吞POT 雞煲火鍋.住家菜 (山林道) (已結業)

琴晚同女朋友去試下，餐廳環境不夠光猛，但員工服務都不錯。叫左個芝士響鈴，係幾好食，裏面芝士好味道就好似卡x芝士，脆肉鯇魚都爽口，雞煲d雞好滑同夠藥材味👍，豬腩肉都好食。不過價錢算貴，呢個價錢我會選擇去一x堂食

朋友約星期五打邊爐，睇OpenRice 話呢間勁多like, 就不妨一試。上樓舖，一入去發覺大陸客人居多，心想可能是網紅，一定不錯。叫咗半隻香辣雞煲，開煲蓋好大麵鼓醬味，雞滑味道不錯。食完加湯，之後點了頂級雪花肥牛，牛味可以，但太薄。自創爆芝響鈴，好味。脆肉鯇片，炸魚片頭，魚皮，手打牛肉，滑嘟啫，韮菜餃，雲吞，午餐肉全部普通，味道一般，最重要份量很少。賣單$2000, 冇海鮮，呢個價可以有很多選擇，物非所值。

我鐘意打邊爐 朋友就鐘意食雞煲Why not both ？上openrice 搵左間食雞煲火鍋 見個名幾得意 吞pot 岩曬番工番到無左半條命既打工仔 即係本人是也環境幾好 好闊落 唔似平時咯d打邊爐 枱貼枱 打邊爐 其實我鐘意屋企打但又要買野 打完仲要洗煲洗碗🤣.🌶🐓重慶麻辣雞煲 ($178)雞件半隻唔算多 但雞肉好滑 唔鞋 亦唔會乾爭爭食得出唔係冰鮮雞隔夜雞 👍🏼雞睇落唔算多 但食食吓已經五成飽 可能都幾大舊既關係食完雞煲 店員都主動幫我哋加湯 打邊爐所以為咗唔浪費食物 我哋只係揀咗多碟牛同響鈴.🐮牛三郎 ($278) 有雪花肥牛+牛肋片+牛柳粒好多枱都會叫牛 接近 9成人個人覺得雪花肥牛最好食 好有牛味 而且快熟 1 0秒搞掂牛肋片 內質較肥牛結實肥美.🥠自家製即炸芝士響鈴 ($75) 即叫即炸上枱咯陣時仲熱辣辣 好邪惡 響釣入面有芝士 今次fat fat 啦芝士一放落湯到即溶 好重芝士味但唔膩一定要試 食到好飽 🤤🤤 📍呑Pot地址:尖沙咀山林道38 銀座38 12樓 全層#happychillii尖沙咀#happychillii邊爐

而家坊間真係開左好多唔同形式既雞煲店，黎不開食完個辣雞之後加湯落去，再叫唔同既配菜打邊爐，但呢加我個人覺得雞煲湯底多選擇，同埋食物有自創，絕對係有心思的！我同個朋友都好早，6點幾就到，我見openrice有券買，真係好抵，某兩款既雞煲半價。客人一嚟到，侍應即刻遞上調味料自己調製。等開飯我叫咗個滋補花膠雞煲半隻，真係好足料，啲雞真係好滑，同埋啲花膠嘅份量真係好多。我哋食到咁上下都冇加湯，直接用返呢個湯底打邊爐。先介紹自創爆芝響鈴，新鮮炸起，入面充滿芝士，好正，必點！之後叫左份韭菜餃同埋魚皮餃，打邊爐必點！最尾加多個油麥菜，去到尾聲連啲湯都飲埋，正！

好耐冇食過雞煲，聽朋友講呢間雞煲幾好食，啲食物好新鮮，仲有啲好特別嘅雞煲，所以今晚就約埋朋友嚟試吓。因為我book咗枱6:00 ，都算係早，所以我去到嗰時都係得果兩三張枱，不過我食到七點幾走嗰時都已經坐滿人，所以下次嚟都要book定枱。一埋位侍應就比唔同嘅調味料你自己加，侍應真係好好禮貌。今晚就試咗呢一個滋補螺片花膠雞煲，湯底好清，花膠都幾重要，半隻雞兩個人食剛剛好。花膠真係好足料，雞真係好嫩滑。呢個係自製韭菜餃，大大粒，韭菜味好香濃。油麥菜好新鮮，放落湯度淥兩淥就食得。最後叫咗佢帶大檸茶，真係好大杯，其實一晚叫一杯嘢飲都已經夠。

