和味餐室

營業中

休息中

間野職員完全好有問題的 我同朋友入去 明明有位 死要你去攞飛 好 攞完 2 分鐘叫我們入去話有位啦 叫野食又聽吾到睇吾見咁 好有問題的 吾想做咪鬼做啦 辭職吧啦 老闆又吾理 不行 雖然我食個飯係少少錢 但希望大家不要到背脊骨落

我💥💥黎啦黎啦💥💥係啟田街市看到一間新開不久餐廳，想試這間餐廳味道可以嗎.我們就入去吧試試吧和其他朋友一試了，我們入到就看到有服務員問我地幾位，我答4位，服務員說來這一面吧有一張卡位，我地就過去坐張卡位，這個服務員都幾好服務，然後就叫幾餐食了，我叫係沙嗲牛肉加漢堡扒米粉＋熱咖啡，其他朋友叫都是差不多這個東西，飲品不同，熱0茶，熱奶茶，熱0水，份糧多牛肉又大又滑，米粉好滑，味道真係yummy！yummy！yummy！我同幾個朋友一起和味餐室d嘢食都幾好食，咖啡又香又濃，你們直的一試，我飲過這一間咖啡比其他餐廳還要好飲。

昨晚經過去試下，之後叫員工落單叫咗個意粉，員工話比號碼咁我再睇啦之後又再大聲講比號碼，難道大聲我聽唔到？叫咗杯凍飲小冰D冰係個杯既一杯真係好笑（咁叫小冰）我同個員工講個員工望住完全無反應，意粉有2個餸我食黎食去都係得一個餸，咁差既服務態度咁差既野食，我想問有註明叫野食要號碼落單我隔離枱個食客搵個姐姐落單咪又係up餸名個姐姐自己睇號碼架～～超差～

新開時正正常常，做做下員工態度差，成日同啲客人鬧交野食偷工減料，特別係早餐既雞蛋要太陽蛋蛋白得一半同埋炒蛋變味扒既情況好似得半份料咁，咖啡杯都大過塊扒簡單黎講，心淡

聽聞呢間冰室主打叉燒蛋飯，可以係深水埗開分店開到過黎藍田應該有佢嘅賣點既今日去開觀塘就梗係要過黎試下佢啦😋😋😋😋唔知係米新年既關係呢？好小員工番工，所以令到要番工既員工工作量增加，嗰個都好燥底既？我要杯水都要黑我面☹️☹️☹️☹️我見隔離位吹左侍應幾次啲野食先到齊，而嗰侍應仲要聲大大話等下啦，但到我食完碟飯佢碗意粉先到，但明明係佢黎先架喎🤨🤨🤨🤨我地嗌左炒蛋叉燒飯同芝牛治，碟炒蛋叉燒啲蛋無咩味同埋好油，然後啲叉燒好硬碟芝牛治就正正常常啦！

宵夜時段又來了，好野如果訓覺餓著我係會訓吾著😂😂😂位於藍田啟田商場地下有間餐廳，原來有雞煲食就要試下，難得吾洗走出去，近近地。價錢可以接受，今次點了四川麻辣滑雞鍋半隻，我有D心大心細，因為都好想試吓藥膳花雕醉雞鍋，不過吾緊要，下次再試。這個是火鍋配料的價錢餐牌，食完個雞可以叫佢加水打邊爐，一般都是這樣做。上菜啦！好香啊！我開動啦！D雞好滑，味道不太辣，好符合我的囗味，因為我叫左小辣。另外再加左枝竹，放落去更加出味，野味

～ 進門口時樓面只有兩個人，一個收錢一個執枱，很多枱還沒收拾，後來執枱的車仔也滿了，枱都唔再執，顯示管理相當有問題～ 餐牌上有熱檸樂，卻被告知「我們不做熱的」～ 點了瑞士雞髀撈丁，瑞士汁味道不錯，但雞肉有點乾，煮過了頭

晚上見到呢間裝修幾好既茶餐廳，相比附近比較傳統舊式的茶餐廳，可謂眼前一亮。剛好想買外賣，便試試呢間。叫完外賣，見到啓田商場新開既食街，逛了一圈。回頭番到和味餐室，打算問問外賣出了沒有，居然被店員罵回去：到左自然會叫架啦，問問問！真係當堂嚇一跳，然後得啖笑。香港服務業真係墮落到如此水平嗎？講番叫左既滑蛋孖寶飯，不過不失，以招牌菜自居，有點失望。蛋講唔上好滑，蝦亦冇咩蝦味。日後再試其他？不了，唔想貼錢比人鬧，但食物又未去到澳牛水平。

第一次去諗住試吓啦 要個湯飯外賣既 點知個員工同我講冇夜晚先供應，其實睇睇個Menu冇話幾時有定冇，之後第二次去特登夜晚去 個員工完全掛住傾計唔想落單收錢咁 好啦都算 你哋有大事傾 唔怪你地 之後唔知你哋有冇分咩外賣啦 等左10幾分鐘 其實我見到有外賣出咗嚟 我有推住BB車費事行出行入 有同事經過幫我留意 但個員工好唔在意咁 之後終於等到有個出嚟叫號碼 我問佢點解你地可以隔10幾分鐘 先出黎既 完全冇反應 想點尼？唔接受意見？

