名門讌客

10點都未到，就畀個午餐manu你,大把位無人坐，叫你坐個角落頭，重要污糟邋遢邋食物味道正常，係個牛肉腸勁難食不過望住將枱就唔關胃2個人食，埋單$408,真係無下次…查看更多

好耐冇同屋企人去飲茶，三個人叫咗差不多十款點心，個個都食到捧住個肚返屋企～咸水角好脆好煙韌！燙青菜健康美味！蝦腸口感嫩滑！必食蝦餃叫咗兩籠！小籠包肉汁滿瀉！菜苗餃有菜又有蝦肉，味道一流！仲有好惹味嘅鳳爪！正啊～…查看更多

食物新鮮 地方環境舒適 各位職員友善兼服務一流 另類演出特別鳴謝： 高級南京李為客人上湯時表演枱上碗，在未經同意下移客人用膳中的食物及碗筷 。實屬大開眼界，師公係勁呀 比個like 你！…查看更多

早茶時段：鳳爪排骨飯：飯就唔錯：鳳爪入味，容易甩骨：排骨食落去都有肉味鹹魚肉餅飯：鹹魚，中規中矩合格：肉餅都OK飯就比較濕：唯一一個美中不足蝦餃：啲蝦係彈牙：醃嘅味道唔夠濃郁…查看更多

一家人食飯有時候中菜的確係一個好好選擇，好想分享這間真心性價又高又好食，而且仲係極少人介紹每次去都忍唔到叫好多個菜式，原因係佢有時候有d限定優惠好似片皮鴨先98，仲要係有誠意果隻，原隻拎出去，係你面前慢慢片，而且皮仲係好脆大時大節梗係要整個龍蝦伊麵嘆嘆啦，龍蝦肉都幾多拔絲黑豚肉，必叫 ，外層個皮超脆，入邊豚肉唔係平時好粉好腍果種，好食 😋蒜蓉粉絲扇貝，都好新鮮，但size唔算好大茄子四季豆好岩送飯 燒味質素都係好唔錯，而且店員服務好細心 ，超級推薦…查看更多

星期日最鐘意就同屋企人去飲茶，呢一間酒樓次次都唔洗等好耐位就可以入去，應該係因為價錢比較貴既關係，不過最近我地屋企既得呢一間酒樓，所以冇辦法只好次次都係食佢😢😢每次一黎到都係叫左藥膳鳳爪先😋首先因為媽媽超鐘意食鳳爪🤣同埋雖然話係藥膳鳳爪但藥膳味唔會真係好濃，好易入口👍🏻同埋鳳爪都好鬆軟好好吮，一吮就會脫骨，超易食👍🏻之後再叫左啲炒米粉、燒賣、腸粉、排骨、鴨腳扎...都係啲酒樓必食點心👍🏻如果唔係滿座呢到上菜速度係幾好的🤣👍🏻…查看更多

屋企煮飯煮到唔知食咩？好樓下有間酒樓都一個唔錯嘅選擇依間酒樓飲茶就飲得多啦，都係第一次食佢啲晚飯時間段炒嘢片皮鴨唔洗一百蚊一隻幾乎每台客都會叫嘅餸隻鴨由經理係一旁片好再分畀幾台客，我哋3人每人都可以包到4-5份，份量都好足夠至於味道就中規中矩，鴨有少少騷味（尚可接受）皮嫌未夠脆，有機會係一次分幾台嘅關係另外都有加錢嗌咗個茄子炒鴨架 味道一般，茄子比鴨好吃，重口味，但係茄子比鴨仲要少，每人都係得2舊另外叫左個海鮮孖寶B餐澳洲龍蝦加錢用芝士焗，龍蝦肉再配以芝士，奶香味加鮮味原來可以咁夾，啖啖肉，真材實料！我覺得這道菜式重點不是龍蝦，而是吸收了龍蝦精華湯汁的伊麵！明知有幾肥都忍不住吃了2碗另一道脆皮雞，雞皮皮脆肉嫩，脆過片皮鴨☺️☺️好吃呀！…查看更多

懶懶地，外賣片皮鴨🦆 + 自己炒個菜心☘️片皮鴨🦆入口略帶少少油脂，鴨皮算薄身同香脆，唔太肥膩❗冇咁邪惡😈、冇咁高膽固醇😅。而肉質juicy 同軟腍 、唔乾、唔柴😊而京式手工饃饃皮有差不多20塊，2人食好足夠❗仲🈶青瓜條🥒、京蔥條，再配上海鮮醬，一齊包住饃饃皮吃，多重口感同味道，十分滋味😋另外，女職員原本建議：兩食，即加＄50，會有一個涼瓜炒鴨肉，但係因為我哋只有2人，食唔曬。所以她建議：加＄20，買埋成隻鴨殼（連肉）、鴨髀肉同埋鴨頭頸，咁，明天就可以煲個鴨肉粥🤗…查看更多

