名廚 (紅磡灣中心)

去到這家餐廳，歎返碗豉椒排骨河，嗌杯熱好立克，真係滿足晒我嘅胃。頭啖湯流入口，嗰種溫暖過癮，簡直係解乏神丹。再黎個好立克，微微嘅甜，伴住熱氣騰騰，幾舒服。嗰碗排骨河啊，真係要讚下，排骨香口得滯，啖啖肉，而家後椒香撲鼻，食落朗朗上口之餘，仲有個微微辣感，開胃！河粉滑溜溜，一啖欲上天。成餐完，服務員噹噹快手嘅收拾，叫人食完即走都覺得自在。要講，呢啲平民滋味，真係價廉物美到不得了😋👍🍜。…查看更多

行過佢哋門口開始落雨，原來係百年一遇大暴雨來臨，門外見餐牌有梅菜扣肉飯$50凍飲加兩蚊，有懷疑，咁平！落雨天留客，入去試試啦！同扣肉初次見面有驚喜，真係梅菜扣肉，唔係嗰啲梅菜“瘦”肉，仲係飯餸分開，居然有唔少份量學斗墊底，梅菜夠香冇沙，扣肉腍化唔係柴，呢個價錢超值，唔夠喉要多個節瓜粉絲蝦米$62，可能覺得細咗，味道好，冇煮一擗嘢，廚房師傅有料到，環境就普通，唔係而家嗰類茶餐廳大光猛裝修，最鍾意係冇櫃桶檯，唔使食餐飯都撞到膝頭，獨食，撐檯腳，小家飯都啱使，要再試下其他菜式，希望做到飯堂。…查看更多

每年農曆大年初一，都會去差館里觀音廟拜觀音，我同觀音有緣嘛.拜完之後行咗嚟紅磡食 Lunch，無那那突然間想食豉椒排骨飯，見到名廚年初一都開門營業，於是乎走入去幫襯.望完成份餐牌，居然無寫上豉椒排骨飯咁普通嘅飯，膽粗粗問一問侍應，答案竟然係有喎!真攪鬼!可能 menu 不能盡錄吧......女友小熊點咗雪菜肉絲米粉.雪菜肉絲米粉茨汁略多，雪菜同肉絲亦略有不足.豉椒排骨唔夠鑊氣，感覺好似預制組件唔係即叫即炒.雖然質素一般，但都俾滿分，新年流流年初一都開工服務街坊，又無加一只係加果幾蚊，單單誠意都攞滿分啦!…查看更多

好好味，唔記得影相先食，但個樣正常嘅！蝦同肉都無雪味，飯炒得乾身，夠香！可以再食🥰🥰不過，我外賣左杯凍奶茶，無俾飲管就扣左分，好彩天氣熱，又叫左少冰，無飲管都飲到，奶茶亦夠香濃！…查看更多

疫情之後，通常午餐都係買外賣。喺屋企附近搵到呢間小店茶餐廳，外賣大件夾抵食。通常十次有七次，返去打開個發泡膠外賣盒嘅時候，啲飯餸係拱起咗，貼住咗個蓋嘅形狀。今次呢個豉椒牛河午餐，就畀咗個大嘅外賣盒。份量，質素同味道，都係值得再幫襯嘅。外賣仲有九折添。另外，感覺倒都係好有人情味嘅小店，唔係口黑面黑，淨係係道打工個嗰種。 呢啲少店茶餐廳，其實係要幫襯多啲嘅。如果唔係，可能買少見少， 最後冇著數嘅，都係街坊。…查看更多

近排經過紅磡，同屋企人試咗一間茶餐廳🥰入到去啲位好闊落，四個人坐卡位都唔迫🍴啲霸王雞好鮮味🤪啲雞肉柔嫩，同埋配上薑蔥芫荽同埋少量椒絲，一嚟到已經聞到好香！估唔到茶餐廳食嘅晚飯都有酒樓水準👍同埋啲西蘭花炒班片用嘅班片係真嘅班片，真係好難得😇仲有叫咗野菌西芹炒牛肉，牛肉調味得幾好。唔會用生粉拿過濃，而且牛肉份量都幾多！因為有啲比較慳成本嘅餐廳就會成碟都係西芹得兩三塊牛肉😂😂😂總括來講呢間茶餐廳啲廚師都幾識調味，食完一啲都唔口渴，而且小菜有鑊氣👍…查看更多