有睇開我地既，都知道我同大人好鍾意打邊爐！早幾個月去過食太子嘅吞Pot，之後又食過旺角果間吞Pot。今晚黎開尖沙咀，點都要食埋尖沙咀呢間😂渣左車，附近最好泊最近，應該都係美麗華廣場，泊左架車，之後就行過去山林道。同其他分店一樣，夜晚9:30後入坐，火鍋配料同小食都係半價。早左上到去，佢地都好好照計我地半價比我地入去😄重慶麻辣雞煲 半隻叫左BB辣，都食到，好野味，一舊接一舊。食完就可以加湯打邊邊。頂級安格斯牛小排之前叫開極品本地手切牛頸脊，不過真係好大碟。所以今次就試另一款牛，啲紋理都好靚。唔太肥，又唔太瘦，好味！蟹子墨魚滑好彈牙！加埋蟹子好好味！牛柏葉好爽好好味，滾一陣食得！自家製鮮蝦雲吞自創爆芝響鈴呢個係每一次黎都要叫既，真心肥，不過堅好食🤣必食！滾一滾，入面啲芝士溶溶地！野生竹笙吸晒啲湯好好味！好野！佢地間間分店都keep到水準！

新發現，同學仔帶我哋6位黎午餐，1:00上去都有位，環境舒服，食物質素好，侍應又親切，重點係有我鍾意食嘅銀針粉，魚湯底，有蘿蔔、魚鬆，仲有鮮蝦添。價錢非常相宜，套餐仲有烚菜和飲品跟，又有例湯送，例湯要講下喇，冇味精，又唔會淡而冇味，一流的住家feel。

好多時食雞煲或者打邊爐都係去任食餐廳，所以今次嚟吞pot真係好期待，因為有朋友介紹過佢嘅食材係非常新鮮！一入到去，都未坐低，侍應就拎咗啲醬料俾我哋。醬料嘅選擇都好多，最欣賞佢嘅就係嗰醬料架一啲都唔油膩，睇得出餐廳都幾注重衛生！至於食物方邊，選擇都係包羅萬有，基本上一啲火鍋店常有嘅食材，呢間餐廳都有提供！唯一令我非常有興趣嘅就係佢嘅自製爆芝士響鈴，所以我都有叫到！雖然呢間餐廳主打雞煲，但因為朋友前幾日先食咗雞煲，想食清淡D，所以就揀咗火鍋。湯底方面，我地揀咗個最普通嘅豆腐清湯鍋！除咗豆腐之外，湯底仲有好多菇類！我飲過一兩啖啲湯，味道都唔係味精，所以喜歡清淡嘅朋友真係可以一試！至於食物，始終兩個人都唔能夠叫太多嘢食，所以我哋叫咗丸類、肉類、菜類同埋剛才提及到嘅自製爆芝響鈴呢個手打四寶丸，真係真材實料！食得出係用食材無添加製作，尤其係墨魚丸，墨魚味非常之重，唔食開嘅朋友可能就有啲唔習慣啦！打邊爐真係唔可以唔食牛，我哋就叫咗個特級美國肥牛。價錢的確有啲貴，份量又唔係好多，但係食得出牛味非常重，的確係一啲頂級嘅牛肉！所以真係對得住個價錢呢！至於芝士響鈴，真係好正！！咁多碟食物，佢係最遲到達，侍應

