同湯米線

營業中

休息中

‼️ 同我𝐍𝐨.𝟏 米線 𝐁𝐞𝐧 哥 有得𝐟𝐢𝐠𝐡𝐭 ‼️ ️·①［ 蕃茄鮮菇湯 （ 滷水雞翼 + 腩肉 + 炸醬 ） // 麻辣湯 （ 滷水雞翼 + 雞肉 ）// 豬頸肉 ］| 𝐨𝐟𝐟𝐢𝐜𝐢𝐚𝐥𝐥𝐲 𝐛𝐞𝐜𝐨𝐦𝐞𝐬 𝐦𝐲 𝟐𝐧𝐝 𝐟𝐚𝐯 米線店係 同 @thesite 同一個老細係堅足料舖| ε ﾆｮ♡湯底完全冇𝐌𝐒𝐆 但超級惹味（🫶🏻︎'-'）「 蕃茄鮮菇湯 」 個 🍅 超 新鮮！好建議額外叫佢攞🌶️醬！「 滷水雞翼 」 有成3隻！非常𝐫𝐞𝐜𝐨𝐦𝐦𝐞𝐧𝐝 ! 「 炸醬 」 真係好 三哥 味！「 麻辣湯 」 男友超喜歡=͟͞ᐠ( ᐛ )ᐟ可以選辣度本身我麻麻 麻辣，但覺得呢間嘅 麻辣 幾特別， 孜然味較重！佢最鍾意嘅雞肉又超多˶˙ᵕ˙ )ﾉﾞ ⋆˚ʚɞ 「豬頸肉」 又係多到好誇張！又係好彈牙！｜𓋪9/10•同湯米線 (旺角)旺角西洋菜北街159號地舖

有時想平平哋食一餐，米線可能係對於香港人嚟講，係一個快靚正嘅選擇。加上係我好鍾意食隔離間Cafe「The Site」嘅姊妹店(?)，令我更想去試吓呢間咁有心嘅小店🤤😋🍜#滿滿骨膠原：除咗「骨膠原」呢3隻字好吸引之外，最主要係因為唔洗諗食乜餸🤣 我叫咗蕃茄鮮菇湯底+紅薯粉，可能因為冇味精，感覺會比較清淡，但我本身都唔太鍾意重口味，所以啱晒我😹仲有一樣嘢真係勁想讚！！就係冇因為叫咗咁多個餸，而減少每款餸嘅份量🤭 本身仲想試吓炸鮮奶，可惜嗰日冇🥲 希望下次再嚟嗰陣有啦～😻

今日去呢間新開既米線店鋪買外賣返屋企食，叫左「大大同湯」，揀左鮮雞湯同轉左生菜底。「大大同湯」包左好多款餸（腩肉，雞肉，炸醬，豆卜，腐皮，魚蛋，貢丸，牛筋丸，蘿蔔，生菜），性價比好高。雞肉好滑，有好多舊，蘿蔔燜得好入味，湯主打無味精，無添加，湯底好香甜濃郁，有啲似日本雞白湯，但冇甘稠既版本。食完啲餸好飽都忍唔住飲埋啲湯！😋😋下次會試其他湯底同餸～叫外賣時出面落雨，店員安排坐低等外賣，非常貼心☺️

有時想平平哋食一餐，米線可能係對於香港人嚟講，係一個快靚正嘅選擇。加上係我好鍾意食隔離間Cafe「The Site」嘅姊妹店(?)，令我更想去試吓呢間咁有心嘅小店🤤😋🍜#滿滿骨膠原：除咗「骨膠原」呢3隻字好吸引之外，最主要係因為唔洗諗食乜餸🤣 我叫咗蕃茄鮮菇湯底+紅薯粉，可能因為冇味精，感覺會比較清淡，但我本身都唔太鍾意重口味，所以啱晒我😹仲有一樣嘢真係勁想讚！！就係冇因為叫咗咁多個餸，而減少每款餸嘅份量🤭 本身仲想試吓炸鮮奶，可惜嗰日冇🥲 希望下次再嚟嗰陣有啦～😻

最近比呢間米線洗版，咁多人推介佢好食，當然要試吓！•現熬濃鮮雞湯米線 $26 + 蘿蔔 $6 + 酸菜 $6 + 豬軟骨 $12 (⭐️4/5)湯底好清甜，食得出真係冇味精，而且唔油膩，係心機之作❤️啲配菜味道都好食，推介一定要叫蘿蔔🥕，滷得好入味清甜冇渣🥰✨豬軟骨入味軟腍🐷，米線口感對我嚟講偏軟，如果可以揀軟硬度會更加好。整體嚟講係好食，之後路過都會再去食🫶🏻另外值得一讚，男店員服務態度好好😛📍同湯米線 旺角西洋菜北街159號地舖

