影片
以上資料只供參考, 請與餐廳確認詳情
上星期四3月6號微微雨，大概七點幾。。。急住搵嘢食所以入去，坐低後叫咗一個燒鵝五寶飯85蚊，賣相只係食48蚊。。。燒鵝得三四粒！要用粒去形容！紅腸四片！叉燒4舊仔，雞翼一隻。。。等食過程有好幾隻大烏蠅飛嚟飛去。。。心諗咁多嘢食點會入咗嚟。。。但係冇理由走咗去。。。嗰日有毛毛雨，見到碟嘢已經唔開胃，啲嘢係凍嘅。。。當然我知道燒味係唔會熱辣辣嘅。。。但個感覺好似喺度吹風咗好耐。。。跟住算啦，食完就快啲撇。。。行出門口嗰下我已經同自己講，自己同朋友都唔可以嚟呢間嘢食。。。到半夜十二點幾開始胃痛。。。個胃越嚟越脹，一個鐘頭後開始有嘔肚屙。。。標冷汗！跟住頂唔順叫咗白車。。。最後醫生話呢啲潮濕天氣千祈唔好去食燒味。。。我諗大部分都唔會有事嘅！呢間嘢！錯嘅時候食咗錯嘅嘢！去唔去食自己諗下！公道講一句！或者唔食燒味會冇事！
繼續閱讀
嗌個68蚊燒鵝飯,上到嚟一睇，唔同色既，以為唔新鮮所以有色差，一食：鵰咗出聲，鴨嚟既，碟嘢有一半係鴨，有一半係鵝，啲肉同皮一睇就知係鴨，一食就知道岀事，食開燒鵝一睇相就知我講咩，小弟一星期最少食一次燒鵝，簡直係侮辱我本人對燒鵝既熱愛，中要我嘥咁多時間去打一編咁既長文，燒鴨可以當燒鵝賣我真係唔知講乜嘢好，難怪而家啲港人咁多都北上消費，香港飲食業，就係畀呢啲垃圾餐廳搞彎曬，冇心做就摺埋佢唔好影衰哂！！
繼續閱讀
唔係乾咁簡單，d皮同肉都好似殭屍咁，真係好得人驚，完全唔敢食，無食過。瀨粉有up味，食左一啖放棄。未見過世面，真係差得好緊要，未見過咁既燒鵝/鴨。得杯凍檸茶正常。單點，$68。非特價餐。本人平時只食開大家樂燒鴨瀨，已經覺得好食，絕對唔係食家。好多蚊滋四圍飛。
繼續閱讀
路過旺角分店懶得搵諗住本身自己都唔挑食即管試下早朋友十分鐘到知道朋友鍾意食燒味我嗌炒烏冬要耐啲所以已經叫咗先到朋友到咗 叫嘢食上咗食埋烏冬依然未到第一次問侍應親眼跟住佢行去廚房 然後返嚟答覆我已經整緊㗎喇再等多10分鐘終於同另一個講幫我取消再聽住另外一位入廚房問整咗未然後出黎叫收銀取消先唔好講佢啲燒味飯有幾咁肉酸幾咁難食賣75蚊畀垃圾人哋食都唔緊要因為食物好唔好味見仁見智但係我甚至唔係嗌你嗰本餐牌裏面嘅嘢食係嗌你另外一張常餐午餐嘅餐牌都要等來等去都未開始肯整其實廚房唔想煮嘢食可以唔好做廚房賣垃圾嘅都可以選擇做垃圾收集站或者回收站唔好開餐廳唔好開喺旺角區同尖沙咀區嗰啲遊客區破壞香港美食天堂嘅美譽可惜嘅係google無得畀負星星有嘢讚嘅環境都算乾淨
繼續閱讀
全部係骨嘅下午茶燒鵝飯HKD43 燒鵝飯垃圾過唔垃圾全部都係骨同一層皮，但遲我10分鐘入座都係燒鵝飯就係全部肉！所以香港就係有你哋呢D 咁嘅服務講話唔正嘅嬸嬸話隨斬
繼續閱讀
您可能會有興趣的...