和歌山 (新鴻基中心)

營業中

休息中

夜左收工打算同同事食埋野先返屋企公司附近剛新開左間西日式餐廳和歌山日日中午都大排長龍未有一次成功排到隊今晚就即管試試有冇甘吸引果然有驚喜我們一行三人點左三份定食我點的是吉列三重定食 吉列蝦脆卜卜 吉列朱扒外脆內鬆化 白飯也是我喜歡的珍珠米有個較大食既同事點左份喜之次御膳 除了原條喜之次外 側邊的前菜也是十分豐富 有關東煮小前菜漬物等 見到都流哂口水同事還覺得不夠食加左$38配碗小炒飯同芫荽香水檸檬特飲 小炒飯足料夠味 杯芫荽特飲直得推介 味道清新可口別的地方很少見最後一份三文魚御膳 厚厚既三文魚扒金黃香脆以後加班開夜有深夜食堂了

美食展行到攰哂，走黎搵番冇咁多人果區食野，因為買左好多野，都想搵個有個闊落啲嘅位置可以擺下啲戰利品。記得之前仲係麵屋武藏，原來呢間都開左1個月，燈光對比非常大，以前麵屋比較暗，而呢間和歌山比較明亮。野食同裝修都非常日式，定食嘅小食同前菜通常都係八爪魚／螺肉／中華沙律，好少見跟番日本做法；麵豉湯入面有隻類似沙白／蜆，味道都好濃郁。水果茶係白桃，熱情果，青檸混合而成，飲落嘅味都幾特別......但吾係特別好飲，不過可以一試。員工服務都好有禮貌，入座後會奉上檸檬水一杯。環境都幾衛生，坐得都幾舒服。

見新開張，行香港人最喜歡嘅日本風，店舖裝修以木色為主，都幾光猛。當日午飯時間一點左右冇乜人唔洗排隊就入去試一下。一進入店員介紹這裡是手機下單，都簡潔易用。菜式不是很多款式。我們三人各自點了不同款式，試一下。（分別係意粉，拉麵，焗飯）首先第一款到來食物是蟹腳意粉，一來到就已經聞到，食落就一個字形容‘’腥‘’🤮第二款叉燒拉麵，睇樣都ok，食落一個字形容‘’咸‘’ 成碗麵最好食係啲筍冇臭味同隻蛋。😅第三款比目魚焗飯較正常啲，但唔可以講係好食。第四就係咖啡冇乜味。總括，環境潔淨，員工服務好，食物有待改善。

新鴻基中心附近要搵「平、靚、正」嘢食實在唔易，堂食過百蚊一餐係基本盤（M記除外）。難得開咗間四四正正嘅和食店，排吓隊都要試一試。繁忙嘅午飯時間排咗大概20分鐘有枱，內籠全木色裝潢，卡位坐得舒服，排吓都無後悔！商業區嘅價錢，係有少少偏貴，但食物質素尚算唔錯，返工平日間唔中闊佬一餐都係一個唔錯嘅選擇！