味道

營業中

休息中

出色蔥油豬扒飯｜店如其名朋友介紹呢間東南亞小店確實有啲隱蔽🤓佢喺上環小巷內，最近仲比個工程搭棚遮住，但影響唔到好想食佢豬扒飯嘅意欲（註：已回頭數次）🐷香蔥香茅豬扒煎蛋飯🐖🥩豬扒應該係半煎炸嘅，條邊係脆脆地、肉質唔會嚡颯颯，食到有少少肥肉嘅位置仲好香口、唔油膩！！好味…好味😋🍚連白飯都有咬勁，隻脆邊太陽蛋,個流心蛋黃仲動L動L，加埋個秘製醬油，似唔豉油大量稀啲，撈飯一流👍😊食過幾次，水準好平均，keep到喎🥰🥰🍹🍹泰色凍奶茶茶味夠香濃、又不帶苦澀，甜度可選少甜及少冰，完美眼見每張枱每個客都食到清晒隻碟，深信食物質素不容置疑😆😆你本人目測全文炸雞髀&冬陰功非常唔錯，礙於今次一人獨食，食唔到咁多嘢，下次一定要試！

今日學校早放，跟同學一起來尼間食雖然檯唔多但過左Lunch已經接近3點還坐滿左勁誇張自己就叫左豬扒冬陰功河粉豬扒有汁水河粉條條分明，唔會碎曬最重要係冬陰功湯太好飲啦夠濃郁夠味絕對有機會會再幫襯的選擇之一

呢一間鬼鬼鼠鼠收埋係上環既泰菜！😹市道差都仲爆場 肯定有啲野！碟碟7-80蚊 上環黎講算公道仲好多Q大份😱大大隻麻甩佬都夠飽！🤣蒽油豬扒蛋飯 $70🐷見意加多啲蒽油，因為白飯真係好多，好似加左抵咁，夠蒽油可以撈飯食好開胃泰式煮法既豬扒會有少少酸酸甜甜，恰到好處！泰式炭燒豬肉串 $65🍡其實係泰國夜市著名的牛奶豬肉串，有泰夜市既feel而且食串最重要既醬汁都做得好到位青檸梳打 $12🥛青檸的醎香味好出，應該係用泰國青檸！泰式奶茶 $12🧋也是香港的味道，不會好似泰國咁甜！容易接受！炸髀配冬陰功金邊粉 $84🍲🍜金邊粉同炸髀原來係一個餐，即使分開都好多大份量炸髀真係超大隻，冬陰功係跟香港口味，完全唔辣，走辣既朋友值得一試YumYum 味道🤤🤤上環畢街15號地舖

佢哋嘅香茅豬扒真係好香，而且冬陰功湯底超級濃郁！ 每個星期都起碼想食一次平時只起碼要排15分鐘隊，所以一般都叫外賣，難得今日唔使排隊就堂食不過座位就比較迫。Their lemongrass pork chop is really fragrant, with the super thick and rich tom yum soup base! Recommend to Thai food lover Usually, i have to wait in line for at least 15 minutes, so I generally order takeout. It's rare that I can dine in without waiting today, but the seating is a bit cramped.

人生無乜幾可比評語，依間真係唔比唔得。企起門口示意兩位入座，個經理望左一眼又扮望唔到繼續做自己野。老實講，你唔想或者唔得閒帶位，你叫其他同事帶位咪得，做咩眼神接觸完要扮睇唔到？然後我睇其他食評，你又要留大檯比其他客，即係點都要等你安排座位，咁你仲要見到客又扮睇唔到，即係我要罰企等你入座？算數見係lunch hour唔同你計較。叫完野食叫埋野飲，叫左豬排飯，另外加錢叫杯特飲椰汁紅豆冰，你黎杯凍奶茶比我。我第一次問清楚你，我叫紅豆冰，你依杯係咪confirm係紅豆冰？你答我係。你當我唔識野，我照試飲幾啖，唔止睇落似，飲落去個味都係凍奶茶。我第二次再叫你，我話依杯真係奶茶黎，你同我講可能比錯左唔好介意，雖然係奶茶但都有照落紅豆，即係變左奶茶紅豆冰。算數，我都唔同你計。到埋單你當我疏忽啦，我唔知你唔收八達通，依個真係我問題，我認。咁但係你同我講咩？你話我阻住你做野？態度需唔需要咁樣？1）見到有客扮睇唔到2）比錯野飲唔認錯3）埋單仲要話我阻住你4）又貴又普通，70一個豬排飯老實講，由入座到埋單，態度咁差，我都完全無話過你，比錯野飲我都無同你計返錢，純粹埋單我唔知你唔收八達通，你就話我阻住你？你有

