味火鍋 (華僑商業中心)

星期日去咗旺角商業大廈裹嘅火鍋放題店，真心推介😍 用餐時間可以由7點坐到12點😆 設有好多房間，私隱度高👍🏻 服務態度仲好好～ 同朋友來敘舊傾計至啱唒啦😆 頭盤四選一，我哋揀咗酸菜魚～ 酸菜魚一碗咁上，酸菜夠多，魚肉滑嫩，好惹味又開胃～四式前菜拼盤青瓜，木耳，中華沙律，爽口清新👍🏻 炸雞軟骨脆卜卜香口😆 火鍋湯底揀咗四川麻辣鴨血x養生牛肝菌湯鍋麻辣湯底夠惹味，鴨血鹹鮮又軟又彈～ 牛肝菌湯好足料，勁多菇菌湯色濃郁夠香～美國安格斯牛肉拼盤有4款選擇手切牛小排，牛肩胛，封門柳，牛板鐽，夠薄切入口軟嫩，點麻油芫荽好夾好好味😋時令海鮮拼盤蟶子蝗，北海道大元貝，龍躉片，海蝦，鮑魚，廣島蠔，海鮮全部食得出勁新鮮好鮮甜👍🏻，仲有日式蟹棒，自家製手打墨魚丸，手打蝦丸～另外仲有多達20款食物任點任食，我覺得啲丸質素唔錯👍🏻 雲吞水餃皮薄饀靚😍最後緊係唔小得甜品啦！讚好佢哋社交平台專頁，就可獲瑞士Movenpick 雪糕一杯！

今次去試下旺角嘅 – 味火鍋！《火鍋四部曲》無限時任飲任食火鍋放題！包括1）自選頭盤、2）自選湯底、3）皇牌火鍋拼盤，同4）精選火鍋配料！揀好頭盤同湯底可掃QR Code 落單，簡單又方便！明亮簡潔嘅裝潢、特多濶落卡位，坐得舒適！自助區汽水仲有懷舊玻璃樽汽水！特別夠氣又好味！ 頭盤🦞：可揀芝士焗波士頓龍蝦 (半隻) 、芝士焗美國生蠔 (3隻)、麻辣雞煲或酸菜魚，我地揀左芝士焗龍蝦，超巨型龍蝦肉肉嫩鮮甜，芝士汁香濃！仲好多龍蝦膏！推介！🥣自選湯底 ：有十款湯底，我哋揀左花膠竹絲雞鍋，成隻雞竹絲雞嘅份量加上大大片花膠，湯頭味道鮮甜無比！🥩皇牌火鍋拼盤：有美國安格斯牛小排、牛肩胛、封門柳及牛板腱；牛小排牛油脂均勻，色澤亮麗！牛肩胛肉質紥實香口，牛板腱肉味香濃、軟身易人口！封門柳帶點咬勁，口感非常好！ 🦐時令海鮮拼盤：🦐有新鮮鮑魚、北海道大元貝、海蝦、大蜆、新鮮龍躉片、手打墨魚丸同蝦丸等；鮑魚鮮味彈牙，海蝦扎實爽口、手打丸都十分足料！全部海鮮都好新鮮！🥟精選火鍋配料：有美國肥牛、黑豚肉、多款自家製餃子、丸類、粟米蔬菜菇菌等；選擇好多又夠新鮮！ 🍦最後食埋Movenpick雪糕做甜品真係大滿足！

放題每位$318，有齊頭盤、拼盤和火鍋，很豐富，記住做齊四步曲：第一步可以揀龍蝦/生蠔/酸菜魚/雞煲！我哋兩個人揀咗龍蝦同埋生蠔，兩款都佈滿芝士。頭盤已經有海鮮食，好過提供沙律/熱葷！第二部時令海鮮拼盤大概有六款海鮮，會按照時令，款式會時刻不一樣，充滿神秘感。今次有海蝦、蟹柳、蜆、生蠔、魷魚、鱔片，新鮮、份量又多。美國安格斯牛肉拼盤，啱晒牛魔王，不同牛肉部位都有，如:牛小排、牛肩胛、封門柳、牛板鍵，打卡一流，砌到一朵玫瑰花咁。不過海鮮仼食嘅時候冇得追加。第三部可以從10款湯底選擇。我揀咗雙拼日式豆乳海鮮鍋、特濃沙嗲喎。一個濃郁，一個清清地，任何配料到合適。第四部丸類、麵食、餃子、蔬菜等多款火鍋配料都可以無限時仼叫追加，性價比高，食材新鮮！

如果你想打邊爐食最差既肥牛，尼到真係最好既選擇佢地方幾大，無限時，坐得幾舒服。最初攞個龍蝦來食，都唔錯。有朋友叫左酸菜魚，都幾好食。之後來個海鮮大拼盤，蝦、魚片、帶子、聖子都可以，其他都係冰凍冷藏得好緊要。還有來左一碟幾靚既肥牛，可惜每人兩塊就無。之後就只能叫其他野食，係仼點，好戲來啦：無樣野好食，肥牛來的間直係我人生中最難食的肥牛，全台都無人想食。之後叫個d都無樣得。埋單每位收我$350同大家講，去真係要諗清諗楚。

六個人座圓枱，張枱冇位擺食物。人手又唔夠, 又唔比QR code 我order 可任叫嘅食物。個爐滾成個鐘啲水都唔滾，等到我火滾。可以任叫嘅大部份都係丸同餃，餃同丸，真係冇乜選擇，要make sure 你快啲飽。雪糕要like 社交平台 先有得送。加埋一$350，好伏！冇下次。

