味力HK

經常光顧這店，位於觀塘中海日升中心，地方企理，菜單方面，豐儉隨意；自己必吃薑蔥「安格斯牛魚泡」👍，椒鹽台山蠔、蔥油雞。另外老闆每天從街市購入新鮮食材，椒鹽瀨尿蝦，試過一次老闆推介凍食，鮮甜美味👍大蟶子煎米粉，油浸筍殼、油浸鷹䱽。…查看更多

買個咖哩雞飯，58蚊，然後比啲雞骨我，仲要係無咩肉係上面，盒飯又少，唔講以為大飢荒，無曬食物，只可以食骨充飢。賺錢都唔好咁過份啦。你比多幾舊肉我，我都無咁嬲，五舊骨，建議唔洗去食…查看更多

平時觀塘lunch食開嘅餐廳無位，見呢間無乜人就諗住是但食算，自問對食物要求唔高所以無乜所謂。。。不過呢餐令我呢個平時無乜要求嘅人都想獻出第一篇食評。因為阿媽好慳家嘅關係，屋企經常斬叉燒食唔晒就雪返，之後微波爐返叮再返叮食幾餐。而呢度嘅叉燒一入口果種非常熱嘅溫度，加上乾爆嘅口感，我肯定佢至少返叮左兩次以上，真係比到我家嘅味道。。。隻煎蛋同菜都算係正常嘅，睇人食肉餅都好似幾正常，可能純粹係我黑仔啦，不過咁嘅質素真係無下次。…查看更多

🤙🤙椒鹽鮮魷，小炒王，川味炒米粉，黃金魚皮，妙齡乳鴿，以上嗰幾味都可以值得一試，其他菜式喜歡嘅可以嗌，大家一齊分享美食💆‍♂️💆‍♂️，觀塘有好多好嘢食，希望大家食得開心…查看更多

係官塘返工，但附近實在太多好嘢食，不過而家因為疫情所以多數都係買返公司食🥲但我對呢間嘅外賣情有獨鍾，尤其係佢嘅獅頭鵝鵝腸飯😍真係差唔多一個月都會食幾次，不過個飯偏乾，所以記得一定要嗌多汁！哈哈😂佢個獅頭鵝好嫩滑，一啲都唔老，仲好入味👍🏻鵝腸都好爽脆，四十幾蚊一個外賣連野飲，性價比都ok，有興趣可以試下🥰…查看更多

在觀塘上班很久，從來都未試過這間餐廳。今次同事建議，即管一試。店內用餐人數不少，特別喜歡它有很多圓枱，與三五知己來吃飯特別溫馨。午餐時段，有幾個餐可以選擇，價錢很不錯。有港式的蒸魚配白飯，亦有肥牛酸辣米線，適合不同人的口味。同事說蒸魚可以再Encore，我自己揀了肥牛米線，牛肉太肥， 10塊應該有6塊都是肥肉，真的不敢全部吃掉… 湯的濃度可以增加少少，反而辣度太多，如果米線食開小辣的，要注意，記得叫番杯凍飲。因為價錢不錯，雖然今次叫的米線不是十分喜歡，但仍然會在外，試試其他菜式。…查看更多

一行6人去到裡間食嘢(朋友介紹)認真唔錯，我們叫佐招牌酸菜魚，乳鴿，仲有鹵水拼盤，我們仲自購佐海鮮去加工，(朋友話此店可提供加工服務)而且價錢合理。今晚個個朋友嘟滿意，服務又好，親切。下次一定會再來。…查看更多

朋友介紹所以去試下，環境一般但食物質素中上。推介紅燒乳鴿，乳鴿皮脆肉嫩，多汁入味，而且比好多地方整得好食。沙拉骨而家好少地方有得食，骨調味香甜小小脆，配埋沙拉醬真係好開胃。水煮牛味道都出色，辣味愛而且辣度適中。餐牌有好多選擇，難得有大排檔選擇加埋有川菜，啱哂一大班朋友聚腳。喺觀塘區來講較易搵位同適合放工時間飲野食飯。Overall 味道唔錯，而且味道好，雖然環境非常一般但食物份量足，可以再去試埋其他野食。…查看更多

第一次咁有心機寫食評……..$50 咖喱雞飯，碟白飯好大碟，然後碗咖哩水（因為稀，亦冇乜味），可能碗水好滿，以致令到裡面更稀落..裡面有洋蔥碎，兩粒薯仔，雞中翼、幾粒煲爛雞肉碎連骨連皮，完！極中肯食評，我知今時今日做食唔容易，但我出黎堂食都唔容易….我已經唔叫$30零既下午茶，都唔係話要求食得好 ，想食得好都唔係去呢度…..只係想正常食餐唔係外賣….結果食唔夠半碟就想走…..亦令我好決心認真寫第一次食評….…查看更多

