影片
以上資料只供參考, 請與餐廳確認詳情
是晚食左間隱世台灣菜，點解咁講？因爲佢門面係咖啡店，望真啲發覺有珍珠奶茶，再睇睇餐牌，有滷肉飯、牛肉麵等，咁得意就試下佢。小店肉qr code落單，發覺好多野都賣晒🥲好彩想食嘅仲有啫。⭐手工雞絲滷肉香腸拌麵拌麵醬汁調得唔錯，麵條有咬口，雞絲滷肉都下得多，呢碗麵勁多肉😆⭐宜蘭紅燒牛展麵湯頭好濃鬱，鮮味微辣幾正，牛展炆得軟腍，好食👍⭐秘製炸豆腐老板送嘅😆我地點嘅係鴻禧菇，但佢炸錯豆腐，送比我地食喎。豆腐外脆內嫩，辣醬惹味，正。⭐酥炸鴻禧菇 & 溏心蛋菇菇炸得水嫩多汁，加左香料同鹽調味，作為小食真係唔錯。另外喺碗麵度加咗溏心蛋，但原來佢係分開上，好流心好正啊。⭐鹽酥雞呢個真係有少少失望，估唔到啲雞件咁大件，食落去味道比較淡唔太“鹽酥”，但至少炸得香口嘅，而且加咗蝦片好得意，當普通炸雞食合格有餘😝⭐百香果三響炮 & ⭐芝士奶蓋高山幽蘭食台灣野就飲杯台式飲品啦，雖然佢嘅咖啡都好吸引😆百香果叫左少少甜，口味啱啱好，好有果香，仲有蒟蒻同椰果增加口感。另一杯要左清茶加芝士奶蓋走甜，芝士奶蓋鹹香綿滑好正，茶底清香好好飲🤤小店原來收八點，下次要早啲嚟唔好阻人收工啦😝
繼續閱讀
呢晚同朋友一齊嚟咗呢間喺尖沙咀東名字幾得意嘅台灣🇹🇼料理餐廳食晚餐🤣餐廳名字「呷呷念念」估計應該係台語🤣，我淨係聽過「呷飽未」臺灣話即「食飽未」🤣$82「宜蘭紅燒半筋半肉麵」：「手打台灣麵條」比較粗身咬落幾煙靭有啲嚼勁啱胃口好食😋；台灣🇹🇼牛肉麵🐂嘅牛肉一般係牛𦟌呢間餐廳都唔例外，牛𦟌非常好牛味，牛筋就都係煙靭滑滑哋感覺充滿骨膠原🤣；題外話，我去過台灣N次不過未去過宜蘭都想去吓🤣$69「蔥燒滷豬排骨（拌麵/日本🇯🇵米飯）」+$18「滷肉」：滷豬排骨🐷有啲啲滷水香味🤣；都係揀咗「台灣🇹🇼手打麵」都係煙靭好食🤣+$12「百香果三響炮」：叫咗走甜，清新好飲，有百香果又有蒟蒻可以食🤣+$12「厚黑糖珍珠鮮奶」：都係叫咗走甜🤣，鮮奶夠滑，黑糖珍珠就有少少甜甜哋好QQ彈🤣$26「台大雞中翅膀3隻」：燒雞翼，我鍾意食🤣；炸雞翼，我更加鍾意食，餐廳似乎將雞翼撲咗乾粉咁樣炸得外皮脆脆哋兼好香口🤣$26「古早味蒜皮香腸3條」：鍾意食高質素嘅台灣香腸（坊間低質素嘅太多啦🤣），呢間餐廳嘅台灣香腸質素幾高仲配埋生蒜頭🧄一齊食係幾典型嘅台灣食法我鍾意🤣越食越開心，咁就加啲嘢飲下食吓添🤣；$34「鮮奶咖啡」：要咗熱咖啡，要咗多奶，咖啡豆嚟自埃塞俄比亞 Ethiopia 🇪🇹，餐廳做到好香咖啡味亦都好香奶味🤣$24「土林貢丸串（3串）」：貢丸開邊切，然後用竹籤穿住燒焗過，幾好玩又幾好食🤣
繼續閱讀
我去到的時候比較早，還沒到午市，但是店員很nice地幫我下單先準備。點了蔥燒滷豬排骨飯，果然是大拇指推薦菜，好好吃，排骨脆脆的，蔥花的味道很香。下次想去試鹽酥雞飯。
繼續閱讀
尖東下午茶首選我認為尖沙咀東好時中心最正嘅下午茶係依間餐蛋麵扺食之餘餐蛋煮得好食，麵又爽加錢要埋杯好好杯既黑糖珍珠鮮奶，咁就至fit啦雖然佢間舖細細，相對附近食肆更適合兩個至四個人食住嘢慢慢傾，非繁忙時間老闆好好人唔會趕你走
繼續閱讀
之前去完台灣真係食到心癢癢，返嚟香港一直都對台灣嘅嘢食念念不忘。今日行經尖沙咀，見到有間高質台灣菜，即刻入去試吓，食完真係好滿足！🍴📌鹽酥雞拌台灣麵加底加排骨🐔🐷🍜份量大到好似可以同朋友分鹽酥雞炸得外皮金黃酥脆，肉質嫩滑唔會柴台灣麵煮得彈牙有嚼勁，醬汁滲入麵條加埋一大塊排骨，煎得香口，肉汁鎖得好📌秘製炸豆腐🥢豆腐炸得外層脆卜卜，內裡軟滑，帶豆香上面點綴咗新鮮嘅青蔥同少少蒜香，增添咗清新感食落唔會膩，特別啱做開胃菜或者配麵食絕對係台灣夜市嘅經典味道！📌滿滿西柚🍹呢個飲品真係夏日嘅救星！玻璃杯入面滿滿嘅西柚粒，配上細碎嘅冰，顏色鮮艷柚汁酸酸甜甜，帶有天然嘅果香杯邊仲有兩片柚皮同柚肉裝飾，唔單止好飲，仲係打卡必備
繼續閱讀