「吞pot」呢個品牌之前同朋友食過， 雞煲惹味好食， 而且打邊爐嘅材料又夠新鮮， 款式又多， 價錢黎講性價比又高， 所以上次同班friend話想打邊爐， 我就介紹咗呢間位於尖沙咀山林道嘅分店。尖沙咀分店嘅地方唔算好大， 不過坐位就非常寬敞， 打邊爐嚟講一啲都唔會侷促。 最吸引嘅地方係有一個特大嘅露台， 可以飽覽尖沙咀嘅市景， 涼涼哋嘅話， 三五知己坐喺出面打下邊爐、飲下酒， 的確幾爽。呢度最出名嘅就梗係重慶麻辣雞煲啦， 唔係太食得辣嘅朋友都唔使太擔心， 因為下至bb辣， 上至大辣， 任君選擇。雞煲嘅份量相當多， 而且雞件亦都好厚肉， 肉質亦非常之嫩滑。 至於味道就夠曬惹味， 花椒夠麻夠香， 而且易食得出有多款香料， 味道又唔會太鹹， 十分之惹味。配菜冬瓜片夠下火， 用冬瓜來打邊爐， 可以吸收曬雞煲嘅精華， 非常之入味。特別推介自創爆之響鈴， 喺脆卜卜嘅響鈴裏面包入咗片裝芝士， 炸完之後外面金香酥脆， 裏面嘅芝士流心， 就算唔用嚟打邊爐當小食咁食， 同樣滋味。特級雪花牛肋片， 色澤通紅， 非常新鮮。 而且肥瘦雪花分佈平均， 牛味又夠濃， 以咁嘅價錢嚟講有一大碟， 相當之抵。炸魚皮攞上枱嘅

早排放假行開尖沙咀見到呢間雞煲上openrice見到食評唔錯就上左去試除左基本既雞煲外佢仲提供左好多肉同小食當中最吸引既就係各類既手打丸因為上黎之前已經聽講過係好好味我地兩個人去叫唔到太多野食啦所以我地只係叫左個花膠雞煲，手打墨丸，象拔，同埋芝士響聆黎到發現花膠好足料又大舊半隻雞既份量都夠曬兩個人食再加上有螺片配料未到已經知道今餐一定會好食！值得讚既係佢個湯底感覺好足料飲上去完全夠味手打丸每粒都好入味同埋彈牙象拔份量夠加上好爽口芝士響聆呢個真係值得推介多幾次充滿芝士既香滑仲要有打邊爐必食既響聆加埋簡直係絕配祿完既象拔仲要充滿花膠同雞煲既香味好吸引呢張相可以睇到佢舊花膠真係好高質

今日約左男朋友係尖沙咀食晚餐突然想食花膠雞湯打邊爐醒起有朋友介紹過依一間 — 吞POT 雞煲火鍋.住家菜 於是就黎左試一試一坐低店員就放上調味料 自由配搭餐廳座位舒適 位置亦都唔會好迫有空間坐起黎嚟幾舒服一張餐紙前後兩面唔同嘅款式可以揀滋補螺片花膠雞湯花膠份量非常多 厚身花膠已經煮得十分稔膠質豐富 養顏之選螺片份量都唔少架大量新鮮螺片 一片片鮮味十足兩個人半隻雞都好夠食啦 雞肉嫩滑手打四寶丸牛丸、蝦丸、墨魚丸和黑墨丸每樣兩粒 岩晒兩個人 全部口味都試到 彈牙爽口 唔錯唔錯唐生菜大大兜 拆開一片片方便食用 新鮮爽口又健康自創爆芝響鈴新鮮炸起 裡面夾住芝士 獨家自創款式咁就緊係要點黎試下 兩個人點左一份三條脆身香口 配埋芝士 浸兩下湯底食起黎好滿足 值得一試