今日走去試吓這間新店舖，時常見他們排滿人龍，好奇究竟是否？咁好食。去到門口就寫住鮮雞熬製絕無味精。我就試咗個蕃茄鮮菇湯底，叫餸紫菜 蘿蔔，原本只是$38就能夠落樓，但我加了錢轉了真打烏冬湯底濃郁，仲有蕃茄肉，蕃茄味好出，但唔會假甜，仲要應該沒有加味精，加分！轉左真打烏冬算掛湯，蘿蔔煮得夠淋又清甜，冇渣！👍 紫菜是乾身旁着湯邊，不是煮到爛晒，鮮味突出，加分❤️份量絕對食飽，飽得嚟唔滯。環境光猛乾淨，服務態度也很好。會encore。

早排去酒吧街飲嘢經過有間米線舖新開今日終於有時間嚟食下！今日超肚餓，叫咗個鮮雞湯+雞肉+魚腐+蘿蔔+豬軟骨+響鈴米粉😂😂朋友就食蕃茄鮮菇湯+肥牛+金菇+蘿蔔+響鈴米線響鈴係即炸！超多層！出面買嘅得幾層，口感差好遠蘿蔔係必食，好清甜，無渣食完成碗連湯都飲埋，但一啲都唔口渴，睇嚟無落味精係真嘅🥹另外再加咗個炸雲吞，細細粒好香口，啱曬我又要怕肥又想過下口癮嘅人😆睇隔離枱叫咗黃酒藥膳個樣都好正咁，下次一定要再試埋其他湯底！

食咗佢哋嘅雞湯米線，飲得出啲湯唔係味精開嘅同埋食完都真係唔口渴，同埋蘿蔔同魚肚都好好食，另外都試過佢哋嘅麻辣同埋藥膳湯底，麻辣湯底食落去真係有種好麻嘅感覺，食完條脷真係有啲痹痹哋地嘅feel，藥膳湯底食完暖笠笠都係一個好嘅選擇，而佢哋個小食炸鮮奶真係值得一試食落去幾過癮推薦大家可以去到食米線之餘叫埋嚟食，而間我覺得係一間可以再食嘅米線舖，同埋啲服務真係幾好，教埋點樣落單，但係都建議喺餸上邊可以再有多啲嘅選擇，同埋米線湯底配料希望都可以多啲，最後喺香港呢個經濟不景嘅時候都希望呢啲用心既小店可以繼續做落去

太子有間新開嘅米線舖！！覺得不錯👍🏽其實本身就並非好鍾意食米線，但有朋友見到佢哋新開就建議不如試吓。見佢都好多餸揀同埋價錢OK就入去試吓～我揀咗自選生菜底+清雞湯餸就揀左魚腐、墨魚頭、雞肉、腐皮Btw落單嘅後生仔好細心會同你confirm自己個碗未到，已經聞到隔籬枱個湯底好香😋等咗大概5-7分鐘左右想話我本身食譚仔都係類似嘅配搭但係佢個湯真心幾正，仲要標榜無添加👍🏽我係連埋湯清哂，所以係超級飽😅😅我哋兩個就冇叫到小食，不過見到隔籬枱有叫到都幾吸引。可能下次再試～同埋下次會想試吓蕃茄湯或者藥膳湯😆最後我呢碗四個餸都係$62，朋友叫咗個「小小同湯」$48！性價比好高😆😋

見係The Site既姊妹店，就即刻嚟食啦，果然無令我失望🤤🤤🤤🤤🤤 雞湯飲得出滿滿的骨膠原，而且大大碗，食完之後唔口渴，忍唔住飲晒成碗湯，太子米線大推！

呢間米線鋪真係有驚喜！今次試咗雞湯底米線🍲，清香無味精，食完唔會口渴，好舒服，真係好少湯底可以飲晒。今次叫咗響鈴，超脆🧨，唔係一般嗰種，一咬落去好香口，腩肉同埋紫菜就係一般正常水準。仲試咗小食炸墨魚丸🦑，彈牙又鮮味，超推薦！最欣賞係環境乾淨舒服，唔會好似其他米線舖咁趕住走，可以慢慢歎返餐。店員好親切☺️，可能係新開嘅關係，佢哋會主動介紹食物，服務有心。我朋友食咗麻辣湯底多麻都覺得好好味，真係好想再試埋其他款🔥。下次一定會再嚟！！