味火鍋 (華僑商業中心)

比佢無限時吸引，見到食評唔錯就打去訂枱，第一次去咩都唔識，侍應妹妹都好詳細介紹餐牌內容，我哋4個人分別叫咗龍蝦，焗蠔同埋酸菜魚做頭盤，3款都好食。湯底選擇都算多，有成10款可以揀，我哋就揀咗蟲草花椰子雞湯，上枱時已經聞到陣陣好香嘅椰子味，仲有成大碟雞比埋我哋添。海鮮新鮮，牛肉都好夠牛味。食完呢啲都好飽啦，跟手食下啲蔬菜，水餃，最後飽到連送嘅雪糕都食唔落。整體食物好食， 頭盤可以自由配搭，服務又好，地方乾淨闊落， 加埋一都係$300幾蚊，有呢個質素，喺旺角區真係好抵食。

好友相聚吾想諗食什麼點餸是不錯選擇。但火煱有4步曲，對第一次來的客會有選擇困難，要每人4 選一前菜，人多的話會好混亂，因為要食酸菜魚或鷄㷛，要2 人以上才可以叫，單人可叫芝士蠔或半份龍蝦。第二輪選湯底，有8 款上以，鴛鴦都唔駛加錢第三輪按人數海鮮及靚牛肉一次性送上，再叫需要補錢!!! 其他蔬菜和丸有蝦無限量掃WR code 非酒精飲品免運任飲。整體每人$400 以下，無限時打邊爐，牛肉有三款算上乘品質，海鮮正常有蝦、鮑魚、聖子（有小小沙）、帶子、鱔片、和大蟹柳各一，輕鬆舒適環境算不錯選擇。

每次經過「味火鍋」，都想拉埋男朋友去食😏今次同佢一齊食飽飽✌🏻.芝士焗波士頓龍蝦配菠蘿蕃茄莎莎醬（半隻）🦞啖啖龍蝦肉😬有好多龍蝦膏😍加上菠蘿蕃茄莎莎醬🍍清新開胃，附有小沙律🥗.黑松露芝士焗美國生蠔（3隻）🦪生蠔肥美，鮮味十足😙加上黑松露、馬蘇里拉芝士同車打芝士🫕香濃惹味😛旁邊有小沙律☺️.鴛鴦湯底🍲揀咗養生牛肝菌湯鍋同日式豆乳海鮮鍋💁🏻‍♀️2款湯底都係越煲越濃郁😌.精選時令海鮮拼盤🌊有蟶子皇、北海道大元貝、新鮮鮑魚🐚廣島蠔、新鮮龍躉片🐟新鮮海蝦🦐自家製手打墨魚丸🦑自家製手打蝦丸、日式蟹棒🦀新鮮大隻🤤爽口彈牙，仲要超級鮮甜💯.美國安格斯牛肉拼盤🥩有手切牛小排、牛肩胛🐮封門柳、牛板腱🐄幾款肉都鮮嫩軟腍😋牛味濃郁多汁😗.蔬菜拼盤🍽️有生菜🥬雞脾菇、秀珍菇🍄娃娃菜、南瓜🎃芋頭、粟米、番茄🍅.火鍋配料🍢美國肥牛🐂濃芝豆腐燒、風琴豆腐、甜粟米🌽鮮冬菇、豆卜等.四式前菜拼盤🥢有炸雞軟骨🐓手拍青瓜🥒中華沙律、酸辣雲耳🖤.飲品🥤有汽水、果汁飲品🧃茶類飲品🍵涼茶飲品🍐🎋

差唔多20人打邊爐想包房，最後屋企人決定咗去味火鍋，話係無限時喎。 估唔到旺角區都可以有咁大間房比我哋自己一班人慢慢打邊爐。後生嘅一人一份龍蝦打卡影下相，長輩就食酸菜魚同麻辣雞煲happy share下。食到咁上下，侍應就送嚟湯底再加一大盤海鮮同牛肉拼盤比我哋打邊爐。其他野食就要掃qr code order. 嘢食overall好好食， 份量都好多，最正係大大盤海鮮好新鮮，安格斯牛肉拼盤又好正。另外任食野都唔係行貨，有其他任食場少有嘅款式。難怪屋企人要一早訂位啦。最後一人一杯movenpick雪糕，渡過咗好滿足嘅一晚。

食物質素好， 今次我哋兩個人去食就揀咗麻辣雞煲， 雞煲惹味，雞夠滑。下次人多可以試多幾樣唔同嘅頭盤。海鮮雖然係一次性，但新鮮，連任食野都幾好。飲品選擇都幾多，如果有埋熱飲就very good!眼見場內除左房之外有好多卡位，座位闊落，同隔離枱都有一定距離，唔似得其他任食場所咁逼。職員友善，態度良好，每人平均唔洗$400有呢個質素，仲要無限時， 係同朋友食飯傾計嘅好選擇，值得推介。順帶一提打電話訂枱時，職員好友善，整體感覺十分良好。

