君頤上海小廚

營業中

休息中

今天天氣十分炎熱，就和同事近近地去食上海嘢。我們叫了雲吞拉麵、排骨麵和當然我的至愛上海小籠包。小籠包嘅皮不會太厚，內裏嘅肉汁十分鮮甜而油分又不會過多，很讚！至於雲吞拉麵和排骨麵很好味，麵底分量夠和很好吃。雲吞夠香和排骨夠爽口👍👍👍餐廳環境唔錯，都算舒適，對上班族可算是一個可透透氣和放鬆一下嘅餐廳。

每一次來對身體都是挑戰，凍到震。商家話改唔到，我覺得係唔肯改。可能係錢嘅問題。冬天還好，因為本身d衫著得多，夏天d衫本身就單薄，著住冷杉都頂唔順。食物方面，我覺得好食過王家沙，不過差過翡翠拉麵小籠包。

諗住晚餐近近地黎食，點知啲待應服務態度奇差，由等位叫號碼已經無望人，講野態度好差好寸，仲大大力搶走手上面份menu，依啲態度真係唔要得，各位唔好黎俾錢買難受。🙌🏻

閉啦!減肥遇著下午茶時段$30起，免茶芥加一。。。仲咁啱忙到冇食妟，超餓。。。。死就死啦，踩多兩個圈單車囉……上海菜又係至愛之一。平日午市好爆，今日下午茶，好清閒喎!以為點心或甜品加主菜。原來係點心加甜品加主菜加豆漿。$48滿足。

上海菜雖非我所愛，偶爾一嚐，一樂也，君頤也是不錯選擇。擔擔麵略淡正合我意，麵質軟硬適度。小籠包像是上海菜必吃之選，這裏也不會令你失望。我特別喜歡蔥油拌面，油香，又滑又彈牙。室內裝潢是傳統中式，很有氣氛。

假日門口帶位男職員應該是經理。態度惡劣。見到熟客笑騎騎。不用等位不用拎飛。街客就死都要你一定齊人先入得。一行8人其中老人家行得慢。門口經理死都唔俾你入...一定要你齊晒人一個都不能少。結果俾下一張枱入...一間餐廳要等一張8人枱不是易事。老人家從樓上落緊樓。相差不用5分鐘。結果經理叫4人入叫3人入...老人家lai到叫我地分枱坐...這是什麼服務態度？開正屋苑樓下...都是貪間餐廳方便...食物算不上很好...環境一般...價錢不是平宜...何以可以這麼高姿態？最後轉食附近其他餐廳....這間絕不再光顧

約了太太中午去食Lunch,  太太先到, 話要人齊先可以入, 唯有取菲等位 。 ... 等了15分鐘,  我到了但已經滿位,  要再等,  又再等了15分鐘,    有人食完走,  以為有位,  點知佢叫5人,  (四人枱 + 圓凳在路口) 。再等, 又有人食完走, 今次叫3人枱, 再叫4人枱.   (當然太太張菲早過依D人好多) 。去同個經理友反映, 佢態度極度惡劣, 話無位,  話果D係3人枱,   (唔好玩哪, 加張圓凳變5人枱,  坐少一個變3人枱 !!!!) 唔再等,  掟返張菲落Counter,  經理講句"垃圾虫"秒嘴秒舌 ,  .....  . .. 同佢炒左幾句就走。以後唔會再去。

本身是太古城居住。貪此餐廳在屋企附近。一向服務態度都不是好。平日夜晚十分靜。不會坐滿。是假日先會有人等位。一到有人等位就好似烏鴉戀鳳凰...一定要人齊先可以入。差一個都不能少。有時一行十人。差一個都拒絕我們入坐。都算。今晚一行8人。等左一輪。因為小朋友人有三急行開左。同經理講已經到齊。他一口拒絕說差一個都不能入。等了很久再有叫我們8人。經理說有一張6人枱。另外兩位坐另一張枱。入到去一張6人枱。隔離一張4人枱正埋單。一心諗住等4人枱埋單後就會一齊坐。誰不知等執好張4人枱後。不是給我們。經理說另外兩位是坐後面的那張6人枱。跟另外4人搭枱坐。跟經理理論。有腦都唔會咁樣叫客人分開坐。我咁樣分枱坐法。點解我唔一早拎兩張細枱坐。我使咩拎張8人枱？？？經理理直氣壯說一早講左。完全唔理客人投訴。只能祝你好運。如果唔係貪間餐廳近。我是不會光顧。食物一般。態度極差。環境不算得很好。食物價錢偏貴。此餐廳不會再給機會！！！