星期天我方一行10人到大潭水塘行山，由於全部觀塘友一早去電"味力香港"訂位晚餐，預早幾天去電留座9~10位，人多晚餐就係過熱鬧不過。當我們入座都非常肚餓，店内餐牌點了多款菜式，美味！此店不設加一，最後9人消費$1,784, 非常抵又好味，推介。由於早訂枱及超過3份2人打疫苗，餐廳安排坐大圓枱附有轉盤，方便。…查看更多

呢間餐廳菜式好多，有粵菜，潮州菜同埋川菜，鐘意食川菜既朋友一定要試下，整體川菜最好味👍🏻好足料，味道超正，抵食，個盤都好有氣勢乳鴿炸到皮脆肉嫩，多汁，好入味🤤辣子雞配上花生，好味到停唔到口，雞粒炸到皮脆肉嫩，仲要超入味，簡直大愛呀🤤一定要趁熱食同正宗雞煲相比失色，鮑魚好少👎🏻炸到好香脆，稍嫌個底比較油同埋多粉墨魚頭好爽口，介蘭都好嫩，好夠鑊氣，味道唔錯免加一，茶芥…查看更多

今次係第2次黎食，上一次試左水煮桂花魚同辣墨魚頭，覺得唔錯，所以今次再黎試酸菜桂花魚、蠔餅同花雕乳鴿，加墨魚頭。酸菜魚入面仲有薯粉，辣度岩岩好，岩哂我呢d唔食得辣。蠔餅都算大份，略嫌炸粉多左少少，有2隻醬提供，味道唔錯。花雕乳鴿幾出色，有驚喜，花雕味唔會過重，易入口，肉質幾嫩，入味。墨魚頭入面有少少青瓜木耳，墨魚頭好彈牙，好有咬口，略嫌份量少左d。員工服務都ok，有禮貌同會介紹下d食物。上菜都唔會要等好耐。…查看更多

朋友推薦，便去試試。蠔餅大大份，粉薄蠔靚，食到我不吾到口！水煮牛也味道不錯，不過有點太油！另點了個酸菜魚，魚都算幾滑幾大條，好抵食！環境就真係一般，服務及衞生也是。…查看更多

今日同朋友夜晚係觀塘食飯，去到日升中心，見到餐牌幾吸引入左去食。餐飯order 左乳鴿椒鹽鮮𣏞,鮑魚雞煲，海鮮炒飯。野食方面除咗炒飯，其他幾樣都合格有餘。正當差不多完成晚飯時，突然有東西係我背上落黎，我轉頭先發現原來係隻老鼠，當時餐廳仲有另一台食客都見到這個情況，而店員亦將老鼠掃走，連俾我影張相的機會都無。當我一邊整理衣服時候，店員只解釋係商場問題，完全無歉意，更加沒話會多加留意，並話他們都沒有辨法，也無諗過補償或交待一下。佢地完全無講話會點處理和日後如何阻止同類型事情再發生。。。嗰陣時，有個女職員態度頗差，不斷hea回應和處理，難道這類事情，他們見慣不怪？我同朋友感覺好不舒服，即刻走，有位男店員話可以給予我們折扣，嗰位女職員立即前來阻止，話不可以有折扣。認真，我們唔係貪佢哋個折，而係個女職員毫無認真處理，也無理會如何向客人交待。呢間店舖衛生惡劣，職員態度極差，更係立即離開。最後，這餐飯共食左$388。如果大家想食老鼠餐，歡迎前去體驗。…查看更多

同老友補吃遲來的生日飯，這裡就近她上義工的地方，且她說出品不錯，便順理成章成了她的飯堂。推介的幾味菜果真有水準；紅燒乳鴿肉嫩入味；生啫通菜又係條條翠嫩，蝦醬香而不過鹹；酸菜魚惹味份量足；生炒骨做得很酥脆，size剛好一口一個，坊間很多都做得大大嚿，吃得很不過癮。價錢合理、味道不錯，值得再來！#梅汁有幾番茄仔 $38#紅燒乳鴿 $42/隻#生啫通菜煲 $78/例#酸菜煮桂花魚 $150/例#生炒骨 $78#味力頭抽炒麵 $68味力HK地址: 觀塘駿業街56號中海日升中心地下D-G舖電話: 23501855…查看更多