重點係無限時，食物質素中上，雖然沒有非常多的選擇，價錢合理，四個人每人約400，因為叫咗一大桶啤酒，另外，服務員有禮貌，令人感覺舒服。地方清潔整齊，坐位寬闊。滿意。

頭盤芝士焗龍蝦係凍的！完全唔掂。另外仲試左芝士焗生蠔，粒蠔我完全細到食唔到，放入口只食食到芝士！打邊爐個湯底完全無味、勁神奇、仲淡過清水！成晚都唔知食左啲乜第一round牛完左，之後任叫個啲牛薄過紙，仲差過連鎖快餐店！仲有其他任點既火鍋配料都係選擇好少、超普通！佢唯一優點係唔限時，但加完一收每位$372.9 又唔包啤酒 呢個價完全唔洗食佢 一定唔會再去 列入黑名單！另外頭輪海鮮等左半粒鐘先到，問你死未，等到蚊都訓！

因為實在太差的關係，令我第一次寫食評！今次係朋友生日，呢間任食火鍋，係朋友揀的。冇乜留心睇食評只係見冇限時！睇到相片以為唔錯。但當我哋一行七人入座，首先係四選一的菜單，我哋全部都係選了龍蝦，龍蝦味道麻麻，亦焗得比較乾身，口感唔好！之後我哋點咗鴛鴦湯底，店員送上一盤海鮮拼盤，裏面還有一些手打丸。海鮮除咗蝦同埋鮑魚，其他都不太新鮮。店員再送上一碟牛肉，牛肉的味道只是一般。之後我們掃的QR code 想再點其他東西，牛肉同豬肉各只有一款。因為沒有得選擇，我們只能點選美國肥牛。品質非常差。（本人從未試過任食火鍋係咁差質素！其他店價錢就算平，食物質素都比這間好。）食物只有很少的種類選擇，而且食物的質素不好。店舖人手不足，不斷有漏單情況！我同朋友都認為要列入黑名單、不會再來這間火鍋店！

無限是任食火鍋，今次第一次幫襯這間餐廳我們一行8人，等了很久才有座位。這間餐廳特色是無限時間任食，餐廳環境幾闊落，座位以卡位為主坐得幾舒服。頭盤我們點了芝士焗波士頓龍蝦及威靈頓三文魚回柳，火鍋我們點了牛肉、肉丸、海鮮等等。這裏的海鮮非常新鮮，我們一大班朋友聊天非常盡興。

Book餐廳=沒Book， 我提前很多日book了該餐廳的晚膳，我們去到是18:45分，要我們等等，好了 等都沒問題，去到7:16分我們問為什麼還不能入席，話出了少少問題，再要我們等等，等到8點都還沒有入席，居然話出錯了 沒留到檯比我們，咁我想問book檯來做什麼？ 你地明明有確認我們是否出席，我們也回覆你一定會到，到了現場既然你沒辦法比到檯為什麼還要我們等，咁為什麼要弄book檯系統？我覺得此餐廳的行政非常混亂，已black list 永不幫親

四步曲火鍋任食😋 $318無限時任食火鍋四部曲：頭盤、限量火鍋拼盤、任食火鍋配料！首先會送上一份四式前菜拼盤：炸雞軟骨、中華沙律、手拍青瓜、雲耳◉‿◉ 開胃！第一步：揀頭盤：雞煲、酸菜魚、芝士焗龍蝦或者生蠔🦪 食完又可以揀湯底！一共有10款選擇，仲可以鴛鴦湯底！我地揀咗特濃沙嗲鍋MIX四川麻辣鴨血湯😀第二步：精緻火鍋拼盤：時令海鮮拼盤：鮮鮑魚、廣島蠔、大蝦、魚片、手打墨魚丸、手打蝦丸、蟹柳ʕ •ᴥ•ʔ 海鮮好新鮮！仲有美國安格斯牛肉拼盤：美國安格斯牛小排、牛肩胛、封門柳、牛板鍵 牛肉新鮮！仲有野菜拼盤：多款雜菜！第三步：唔夠食仲可以QR code任叫嘅火鍋配料(⁎⁍̴̛ᴗ⁍̴̛⁎) 野飲就喺出面自己攞！第四步：每人一盒movenpick 😆