今朝食咗個靚靚早餐😊份早餐勁大份🍳我揀嘅早餐係有鮮奶麥片，雙併三文治連餐飲鮮奶麥片都幾大碗，食完之後，都已經飽飽地，而味道上有啲似平時連鎖快餐店早餐嘅牛奶麥片，有淡淡嘅煉奶味，而且唔係太糊狀。雙併三文治都係平常茶餐廳可以揀嘅材料啦，我就揀咗蛋牛治，因為喺屋企好少整到，咸牛肉嘅份量都幾多，而呢度嘅蛋都做得唔錯，做到有蛋汁流出嚟，食嘅時候，搞到成手都係蛋汁😂呢個價錢平過去快餐店，而且啲嘢唔差👍🏻雖然嘢食係普通嘢，不過平民小店，值得再去😊…查看更多

午市套餐吾係好岩食，所以就同朋友一齊叫左個二人餐，兩餸一湯，連兩碗飯，但其實加多碗飯3個人都夠食。鹹蛋芥菜湯份量好足，大約有3-4小碗左右，個湯除左有菜同蛋之外，仲有d豬肉片同豆腐，味道都ok,，幾好飲。小菜嘅選擇都幾多，有素有葷，但身為食肉獸嘅我地，當然兩個都係簡肉啦。雞煲裏面有洋蔥同豬潤，調味偏甜，d雞都幾多，好大塊。豬潤亦吾會腥。個咕嚕肉食落好多骨，冇咩肉，比較細嚿，有d失望。最後加錢叫左杯凍朱古力同凍檸茶，杯朱古力飲落好淡，冇朱古力味，杯凍檸茶我就冇走甜，所以飲落好甜，大家要按返自己嘅口味少甜或者走甜。…查看更多

今日我去到屋企附近名厨茶餐厅，本身抱住兴奋的心情，但食物之水准极之令人失望，难食到难以形容，我同我班朋友下次绝对唔会再黎食，而且装修极之破旧不堪，d食物价钱又贵…查看更多

今天外出在紅磡工作。到了中午時份，又是時候找食店吃午飯後再繼續行程。由於早前在附近品嚐幾間餐廳的午餐，所以今次我選擇了一間叫「名廚」，用得這個名字食物應該都不錯，希望這次會是一個美好的體驗。誰知......餐廳的裝潢及擺設都頗為陳舊。侍應生的服務態度有點傲慢及無禮。送餐上枱的時間大約五分鐘內完成。我點了咖哩牛腩飯，例湯及熱奶茶。咖哩牛腩飯有牛腩，洋蔥，薯仔及白飯。賣相一般。牛腩的份量不太多。肉質粗嚡之餘，又老又韌。反而，根腩肉炇得腍滑。洋蔥，煎得好香，味道有點辣，口感也好。薯仔，炆得腍軟，澱粉質感重。咖哩汁有點辛辣，味道有點嗆，味覺頓時被刺激。另外，咖哩油太多，覺得好整碟飯好油膩。白飯的質感粗糙及嚡口。用來撈咖哩汁才易口。但是，咖哩汁太肥膩，撈了兩三次後又不敢再撈飯。例湯是青紅蘿蔔湯。味道可以。可惜，只有湯碗內青蘿蔔湯料。熱奶茶，熱辣辣的。紅茶及淡奶比例適中。飲落有股錫蘭紅茶的香味，感覺好清爽芳香。總括而言，咖哩牛腩飯，味道及口感一般，咖哩落得太多油，失去了原有咖哩滋味。青紅蘿蔔湯，味道都可以。熱奶茶，味道香濃。…查看更多

