和氣食堂 (河畔花園)

營業中

休息中

這天，風和日麗，走到河畔花園的和氣食堂食午飯。避過了午市最繁忙時間，不用等候即可入座，但須留意餐廳三點落場，享用午市套餐的話，還得要留意時間。選擇很多，有丼飯、便當、拉麵等。很久沒有吃壽司，選擇了和氣壽司定身套餐，附送木魚湯烏冬、揚物及餐飲。點餐過程走高科技路線。先掃描入座QR code，瀏覽器中便會見到餐牌。選好食物和各種個人化口味配搭，便可落單。餐飲選擇了熱柚子蜜，雖是少甜，但仍有濃濃的柚子甜香。揚物是兩件炸雞，香脆但卻不失鮮嫩。木魚湯烏冬份量雖小，但湯底清甜，烏冬有咬口，貴精不貴多。主菜還是壽司，份量款式均豐富：三文魚刺身、虎蝦、油甘魚、帆立貝、特長海鰻、香蔥拖羅碎軍艦、三文魚籽、芒果花之戀和花之戀，一共九件不同款，啖啖不同滋味。最喜歡帆立貝的軟滑，三文魚籽卜卜脆口感，三文魚刺身鮮嫩，花之戀和沙律醬對比分明，虎蝦清甜，油甘魚厚實，香蔥拖羅碎軍艦清新，芒果和花之戀甜酸交錯，特長海鰻滑溜。

沙田河畔有間日本野， 8:00鐘都仲好多人排隊！.三色/五色魚生丼 （推薦指數：😋😋😋😋😋) $138五色有：甜蝦、海膽、拖羅碎、鰻魚、三文魚子三色有：海膽、陀螺碎、三文魚子全部魚生都好新鮮，我最鍾意嘅就係個拖羅，個拖羅同啲飯撈埋一齊食簡直一流。好值得推薦！.鐵板煎鬆軟牛舌 （推薦指數：😋😋😋😋) $68今日個天氣比較凍，佢個鐵板一上嗰陣真係令我陪咁添溫暖啦。佢個鐵板可以令個牛舌一路都keep住好熱，可能就係因為咁，啲牛舌冇乜蘇味，加埋個好濃嘅醬汁，真係好好食！.燒日本廣島蠔 （推薦指數：😋😋😋😋) $48佢有兩種嘅食法：第一種係燒芝士；第二種係蒜香。我自己就係一個芝士控，所以我覺得燒芝士係比較出色。.芝士厚燒玉子（推薦指數：😋😋😋😋😋) $42呢個燒玉子甜甜地，又好滑，再加埋芝士，真係好配合啊！

今日係沙田行行吓街 突然心思思想食日本野 但係又唔想食連鎖嘅鋪頭 所以醒起朋友曾經介紹過附近有一間小店啲日本野都幾好食坐低比個Menu咁厚嚇親 選擇十分之多 而且落單都好方便 可以就咁QR code落單 牛油果左口魚沙律 第一次食呢種魚 口感好爽 再加上沙律嘅醬汁鹹鹹地 有少少酸 好開胃而食日本野當然唔少得嘅梗係試吓魚生啦佢啲魚生厚切到好似唔駛錢咁...另外仲嗌咗海膽炒飯海膽十分新鮮 入口即溶軍艦5點 可以同時試到海膽 蟹膏甜蝦 蟹膏帆立貝 拖羅碎 三文魚籽最中意係2款蟹膏軍艦 好鮮甜好濃郁忌廉芝士小卷 ☝🏻平時通常食既都係將啲芝士淋係上邊 好少見就咁單獨中間夾住芝士 本身會覺得好單調 但最後食落 壽司飯入面醋嘅味道令到芝士味更加突出 倒轉將個樽插係杯嘢飲上面好似好耐之前已經hit 但今日係第一次試😂 嗌左菠蘿啤 因為平時淨係飲開罐裝嘅 而今次飲嘅係用Asahi溝出嚟嘅 比起平時飲嘅更苦更有啤酒味 重點係好大杯！為咗送酒專登仲嗌左個三文魚皮好脆 鹹味適中朋友果然冇介紹錯 尼間小店性價比十分之高 但如果晚餐時間黎可能就要等一陣位下次想試下啲丼飯同鍋🤤

