名昇餐廳

營業中

休息中

收工路過入嚟食早餐，嚟份經典沙牛麵餐睇下係咩樣先... 二道揀咗餐炒蛋嘢飲熱奶茶。奶茶正常不過無乜茶味，得個奶字二道上檯見係油多呢個就要加分。餐肉正常不過炒蛋明明係奄列式做法應該係要濕濕地仲有蛋漿先叫好，佢呢份就略嫌太乾啦，完全冇咗炒蛋嘅精髓。主角沙牛麵上檯，個賣相真心嘩一聲，乜得D沙牛好似鋪咗一層明膠咁樣嘅。賣相係靚，影出嚟效果都好靚。先將沙牛撈晒落啲湯度，汁可以整濃啲湯，呢樣可讚叉起D麵，掛到汁，唔錯唔錯。不過一送入口，咦？沙牛應有既香味花生味辣味完全欠奉！純粹得番D咸味麵身就軟硬適中，正常。再食一塊牛肉，嘩，應該似係用多咗鬆肉粉醃，直頭有D梅既感覺。整體評價：睇就好睇，食落就好一般。

唔知點解，一睇碗麵就知好食，食落比「紅茶」仲好食👍今朝去完牛頭角賽馬會診所睇完醫生，就去咗附近食早餐，見到依間小店有位就衝左入去。依間嘅早餐去到11:30，晏少少起身後黎食都ok。依度嘅早餐好少選擇，連麥皮都冇，所以我同Mcdull都係揀左出前一丁餐：沙牛面同五香肉丁面$35@ 出前一丁都係收依個價，抵。碗麵一上枱，唔知點解，見到個樣就知好食。我拿拿林影完相就食，嘩，面質軟硬，湯底偏咸，同我係屋企自己煮嘅不分上下，Amazing🤞沙嗲牛偏甜，汁少咸，啲肉仲好食過「紅茶」，起碼我真係會食落口，「紅茶」嘅牛肉我係例牌會食淨。炒蛋冇「紅茶」咁咸，淡得黎都幾滑，好食👍佢同「紅茶」比，佢個餐只係配餐包，唔係牛油丹麥多士，可惜。下次經過附近我都會黎再食，值得翻兜。Mcmug綜合評分：7/10，難得係茶記食到啱自己口味嘅沙牛面，值得翻兜！🐽🤤Mcdull 綜合評分：7/10, 唔太油膩，幾好

港式早餐間間茶記都有，但搵到有質就唔容易。今日早餐叫咗兩人份，蜜汁叉燒金寶湯意粉配炒蛋牛油方包仿鮑魚火腿金寶湯通粉配炒蛋牛油方包凍奶茶+凍啡都只係$76！第一，湯係分裝，仲要係金寶湯唔係味粉湯第二，意粉有咬口，唔會淋哂第三，煎蛋係糖心100%會再幫趁！見冇乜人知呢間，其實賽馬會診所旁樓梯直落就見到！