名廚

營業中

休息中

大鄉里食完先知原來係古老闆開嘅私房中菜館😂 由曾於國金軒及滿福樓任職行政副總廚的名廚張福叙主理，推出一系列經典傳統中菜今晚嘅老火例湯係粉葛湯 平時唔鍾意粉葛湯有一種沙沙嘅口感，呢度神奇哋係唔會有嗰種口感，鮮甜得很證明火候十足~香煎蝦餅 夠彈牙，細細個唔會膩，就算唔點個酸甜汁都好食~百味豆腐外酥內嫩，簡單就是美味無花果拔絲咕嚕肉，肉切得較為薄身所以食落特別脆身，比較偏甜味但食落係無乜無花果嘅特色 （無花果愛好者表示失望）古法鹽焗雞份量十足，金黃色嘅雞食落皮爽肉滑而且夠鹹香🍗最欣賞係佢仲有雞潤同雞胗！雞潤粉嫩，雞胗脆彈，一流！蜂巢九肚魚蠔仔煎，口感同平時嘅蠔仔煎完全唔同，鬆化嘅脆皮外層滿滿咁包裹住鮮美蠔仔同嫩滑九肚魚，令口感更豐富大澳蝦膏蒸肉筋，豬筋索曬蝦膏嘅鹹香。口感軟腍又帶膠質。連墊底嘅千層鮮竹豆皮都索滿肉汁，送飯一流蒸第一刀肉餅 肉質嫩滑，唔會太肥膩 （呢排成日見到第一刀呢個名，原來第一刀是豬頸骨下的瘦肉，亦即是豬的頸椎、豬頭對下的一小部分，梅頭最前的位置，又名為脢頭咀。睇完都唔知喺邊呢，總之就係矜貴少有部位啦😂）酸菜魚湯斑片 同平時川菜系嘅口味比温和好多，奶白色嘅魚湯底加上酸菜開胃

這家餐廳的料理口味獨特，烹飪手法純熟，給人留下深刻印象。菜色多樣化，滿足不同口味需求，份量十足，價格合理。服務態度親切，環境舒適雅致，讓用餐氛圍更加愉悅。唯一沒有daddy的叉燒飯。總體而言，是一家值得再訪的餐廳。

早前朋友從加拿大返港, 相約幾位同學一齊出黎聚下舊, 因為朋友好想食到有質素既點心, 仲要環境舒適,於是我在網上搵到呢間, 因為只有係星期六日及公眾假期先至可以食到, 朋友應該會好喜歡.我地叫左蝦餃,燒賣, 蝦腸, 叉燒腸, 鳳爪, 百味豆腐粒, 馬拉糕, 因為即叫即蒸, 所以製作需時,所有食物全部都熱騰騰, 趁熱食就最好喇.朋友們對檸檬叉燒酥, 脆皮窩貼, 香煎粢飯都讚不絕口, 每樣點心都好有水準, 夠特別之餘仲要係好好味. 我地不約而同叫多一round, 一邊享受美食, 一邊傾計, 渡過了一個愉快的周日.  朋友話會推介俾身邊朋友.  仲讚我搵到呢個地方揀得好好呀.  等我下次再試下其他點心同晚市菜式先.

名廚是一家私房菜館。它提供量身定制的菜單，滿足每位客人獨特的口味需求，確保每餐都難以忘懷。餐廳的私人包房設計，營造出一種既優雅又私密的用餐氛圍，非常適合各種特殊場合。在烹製正宗且精湛的菜肴方面，名廚表現卓越。這些菜品不僅美味，更完美地展現了私房菜的精髓。我們一行四人在這裡享用了朋友精心安排的菜單："泡椒雞腳"以其小辣的口味，完美地開啟了味蕾。"是日足料靚湯"用上等食材製作，包括椰子栗子，十分滋潤。"龍皇藏金衣"是龍蝦伊面。這道“橫行抱玉”是將膏蟹和豬頸肉巧妙結合的佳餚。廚師利用紹興酒和醬油來蒸煮，這種簡單的調味不僅凸顯了蟹肉的鮮美甜味，還讓蟹的精華滲透到軟嫩的豬頸肉中，從而極大地豐富了這道菜的風味。"大澳蝦膏蒸肉筋"展現了廚師的技巧，將傳統食材與創新技法結合"家鄉醬爆鮑魚雞煲"是一道豐盛、風味十足的鮑魚雞煲。"蜂巢九肚魚蠔仔煎", 厚厚的蛋餅外層煎至香脆，內裡包裹着蠔仔和九肚魚，邪惡而美味。我最愛這道！"芥蘭二味煲""香煎粢飯"將傳統的糯米粢飯與蝦米、瑤柱和湖南火腿巧妙結合。經過完美的蒸煮後，切成小塊，再經油煎，外脆內糯最後送上甜品：開心果糊