放題每位$318，有齊頭盤、拼盤和火鍋，很豐富，記住做齊四步曲：第一步可以揀龍蝦/生蠔/酸菜魚/雞煲！我哋兩個人揀咗龍蝦同埋生蠔，兩款都佈滿芝士。頭盤已經有海鮮食，好過提供沙律/熱葷！第二部時令海鮮拼盤大概有六款海鮮，會按照時令，款式會時刻不一樣，充滿神秘感。今次有海蝦、蟹柳、蜆、生蠔、魷魚、鱔片，新鮮、份量又多。美國安格斯牛肉拼盤，啱晒牛魔王，不同牛肉部位都有，如:牛小排、牛肩胛、封門柳、牛板鍵，打卡一流，砌到一朵玫瑰花咁。不過海鮮仼食嘅時候冇得追加。第三部可以從10款湯底選擇。我揀咗雙拼日式豆乳海鮮鍋、特濃沙嗲喎。一個濃郁，一個清清地，任何配料到合適。第四部丸類、麵食、餃子、蔬菜等多款火鍋配料都可以無限時仼叫追加，性價比高，食材新鮮！

餐廳很乾淨 一進去就已經有好的印象分令你食得放心。座位安排很好，中間全部食卡位，適合2至4人用膳，傾計比較方便。周邊都是房間，5人以上聚餐更有私隱度。入座後，侍應同時送上4款前菜，木耳—小小辣拌有陳醋，有種雲貴風味。侍應會讓你選湯底。有10種口味任君選擇。一定有款適合自己。接著可以去自助醬料Bar，選喜歡的醬料。秘制麻辣醬做得唔錯，有麻辣口感，但不算辣。旁邊就是整排的雪櫃，最震撼的就是玻璃樽裝可樂，有原味和無糖款，打邊爐梗係要有可口可樂啦！ 選後醬料，飲品，返回座位，時間剛剛好，湯底送上，要讚一讚爐的設計，它是坐落在檯的中間，這樣，爐里的食物都在視線範圍之內，而且湯不容易濺出來。在等湯底煲滾同時，送上4選1的第一道菜，這個Idea本人認為非常周到，本人選了半隻芝士焗龍蝦🦞，size 一人份量剛剛好，食到笑蝦蝦😆🦐🦐，幸福💯。黃牌時令海鮮拼盤，美國安格斯牛肉拼盤接著送上，湯底也剛好煲滾了。 拼盤賣相很靚，好似刺身拼盤，更重要的是牛肉鮮紅色，口感嫩滑。海鮮的新鮮程度看看這種在跳舞💃的鮑魚就知道。所有海鮮沒有冰味，鮮甜爽口。侍應的服務周到，當碟裝滿蝦殼或貝殼等，就會主動換上新的碟。此外，可以

垃圾餐廳首先上菜嘅時候整污糟條褲。對唔住都冇聲紙巾又唔拎嚟第二通風系統非常之差，又焗又多煙，跟住一碟牛都冇得食，因為佢哋冇晒🤦🏽‍♂️一間放題火鍋店居然冇晒牛。最後埋單叫佢可唔可以俾個折頭因為真係一碟牛都冇食，除咗每人都會送一碟嗰啲（得幾塊）佢話佢都唔想，所以唔俾折頭以後都唔會去食呢間垃圾餐廳去隔離家嫂好過🤦🏽‍♂️🤦🏽‍♂️🤦🏽‍♂️🤦🏽‍♂️🤦🏽‍♂️🤦🏽‍♂️🤦🏽‍♂️

見"味火鍋"食評出名無限時火鍋, 食物種類多, 服務好. 見它在旺角開新店, 即日訂位也有位, 親身自己來品嚐, 不過食完後對火鍋食材選擇有點失望😐是日每位$318+10％服務費, 每位$350. 頭盤選擇半隻芝士焗龍蝦, 肉質還好.接著選擇火鍋湯底, 除湯底#7 不能做 鴛鴦鍋, 其他湯底可以自由配搭. 餐廳先送來一個海鮮拼盤(海蝦/蟶子/鮑魚/龍躉片/廣島蠔/花甲/蟹柳/蝦丸/墨魚丸)&牛肉拼盤, 可惜海鮮不是樣樣好, 牛肉超薄&碎濕濕. 食完以上食物, 便自行用QR code落單, 肉類只有美國肥牛&豚肉, 其他就是丸類, 餃類&蔬菜類. 如你喜歡食丸&餃, 你一定食得好開心, 而我就食到有點乏味. 我本人覺得可以加多一些肉類選擇, 例如雞件(見頭盤也有雞煲選擇), 魚類(普通鯇魚片/脆肉鯇也可以), 不是不停食丸......, 而丸類&餃類質素普普通通. 餐後可以like FB/IG, 餐廳便送上一杯movenpick雪糕作尾聲. 這餐廳亦有可取之處就是有多款細支裝汽水選擇, 其他款式飲品也算多. 這餐廳適合一班朋友聚會, 因為不限時間. 而我下次寧願選擇用餐有限時, 提

有彌敦道上手扶電梯再搭獨立𨋢上三樓這次團年飯十六人分兩枱有房有獨立廁所好乾淨第一部曲十人枱叫六隻芝士龍蝦加2人雞煲加2人酸菜魚第二部曲兩個鴛鴦爐一個番茄+嫲辣一個沙爹+芫茜每一鍋分三個煮食位 中間可以煮海鮮燙青菜 好設計叫咗中辣可以再辣啲第三部曲牛肉花盤同海鮮拼盤海鮮好鮮甜 蝦 蟶子 鮑魚 生蠔 QRcode叫配菜啲青菜肥牛豬肉配菜丸 上菜好快 第四部曲雪糕有 士多啤梨 雲呢拿 咖啡整體上服務好味道好飲品種類多會再來聚餐