味味佳餐廳

營業中

休息中

呢日過去老友屋企，皆因佢老哥買左部ps3，話要同我隻揪Street Fighter，咁過癮既聚會梗係收工0係地盤飛身仆到咁去，點知去到早左成半個鐘，只有找個地方坐下﹗走左入呢間味味佳，6:30pm時份竟然都幾多人開始吃晚餐，枱枱都叫到一碟碟餸搞到我個肚都打埋鼓。叫左杯凍朱古力頂住肚先，其實茶記總有一個問題就係凍飲0的冰實在太多，搞到一杯野飲入面得半杯飲品，其餘的都是冰頂住哂，唔抵飲之餘待冰溶化後飲品就會慢慢淡而無味再繼而變為冰水﹗好在唔係等好耐，我都自得其樂繼續追我既大時代，估不到以前既劇集會好睇得令我愛不措手，返工前又睇放工又睇返到屋企更加睇睇睇﹗秋官真係好野，唱歌又好聽做戲又咁勁，一流﹗而家睇無線亞視的真的無得比﹗$13杯合理吧﹗我都唔想阻住人地一家大細霸住張枱，好在老友三幾個字就到，走人﹗

七點回到家, 我去找找廚房, 姐說費事煮飯, 等溶雪等幾時, 由我發版, 落去買飯盒.樓下好幾間茶餐, 食肆, 以前OT後回家, 味味佳, 我最喜愛佢既滑蛋肉醬飯. 今日不肉醬. 叫了一盒枝竹班腩飯 同 生炒骨.廚房拿出來, 三大盒, 小菜生炒骨連飯湯, 所以用多幾個膠盒.街坊飯堂, 份量大是正常, 正因欠缺外來客, 全是有回頭的老街坊. 枝竹班腩飯, 班腩大大舊, 可以每人分四塊. 生炒骨, 甜酸味道胰好令人開胃. 而且多汁, 成份量亦足一個飯盒.如其名, 味味均是佳.

返工既食飯時間, 響呢度叫了外賣, 豬頸肉米線小辣豬頸肉份量頗多, 有咬口, 味道亦ok由於要求湯分開另上, 米線響食既時候都唔會浸到太林街坊價錢, 質素ok, 可以一試

今日接人放工, 去左le 度食焗飯/意粉女朋友叫左例牌的肉醬意粉, 我叫左焗豬扒飯以街坊茶記0黎講, 表現合格有餘.....飽飽咁返屋企------------------------------------------------------------------今日係138日

晚上食飯，同朋友2人其實想點粉麵食，但奈何店子冇粉麵，反而餐蛋麵類就有，所以點了公治同炸魚柳沙律，公治做得唔錯，但炸魚柳就過火啦，而沙律就醬太多，食到「乸」喉，有待改善。服務都ok嘅

這裡的咖喱牛腩飯是我返完夜班的例牌晚餐,28大元一大碟,牛腩另上,很好味,加上汁液夠多又香濃,足夠送飯,叫飲品可以半價,冷氣又夠涷,兩邊都有大電視,可惜有人吸煙,好在通風幾好,也不太難頂,不過要扣分.服務是足夠的,阿哥阿姐都很勤快.是一間不錯的街坊店.

嘩!估唔到呢度都有咁好味既烏冬食呀!講既係海鮮湯烏冬!料真係好足!有青口有好多厚厚魚柳片,仲有蝦同菜等等,一上桌就好香,又好大碗,仲係香到忍唔住要即刻食個隻! 魚柳片最好味,一d都唔腥,又啖啖肉,一碗已經食到飽飽,令人好滿足!食完諗住埋單走人,又估唔到只叫個烏冬同一杯飲品都有糖水送喎!不過糖水只係好一般,唔係好好味…

我要推介一下呢度既晚飯套餐,因為好味又抵食,30幾40蚊,有湯有飯有大大碟,仲有甜品送,而且個好好味!值得一試係菜上湯雞,雞肉好多,無呃秤,而且唔油膩,加埋菜更健康!仲有就係蝦仁炒蛋,炒得好香口呀!而且又多蝦喎!份量仲好多添!食完都飽飽lu!不過,甜品方面只可以話麻麻,如腐竹蛋花糖水,就比較淡而無味,改善一下會較好!