// 𝙄𝙣𝙙𝙪𝙡𝙜𝙚 𝙞𝙣 𝙀𝙭𝙦𝙪𝙞𝙨𝙞𝙩𝙚 𝙋𝙧𝙞𝙫𝙖𝙩𝙚 𝙆𝙞𝙩𝙘𝙝𝙚𝙣 𝘿𝙞𝙣𝙞𝙣𝙜 𝙀𝙭𝙥𝙚𝙧𝙞𝙚𝙣𝙘𝙚 𝙛𝙤𝙧 𝘾𝙖𝙣𝙩𝙤𝙣𝙚𝙨𝙚 𝘿𝙚𝙡𝙞𝙜𝙝𝙩𝙨 - 𝙈𝙞𝙣𝙜 𝙃𝙤𝙪𝙨𝙚 🥢 //-Located in Causeway Bay with high-privacy VIP dining spaces, 𝐌𝐢𝐧𝐠 𝐇𝐨𝐮𝐬𝐞 returns after a brief hiatus for refurbishment, remaining to be the best-kept secret spot for Cantonese gourmet revered by celebrities and social elites; presenting delectably reinvented Cantonese classics for the most discerning palates in town.-☞ 𝐒𝐭𝐢𝐫-𝐟𝐫𝐢𝐞𝐝 𝐀𝐮𝐬𝐭𝐫𝐚𝐥𝐢𝐚𝐧 𝐋𝐨𝐛𝐬𝐭𝐞𝐫 𝐰𝐢𝐭𝐡 𝐇𝐨𝐟𝐮𝐧 𝐢𝐧 𝐏𝐢𝐜𝐤𝐥𝐞𝐝 𝐂𝐚𝐛𝐛𝐚𝐠𝐞 𝐒𝐚𝐮𝐜𝐞 - 𝐒𝐞𝐚𝐬𝐨𝐧𝐚𝐥 𝐏𝐫𝐢

友人想食中菜, 偶然係openrice搜尋到名廚, 實在一試難忘, 喜出望外地好食.果然好介紹, 整體來講, 食物質素同環境都超出預期, 份量俾想像中大, 鑊氣十足, 美味有驚喜, 服務一流, 服務人員的態度亦很殷勤親切, 令整餐飯也吃得很愉快, 我哋過了一個開心嘅晚上.所有菜式都很高質素, 我哋叫咗話梅豬手,家鄉醬爆鮑魚雞煲, 芥蘭兩味煲, 香煎粢飯 (掛住食唔記得影相😂) 真心有驚喜, 下次一定會再去試其他菜式, 值得推薦大家嚟試一試👍🏻.

約咗朋友響銅鑼灣聚餐，中菜推介非～名廚～莫屬！ 有舒服嘅環境， 另類菜式，我最欣賞煎粢飯（好脆好香口）😋 唔係間間中菜都有㗎! 仲有黃金粟米（用蛋黃炸過外脆包住甜甜嘅粟米粒，粒粒分明❤️正）， 話梅豬手（佢呢個係煲上嘅，豬手炆到好夠淋好夠味，仲有啲話梅同埋薑粒都正😍），芥蘭兩味煲（煲入邊嘅菜碎好脆口，質感脆卜卜），胡椒蝦（啲蝦好大隻好鮮甜），黑椒豚肉炒銀針粉（上邊打咗隻蛋撈埋落去好Juicy），老火湯好夠料（湯渣會另上）👍🏻今晚甜品有白滑豆腐花……總括嚟講～好滿足嘅一餐，值得再試嘅中菜👏🏻👏🏻👏🏻