住附近，已經唔係第一次黎幫襯和氣食堂！啲食物質素的確唔錯，價格又合宜，所以難怪佢日日都勁多人排隊去食👍😋4點刺身盛B $168三文魚刺身 * 3油甘魚刺身 * 2甜蝦刺身 * 2活赤貝 * 2件件都勁大件，而且新鮮，以咁既價錢真係物超所值三文魚海鮮沙律脆脆卷$58個人認為脆脆係畫龍點睛之處，成舊連埋脆脆一齊食，口感好豐富😋黑豚肉肩燒丼$75燒汁甜甜地撈飯食一流，豚肉雖然勁大快，但因為薄切，令其好入味，又唔會嚡口。另外仲配埋泡菜，酸酸辣辣好開胃！鐵板煎鬆軟牛舌$68厚切牛舌，咬落去腍腍地，又有咬口，加埋洋蔥一齊食仲正☺️雞翼$38雞翼皮燒到金黃色，咬落去雞肉香嫩滑，好juicy，一啲都唔干身總括黎講，平靚正👍😋

係呢區一向都係食另一間日本餐廳，但覺得質素比以前差咗，就試吓呢間和氣食堂。Lunch時間人流都唔少，但唔洗等太量位，大約等咗5分鐘就有2人檯。店內不太大，但座位之間的分隔空間都足夠，唔會有太焗促的感覺。店員俾咗張印有QR code嘅單叫我哋自己上網order, 估唔到細細小店都有咁先進的落單系統。落單系統都好方便，一嘟入去就已經可以揀Lunch套餐。我哋揀咗角切魚生飯($65) 同埋 雜錦魚生飯 ($68), 飲品就叫咗凍柚子蜜(多冰）及凍奶茶(少奶少甜）飲品好快就到，我哋所有要求都做到。柚子蜜正正常常，就算多冰都唔會變得無味，幾好飲。奶茶因為少奶關係（自己衰😥），突顯出茶的苦澀味，不過亦都有茶香，下次我會叫正常，應該會幾好飲。兩個刺身飯都好快到，上檯好靚仔，份量都唔少，絕對夠飽！角切同雜錦的魚生種類同份量基本上係一樣，角切仲多幾粒三文魚籽𠻹。點魚生飯時，app個問你有冇特別嘢需要走，例如Wasibi, 好細心。魚生飯味道不錯，魚生有鮮味，新鮮。飛魚籽略嫌不太爽口，係比較細粒嗰種。甜蛋都好食，有蛋味又不至於太甜。魚生飯整體有75分，以呢個價錢而言算抵食！

過咗去女朋友屋企過夜，一朝早起身就唔見咗佢，好神心去咗做facial，整頭髮同做gym，冇6個鐘都唔會見到佢，我唯有乖乖地喺屋企等，順便睇吓有咩戲上夜啲去睇戲，食埋lunch繼續等，搭幾個站去食日本野，早兩日食完今日又再食，因為呢間日本野真心抵食，平時一個壽司餐最平都要$100幾，呢度壽司餐$78有三文魚帶子海蝦油甘魚同四件炸蝦卷，一碗烏冬，壽司可能因為去貨去得特別快，解凍完冇幾耐，顏色好鮮艷，仲有少少濕氣，覺得好新鮮

俾女朋友老點左落去一田做咕喱， 搭車返去佢屋企嘅時候，居然比我撞到老闆，同我一樣一抽二能日用品，先至知道佢都係住馬鞍山，糾結咗一陣夠唔夠佢好，最後決定都係叫啦，費事佢見到我唔叫佢仲衰，傾多兩句就叫佢一齊食埋飯先入馬鞍山，架車去到附近就諗起有間日本野唔錯，問佢想唔想食壽司，佢話冇所謂我哋就落車，但係之後我先醒覺，冇講定呢度係食平啲日本野壽司餐油甘魚劍魚腩三文魚鰻魚蟹棒玉子六件壽司，三件炸蝦卷，烏冬，加$9有溫泉蛋一隻

早收工返屋企，見時間仲早走落去沙田行一陣，買少少日用品先返番入去馬鞍山，行到差唔多時間，買到大包細包就去搭車，認真失策冇揸車，上到車有人拍我，原來係一個Staff，我先至記起佢都係馬鞍山之友，佢女朋友住馬鞍山，佢耐唔時都會去女朋友屋企，見佢同我一樣都大包細包返入馬鞍山，佢就話不如食埋野先返去，我哋中途落車去食日本野，佢話有一間又平又好好食，我哋叫咗兩個一樣既餐，有九件壽司同烏冬額外再加多一隻溫泉蛋

