和氣食堂 (河畔花園)

營業中

休息中

咁熱既天氣，最岩就係食壽司啦😃今日黎到呢間餐廳，揀左個日式便當🍱裡面有冷麵，壽司，魚生同炸物，樣樣都有得食😂岩哂我呢種選擇困難症人士魚生非常鮮甜，肥美，配合埋唔會太大舊既飯，真係好滿足。另外冷麵唔會太乾，好多沙津醬，好合我胃口👍🏻👍🏻

朋友喺附近住，所以我收工就專登過嚟搵佢食飯，咁佢就話之前都食過呢間未都唔錯，咁最後我就梗係跟地頭蟲嘅決定啦。 店舖好企理，而且都非常之爆只係得一張空枱，當時只係啱啱好7:00。呢個就係三色花之戀，味道唔錯，同平時食開放題嗰啲花之戀嘅質素差好遠。平時食開放題嗰啲一夾就散，但呢度嗰啲完全唔會有咁嘅問題。而且啲配料都好新鮮，值得推介。之後我哋叫咗一盒白咖喱烏冬配炸雞，平時通常食烏冬都係一係麻將撈一係就湯烏冬，好少咁樣食。但食落又真係幾夾喎，咖喱食落唔係湯嗰種，比較似係汁果種，比較濃厚。蒜香燒茄子，咁就冇平時食開燒烤果種咁有風味，不過都唔錯，不過我就稍嫌燒得唔夠耐，有少少硬。刺身都算新鮮，冇乜特別。網銷牛扒，味道都幾好，不過就稍嫌個燒汁太多，唔係好食到牛味。整體而言，價錢算係公道，食落又夠晒飽，整體質素一定高過放題，所以真係好過食放題。

沙田河畔花園的和氣食堂，以街坊價提供有質素的日本菜, 是日有事來到沙田, 趁晚上時段, 再來試試。點菜方面也非常方便，除了有一般的餐牌外, 客人也可以用智能電話掃瞄QR-Code來看菜單資料,圖文並茂, 非常清楚, 選中了心水菜色也可以用智能電話落單。飲品方面, 點了荔枝梳打, 甜甜的再加上荔枝的味道, 夠清涼而且好易入口。坐下來, 先來鹽味燒牛舌, 牛舌燒得邊位呈焦香才拿上檯，賣相吸引且香味十足,質地爽口而富有嚼勁，且散發濃郁的肉香。 再來一客鹽燒開邊雞翼, 燒得雞皮脆身還帶點焦香, 雞肉口感很嫩滑，燒香後撒上鹽去調味, 吃起來就更加惹味。到了主角出場,大盛刺身丼是也，整碗丼飯完全被多款刺身食材所遮蓋，堆得滿滿的, 包括有牡丹蝦、三文魚、帶子、油甘魚、海膽、香蔥伴吞拿魚及三文魚籽。牡丹蝦肉厚而且非常新鮮鮮甜; 三文魚肥美; 帶子厚肉而鮮味十足; 油甘魚爽口鮮味; 海膽鮮香無比，令人齒頰留香; 吞拿魚腩蓉口感軟糯, 味道鮮甜; 三文魚籽粒粒呈鮮螢的橙色，吃入口, 一粒粒魚籽併發出來的魚汁無比鮮味，是非常新鮮的貨色; 各款刺身同樣有水準, 真是滿足。這裡的價錢夠街坊, 食物質素也不錯,

身住沙田區既小妹，當然要發掘下沙田區既隱世美食，朋友三番四次推介和氣食堂，因為朋友不段話抵食夾大件，質素高，今晚終於去見識下。開頭仲擔心該店地理位置欠佳，但原來都很容易搵。 小店雖然好多食客，但剛好有一張2人枱，所以好快就被安排入坐。黑松露左口魚牛油果沙律第一次食呢個配搭，出乎意外咁夾，火灸燒既左口魚不會太熟，仍然是鮮嫩，配合黑松露，新鮮蔬菜，牛油果，好開胃厚燒芝士玉子正， 熱燙燙上枱，甜甜既玉子，配合玉子中豐厚既溶岩般芝，絕對係美味。帆立貝海膽迷必須要試啊！二樣刺身都非常新鮮， 加埋飯卷， 口感豐富滿足，感受到呢間小店對食物既創意 +誠意。朋友不斷堆介，終於一試， 第一啖吃在口中， 小妹心心眼了再次感受到廚師既對食物既要求和熱誠，茄子燒得剛好，不會太軟身，又不太生。 麵豉香濃，同茄子又是絕配組合。呢個海鮮丼， 絕對可以用完美黎形容，海膽 、三文魚 、toro蓉、 牡丹蝦 、油甘魚 ，全部都新鮮，各自鮮味都好突出 perfect~朋友仔都有推介雞翼，小妹當然要食下呢度既雞翼~ 雞全翼燒得剛剛好，皮脆肉嫩， 有咬口，熱燙燙有肉汁途中店員都不斷為我地添茶水，好貼心啊！今晚小妹同大豬食得飽飽