銅鑼灣呢間開業超過10年，曾經為不少名人、明星、政要既中菜館，最近重新開幕，除了名氣大外，用餐位置也極有私隱度，大部份也為包廂，目測由4人到10幾人也有合適的選擇。重點是菜式都極有水準，勢必很快成為熱店！ 據了解「龍皇藏金衣」這道名菜的靈感是來自酸菜魚，用的是酸菜河粉和薯粉— 雙粉，有雙重口感，掛湯力一流，加入南澳龍蝦、魚湯底，有越吃越開胃的感覺。原來「橫行抱玉」指的是膏蟹蒸肉餅，所用的豬肉更是第一刀梅頭肉，肉質比一般更遠腍，所用的膏蟹是本地出品，肉餅盡收蟹汁精華。看似平平無奇的「大澳蝦醬蒸肉筋」，實質係一道矜貴菜式，印象中肉筋每隻豬只有一條，一條則最多可做出3個portion，用上本地的大澳蝦醬，埋底是疊起的鮮腐竹，經餐廳自己炮製才下鑊蒸的，非常juicy，是一道用心而美味的菜式。先將芥蘭最好的中間部分切出再炒，葉的部分切絲再炸，上菜時再放入葉的部妙，便做成「肉鬆芥蘭兩味煲」，確是比一般吃到的更香口！看到粢飯，總會覺得是一個極飽肚的菜式，然而這個一口份量的「香煎粢飯」外金香，內軟糯，更只是一道澱粉小吃，份量剛好。

今晚車車同朋友仔一齊嚟到E間位於銅鑼灣嘅中菜館一名廚, 佢地以鑊氣同火喉十足嘅中式家常小菜見稱, 即使簡單如一碗老火例湯都係每日新鮮足料熬製, 絕不添加味精, 已經可以睇得出佢地嘅用心! 最近經裝修後終於重磅回歸, 之前已經有唔少名星政客係佢地嘅座上客, 今次就等車車試下先!餐廳環境高雅有格調, 私隱度十足, 地鋪連一樓合共有7間VIP房, 最大嘅一間更可容納18個人, 真係搞家庭聚會朋友飯局岩哂! 我地一行三人安排坐係包廂入面, 一邊嘆住高質私房菜, 一邊暢談, 人均都只係500至600蚊左右, CP值相當高!✨️西洋菜陳腎煲豬展湯 未飲已經聞到好香西洋菜味, 湯汁濃郁非常足料, 加上零味精, 真係家的味道✨️龍皇藏金衣 中菜頭盤係龍蝦車車都係第一次, 真係震撼左視覺, 極具氣派, E款用左龍蝦代替石班, 配上酸菜汁, 伴以薯粉同河粉, 龍蝦選用南澳龍蝦先以熱鑊加薑蔥爆炒, 再贊上中國黃酒令醬汁香氣濃郁, 保留到酒香味, 每件龍蝦球啖啖肉, 薯粉同河粉混合一齊食令口感增加, 酸菜汁掛滿粉條上, 酸酸地好開胃!✨️横行抱玉 E款係膏蟹肉餅嚟, 先將本地膏蟹同梅頭第一刀用紹興酒同醬油蒸煮,

老公知道銅鑼灣開咗一間高級中菜館叫名廚，主打鑊氣十足嘅中式特式小菜。今晚就帶我嚟試吓。餐廳地下連一樓有多個不同大小嘅VIP房間，私隱度做得好好。沙薑豬手：豬手像燻蹄，但不是切片，而是切粒，口感更佳，加上沙薑醬汁，十分惹味！西洋菜豬踭湯，天氣乾燥，真的要飲多啲湯水滋潤一下，老火湯每天新鮮足料煲製而成，絕不添加味精，而且天天不同款式，香甜美味。龍皇藏金衣：廚師用酸菜魚的做法改一改，就創造出的一道新菜式，首先將酸菜魚的湯汁與新鮮河粉及 紅薯伴在一起，除了鑊氣及酸辣香氣之餘，廚師以南澳龍蝦代替酸菜魚的魚肉，用薑蔥爆炒新鮮龍蝦球，因為贊上中國黃酒，所以醬汁既有酒香又濃郁，加上啖啖肉又彈牙的爆炒龍蝦球，鮮甜味十足，墊底嘅河粉和水晶粉，吸收咗醬汁的精華，無論味道和口感都令人回味無窮。橫行抱玉：賣相名貴，用豬頸肉做成肉餅，上面放上原隻膏蟹，並加入紹興酒及醬油蒸煮，蒸煮過程中帶出膏蟹的鮮味，亦將膏蟹的精華融入柔軟爽彈的豬頸肉裡，啖啖都鮮甜美味！家鄉醬爆鮑魚雞煲 ：雞煲用咗龍崗雞與南非鮑魚，龍崗雞件用豆豉、蒜蓉和花 雕酒醃製過，而南非鮑魚亦用清酒、味醂和薑片浸泡過，所以特別入味，爆炒之後放入砂鍋中，上枱一