今晚約左好姊妹食飯👭🏻, 👧🏻話之前食過間幾好味嘅日本野要帶我去試下, 所以我地就嚟到和氣飯堂開餐☺️😋我地7點去到已經有好多人等緊👫🏻👪👨‍👩‍👧‍👦, 我地拎左飛等左兩張枱就到我地啦😆😊 餐廳嘅menu係勁厚, 淨係壽司刺身手卷🍣都已經有好多款, 睇到眼花繚亂👀💫, 入面係用app點野食嘅📱, 我地揀好左之後落單就可以等食🤗, 上菜速度幾快, 好快已經迫爆左我地張枱🙈🙉🤣🤣柚子芥末火炙三文魚壽司🍣柚子芥末醬幾清新開胃, 三文魚🐟嘅表面燒🔥至微微焦香, 口感同味道唔錯!火焰三色丼🐟🦀🍚三色丼入面有火焰三文魚, 左口魚邊同蟹棒, 微微燒🔥過嘅三文魚入口有份油脂嘅甘香, 左口魚邊爽口有嚼勁, 蟹棒味道亦唔錯!日本清酒石鍋煮蜆E個係我食咁多間餐廳嘅清酒煮蜆份量最足嘅一間!😍清酒湯味道濃郁, 酒香撲鼻🍶👃🏻, 蜆肉幾大粒無沙而且鮮甜味美, 入面仲有少少菇類🍄, 吸哂d湯, 好正! 極之推介!!😋👍🏻👍🏻石鍋鰻魚炒飯由於枱上太多野食🤣, 個炒飯變左最後先食, 但仍然係熱辣辣出哂煙! 炒飯濕潤多汁, 味道夠, 材料幾足,而且仲有飯焦!😋上面塊鰻魚嘅色澤同味道都唔錯, 另外份量方面亦幾多, 大約有4

因為就來放假，所以午餐食好點去左食日本野！呢間店地方唔大，但坐得都幾闊落^^佢菜單有平有貴，睇落性價比好高，60幾蚊已經有魚生丼定食！勁平！ 不過今日好肚餓，所以就叫左個a13,和氣極強特盛定食，$148無加一，除左有軟殼蟹沙律同野飲，仲有燒黑豚腩丼同埋6件壽司定食，好豐富！佢仲可以+10幾蚊追加兩個小食，但係因為實在食唔晒一個人，所以就無叫啦～淨係叫咗一個a13~ 第一個嚟嘅係燒黑豚腩肉丼，十分之驚喜，雖然佢話自己係細份量，但其實一啲都唔細，對面搭台個女仔同我一樣都驚訝緊份量咁大怕食唔完（佢仲叫埋小食🤣🤣🤣）燒汁甜甜香香，好味過吉野家，上面有好多蔥花，一啲都唔會好油膩，最過分嘅梗係黑豚腩肉啦，呢個部位充滿油香冇得輸，同埋望吓嗰邊！佢係笑得非常焦香，真係外邊脆入邊滑又多汁，做得非常之好十分之推介！ 軟殼蟹沙律都嚇親我，因為都係好大份！佢呢一個入邊有埋蟹籽，提升味道層次都幾豐富，有粟米蕃茄生菜等等，軟殼蟹係溫溫熱熱嘅啱啱炸起，所以就會好脆，唔會話比沙律浸到林晒或者係好硬，軟殼蟹當然就唔會好多肉，不過佢嗰種蟹嘅口感同埋海鮮嘅香脆都有出到嚟，唔錯喔！ 壽司方面，雖然呢個好平，但係

前排朋友帶我嚟食過一次，印象非常之好，一直心癢癢想嚟多次。適逢約咗幾個新界友食飯，就提議喺呢高質小店～4點刺身盛A 　$178有三文魚x3、甜蝦x3、章紅魚薄切x3、廣島蠔x2，上面重有啲魚子點綴，全部都食得出好新鮮，必點！三文魚厚切肥美，甜蝦清甜粘口廣島蠔味道鮮甜濃郁，口感飽滿滑溜章紅魚甘甜清爽，口感紮實，點埋呢隻酸酸地嘅醬汁，非常驚艷泡菜黑豚肉石鍋飯　$82黑豚肉份量多，少少辣，好惹味！黑松露鵝肝帆立貝卷　$65黑松露x鵝肝x帆立貝，冇得輸嘅組合！壽司飯吸曬鵝肝嘅油脂味，再配埋黑松露嘅香味同帆立貝嘅鮮味，加上甜甜地嘅醬汁，濃到化不開嘅美味！日式炒野菜　$68黑淑味好香口，下面重有好多雜菇，簡簡單單嘅炒野菜都好有誠意。千迴火鳥　$38燒雞翼~我自細鍾意食燒得恰到好處，為呢餐劃上一個完美嘅句號。

