和氣食堂 (河畔花園)

營業中

休息中

收到政府派發嘅消費卷，梗係要帶母親大人去食返餐好㗎啦🤪今次就帶媽媽去食日本菜，我哋就揀咗屋企附近平靚正既和氣食堂😋餐牌上有各式各款食物，例如刺身、串燒、丼飯，烏冬等等，真係有好多選擇㗎～三文魚牛油果沙律 $72🥗沙律嘅份量非常之大碗同好足料，三文魚同牛油果舊舊都係好厚切，沙律醬汁食落有少少醋香味，配上牛油果同清新嘅沙律菜真係非常開胃呀😍三文魚五味 $75🍣分別有芝士煙熏三文魚，煙熏三文魚，生三文魚，牛油果配三文魚，海膽三文魚味。其實之前我都食過三文魚五味，因為佢嘅層次配搭實在令我一試難忘，特別又好食，所以今次嚟到都要再encore！黑豚肩燒丼 $78🍚豚肉燒得好夠火候，有肉香得黎又唔會有燒燶，雖然佢比較薄切，但食落又會覺得啱啱好，重點係每塊豚肉都係大大塊，配上燒汁同泡菜相當惹味。雙重芝士鰻魚卷$56食落有濃濃嘅芝士，最啱我呢啲芝士愛好者😋日本清酒石鍋煮蜆 $82蜆嘅份量好多，而且食落都唔覺有沙，而湯底飲落都真係有酒香，唔錯👍🏻今次我哋總共叫咗6樣嘢，賣單都只係400幾蚊，仲可以打包返屋企，而媽媽都食得好開心😃

朋友推介咗幾次呢間日本料理又平又好食😋今次真係試咗真心推介沙田店內座位較少，如果繁忙時間要排隊等陣位店內1830大約情況，但一到7點就一定爆曬電擊雞翼6隻每隻單邊，好特別，雞翼係凍食，表面熟完後再佈滿大量麥牙糖個人覺得好甜，同少少癡牙，不過肉質係真係不錯，嫩肉同幾惹味😆鐵板煎鬆軟牛舌每一塊都好鬆脆，夾口，鐵板熱上冇咁蘇，加上黑椒汁同蔥花😌都幾正，大約有6大塊手打稻庭冷烏冬烏冬十分彈牙將蛋、葱花、薑容、脆粒落醬汁，增加口感層次😊味道幾清新左面係三文魚5味🍣分別有火炙、加芝士、加海膽、加牛油果🥑七味粉同鮮三文魚右邊係火炙黑松露3點，帶子超厚🤤而且每塊刺身都好新鮮🥰牛油味軟殼蟹上面加入沙嘴醬、蟹子

今日經過沙田發現有間唔錯嘅日式料理小店，入面環境都唔錯，於是就揀左佢成為今晚嘅晚飯之選！海膽三色丼呢個丼飯的海膽較淺色，但都鮮美味濃，海膽最緊要夠干身同飽滿無得輸~ 大大粒鮮甜帆立貝同大大隻甜蝦刺身，厚玉子燒，大滿足的丼飯三色花戀由三款各有特色的花之戀壽司組合而成，一款係基本的搭配蟹子好爽口，另一款加多芒果粒更開胃，最後一款就海膽甜蝦三文魚子搭配，有層次的鮮味！鐵板煎鬆軟牛舌一上鐵板已經香噴噴，每塊牛舌都厚切入味，洋蔥燒汁收干煎到冇咩臊味，食唔停口~黑松露鵝肝帆立貝卷黑松露味道濃，將帆立貝鮮味同鵝肝的香口味道更昇華~千迴火鳥帶點微辣的燒雞翼，皮薄又脆，燒得好惹味！鐘意食日式料理絕對岩曬你，而且性價比極高😎

6點3左右入座，比起大家的晚飯時間早了幾刻。座位任選。（6點9左右已經滿座😅😅）環境舒適，燈光溫暖，真係幾有食堂/港版居酒屋feel👍🏻呢種感覺其實要好多唔同設計、好多心機去堆砌出黎。一般人又未必注意到。 無論一入門嘅greeting，燈光餐桌，去到筷子杯碟。都帶有一種親切而溫馨嘅感覺。呢d正正係日式食堂需要嘅心機之一。上菜速度，黎到面前時候嘅食物狀態 都好有感覺👏🏻👏🏻所以先令唔少人一去再去。之前試過🍣壽司同埋🐟刺身，今次食下魚以外嘅其他野喇。於是點咗唔少餸，黎到先發覺，原來唔小心叫咗好鬼多🙂🙂一樂燒🍆茄子：帶酒香嘅甜味增醬配上半燒焦的茄子，開胃而又滿足（帶我置身日本居酒屋嘅感覺）味道甜甜地，加上肉汁豐富嘅燒茄子，值得推薦厚燒玉子芝士：芝士份量十足，加上火炙後半溶嘅狀態，熱辣辣送到我地面前😋好ok ah👌🏻玉子甜甜地又夠鬆軟。食完一舊都想再食。2個手卷分別係炸蝦🍤同軟殼蟹🦀，嗰肉係唔錯嘅，飯都適中，但今日可能d紫菜受咗潮 有d淋而韌，影響咗整體感覺。希望下次有唔同怕唔夠飽，叫多咗嗰大阪豬排don😿真係口多多，辛苦嗰肚仔。飯好好味，汁又唔會太濃 令到嗰飯更加正。飯面一層熱熱嘅蛋汁。再上