典型茶餐廳，晚市主攻小炒菜式，晚市光顧的多數是附近的屋邨街坊，選擇也多，是日晚餐就有成14款。鎮江豬扒，夠鑊氣，肉質鬆軟，酸甜味適中，送飯一流。西蘭花斑球，比得上大酒樓的，斑球都唔少。例湯一般啦！反而送的甜品腐竹蛋花糖水雖畧甜，但腐竹糖水夠熱又潤喉。…查看更多

今日約左人一齊食晚餐男朋友話呢間啲煲仔飯好好食，想試埋羊腩煲就試下啦去到即刻叫左個臘腸膶腸煲仔飯因為要等差唔多廿分鐘真係即整之後叫左羊腩煲，啫啫芥蘭，椒鹽九土魚全部野食都好好味 羊腩煲唔係hea野 勁足料 有勁多羊肉 仲要唔un 又多枝竹真係好正啲羊味道勁大so味 岩哂啲重口味嘅人個汁又重南乳味 但因為係咁煲下煲下 所以食到最後有啲咸個啫啫芥蘭煲有好多蝦乾上黎熱辣辣又唔太咸又唔太淡仲要有很多肉碎去餸飯 好美味囉椒鹽九土魚唔會好多炸皮係到 仲有醋比你點埋一齊食 卜卜脆 用醋又可以帶出鮮味:)最後個煲仔飯豉油係分開上嘅 你中意落幾多就幾多佢啲臘腸膶腸平均分佈係飯上面攪均後可以食出啖啖飯有陣臘腸膶腸香飯又唔會太濕真係值得推薦…查看更多

這間食肆坐落於紅磡的富貴屋苑裡，而且店名「名廚」看起來似是有著一股氣派。以前小妹都有來幫襯過，水準屬中上。今次再來，發現內部裝修過，燈光變得光猛點，環境比以前茶記格局提升了一點點。不過原有的卡座和方桌都「有得留底」。不過慳妹原則：入來食店不是「食環境」的。所以在午市期間叫了一個「碟頭飯」，餐牌依然是包羅萬有，而其中每日都有五款被納入午市快餐，賣平D，送餐來得快D咁啦。即使叫單頭在午市都會送湯和餐飲(熱飲)的，所以不少街坊和附近工作的人會湧到這店來吃。員工都係快手快腳。配合新裝修，也改了用一個兜來盛放餐具。我吃了一個簡單的豆腐斑腩飯。碟頭飯依然是大大碟(小妹忘記了叫「少飯」)，數埋都有四﹑五件豆腐和兩大塊加一小塊斑腩魚塊。用料依然豐富。伴飯的獻汁稠度適中，有琉璃獻的晶瑩度。味道不太鹹，可以。而豆腐清清淡淡，外皮薄而內裡嫩滑。斑塊有薄薄的脆漿包裹著來炸成，不過炸得較為乾身，若然沒有沾上獻汁便顯得無味。飯較硬身，間中有一塊塊「飯團」。…查看更多

行經過，見咁夜仲好多人去食，建議男友去呢間食，因為附近既食店，空空無幾。見到二人餐只係$140,有三款湯可選，我地一齊揀左鹹蛋芥菜肉片湯，咖哩牛腩煲同馬蹄魷魚蒸肉餅。估唔到佢黎左一大碗湯，有4小碗，味道唔錯，食材新鮮，份量好足。咖哩牛腩煲煲得好冧，唔黏牙，好多件，而且好大塊，啖啖肉，至少唔會菜多肉少。馬蹄魷魚蒸肉餅好大份，豬肉好新鮮，不過有點鹹，食唔到有魷魚，有點失色。飯後仲有2碗甜品，今次係腐竹糖水，店員話唔一定有，要睇下該日派曬未。原來理工學生去食會有優惠。…查看更多

落單錯， 樓面一句 “唔知喎“出單慢， 樓面一句 “唔知喎“好明顯酒吧玩嘢， 故意唔做樓面啲單隔離枱出錯單， 居然屈人地有冇落錯單第一次也是最後一次， 茶餐廳也能獲得此劣評， 不去也吧！反正紅磡還有很多餐廳 !…查看更多