🥢上環 小街隱藏排隊小店嘆惹味生炸雞髀冬陰功湯粉 越式香茅蔥豬扒蛋飯🥢上環一間小店真係臥虎藏龍，每到食飯時間就會好多人嚟，靜悄悄成為附近上班一族嘅飯堂，好多時都要排隊先食到，因為好多人都鍾意食佢哋嘅炸雞髀冬陰功同香茅埋豬扒飯，聽聞雞髀仲要係生炸大大隻，仲有提供香茅豬扒飯，咖哩飯，越式生牛河等等，今次特登過嚟嚟試試佢👉🏻炸雞髀冬陰功湯粉$84 凍飲+$4炸脾配冬蔭功湯粉都呢配搭都幾新鮮，雞脾size 都相當大隻夠厚肉，即叫即炸個皮好脆，醃到個味道非常香，真係皮脆肉嫩又多汁，冬蔭功湯底辣辣哋幾惹味，好多香料喺入面，所以味道夠曬香濃，河粉仲要幾滑👉🏻越式香茅蔥豬扒蛋飯$70 青檸梳打+$12 香茅豬扒大大塊，鐘意事先已經細心切開方便食，而且表面香脆又軟腍，散發住陣陣香茅味，重點旁邊嘅香蔥油，加埋隻煎蛋一齊食，真係好正👉🏻 泰式炭燒豬肉串（6串）$95係泰國夜市食嘅豬肉串味道，軟軟滑滑嘅豬肉，燒過後有味道香口惹味🥢真係好回味呢到嘅炸雞脾同香茅豬扒，真正香脆惹味感覺，最正食完飲返杯青檸梳打可以降低油膩感，如果喺附近返工嘅話真係會想日日過嚟食，唔怪得成日都好爆場要排曬隊，呢個質素絕對值得📍 味道

味道 Yum Yum上環北街15號地舖坐港鐵上環站A出口 步行約三分鐘 今天約了好友見面，傾談中想食泰國嘢。 朋友介紹上環食泰國"味道"餐廳，一於去試試。 外觀是間橘子餐廳， 室內氣氛柔和和空間感都足夠，光線充足， 開放式廚房，好有親切感。 泰式炭燒豬肉串: 香噴噴串燒來到面前，好吸引立即攞上手放入口咬，豬肉嫩滑，甜甜地，咬入口中間有啲肥肉夾住一啲都唔肥膩，好有汁更有口感，串燒味道不錯😋 炸雞肶配泰式冬陰公河粉:來隻肥肥燒得很靚雞肶，炸到金黃色😁跟住是冬陰功河粉也來到面前。 我們首先，撕開隻雞髀，咬入口肉質嫩滑，肉汁多，咬感不錯， 外皮燒得香脆👍 冬陰公河粉，配料有菇，豆卜和芫茜湯低酸辣沒有油，湯味濃鬱，喜愛吃辣必定要試試😋和滑溜河粉配得配搭合意😋 香茅葱油豬扒煎蛋飯: 大大碟豬扒煎蛋飯放在面前，非常吸引，特別碟放滿切好的豬扒，煎得好靚，顏色非常之美麗，仲有隻半生熟太陽蛋還有多蔥油伴碟🤭店員介紹將甜豉油加在飯和雞蛋上會好好食👍 豬扒煎得香滑入味，肉質豐富，好有口感，加上大量蔥油撈飯與太陽蛋一起配豬扒剛剛好，入口juicy煙煙靭靭，咬入口豬扒送飯很滿足😋 最後:兩杯飲品 THAI ICE