今晚跟老闆見客, 去咗近中央圖書館附近一間星級中菜廳。環境極具私隱度, 全為獨立VIP房間, 環境清靜, 聽聞仲有唔少名人明星幫襯。由於新裝修過, 地方整潔光鮮, 舒適度倍增。今晚品嚐了好幾款菜式, 沖衝了視察同味蕾。【沙薑豬手】HK$158冷盤豬手, 肉質彈牙, 豬手帶有啫喱狀, 入口漸漸溶化, 香甜美味, 配上沙薑同蔥粒, 更添香口。【西洋菜豬肺湯】HK$68/位堅持不加味精, 足料熬制, 湯底清甜潤肺。【龍皇藏金衣】時價賣相盡顯氣派, 想不到龍蝦配上酸菜魚煮法嘅麵底係咁有驚喜!龍蝦被拖過油兼薑蔥爆過, 鎖住了肉汁, 鮮甜彈牙, 夠哂新鮮! 麵底用上了河粉同埋平時配搭酸菜魚嘅紅薯粉, 河粉用以盡吸酸辣調味汁醬, 煙韌彈牙嘅紅薯粉用以增加口感, 令人胃口大開。【橫行抱玉】時價整隻蟹切件還原放於仿如肉餅之上, 原來肉餅為餐廳招牌菜蒸豬頸肉, 入口較為柔嫩鬆化, 係蒸煮過程中有出蟹鮮味, 味道鹹鮮, 送飯一流!【大澳蝦膏蒸肉筋】HK$198限量供應嘅菜式, 肉筋已去肥, 經本地蝦醬醃製後蒸煮, 爽彈入味, 墊底嘅腐竹炸皮表面索咗蝦醬汁, 鹹香味十足! 咬開中心位, 更有多層滑滑腐皮, 細

無論是應酬飯局、又或是家庭朋友聚會，中菜是個好選擇，今次同一班同學仔聚會就嚟到位於銅鑼灣「名㕑」，餐廳全部以獨立VIP房為主，環境舒適，私隱度十足，好適合商務聚餐！沙薑豬手$158起晒骨切割成方型，入口皮脆爽口，帶有香香薑味道，清爽開胃，係一道絕佳凍食前菜！西洋菜豬踭湯$68/位用料足，一上枱就有好香西洋菜味清香撲鼻，清甜可口，解燥潤肺！龍皇藏金衣$（時價）創新做法，師傅將做酸菜魚湯汁和手工河粉、紅薯粉結合一齊，再以南澳龍蝦🦞取代魚，龍蝦鮮甜彈牙，雙粉味帶酸辣，煙靭爽滑！橫行抱玉$（時價）肉餅造型精美，面層原隻膏蟹，下層係豬頸肉肉餅，肉餅用咗紹興酒和醬油調味，再加上蟹嘅鮮味滲進了軟腍肉餅，大大提升風味！家鄉醬爆鮑魚雞煲$688用咗豆豉、花雕醃製過嘅龍崗雞，非常入味，而鮑魚用清酒、味醂以增強風味，鮑魚入口鮮味爽彈，雞肉嫩滑！大澳蝦膏蒸肉筋$198非常珍稀菜式，因為每隻豬只有一條肉筋，師傅將肉筋去肥再用本地蝦醬同炸過嘅鮮竹一齊蒸煮，十分惹味！芥蘭兩味煲$168煲仔上，面層鋪滿肉鬆，同炸到好脆芥蘭葉，下層嘅芥蘭度抄得好香，入口爽脆鮮甜，同肉鬆又幾配搭！香煎粢飯$22/件入面有蝦米、瑤柱同湖南

