個意思係因為換左枱所以要咁做，咁我地4個就點餐，好快發現左佢無cancel左之前既餐，就叫佢停，點知轉頭佢話佢地廚房做左，要照出，即我地4人食6個餐，我地問佢岩岩你同我地講要重新掃code，佢話係啊、重新掃code，咁之後點，佢先解釋佢意思係叫另外兩位未叫既同學重新掃code，咩叫重新掃code，係你本來掃左次再掃，但原來唔係咁解，係佢無清楚同我地講「未掃既就掃新code，掃左就唔洗」淨係拋左句你地重新掃code，明明就係店員講得唔好，但一句出左唔可以cancel就夾硬叫我地食，唔明點解呢間野咁多好評，你地咁樣處理係極差…查看更多

屋邨商場都有一間性價比高嘅日式餐廳！餐廳以忍者做主題🥷 忍者送餐列車喺佢嘅一大亮點，啲小朋友見到架車好開心😆餐廳入面大部分都喺吧枱位，位同位之間有塊簾，自己一個去食都得👍🏻 餐廳都設有卡座，但數量唔多，想坐卡位就可能要等耐啲🕐👉🏻 雜錦海鮮丼配飲品💰 98附油甘、赤身、帶子、赤蝦、蟹籽同玉子，啲刺身喺厚切大大塊、足料又冇雪藏味，98蚊嚟講性價比喺高👍🏻👉🏻 鹽燒鯖魚定食💰78配埋胡麻冷豆腐、日式茶碗蒸、白飯同飲品/麵豉湯，一嚟到個感覺好豐富！主菜嘅鯖魚肉質鮮美、冇腥味👍🏻 胡麻冷豆腐都好好味～唯一喺個茶碗蒸冇咩蛋味味道較淡😅👉🏻 燒黑豚腩丼配飲品💰82賣相吸引，啲肉燒得好香脆、份量都幾多，肉質都好Juicy 🤗 大大碗好飽肚又滿足✅以平民價錢，食到高質嘅日本菜，絕對喺高性價比之選👍🏻 下午茶嚟食更加抵食呢❎可能始終喺屋邨商場餐廳仔，唔會有太好服務⋯如果職員說話嘅態度再親和啲就更加好啦😅…查看更多

和氣食堂的白咖喱烏冬看見照片便很想點這道料理, 吃完便明白為甚麼這是招牌兼且是一道非常受歡迎的日式料理，廚師以濃郁的白咖喱醬汁搭配滑嫩爽口而彈牙的烏冬麵，烏冬味很掛汁, 吃起來味道香濃之餘辛而不辣, 有滿滿的咖喱香味，非常適合寒冷天氣下吃這個, 暖心又暖胃。首先價錢很親民, 想不到在香港食日本菜可以以這個價錢。這道菜沒有額外太多裝飾, 很有神秘感, 一看到它這樣濃稠, 就很想點它。它的味道也對得起它的價錢。這道白咖喱烏冬，味道濃郁，暖心又好味, 這樣美味的日式料理絕對值得一試。…查看更多

第一次去黃大仙和氣食堂，食物選擇較多，味道都唔錯。刺身都唔會覺得好腥，甜蛋壽司幾好味。不過較錢比較貴，需要+1之後壽司餐要$180。不過壽司餐選擇都多元化，可以配搭不同嘅小食呢一點幾好。朋友食咗個拉麵，味道正常冇乜特別啦。不過最令我覺得未必會再嚟嘅原因係卡位唔知點解有一啲頭髮，然後有好多白色嘅碎屑，唔知道係咩嚟，但係令我影響食慾，因此建議一下舖頭可以留意一下衛生情況。但係餐具，枱面嗰啲都係乾淨嘅！餐廳使用機械人傳送帶，見到員工唔算太忙碌，希望可以加強一下衛生管理。…查看更多

最近去咗間幾出名嘅和氣食堂，本來好期待可以食到高質日本菜。不過食完之後真係有啲失望。首先，木魚湯烏冬味道其實唔錯，但烏冬本身比較碎，好奇怪每條都好短，食落口感一般。壽司方面，最大問題係飯太鬆散，一夾就散晒，要用湯匙先夾到入口，未試過咁樣食壽司😂，完全冇咗食壽司應有嘅感覺。至於芝士吉列炸蝦卷更加搞笑，第一件突然突左一大舊飯出嚟，賣相勁唔吸引。總括嚟講，呢餐真係有幾期待就有幾失望，暫時都未必會再幫襯。…查看更多