今日好開心同屋企人去咗天水圍附近嘅一間中式酒樓，名門宴客，食一個午飯，食物超高水準好高質素，住天水圍嘅人一定要去啊，一間酒樓位置於天秀站附近，一落車行3分鐘，到達天一商場嘅3樓，就會搵到呢一間酒樓啦，我同屋企人叫咗叉燒腸粉，燒鴨河粉，乾炒牛河，同埋福建炒飯，全部都係即叫即整，全部熱騰騰的，真係好新鮮呀，而且呢度嘅服務質素都非常之高，每一個侍應服務都係好有笑容，真係好有親切感，有賓至如歸的感覺，而且佢哋都會好細心咁幫客人斟茶遞水，真係好開心呀，我覺得最值得一讚嘅就係佢哋嘅乾炒牛河，佢哋嘅乾炒牛河係好新鮮，即炒，河粉好友銀度，而且個點心燒賣，都係老字號，啲肉質好鮮嫩，好好食呀，牛肉球都係好高質素，分量十足，所以好啱一家大細嚟飲茶食飯，仲有傾偈都係個好地方嚟㗎， 100分嘅茶樓…查看更多

前幾個禮拜來名門飲茶，覺得點心質素麻麻，今日再來，發覺質素好很多，特意寫篇食評，幫佢平反。😂午餐套餐套餐有上湯瀨粉和2隻脆皮燒乳鴿，$108，好抵，味道都唔錯，乳鴿皮脆肉嫩。鮮蝦腐皮卷鮮蝦腐皮卷非常膨脹，很多蝦肉，夾雜類似芥藍粒還是筍粒的東西，有層次感，真心好食。鮑汁雞腳鮑汁味道可以，但雞腳無膠，炆的時間應該不長。蜂巢荔芋角上次見到很多人點，這次我們也點了，酥皮很脆，芋泥裡有些口感煙韌的食物，吃不出是什麼，像是蘑菇又像是煙肉，但有點膩，食一個就夠。椰汁香芒卷口痕，點了個甜品，糯米皮有Q感，芒果濃香，不錯！…查看更多

第一次來名門讌客飲茶，茶樓好大，金光閃閃，大電視熒幕可能因破裂關係貼咗兩塊膠紙，咁啱播緊新聞，膠紙正正坐落喺主播面上，好搞笑。😂😂4個人，點咗出名嘅蝦餃皇和兩個套餐，味道大致上OK，都有少少驚喜。名門蝦餃皇（$30.8）阿姐極力推薦蝦餃皇，真係唔錯喎，皮薄餡靚，大大粒，多肉又多汁。粉麵孖寶套餐（$138）套餐包1個粉麵飯和3個點心，我哋點咗肉絲炒麵、鴨腳扎、香煎蘿蔔糕和煎釀茄子。肉絲炒麵：麵比較幼，炸得香脆，但味道較淡，加醋食好味啲。煎釀茄子：有驚喜，茄子係蒸的，唔油膩，釀蝦滑好厚身，好味！大煲飯餐（$58.8）套餐係鳳爪排骨飯加一碟生菜。鳳爪排骨飯：見到用瓦煲上，以為會香口惹味有飯焦，但有期望就有失望，飯又淋又濕，完全冇飯焦，有鳳爪排骨味，但食唔到豆豉味，應該係豆豉全粒煮，冇攪碎，出唔到味。…查看更多

疫情關係, 已經很久沒有跟家人外出飲茶, 適逢周末, 與家人聚一聚 三個人叫了五個點心潮州粉果充滿花生香, 外皮軟糯煙韌香茜牛肉腸足料好味, 腸粉軟滑椰汁蒸饅頭簡單好味, 散發淡淡椰香野菜咸薄餅外皮煎得香脆, 熱氣也顧不得了薑蔥牛栢葉薑蔥香氣融合了牛栢葉, 口感爽口彈牙埋單才$15X, 不錯, 也挺「抵食」…查看更多

去開天水圍，發現天一商場一間酒樓，可能疫情關係，所以假日晚上沒有太多人，服務態度唔錯，也會用餐中途換下碟，食物質數出奇地不錯，飯後再附送糖水，價錢中規中矩，可以再試過。…查看更多

晚餐好食、小菜片皮鴨 一食$108、香脆皮即場切片抵食、其他小菜都非常好、價錢低食、很多優惠、食過天水圍其他的中菜這一間的小菜是煮得很有水準、客服都非常有禮貌、檯與檯之間都座得很舒服,環境乾淨衛生…查看更多

I have dined in this restaurant for several occasion. The address listed under the hotel but its located in Sky One Mall instead so I submitted correction to OpenRice already. I love the steam fish, lobster and fried rice there. The price and food quality is considered very good around the area. They even provide red bean sweet soup at the end of the meal. During COVID-19, I feel safer to dine in spacious restaurant and this restaurant provides has good setup between table. The best part was no reservation needed. I would recommend people around the neighborhood to dine in here. …查看更多