-{沙田日式料理🍛}網上見好多好評就黎左依度試日本菜式☺️試左咖哩丼同三款壽司😜🤤咖哩吉列蝦丼配加州卷🤤 ($62)炸粉好厚 炸肉得好小🥲咖哩醬都好多似係即食嗰啲咁😂加州卷就正正常常啲料都新鮮~👖褲評: 5/10🤤三文魚壽司+炸蝦卷🤤 ($16)依個係午市套餐加16蚊就有兩款小食😙三文魚夠厚切食倒有油脂香😎嚿飯就細啲~而炸蝦卷個炸粉冇咁厚 啲肉爽彈啲😋👖褲評: 7/10壽司質素好過炸蝦飯😂另外網上落單啲操作有啲 我同隔離枱都唔太識用 不過價錢相宜 經過可以一試但一定唔洗特登黎🤓性價比: 8/10服務: 7.3/10環境: 8/10🚩和氣食堂🚩地址: 沙田大涌橋路20-30號河畔花園地下35號舖 #fuudjai #fuudjai日本菜 #fuudjai沙田

而家香港嘅天氣唔落雨就是酷熱警告，很猛太陽熱辣辣所以同朋友出外吃飯都選擇食日本野，因為可以吃刺身、沙律同冷麵等。大盛刺身丼海膽、三文魚、帆立貝、油甘魚、牡丹蝦刺身同吞拿魚蓉，刺身非常新鮮又鮮甜，每件都很肥美而靚嘅海膽一啲都唔腥。火焰左口魚邊牛油果沙律和風這盤沙律很清新吸引，啱晒女士們左口魚很滑魚油豐富，疏菜爽脆配合牛油果車厘茄很醒胃。手打稻庭冷烏冬這個天氣吃最至正，很喜歡吃冷烏冬因為夠彈牙煙韌，配上蔥薑炸蒜拌吃另一番風味。韓式芝士燒大肉菇即點即燒放上滿滿芝士在菇上做到拉絲效果。千迴火鳥 3隻雞全翼很大隻，燒得剛好外脆內軟好多肉汁，而面頭醬汁幾特別微辣很惹味。燒芝士年糕 2件這個也是顯功架的食物，要煎到外脆內流心，吃時外脆卜卜裡面熱辣辣嘅軟芝士。

收咗工要去沙田宜家傢俬買啲嘢買完之後就去咗河畔附近搵嘢食 平時七點半嚟到呢度已經大排長龍 見今日早咗 就梗係快快手手入去啦 可能呢度附近冇乜日式嘢食所以呢間餐廳長期都咁旺場 又有烏冬又有 魚生刺身食 都真係幾多選擇嘅白咖哩烏冬配炸雞 面頭嗰浸白色好似忌廉 食落有少少似薯蓉嘅味道凍凍哋 再撈埋熱嘅咖哩烏冬嚟食 感覺好滑同埋口感好特別刺身方面就叫咗油甘魚同埋章紅魚 另外職員介紹咗一款特別嘅汁 佢話點呢隻汁呢 食起上黎更加鮮味 兩款刺身都好新鮮清甜另外面頭啲海藻都好好食😆芒果三文魚加州卷 三文魚好肥美 芒果帶少少酸 中和返佢嘅油膩感 千迴火鳥 即係微辣嘅燒雞全翼 睇介紹話呢款雞翼係阿波酢橘雞 脂肪比一般嘅雞翼少 外皮脆脆地 而的確食落又覺得冇咁油喎 但係肉質都一樣咁嫩滑嘅芝士厚燒玉子日式炒野菜

