影片
更多
2023-04-01
25 瀏覽
上個星期突然間又涼涼哋，有個念頭好想打邊爐🥰所以朋友就帶我黎到呢間懷舊火鍋店。一上到去成個環境佈置真係好復古📺好似返咗80年代咁，好有feel。我哋坐卡位，座位都好寬闊，坐得舒服。全程聽住耳熟能詳嘅懷舊廣東歌，好親切💽🎥我哋湯底叫咗冬甫美人鍋$228，真係好足料。好多火鍋店都淨係會比雞件，呢度比完整半隻新鮮雞👍🏻再附上大量娃娃菜竹笙😍兩個女仔食，其實叫少少配菜都已經飽。湯頭清清地，有埋桃膠，蟲草花夠滋潤，亦都唔會搶咗其他配料嘅鮮味。下次都會想再叫返呢個湯底😁配料選擇亦非常多，我哋分別叫咗老友鬼鬼(黑松露墨魚滑)，呢個小食可以即刻食，炸得好香脆，配上糖醋汁，酸酸甜甜好向香口。芋頭臘味餃，呢個我最驚喜😆韭菜餃食得多，從來冇試過食呢個配搭，芋頭軟綿綿，加埋有臘味嘅豬肉餡，出奇地好夾。我相信喺外面一定好難搵到，值得一試。家鄉米酒黃沙潤，加埋紅棗，我就略嫌甜咗少少，不過要讚嘅係豬膶就算煮耐咗都唔會鞋口，好滑。本地手切肥牛，仲有珊瑚蚌。兩樣都好新鮮，份量亦都好多，整體嚟講食物水準好高。食完之後，店員會送上甜品。有懷舊造型嘅啫喱🌂仲有兩條好靚嘅小錦鯉😎影完相之後，店員就會幫我哋煮，最後整成糖不甩。甜
一上到去成個環境佈置真係好復古📺好似返咗80年代咁，好有feel。我哋坐卡位，座位都好寬闊，坐得舒服。全程聽住耳熟能詳嘅懷舊廣東歌，好親切💽🎥
我哋湯底叫咗冬甫美人鍋$228，真係好足料。好多火鍋店都淨係會比雞件，呢度比完整半隻新鮮雞👍🏻再附上大量娃娃菜竹笙😍兩個女仔食，其實叫少少配菜都已經飽。湯頭清清地，有埋桃膠，蟲草花夠滋潤，亦都唔會搶咗其他配料嘅鮮味。下次都會想再叫返呢個湯底😁
配料選擇亦非常多，我哋分別叫咗老友鬼鬼(黑松露墨魚滑)，呢個小食可以即刻食，炸得好香脆，配上糖醋汁，酸酸甜甜好向香口。
芋頭臘味餃，呢個我最驚喜😆韭菜餃食得多，從來冇試過食呢個配搭，芋頭軟綿綿，加埋有臘味嘅豬肉餡，出奇地好夾。我相信喺外面一定好難搵到，值得一試。
家鄉米酒黃沙潤，加埋紅棗，我就略嫌甜咗少少，不過要讚嘅係豬膶就算煮耐咗都唔會鞋口，好滑。
本地手切肥牛，仲有珊瑚蚌。兩樣都好新鮮，份量亦都好多，整體嚟講食物水準好高。
食完之後，店員會送上甜品。有懷舊造型嘅啫喱🌂仲有兩條好靚嘅小錦鯉😎影完相之後，店員就會幫我哋煮，最後整成糖不甩。甜品雖然免費，但係一啲都唔馬虎👍🏻
總括嚟講，食物水準高，環境亦都乾淨企理，最值得一讚係店員服務真係冇得頂，每個都笑面迎人，而且樂於幫助顧客。我哋大概食咗兩個鐘，店員都幫我哋撇咗好多次油🥰，又換咗碗碟。一定會再返嚟幫襯💕
張貼