今日放工同男朋友諗住行吓街，食吓飯，傾吓計。又想搵個地方靜靜地傾計🤡咁我就突然之間醒起有一次同朋友去山林道一間打邊爐😍好有印象係因為間野嘅內在環境好好，落地玻璃👍氣氛一流，空間感好足夠 喺山林道銀座38號12樓一出lift就見到全層都係呢間雞煲吞POT。我6:30已經去到啦！所以人流唔算好多，但係食食吓我哋走嘅時候八點，都坐咗有七八成嘅人👍入座率都幾高下 一入到已經俾咗一盤好多配菜嘅調味盆我哋，好乾淨啊 我好鐘意 ❤️因為之前已經有同朋友嚟食過，知道佢嘅煲嘅份量都唔少。而今次得我同我男朋友兩個食，所以我哋主打都係一個煲加公仔麵同埋豆腐就OK啦🤓其實佢價錢係中上既 不過睇得出佢啲食材幾新鮮👍佢啲花膠同埋雞都唔少，我冇認真計過，但係印象中記得花膠都有八九舊，雞都有十幾舊，所以都幾抵食我覺得所有打邊爐或者雞煲都要配出前一丁，因為真係佢吸收晒湯底嘅味道， 好夾嫁真係 🤡

食悶左一般打邊爐既湯底 見到呢間火鍋店有螺片花膠雞煲邊爐 就黎試一試啦！入到黎環境唔錯 d檯幾闊 空間感夠坐低後侍應好好咁即刻拎咗醬料盤俾我哋揀醬料選擇都幾多 有成七八款任簡菜式方面 餐廳都有唔少各肉類、海鮮、丸類、蔬菜、麵類等我地2個人食 所以唔係叫左好多野揀咗半隻海螺花膠雞煲然後加咗芝士響鈴、手打蟹粉墨魚丸同埋一杯大檸樂個湯底望望落奶白色雞煮得啱啱好 嚟到店員話已經熟咗可以即刻食食落去有雞味得來又唔會好鞋口依然食到雞嘅嫩滑口感至於湯底望落奶白色都知道好飲啦飲落去唔會太鹹 而且唔會飲到味精味花膠亦都煮得好淋配料方面 手打墨魚丸入面會真係食到一啲蟹粉蟹肉食落去幾特別 唔係一般出面食到嗰種另外一樣我好鍾意嘅嘢食就係炸芝士響鈴咬落去索曬湯汁已經好味仲要有芝士喺入面 做到流心爆漿嘅感覺！打邊爐點可以唔飲嘢呢？我哋就叫咗一杯大檸樂share杯嘢飲大過我手板 2個人飲啱啱好整體來講呢間餐廳我覺得值得一試一來雞湯可以飲二來食物質素高大家快啲一齊嚟吞pot一下啦！

見返好耐冇見嘅中學同學，最適合嘅場地莫過於打邊爐，烚吓烚吓，就憶述返讀書時期嘅烚戇一二事胃民遲到，久久未到，醬料先到，慢慢調製屬於大胃獨特嘅醬料先，如果有埋芫荽就好喇胃民終於到喇，嗌返上次喺油麻地分店食完好回味嘅花膠雞煲先，好足料呀趁啲湯未蒸發晒，快啲飲多兩碗湯，因為佢一加湯，就會淡晒上次打邊爐有胃民建議食牛頸脊代替肥牛，咁樣成煲先唔會起晒油，所以今次就嗌牛頸脊，無損湯底嘅純淨芝士響鈴魅力沒法擋，上次食完今次返尋味市面唔常見嘅芒啤，點都要送吓火鍋卅幾蚊杯係貴啲，不過超級大杯烚完之後，覺得自己滋補不少，聽日各自返工生活，繼續努力烚吓烚吓啦

雖然三十四度都想打邊爐 入去吞pot 要咗個螺片花膠雞煲半隻， 湯底好濃， 雞同埋螺片花膠都好足料。 花膠唔係人哋出面薄薄鼻涕嗰啲， 而真係一塊塊有咬口。 打完邊爐飲返個湯都好好味。炸魚片頭 前菜小食 ，不過不失。 手打牛丸， 有牛味但唔算好彈牙。 但最驚喜嘅就係爆芝響鈴。 師傅made-to-order 。送嚟嘅時候已經脆卜卜，唔使浸湯都可以即食。 如果浸埋一秒鐘湯， 更加冇得彈。 外面浸咗湯淋淋地 入邊就脆卜卜， 中間仲有芝士流出嚟， 回味無窮。 必食之選