同朋友係聖本篤望完mass，就去左和氣食堂食野，之前見黃大仙果間超級多人排，今日6點準時開舖入去，坐左一陣已經有幾檯客，生意超好太盛刺身（$178）刺身好新鮮，唔會有魚腥味，同埋唔沾醬油會食到食材本身少少的甜味，尤其是帶子同油甘魚特別驚喜，我係壽司郎試過佢地嘅海膽，真係好腥，好難食，但和氣食堂的海膽完全冇呢個問題，好新鮮好creamy辛味三文魚小柱貝刺身丼（$88）三文魚好新鮮、小赤背都好鮮味，兩款壽司夾埋一齊其實都好夾，裏面配埋好多蟹子，呢個刺身丼比較濃味同惹味，唔洗加豉油三色花戀（$88）花之戀係最愛嘅壽司因為一食落口係超級大件同好厚身嘅三文魚配沙律醬，超級滿足火焰左口魚邊牛油果和風沙律（$72)呢個沙律超級高質，同埋佢嘅汁好開胃,我哋之後食咁多嘢都唔覺得飽，同埋佢哋嘅左口魚口感好好，好香鹽味燒牛舌($40)佢哋嘅串燒都好濃味，好似係最愛嘅串燒，口感彈牙唔韌，跟住調味都做得好好，好入味柚子芥末燒一口和牛($32)和牛牛味好濃，加埋芥末醬冇咁膩，柚子就令成件事更fresh鹽燒開邊雞翼($26)雞翼開邊燒，全部位置都可以燒得均勻，好入味明太子雞肉串($22)雞肉串不過不失牛油燒一口番薯

一向都知沙田多好野食，比我發掘到一間位於沙田河畔既日本料理餐廳-和氣食堂，沙田的朋友有福了！入到黎緊係要試一試佢啲刺身啦，點左個刺身盛果然無令我地失望，每一款都好大隻，肥厚肉大同新鮮，平平既價錢食到，cp值高。軍艦同三色花戀都正，特別三文魚籽大粒，一啲都唔腥。花之戀有埋甜蝦係上面！最surprise係燒茄子，燒得恰到好處，唔會過乾，蒜粒都比得好重手。燒牛扒都係推介，肉質鮮美，唔會鞋拾拾或者太韌咬唔到！

和氣食堂舖內大約有十多張枱，因為早到，所以唔洗等位，但食完飯出到去已經大排長龍，如果想食就可以要早啲到。三色花戀 $88三文魚夠哂厚，啖啖肉，另外有甜蝦、海膽、三文魚子、吞拿魚溶等等嘅魚生好足料，而且好新鮮。原厚鰻魚牛油果卷 $92鰻魚燒得好香，無骨，再係上面加上蟹子，材料絕不吝嗇。飯卷包住牛油果，成個食落口感好好。芝士溫泉玉子豬軟骨石頭飯 $88芝士真係好多，所以好香芝士味，除咗豬軟骨，仲有少少煮到好腍嘅筋，再加上燒汁，味道同口感都好好。燒日本廣島蠔芝士燒蒜蓉燒 $88芝士燒同蒜香燒各有2隻，可以食到唔同嘅口味，蠔都好新鮮，唔會有腥味，而且燒得啱啱好。牛油果軟殼蟹卷6件 $88同鰻魚卷唔同，今次牛油果係飯卷外面再加上沙律醬，軟殼蟹炸到脆卜卜，口感外軟內脆。鹽燒三文魚鰭 $38三文魚鰭位置好鮮嫩，加少少鹽燒已經好妳食。揚物盛 雞粒、雞鎚、薯角 $82新鮮炸起，上到枱仲有陣熱氣傳過黎，食落好香脆，但肉質仲係好嫩滑同有肉汁。

原來近近地係屋企附近都可以有好野食架！😜😜😜 呢間日式餐廳一直都冇試，因為平時好多人排隊，尋日同媽咪早佐落摟，趁佢剛剛開門有位坐✌🏻佢個餐牌其實都幾豐富，有熟嘅、有生嘅亦有炸物，任君選擇😗媽咪話好肚餓，一於叫行佢😝😝😝先來一個天婦羅🍤！第一，份量好足夠，第二，個粉漿好靚，入口質感very good 三、配埋個新鮮蘿蔔蓉嘅醬汁，完美組合🥳❤️口痕，出佐四隻生蠔，一個係蒜蓉燒，一個係芝士焗，各有特色，個人覺得芝士焗嗰個汁做得好正，裏面嘅生蠔仍然滑脫脫😄😄豬肩井 好鍾意佢有足夠份量嘅蔥花放喺面，配搭切得非常之薄嘅豬肉，一啲都唔覺得肥膩✌🏻✌🏻✌🏻鐵板燒牛肉不得了，大大粒，好香好滑，配菜洋蔥同埋香菇又多，我覺得真係超級抵食😍😍😍最後不得不提呢一個蒜蓉燒茄子，好食到我同阿媽講，我唔可以係屋企以後都係咁樣整茄子🍆😜😜😜😊有水準的街坊小店，抵讚！