尋晚去咗間新開嘅東南亞餐廳😋 啲嘢食又平又正，去到小小一間舖頭竟然夜晚大排長龍，即刻充滿期待。**炭燒豬肉串**有陣陣炭燒香味，啲豬肉燒得啱啱好，重點係佢哋個醬汁，係沙嗲汁，非常香濃惹味。**炸雞脾配泰式冬蔭功河粉**炸雞脾炸得金黃酥脆，啖啖肉，超級大份 冬蔭功湯底夠晒濃郁，酸酸辣辣，非常開胃！河粉又滑又彈牙，配搭一流！**香茅豬扒蔥油煎蛋飯**呢個飯真係好有驚喜！豬扒醃得非常入味，香茅味好突出，煎得香噴噴。蛋黃半熟，一切開，啲蛋汁流晒出嚟，撈飯超滿足。**泰式奶茶**茶味香濃，甜度適中，個人覺得好飲過泰國個啲。**青檸梳打**非常清新，解渴一流！啱晒減肥人士。總括嚟講，呢間東南亞餐廳真係好值得推介👍🏻食物質素高，價錢又合理，CP值爆燈💯

一間收藏了很久很久，每次經過都大排長龍的上環人氣小店今次挑選了平日下午茶時間，終於成功避開人龍！當然要試鎮店之寶- 炸雞髀配泰式冬陰功和我男友最愛既日式咖喱雞髀飯炸雞髀份量十足，超大隻！而且炸得香脆，內裏Juicy，俾10個讚😊冬陰功亦非常濃味，酸辣度平衡，而且夠Creamy，但又不會太漏，係我鍾意的口味不過以個人來說略嫌太多茜，我不喜歡每啖面都有香菜🤣 不過相信鍾意芫荽嘅朋友一定會好喜歡至於男友的日式咖喱亦交足功課，美味但不算驚艷整體來說，必試炸雞髀，和推薦喜歡冬陰功的朋友！

【前言】無論lunch hour定非lunch hour 門口永遠大排長龍(同事話佢原本就執 無啦啦上咗社交平台就一夜爆紅)網上comment都好兩極 到底真好食 定名過符實❓-先講雞脾🍗 大過我隻手掌 炸得勁香脆仲有少少燶邊咬落唔算juicy爆汁 但好嫩滑 用筷子已經分得開啲肉而且香茅味超突出！雞皮至雞肉都好入味 係正既 👍🏻✨-再講冬陰功湯 配料有草菇 粟米仔 豆卜 再加大量芫荽 😍不過酸多過辣 唔夠過癮 🌶️揀咗配河粉 索完冬陰功湯係入味又好食 不過當河粉既米漿浸耐左 會令到湯底變糊 下次叫粉絲應該會更正 😎-【總結】值得encore 然後我連續兩日lunch都食佢食到連姐姐都認得我 😂-未食就記得影 // #相機有得食先⚡️

自從開關之後，呢間餐廳就突然之間hit左，日日都有一條超長龍，過左幾個月有多都係熱潮未減，今日終於忍唔住去左試下啦，因為冇得book既關係，都係要排一陣，最後都係排左4個字左右就有得食炸雞髀配冬陰功米粉$84其實呢個餐可以揀配雞髀或者豬扒，麵底都可以揀河粉、米粉或者粉絲，可能粉絲會再掛湯d，但就太邪惡啦🤣食得呢個餐最期待都係個湯底，然後好想講，佢真係好好味！濃郁得來又有熟悉既酸酸甜甜，同埋都幾大份炸脾就正常發揮，份量好多嘅關係，最後都係食剩左半隻，不過呢個餐連炸脾食完真係會會大滿足既