見新開左間餐廳裝修幾好，又好多人食所以去試下，點知。。。入到去成個隔局同menu既設計同瑞士冰室好似，但係呢度枱同枱之間比較窄，我坐嗰個位行入去都有啲難度。講返食物，我地點左芝士磨菇釀雞翼配牛油多士同埋干炒豬扒一丁。個多士幾好食，芝士磨菇釀雞翼有三隻但係啲雞翼好細隻。另外干炒豬扒一丁，個一丁都唔係出前一丁嚟嘅，只係普通公仔麵，雖然都有啲鑊氣但係好鹹。跟餐叫咗兩杯凍檸茶但係覺得茶味唔夠，普普通通啦。我哋兩個人埋單$84，但呢個係下午茶，如果咁嘅價錢咁嘅質素仲要等位有啲唔抵。

上星期六晚18：30同家人到了和味餐廳食飯,我當時叫了份公司三文治,大約過了15-20鐘,家人的晚餐到了,而我的三文治還未到,於是請侍應生幫忙追追,當時他答我繁忙時間要等(備註：當然比較悠閑),我惟有再等等,最後前後等了超過30分鐘有多,我實在好嬲,決定取消order.😠😠😠我想問貴公司做一份三文治真是咁難,難過做焗飯或炒小菜嗎？我還要投訴這位侍應生態度好差,希望貴公司好好處理事件.

要喺藍田呢個地方突位而出，無論價錢和食物都一定要合理！首先講吓食物方面，今日叫咗個招牌滑蛋叉燒飯和鮮茄濃湯豬軟骨通粉！因為係招牌菜所以我對佢過叉燒，滑蛋，飯底都有些期望！不過仍然都係失望！首先講吓叉燒，完全冇一點肥膏（即係幾齋下），滑蛋其實做得可以，但同徳田茶記冇乜分別，多啲油咁解，飯底就冇乜野好講！整體來講，你個招牌菜可以用平平無奇來形容！價錢相對來講都唔係平，雖然藍田人均消費係上升咗，但正正因為藍田嘅人食開平，靚，正，所以呢間餐廳只會吸引到新搬來嘅藍田人， 或者外來人！

此店新開張不久，有好幾次想來幫襯，但都因為太多人輪候，所以放棄 ，今天有事早起床，見等候的人不多，便來嚐一嚐。食物都是普通茶餐廳貨色，味道一般，沒有驚喜，不過不失， 較出色為沙爹牛肉麵， 奶茶有點兒失望另外要提一提，門口有自助等位取票機， 每次阿姐嗌編號時聲浪過大，有點嘈吵，所以我們唯有匆匆食完便離開，應該唔會再幫襯。

周日來吃下午茶，開業後第一次來光顧。先說環境，可以看出花了很多心機在裝潢佈局，整體明亮寬敞舒服。再說衛生，雖見有安裝滅蒼蠅滅蚊器，但仍不停有大大小小的蒼蠅在飛。不知是食肆自身問題還是地點鄰近街市問題，只可說在環境所得的分數一下子在這失去了。最後是食物，當天點了鮮茄濃湯煙鴨胸通粉配炒蛋多士。湯底蕃茄不少，但未至於濃郁，比較適合味淡人士。煙鴨胸有三片，厚薄還好。通粉是比較幼少的類型，軟硬適中。牛乳炒蛋蛋黃過多且不滑，多士中規中矩。看見餐牌下午茶價錢以40至55左右為主，晚餐小菜大約60至80，客飯45至55左右。整體來說，環境很好，食物味道可以接受，但衛生大扣分。以該店定價其實附近有很多其他選擇，如果蒼蠅問題一日不解決也不會考慮再光顧，盼能改善。

7月樓下開左新茶餐廳，太多人一直都無去試，早兩日聽細佬提起，今日就去試喇，12點去到，要拎飛，心諗咁誇張，咁好食～滿心期待。等左5分鐘有位可以入了，裝潢漂亮，是高級嘅茶餐廳感覺，枱面都放著餐具醬料，餐具都同一般茶餐廳無異，洗不乾淨，個匙羹上有食物殘渣。其實我都知我唔係去咩高級餐廳，洗不乾淨是正常的，但是有食物殘渣就觸及了底線呢～在心中列為污糟餐廳。都多嘢食，名字都好吸引～當時我仲諗緊下次來食第二樣嘅想法。就叫了滑蛋孖寶，試一試滑蛋好無食，喺我心目中滑蛋好食對茶餐廳來講好重要呢～同行的叫了精選午餐（椒鹽豬扒飯），另外一個叫了雪菜介蘭煲+8蚊有飯有例湯喺有嘢食前，不斷被人問問題，有無凍檸茶少甜都問左兩次，有無衣個飯ar，講真顧客體驗奇差，佢地好似唔知道啲食物要送去邊張枱一樣，被問嘅全部不是我的。講返食物～椒鹽豬扒飯精選午餐幾ok ,45蚊送埋嘢飲，算平了，試左椒鹽豬扒，味道不錯，餸飯一流，味道夠。滑蛋孖寶少少失望，蛋汁是有少少，不過仍然覺得乾左少少，蝦同牛肉一般正常，飯唔夠鼔油。雪菜介蘭煲雪菜無味的，介蘭整得唔老，不過雪菜無味就成煲嘢都同普通煮菜無分別芒果椰汁奶人做芒味，無奶無椰，最突別係