今次小稱👧🏻又想打邊爐，去左位於旺角味火鍋，‼️性價比高，3百幾蚊可以食到高質的火鍋，食材新鮮的無限時火鍋放題，事關可以打邊爐之餘又可以食到芝士焗龍蝦。餐廳環境好新淨，地方乾淨企理，冷氣又夠大，打邊爐之餘仲食得舒服。⭐第一部--芝士焗龍蝦第一部曲我地選擇左焗芝士龍蝦，龍蝦好新鮮大隻，彈牙可口，配上濃郁的芝士，質感濕潤鮮嫩。⭐第二部--自選湯底我地選擇左蕃茄薯仔濃湯鍋和特濃喇沙海鮮鍋。仲有好多種選擇架！喇沙湯底口感濃郁，帶有一絲絲辣味，適合喜歡香辣口味的人。蕃茄薯仔濃湯口感醇厚，帶有微微的酸甜味。⭐第三部曲--皇牌火鍋拼盤時令海鮮拼盤：自家製手打墨魚丸、蝦丸、大扇貝、新鮮鱔片、鮑魚、海蝦、蠔、日式蟹棒。超大盤的海鮮拼盤有冰座底，賣相一流，👧🏻個人特別喜歡海蝦因為真係超大隻，爽口彈牙，蝦味濃郁。🌟🐂美國安格斯牛肉拼盤：牛板健、手切牛小排、封門柳、牛肩胛 🐂💕每一塊牛肉都經過解凍處理，讓你能夠咀嚼到鮮嫩多汁的肉質，個人特別喜歡手切牛小排，切得薄薄地食落夠嫩牛味濃郁。⭐第四部曲---火鍋配料火鍋的配料都係重要的一環。呢度用QR code落單包括有西班牙黑豚肉，各種丸類選擇和自家製手包水餃類。豐富

好好服務的任食火鍋店,价錢唔貴,服務超好,员工態度良好,笑容充足有禮,特色係食火鍋前每人可各自選頭盤,一係半邊焗龍蝦(肉有D韌,味道0k),一係3隻黑松露焗蠔(好香,肉厚👍),重有2位可選雞煲(今次冇試),頭盤过後再來個鴛鴦煱、海鮮拼盤(新鮮,份量足)、牛肉拼盤(充足牛味,略嫌份量少咗啲),主打完已飽咗7成,其他配料須選擇不多,但勝在好味道,上菜速度快,飲料/醬料任取,無限時最得我心(直至午夜12点),環境舒適,空間充足,重可預早訂房(不用加錢),推介俾大家試試🫴

超強颱風蘇拉終於走咗，冇阻我星期日放假，去食餐好嘅補返我之前食咗兩日打風餸。嚟咗呢間冇限時嘅火鍋放題，大擦一頓。呢間火鍋放題幾特別，每人係有一份頭盤+前菜+一份海鮮拼盤+一份牛肉拼盤+任食火鍋配料。頭盤有四樣選擇分別係芝士焗龍蝦，芝士焗生蠔，酸菜魚同埋雞煲。我就揀咗龍蝦隻龍蝦都幾大隻，鋪咗勁多芝士在上面，超香，超邪惡，龍蝦肉質爽口彈牙，很不錯。食完頭盤，正式開始火鍋，先揀湯底，我哋揀咗花膠竹絲雞湯底，滋補養顏，骨膠原滿滿，竹絲雞係自己放落個鍋度，真材實料，新鮮，個湯底都幾甜。好快海鮮拼盤同牛肉拼盤就上枱，擺盤靚靚，打卡一流。海鮮拼盤有鮑魚，廣島蠔，海蝦，班片，大蜆，手打墨魚丸，手打蝦丸。全部都好新鮮，最喜歡鮑魚同海蝦，非常鮮甜，肉質爽口彈牙。牛肉拼盤有牛小排，牛肩胛，封門柳等。最鍾意牛小排，佢油脂分佈唔錯，牛肉味都ok重，又有牛油香，肉質軟稔。任食嘅火鍋配料亦都有好多款有多款自家製嘅水餃，餡料充實，而且好Juicy。丸類亦都好多選擇，而且係啲比較貴價嘅丸，食落口感唔同啲。就先牛肉拼盤食唔夠牛，可以再點任食嘅肥牛。另外呢度嘅嘢飲都係任飲。我哋響社交平台Like餐廳，仲有一人一盒moven

由於被無限時吸引冇仔細睇餐牌大概諗住同類型嘅餐廳之前都去過去到點餐的時候用bar code嘟的選擇非常之少完全沒有海鮮牛肉只有一款！！！豬肉亦只有一款！！！大路的豆腐也沒有頭盤選了龍蝦雖是焗的，但不是熱的上面鋪了一些洋蔥或其他另外加上的配料奇怪的組合龍蝦味道一般補錢叫了鴛鴦湯底竹絲雞肉質可以花膠麻麻地海鮮拼盤完全得個樣裏面包括有蝦，各二其他鮑魚，帶子，魚，蠔，兩款丸各一仲有少少蜆，八爪魚仔朋友話依隻蜆平時無沙的但今次竟然食到成口沙😱除咗蝦同鮑魚係新鮮的未見過帶子都是用冷藏貨朋友仲話似係假的另外生蠔完全係結冰狀態見到都唔敢同唔想食基本上海鮮一半以上都唔鮮👎👎👎牛肉一盤都是普通貨色以上的完之後冇得再追加至於座位是卡位安排枱中間有一個頂腳位置非常不舒服爐頭過大食具鋪枱紙只能放在一角抽風系統都不好成晚像蒸面一樣見食評不錯是次才選擇點知最後覺得重伏眼見差不多全場爆滿如此食物質素覺得有點神奇