很失望😒見到食評話好食,原來期望過高了🥴泰茶的奶少又唔甜,冬陰公湯粉又唔夠熱,肉碎飯又冇香料味,原全冇泰feel. 職員態度很冷漠， 一點也不親切, 試過就算😝

這次已經是二訪餐廳, 餐廳提供超多個國家的食物, 中日韓泰越, 就算吃足一個星期也不會悶 🤭 地方並不大, 所以尤其午饍時就必定大排長龍, 而晚餐都是滿座, 證明實力是不容忽視 💪🏻 生炸雞脾冬陰功河粉 $84炸雞脾餐肉飯 $70炸雞脾絕對是這裡的必叫名物, 即叫即炸, 所以是熱騰騰的。 雞脾炸到相當香脆, 微微燶邊, 非常惹味 🤩 所以兩次我都連皮一起吃 😌 咬一口雞汁就湧出來, 肉質嫩滑, 手拿雞脾一大口咬下去撕開來吃, 感覺𣈱快! 😁 冬陰功微微酸, 帶一點辣味, 配料有草菇, 豆卜跟大量芫荽 🙃 河粉吸收了冬陰功湯, 非常入味! 餐肉飯就比較港式, 這兩款食物在一起, 只需加點豉油已經非常惹味! 😬越式香茅蔥油豬扒煎蛋飯 $70豬扒同樣煎到香脆內軟, 肉質有彈性, 醃料份量都調配得很好 😊 加上大量蔥油, 連一隻半生熟雞蛋, 超好送飯! 😚 蔥油雖多, 但不會覺得十分油膩, 大概㕑師已把油除去 👍🏻沙爹豬肉串豬肉串本身醃得偏濃味, 所以不加沙爹吃都一樣可以, 反而加了就掩蓋了醃料味, 豬肉串燒得夠惹味, 感覺似在吃豬肉乾 😄食物味道像地道越泰菜, 本身以為廚師是泰國人 (因為樣

秋風起涼涼哋⋯⋯老婆話要買臘味！買臘味，梗係去上環啦⋯⋯知道呢間餐廳長期爆滿！特意就去醫肚先！避開繁忙嘅時間！泰式炭燒豬肉串豬肉串肥瘦均勻！炭燒之後脂肪嘅香氣散發出嚟！肉汁豐盈！自家製的花生沙嗲醬，非常出色！泰式香茅蔥油豬扒煎蛋飯豬扒肉質相當鬆化⋯⋯軟嫩多汁！滲出淡淡的香茅香氣！非常惹味！加埋大量嘅蔥花和蔥油！枱面備有特製甜豉油😋想落幾多就幾多👍⋯⋯加埋一個非常靚仔嘅太陽煎蛋🍳⋯⋯😋😋炸雞髀配泰式冬陰功湯河雞髀🍗超巨型！香脆嘅外皮包住多汁嘅雞髀肉，非常美味！要加分！👍⋯⋯冬陰功湯酸辣豐富！河粉吸收晒濃郁嘅湯頭！最後連湯都飲晒！青檸梳打又清新又解膩⋯⋯泰式奶茶茶味非常香濃！有獨特嘅香味！

朋友見味道近我做嘢嘅地方約我嚟試下，果然有驚喜豬肉串燒肉質軟腍，唔會燒到乾晒，沙嗲醬花生味勁香濃，甜甜地好開胃炸雞髀冬陰公湯湯，雞髀皮脆肉嫩鎖到肉汁，冬陰公湯調味好好，辣度剛好，河粉又唔會太淋豬扒飯，配甜豉油勁好食，大大份啖啖肉，飯粒粒分明，加埋蔥油同蛋汁食得好滋味泰式奶茶勁香，青檸梳打清甜解渴當晚都幾旺，坐滿晒人，不過唔會過好逼，環境光猛乾淨，都坐得舒服，啲姐姐好殷勤，餐牌嘅選擇又唔少，味道好份量足，CP值高