香港中央圖書館近天橋位有間粵菜專門店-《名廚》。這食店只做包廳客，適合私人飯局，私隱度極高，空間感好舒服，侍應招呼好週到，不時入房斟茶換碟等。沙薑豬手~呢個前菜都做得唔錯，沙薑豬手夠爽滑，輕輕鋪上薑蓉，更覺美味。龍皇藏金衣~廚師將酸菜魚嘅神髓發揮在龍蝦伊麵上，fusion菜感覺強烈，keep住龍蝦伊麵嘅香味，亦有酸菜魚水晶粉嘅味道，少少酸少少辣，當然，龍蝦件件可口啖啖肉，正！醬爆鮑魚雞煲~ 熱辣辣煲仔上，勁大隻鮑魚切粒，雞球炒得勁香口，加入蔥頭更惹味。横行抱玉~蟹蒸肉餅， 肉餅本身有馬蹄，入口軟淋也爽口，蟹肉鮮甜，呢個季節啱食。大澳蝦膏蒸豬肉筋~用蝦膏蒸豬肉確實唔錯，呢個豬肉筋有口感得嚟唔會韌， 下面放上了貌似豆卜炸過嘅腐皮麵，索滿汁配白飯更理想。雙色芥蘭煲~繼續煲仔上，熱辣辣吱吱聲響，嫩綠芥蘭，仲有炸得香脆嘅紫菜，加入少少肉鬆非常惹味。西洋菜煲豬肺~這個老火湯西洋菜香味濃郁，豬肉煲得好淋，食落好香。香墊粢飯~這個第一次食， 香脆可口，幾特別。冬蓉薏米露~呢個甜品都好少吃到，冬瓜配薏米，最啱清熱去濕，食埋甜品為這頓美食畫上完美 的句號。

好耐以前食過，覺得幾好食，2個月前再嚟時裝修緊，等佢裝修完開番，今日終於得閒嚟，菜牌上好多新餸，而且仲有套餐添，不過我都係鍾意散叫，味道依然keep到，都係咁好味，侍應仲會將當日買到的新鮮食材推介給客人，就以西芹炒蝦球為例，侍應話今日買咗新鮮又嫩的bb西芹，推介用帶子或蝦球炒，我揀咗蝦，果然西芹食落冇渣又脆，蝦亦新鮮彈牙；魚肚冬菇蒸雞係舊有菜式，新餐牌唔見，問咗侍應生話可以整到俾我，侍應生服務很到位，抵讚，下次要再去試新餸。

-名廚 🥢位於銅鑼灣既名人飯堂兼私房菜裝修後 重磅回歸!以鑊氣十足的中式家常小菜聞名的餐廳整體間隔私隱度極高 地鋪連一樓有7間VIP房最大果間什至可以容納18個人 岩晒大家族 / 朋友聚會想講當晚餐牌係全手寫 手字非常令又好有心思就連帶菜式都款款別具巧思又夠火喉呢! 當晚人均500-600蚊 而海鮮係用時價計算的！以包廂形式黎講 食到高質私房菜既質素都算CP值高! 一開始我地就飲左 西洋菜陳腎煲豬展湯 冇味精 好足料~ 🥢龍皇藏金衣酸菜魚就食得多 酸菜湯汁龍蝦伴薯粉+河粉都係第一次食選用以南澳龍蝦 先以熱鑊加薑蔥爆炒龍蝦球再贊上中國黃酒 令醬汁香氣濃郁 保留到酒香味食落啖啖肉 配搭香港人至愛既河粉 煙韌彈牙倍增成個組合都係好新鮮 幾欣賞張師傅既創意 🙌 🥢橫行抱玉 aka 膏蟹肉餅 先將本地膏蟹與豬頸肉芋頭肉用紹興酒同醬油蒸煮蒸煮過程中帶出膏蟹的鮮味 同時融入柔軟爽彈的豬頸肉最後係表面灑上薑蔥粒 令鮮甜蟹膏份外誘人 個人超中意呢道！口感偏軟身 同時非常佐飯呢~ 🥢家鄉醬爆鮑魚雞煲 ($688)雞煲係用上龍崗雞同南非鮑魚炮製而成 雞肉係配搭豆豉 / 蒜蓉 / 花雕酒醃製數小時而鮑魚用左清