難得老公仲記得拍拖紀念日咁乖，就拋低呀仔出來搵好野食，又唔可以去太遠～沙田要食好西，緊係要來河畔，和氣食堂就係正叉燒大王同機舖中間。搭284麗豪落行入少少就到。我地見隔離枱又叫野飲，所以又八下個飲品menu難得紀念日，所以都叫左兩杯浪漫一下，摸杯談心。叫左藍柑梳打+青蘋果梳打， 非常驚喜！杯野飲除左係靚之外，仲係made in italy！叫左幾樣野，頭盤日式沙律🥗，沙律都唔hea, 菜新鮮及蕃茄好細心咁去左皮。另外點左刺身拼盤，小食叫左天婦羅+牛舌，主食係豬扒丼。食日本野好多時都係貴但細細啖咁，但和氣食堂真係不得了，樣樣都係厚切，份量大滿足，值得一讚，真係物超所值。大家無睇錯，這是三文魚的厚度～ 大大啖入口鮮甜。我同老公都食到嘩嘩聲。甜蝦及魚生都好爽甜，蠔都非常新鮮，應該係新鮮即開蠔。刺身真係必食～ 怪唔得見個個都點了刺身～ 這盤刺身都係$78炸。🤩🤩🤩👍🏼依個就應該唔係成日有得食，期間限定，大家都真係無睇錯，成條脷咁大塊都係$68。同佢menu張相一樣，入口鬆軟，非常推介👍🏼😍豬扒丼個價錢好似貴左少少$82，但成座山咁高的椰菜絲真係贏左，椰菜絲清新口感加埋滑蛋吉列豬扒配上甜酸汁，係

今日返工好多嘢做放工廢事煮飯就同老婆出去搵吓有咩好嘢食，老婆話想食日本野咁我記得河畔好似有間開咗唔係好耐嘅日本料理咁就去試吓，依家香港社會咁亂，間鋪頭叫和氣食堂幾岩聽。門面幾新淨入到去睇吓Menu有咩食，都幾多好嘢食咁就叫和氣田園野菜沙律同青蘋果奇異果梳打個青蘋果奇異果梳打好特別個味好夾和氣田園野菜沙律用了充足蕃茄夠新鮮蔬菜都好鮮甜一睇就知係來路貨仲有沙律醬非常夾刺身方邊叫了廣島蠔，甜蝦，三文魚，蟑紅魚。個豪好新鮮配埋檸檬係超級鮮甜甜蝦都非常新鮮三文魚係後設唔會好博一食落去就知唔係紅鱒魚扮三文魚天婦羅盛合有炸蝦炸番薯炸茄子炸瓜，揸得非常趣口超級好食值得一題鐵板煎鬆軟牛舌唔會太in 非常鬆軟醬汁非常嘢味，連我平時唔鍾意食牛舌都覺得超級好食必點大阪豬扒當雞蛋沙律醬配上煎得非常脆口嘅豬扒真係好食到冇朋友依餐我比滿分未食過咁好食嘅日本料理

難得放假放平日，就約左朋友喺沙田行下街。行完我地都唔想喺商場食晚飯，因為得啲大集團連鎖食肆，所以就行去河畔果邊食，最後揀左呢間和氣食堂！石鍋鰻魚炒飯炒得好香口，除左面頭果塊鰻魚，飯入面本身都有d鰻魚肉！芒果三文魚加州卷，個芒果同個卷好夾！好岩夏天食呀！4點刺身盛，每一樣都好鮮！三文魚仲要好厚切！抵讚！田樂麵豉燒日本米茄子，都係第一次見，又幾好食喎。鹹鹹地既麵豉配茄子原來都幾惹味，茄子燒得剛好，唔會乾爭爭！千迴火鳥，即係燒雞翼！入面燒到剛剛熟，唔會太老，肉汁鎖住晒喺入面！P.S. 雖然係平日，但未到七點半已經坐滿！好受歡迎呀！