呢日黎到河畔既和氣食堂，未夠七點都差唔多坐滿晒，好彩我早咗到去拎位如果唔係都要等一輪先至入得～我哋叫咗好多嘢食，有刺身、石鍋鰻魚炒飯、鹽燒鯖魚、鰻魚牛油果pancake、牛油果芒果pancake、芝士年糕同埋芝士大啡菇！真係食得超滿足，刺身有三文魚蝦同埋貝類，全部都超級新鮮，食落去食到好有鮮味！三文魚好肥美，食到嗰陣油香！鯖魚燒得好Juicy~食落去淡淡魚肉汁到必晒出嚟！石鍋鰻魚炒飯就超有鍋氣，食到最後個鍋仲係熱辣辣，啲飯都可以一路保持注熱上，鰻魚份量都有好多！鰻魚牛油果pancake同埋牛油果芒果pancake都幾好食，牛油果配芒果就比較鮮味啲，冇咁膩，因為感覺食咗好多生果落去，但鰻魚配牛油果，又估佢唔到咁夾！兩隻都好好食～芝士年糕同埋芝士大啡菇又係一個傑作，燒到啱啱好非常之好食！

星期日同屋企人行開沙田本來諗住係沙田食埋晚餐先返屋企，諗黎諗去唔知沙田有咩好食就開OpenRice見到和氣食堂排第一喎，之前食過佢黃大仙嘅分店，就決定今次試下佢啦餐廳位置唔算方便，沙田圍站C出口再要行10分鐘先到，餐廳門面唔算大，我地一行5人等位都等左大約半個鐘一坐底侍應好快就送上餐牌同熱茶，佢有實體menu不過落單就要scan qr code落，我地嗌左10樣野，上菜速度都好快天婦羅盛合7件天婦羅入面，有2隻蝦同南瓜，蟹棒、矮瓜、甜薯各一，炸得都幾酥脆，唔會太油，好食！電擊雞翼見個名咁得意 價錢又唔貴，就嗌左黎試下 哈哈，上枱個時見仲未知佢係咩味道，只見佢係有一層閃令令嘅野包裹住食落口？咦？係凍嘅？同埋係甜嘅？原來個層閃令令係麥芽糖黎嘅，幾好味，不過就有少少硬整體黎講用餐體驗同其他野食都唔錯！

今日游走於沙田區，朋友住河畔花園，晚餐佢帶左我黎附近既和氣食堂，話係一間性價比高既日本料理餐廳。餐牌上面有好多選擇，有刺身、壽司、熱食、鍋物，最吸引都係刺身，唔執輸都order左4點刺身盛食落好新鮮，而且片片都好厚好大舊！果然睇得又食得。白咖哩烏冬配炸雞，面個層忌廉好creamy, 配落咖哩度又出奇地夾喎，炸雞香脆，雞肉仍然好滑溜。另外仲試左金蒜燒日本茄子同網燒牛扒。茄子燒到熱辣辣，而且好夠味，愈食愈上癮。牛扒唔鞋口，而且加左燒汁，口感唔會甘dry。

和氣食堂- 沙田河畔5點刺身盛B（$228）刺身有生蠔，三文魚，蝦等等。味道鮮甜，份量都多。我朋友最鍾意食生蠔。專登隔咗兩日先寫食評係因為平時我食到有少少唔新鮮嘅海鮮就會唔舒服，但呢間完全冇事，證明佢哋啲海鮮真係新鮮。俾7.5分。北海卷（$128）呢個係我哋嗌左咁多樣嘢入邊最出色嘅一樣。魚生同海膽嘅配搭非常鮮甜，但又唔會肥膩，食落去嗰刻諗起花之戀嘅味道，但比花之戀好食三倍，推薦！俾9分。野菜天婦羅稻庭冷烏冬（$98）冷烏冬配五款天婦羅，有茄子南瓜洋蔥等等，外層脆又唔油。最驚喜嘅係冷烏冬嘅湯汁會配埋一粒生鵪鶉蛋，將佢同湯汁攪勻後令成個汁smooth咗，之前喺出面都未見過呢種食法，可以叫嚟試。烏冬份量都多，細食啲都食唔晒。整體來講呢個set有天婦羅，又有冷烏冬，味道唔錯，抵嗌，俾7.5分。三文魚五味（$75）三文魚五味有配芝士，海膽，牛油果，幾好食，特別要提嘅係佢哋嘅海膽好濃海水味，如果鍾意食海膽嘅人我諗會鍾意！俾7分。三文魚牛油果沙律 （$72）沙律好大份，入邊有好多三文魚粒，牛油果，沙律菜同埋汁嘅配搭都做得幾好，我同朋友都覺得好食，俾8分。咖哩鹽燒帆立貝（$43）燒帆立貝都幾鮮嫩，OK