和昌潮味館

第一次食評，係覺得寫食評都表達唔到呢間野有幾差。食過幾次，今次直情食到第二個菜已經選擇埋單，連同已下單既幾個菜寧願直接比錢唔食。一上黎，壺水裹面有黑色一點點同茶葉，我們懷疑是不是煙灰，職員解釋不是煙灰，他已經了解了，而係水機内膽雜質？？？ 啫係水機雜質就可以接受？第二，我地叫7樣菜大概有起碼一半都話無。鵝片極其難食。職員問係咪純粹口味唔一樣？我食左呢間餐廳幾次。。。。最後職員態度極差，對於水壺同食物質數原全無歉意。不會再去。。 大家都唔好再中伏.…查看更多

中秋佳節一家八口坐低都未安頓，即刻催我哋叫嘢食，話得返一個鐘要交枱。我預約嘅時候從來冇提過有時間限制，我哋提出嘅時候，店員表示咁樣冇辦法啦，你哋食唔切，暗示要我哋離開。中秋節咁多人唔容易臨時轉餐廳，我哋表示會與正常速度食唔會一個鐘頭內交枱，店員即刻黑口黑面態度惡劣，以最快嘅速度上晒全部菜企喺隔離望住我哋食、其間不停收碟施加壓力。食物質素方面一般，奉勸各位佳節期間不要選擇這間餐廳，以免破壞一家人心情和氣氛…查看更多

今次同屋企人去到位於太子嘅和昌潮味館食晚飯，因為係有親戚話呢度嘅嘢食好食於是今次嘅聚會晚飯決定喺呢度進行，叫咗幾個餸，分別係滷水鵝、炸豆腐、欖菜炒飯、芋頭飯。最有驚喜嘅係個欖菜炒飯，睇落平平無奇，但食落去非常之夠鑊氣，另外嘅芋頭煲仔飯味道中規中矩，不過勝在九月係芋頭最好食嘅時候，芋頭非常香。至於用潮州菜行頭嘅餐廳，是佢嘅滷水鵝同炸豆腐，反而我就覺得係正常發揮。甜品係叫咗清心丸綠豆爽，食落好清甜好滋潤，不過缺點就係剩係得熱，如果夏日炎炎有凍食嘅話咁就好啦。八個人埋單，大約$1500 ，總括而言食物嘅話唔會專登上去嗰度食，但係座位上就非常闊落，因為係一條街上面有兩間分店，其中一間分店淨係得兩圍枱，座位非常闊落，如果係20幾人嘅家族聚會，基本上就可以包咗場咁樣去食。…查看更多

1，嗰碟生蟹夠膽死收人$800有兩件係臭嘅啲肉係霉嘅腥到不知所謂！根本食唔落口😨擺落個碗度連個碗都臭埋 2 碟鵝肝又鹹又老食完要洗腎3 嗰碟鵝片鞋到零脂肪4 間餐廳冇冷氣5 凍馬友啲肉係霉嘅有浸怪味其實不嬲幫襯開啲嘢係幾好食，但係經過傳媒吹捧之後食物質素就一落千丈如果佢唔改善真係祝佢生意興隆。最後同個女侍應反映嗰個侍應應該都係話得啲事嘅只係不停話係呀係呀仲一念臉覺得我哋唔識食！其實我覺得如果佢覺得隻蟹當日唔新鮮就不如唔好賣其實我隻蟹係要預訂嘅更加應該有責任同個客講。…查看更多

今日我哋四個人食潮州菜，首先叫咗個桐鄉菊花炸蝦棗拼蟹棗（各一件）食落都幾脆幾好食，佢個醬汁都好夾潮汕煎蠔烙熱辣辣上菜煎起油香口啲蠔全部都有味🩷潮式花雕誶熱蟹真係一試難忘，竟然用花雕酒浸住奄仔蟹，我第一次食咗咁好食全部入晒味。奄仔蟹仲要全部爆晒膏喎！真係好難忘方魚炒芥蘭OK la 魚露花蛤（例）又係掂鵝三味（份）呢個我冇乜食，冇得評語。金不換炒大蝦超級好食，仲要係熱嘅食脆卜卜，個蝦頭啜到落蝦味，食到連手指都舐埋。清心丸綠豆爽 脆皮落湯錢呢個先搞笑，我哋問個廚師點解呢個叫落湯前佢話因為係用湯煮嘅糯米糍。總括嚟講都好食，下次呢我呢就好想食佢個紅燒翅啦同埋佢嘅糯米酥雞，因為我哋四個人真係食唔到咁多嘢太飽啦。下次要encore食其他最得意可愛嘅地方就係佢啲餐牌掛晒喺場同埋佢係特登訂做木雕刻菜牌，好特別啊食到一個好正宗嘅潮州。…查看更多