呢排太多野唔開心，決定化悲憤為食量，去和氣食堂食餐勁先。見食評大多數人都食刺身，我都叫反個大盛刺身丼，朋友唔係好食生野，所以叫左個火焰三色丼，話明勁食，兩個魚生飯梗係滿足唔到我地啦，我地再叫多個安格斯牛肉鍋，野菜沙律，芝士厚燒玉子同枝豆，自製二人日式set 。沙律，玉子同枝豆最先到，前菜先食我懂的，但個芝士玉子熱騰騰、香噴噴無理由唔食先的，而且玉子要熱食先食到芝士同蛋香，玉子足料厚實，又甜又暖，食完巳有少少飽飽地。。。咁唔得啊，仲有好多野食，轉移目標食下沙律開番個胃先！野菜沙律用日式沙律汁唔係用芝麻醬，所以唔膩，蕃茄同沙律菜都新鮮，而且蕃茄俾成排上，酸酸地幾醒胃。呢個時候，我期待已久的魚生飯同牛肉鍋終於到啦。安格斯牛肉黎到仲係半嫩紅色的，但我地掛住食其它野而放耐左，所以食落有點過老，幸好牛味香，湯汁濃味，配埋當中既蔬菜食就剛好，如果唔係叫左魚生飯，都想叫個白飯黎送。開始食魚生飯，大量刺身鋪面都幾震撼，有大粒魚子，蔥吞拿魚，三文魚，赤海蝦，帶子，油甘魚同海膽，連埋甜蛋足足八種食材，真係覺得幸福滿瀉！ 刺身新鮮有質素，魚生多過飯真係好，我特別鐘意個彈牙赤海蝦同大大粒魚子，有口感又鮮味。偶然

朋友住馬𩣑山，我住土瓜灣，所以約左大家都方便既沙田圍，因為朋友係vegetarian係香港唔多選擇，揀左呢間日本食堂食下魚生咁lunch hour 好多人，舖頭細細，所以等左十分鐘左右先入座，入面個feel幾似以前日本食過既平民食堂，好有親切感硏究左一陣餐牌，大家都一致認為最吸引一定係魚生飯／壽司套餐，最後決定要兩個壽司套餐齊齊share下朋友見到呢個三文魚壽司既刻話要！事關佢係三文魚迷，呢度有成八件五件三文魚壽司，加埋三件三文魚sashimi一樣係三文魚控既朋友記得唔好錯過啦，呢個套餐完全滿足到你既願望～第二個套餐係有好多唔同款既壽司盛，最深得我心既就係超長超大舊既鰻魚啦，真係大到幾誇張架隨餐仲會送烏冬同野飲，鳥冬正正常常啦，如果可以再有咬口會更出色，不過都幾大碗下，唔使驚唔夠飽啦柚子檸檬梳打透心涼而且唔會話太甜埋單食左二百一，價錢合理

「和氣」招牌黑白分明，相當易認！門口有自助拎飛，亦可以用App提早拎飛，好鬼方便，兩位要人齊先入得，兩位以上就要過半數，而且用餐限時90分鐘，但我得兩個人足夠有餘啦。一坐低就望到大大張menu寫住「期間限定」，即刻叫左份電擊雞翼睇下有幾電擊先，一份有6件單骨雞翼，望落似係普通炸芝麻雞翼，一放入口即刻觸電，震驚13億味蕾，估唔到原來係冷盤，炸完再雪凍，又冇雪到好硬，面頭亦加左蜜糖，好好食，希望佢唔好「期間限定」，等我有機會再食。4點刺身盛A有四款刺身，三文魚肥美，章紅魚甘甜清爽，甜蝦鮮甜，廣島蠔味濃唔腥，全部都新鮮。炒雜菜真係好大份，用鐵板上香噴噴，四個人都夠食。鰻魚算大塊，雙重芝士味道亦唔會太霸道，配埋卷入面ge青瓜好夾。終於打大佬，除左海膽之外，亦有蝦粒、粟米、甘筍粒，好足料，每啖飯都好豐富，撈埋鮮甜海膽簡直超級滿足。撥開d飯見到隻碟其實幾深，足見份量之多！

今日放工同幾個同事過嚟沙田河畔，揀咗呢間日本餐廳嚟食，揸車嚟好方便，門口有得泊位。叫咗幾樣嘢食我哋個個都食到好飽，刺身啦，黑豚豬肩燒井、芝士軟殼蟹卷、沖繩風沙律、電擊雞翼有六隻，脆脆燒三文魚皮。沖繩風沙律好正！佢有海葡萄，真係食到沖繩海水嘅味道！激讚黑豚肩燒丼，燒汁味道啱啱好，第一啖食落去就已經食到黑臀肉炭燒嘅味道，非常之香，食完一碗仲覺得唔夠，下次嚟到一定要叫呢樣三點刺身盛：甜蝦好味！肥嘟嘟！章紅魚切，配上佢特別嘅水沖，帶出與嘅鮮味仲有見到側邊一台食完勁讚嘅電擊雞翼，我哋即刻叫咗一碟試吓，甜甜地，好適合配酒。估唔到沙田都有呢啲咁好食嘅日本餐廳，今次我比好高嘅評價！