正當除夕大部份人都去食西餐，我地食中餐，呵呵呵，可以不用排隊﹗今次去太古的【君頤上海小廚】，其實屋企樓下都有一間【翔龍】，不過最近越來越難吃，仲要越來越貴，價錢加了，份量又同時少了，所以現在都好少去翔龍，曾經上年沒有工人姐姐的時間，翔龍是我地的飯堂呢﹗現在寧願行遠少少去太古吃﹗冷盤 $88 可任選 3款﹗牛展的味道不錯，淆肉只有我吃，我總是喜歡吃『肥肉』，以前瘦的時候沒有什麼問題，但是現在...真是要戒口了﹗又少做運動﹗ 醉雞是老公的最愛﹗ 上海粗炒十分美味，最重要是大頭妹和小丸子都喜歡吃﹗ 炒鱔糊，原來只有老公吃，下次都是不要再點了﹗ 銀絲卷點比大頭妹小丸子的﹗入面真是一絲絲的傳統銀絲卷，其實都已經買少見少﹗ 砂鍋什錦 $88 真是好抵呢﹗我覺得好過吃砂鍋雲吞雞，反正煲完湯的雞又沒有人吃﹗這個砂鍋什錦有豬肚﹑蝦仁﹑蛋角﹑豆腐，更加岩胃口﹗ 煎鍋貼每次上枱都熱辣辣，仲好多汁﹗ 第一次點這個蛋白蒸蝦，味道不錯﹗

Lunch 時間過嚟食，入坐時間13:10，叫咗兩客排骨麵，經理都打定底話要整耐少少，ok 嘅好早啫等吓冇問題...到撘十，終於見阿姐捧住兩客炸排骨，心諗終於有得食嘅時候，另一個侍應截咗糊，將兩個麵俾咗另一枱遲過我哋嚟但啱啱追單嘅客... 同經理講佢又話我哋嗰份仲整緊，等多陣就有，結果搞到兩點二先上。ok 講翻食物質數，水晶肴肉冇味兼一夾即散，小籠飽一上已經穿，麵湯底同清水冇分別，不過杯茶ok 好飲。總括：一定唔會再幫趁

態度 : 1) 叫野食等好耐都冇人理2) 野食黎到，店員竟然將食物成碟飛埋黎，玻璃碗碟撞到枱勁嘈勁大聲，仲要秒嘴秒舌，完全冇禮貌污糟 : 有一隻完整有毛既蟑螂腳在食物(醉雞翼)中發現後立即離開現場實在失望

本人在此店光臨期間，此店員工曾兩次「落漏單」，經過多番催促，仍然「落錯了單」。 另外，此店的環境衞生十分之惡劣。本人對此店的評價為十分之差，可以有更多的進步空間。

雖然呢間餐廳唔算近地鐵站,遠離繁忙的市中心,但我地每次去光顧,都唔需要排隊等位 我去過好多間上海餐館,而呢間餐廳的小籠包的皮係最薄 D肉又夠鮮嬾,d汁又夠鮮甜,諗起就流哂口水 而且又抵食!環境又唔錯,乾淨企理如果佢係係市中心的話,例如銅鑼灣、尖沙咀和旺角,我一定會成日去幫襯! 

返工午飯試一下新的餐廳，就跑到太古城這邊的上海餐廳，人滿多的。 酸辣湯拉面酸辣湯的味道不夠，酸味及辣味偏淡，拉面口感較硬及偏乾身，不好食。總結評分味道:5/10 價錢:4/10 (約70)環境:6/10服務:6/10

話咁快又到我們的一星期一次的LUNCH GATHERING了今次去食上海野，LEE間野LUNCH時間都幾多人架，所以就人齊先可以入座喇雪菜咸肉炒年糕~~~唔好睇佢白雪雪，味道都剛好素鵝~~~香脆又唔太油，好味生煎包~~~煎得夠香脆，SIZE唔太大GOOD，咬下有湯汁NICE排骨拉麵~~~排骨炸得香脆又唔會乾，味道剛好，湯拉麵清清地，好味！南瓜煎軟餅~~~油左D，但味道好好