每次夜晚經過沙田河畔都會想試一試呢間日整野 但因為次次都好多人既關係 所以卻左步 但今晚難得地可以等左15分鐘就入到去 所以其實都幾期待睇個menu其實都好多選擇 但女朋友今晚唔太舒服 所以就同生冷野無緣啦 不過唔緊要 仲有好多吸引既野食order 第一道order既野食就係芝士厚燒玉子（$42）市燴d計就差唔多係10$ 一舊 但係我都覺得性價比唔錯 因為塊芝士燒熔左落去舊玉子到 食落好creamy 好滑 而且玉子整得唔老 岩岩好第二道菜就係千迴火鳥三隻 （$38） 火候唔錯 雞亦都外焦內嫰 仲辣辣地 跟住就係石鍋鏝魚炒飯（$108） 塊鏝魚幾大塊 同埋每一啖飯都炒得好均混 兜到個飯成個都有濃香既鏝魚汁味成餐飯最正既都係呢道芝士軟殻蟹卷（$58）個人認為係必食 軟殻蟹新鮮炸出黎 超香口 同時配塔埋沙律醬同埋蟹籽黎食好夾 個口感好rich最後2個人食左350$ 食到好飽 結果要打包走 剩左半個飯 所以下次黎會叫少一樣野食 呢間野真係大件夾抵食！

呢間和氣食堂，經過好多次，今日出完trip 返黎就同女朋友去食餐好既。7點黎到都要等一陣位。如我標題所講，選擇多到癲左。咁厚既餐牌我都第一次見。最誇張係魚生飯既選擇，不過我地想食d 熱辣辣既，所以最後係揀左石煱飯既。先黎既係叫電擊雞翼，咁奇怪既名堂，有睇開我食評既朋友應該都知我最鍾意叫埋呢d 怪名既野食。佢係凍冰冰既單骨雞翼，上面有層糖，味道都幾特別，開胃既前菜。之後上既明太子醬天婦羅炸蝦，d 蝦好鮮好彈牙，同埋好大隻，jeng!呢個石煱鰻魚炒飯，好香，熱辣辣，好足料，除左面頭既鰻魚，炒飯入面都仲有好多，哀依思呢個燒日本廣島蠔都好大隻，上面層蒜巧香喔 食完個蠔，d 蒜我地用左黎撈飯我地仲叫左個芝士軟殼蟹卷，同火炙鵝肝3點。值得一提既係個火炙鵝肝3點，首先呢款食物我係香港未食過，而佢個鵝肝都好唔姑寒，$62 可以食到鵝肝，推薦！

Today, I went to have some Japanese food with my sister after school. We chose a restaurant in Sha Tin.This one is super outstanding, not ‘un’ at all. Doesn’t taste too salty.The sushi is good as well and provide variety of choice.This salad is sooooo fresh and the combination is a perfect.The Soft crab roll with salad sauce is worth to order as the crab is crispy and big.And the jags o lemonade are provided, which is a surprise for me as I have tried it in Italy but it’s hard to find in Hong K

老公生日話想食日本野，平日夜晚黎到原來都幾多人，好彩等左一陣就有位，呢度係用QR code 手機落單，都幾方便～我地揀左有4款刺身既拼盤，有三文魚、油甘魚、甜蝦、赤貝，全部都好新鮮，唔會有雪味。甜蝦都幾大隻，三文魚同油甘魚都好厚身～石鍋鰻魚炒飯，石鍋Keep住溫度，放左一陣先食都仲係熱辣辣，好香，好多料。另外仲叫左千迴火鳥，即係燒雞翼，係全翼黎架，辣度剛剛好，個皮好香脆，唔會濃，D肉唔會痴實支竹簽，非常好。慣左每餐都想食下蔬菜類，老公係茄子控，所以就揀左麵豉燒茄子，因為好少見會麵豉，雖然麵豉鹹左D，食落好似飲緊麵豉湯咁，食到最尾一兩舊要整走部分麵豉，但總括來講都唔錯，茄子幾好味～驚唔夠飽想叫多個卷物，我鐘意黑松露，老公鐘意鵝肝，生日就食個富貴版卷物啦，所以就揀左黑松露鵝肝帆立貝卷，上面放左一堆黑松露，一入口松露味就強烈，中間就包住左鵝肝，一次過滿足到大家～呢度空間唔算太大，所以建議可以叫左刺身小食先，食完再叫飯食，唔係就會成台都係野。食完好飽好滿足，希望老公滿意啦～