呢間係一間人氣人店黎，7點鐘去到都差唔多滿座。侍應十分友善同helpful!必叫1: 三色花戀 $88有3款，一舊係芒果好fresh, 一舊有海膽同牡丹蝦，一舊係爆滿既蟹子，材料好新鮮，飯唔多，唔會好漏，覺得係真材實料必叫2: 黑松露鵝肝帆立貝卷 $65加黑松露落壽司卷嘅感覺好特別，味道好豐富，同帆立貝好夾味，仲有甜甜既饅魚汁！必叫3: 芝士厚燒玉子 $42超級濃嘅芝士味，一入口感覺有d似芝士蛋糕D芝士好creamy的感覺，大愛！另外仲叫咗電擊雞翼，聽個名就覺得好特別。呢款雞翼係凍嘅，有少少辣，可以當前菜咁食，個汁好特別，我朋友讚不絕口！白咖喱烏冬配炸雞都係聞所未聞嘅特別菜式，啲白咖喱好滑同creamy！田樂麵鼓燒日本米茄子，估唔到有咁多舊，可以用來送飯滿足嘅一餐

沙田區食肆林立，晚餐要選一間真的很難，那天跟朋友去宜家傢俬購物然後就順便在附近的河畔花園吃飯。看到網友說這間日本料理不錯就試試看。每款壽司都很新鮮，三文魚帆立貝軟嫩彈牙，蟹膏有質感，飯煮得剛好，入口即化。個人勁愛火炙壽司，火炙鵝肝3點是我的首選！芝士控必點芝士厚燒玉子，口感juicy有層次！鐵板煎鬆軟牛舌上菜時還在出煙，可想而知香氣濃郁，鐵板上的洋蔥和醬汁深透牛舌裡面，吃出鬆軟新國度～七味河豚干，普普通通這樣子。

今次係第2次黎食和氣食堂🤤🤤真係超級推介既餐廳!!😍所有種類都好多選擇!!幾經辛苦 終於揀到食咩好🤣🤣前菜就揀左個三文魚牛油果沙律🥗好好食🤤🤤三文魚都好鮮🤤開曬胃🤤🤣🤣壽司就叫左 五味三文魚 同埋 牛油果炸蝦卷🤪五味三文魚就係有 原味 牛油果 芝士 咖喱鹽 同 海膽 五件都正 個人最鐘意個海膽🤪🤪好鮮好鮮!!🤤🤤🤤個炸蝦卷入面有兩條長蝦🦐炸得好脆 配埋上面既牛油果🥑同蟹籽 正!🤪鐵板剪鬆軟牛舌🐮👅真係舌如其名 勁鬆軟!🤣🤣好淋 好入味🤤🤤🤤千迥火鳥😋係燒雞翼黎既 燒得好香😋😋少少辣辣地!d肉都好嫩🤪🤪好味🤤大阪豬排丼🐖🤪🤪🤪個豬排好厚切🤤🤤豬排炸得黎表皮脆 入面d肉又juicy!一d都唔乾爭爭🤪豬排下面頌有蛋 炒洋蔥 洋葱炒到好淋好淋🤤配埋汁成個飯都好好食!!

今晚夜下著滂沱大雨，其實來到這裡沒有私家車實在有少許不便。來到用餐時間，店內人潮滿滿，幸而仍有位置。明太子醬配上天婦羅炸蝦🍤還有錯重點一下：上碟擺位精美，碟也十分美觀，提升食欲另外這個像薯蓉一般的是白咖喱烏冬配上三件炸雞：咖喱味香濃 炸雞配沙律味道也不錯看～是濃厚的白色雲霧包著香濃咖喱🤤而烏冬也相信是日本版：麵質爽滑彈牙接著來的是生蝦刺身，愛吃泰式生蝦的我，對此有點失望，不算太新鮮中間更發生了有趣詭異的小插曲：友人請侍應取兩隻小碟，但竟然把我們完全還未進食的一盤生蝦完整地捧走再捧回來😲當然，是我們大感詫異才把它歸還相信是有溝通上的誤會 整體而言餐廳服務員質素是可接受的說回這味刺身當然少不了這三樣配料：蒜片辣醬和芥末雖然不算太新鮮，但不得不稱讚廚師的手藝和刀功呢！最後與友人分享了五件軍艦，和一大板鐵板牛舌軍艦不過不失，但牛舌除了大塊，醬汁也配合得相當出色！最後還打包回家給媽媽吃，母親大人也大讚牛舌鬆軟，好味道！整體而言，除了小插曲，整頓飯麵吃得很美味滿足！