同撈同煲 (堅拿道西)

營業中

休息中

<九龍城同撈同仔煲> 📍銅鑼灣🔸懷舊金曲之夜🔸同聲同氣，服務💯分先講環境同服務，懷舊大排檔風格，但地板同枱面一啲都唔污糟。服務生親切，有禮貌，上碗碟都會有專人用熱水係你面前洗乾淨，熱辣辣咁奉上餐具 🥣🥢，值得嘉許🎖️。晚市無限時，入坐由7點坐到10點無詐型，岩晒一班朋友仔聚會。我地班女人，問題多多，又要求多多，侍應哥哥仔都好有耐性回答，有講有笑，令客人感到賓至如歸。😎👍🏼（抵讚）再講食物。冬甫美人鍋 ($228）— 名副其實，膠鍋！🤣🤣🤣 哥哥仔推薦美人食美人鍋，補充一下骨膠原。鍋入面包含咗半隻雞、花膠(魚肚)、桃膠、竹笙、紅棗、乾瑤柱、娃娃菜。餐廳建議，未淥生料之前可以先飲啖湯同食舊雞 🐥。淡淡雞湯味配上(花)膠(桃) 膠，都幾滋補。雞件本身就熟，係咁意滾翻熱佢，肉質鮮嫩。🥴手切特級牛肉($358) — 算係咁，肥瘦均勻，有牛肉味，但略嫌太薄，淥熟左仲縮埋水，無乜口感。梅花黑豚肉($128) — 個廚應該想砌朵玫瑰花出嚟，但失敗咗 🤣 變咗兩個紙巾筒。豚肉大塊啲，食落有口感。墨魚滑豆卜 ($78) — 食落墨魚滑無咩存在感。Shake shake炸魚皮(芥辣蜜糖味) —

我係睇到超多好評而黎 去完我會覺得拎黎打卡係好好 server服務態度好好 但cp值超低 最攞命係個牛肉大拼盤 498蚊但數埋冇二十塊超薄超細片嘅牛肉加上面五粒肉丁 一煮就縮到變成一蚊size 可能今日我黑仔 牛肉唔係特別好味 而且有筋 真係要賣到咁高價錢？ 呢個價錢呢個份量我真心覺得係揾笨

秋風起 人就自然肥🥹一個星期打兩次邊爐的節奏🎼揀左呢間懷舊情調十足 有豬仔錢罌油燈理髮店播著的是懷舊金曲💈所有懷舊元素集中晒係度┈┈┈┈┈┈┈┈┈┈┈┈┈┈┈┈✺⋆* 咸蛋芥菜湯 $118（ 好食·͜· ♡）秋冬芥菜當造，所以選擇左佢。店員好細心咁提我地記緊要飲左個湯先，湯底芥菜量都不少，飲落個湯幾清，飲完都唔會口渴，但入面既瘦肉就幾鞋🤣✺⋆* 脆鯇骨腩 $88 （ 好食·͜· ♡）✺⋆* 安格斯牛肉（細份） $198 （ 好食·͜· ♡）牛肉味極香😌又唔會切得太薄身😚碌完都仲健在😚✺⋆* 田園拼盤 $78入面仲有娃娃菜、菜心，蕃茄同粟米樣樣都有d咁 呢個唔錯👍🏻✺⋆*皇帝菜 $42✺⋆*芋絲 $48 細心如佢，上菜時會個專屬既撈，不用擔心佢會走失𓃟ꔛ‬ 啤酒 $78@1 一個大Hoe 一個大藍妹生啤☺️ 唔該🙏🏻✺⋆* 懷舊甜品飯後每人都會送的甜品出賣年齡系列😌真係好驚喜係有遮仔既啫喱仔🍮𓏸 落單用Marker圈 非常環保♻️又方便𓏸 服務超好 會浸碗洗

本身訂了8:00，入到去要8:45，45分鐘一直都沒有人理會，只說沒有枱，完全沒有服務可言，其實就是喜歡等就等，我真的不明白訂枱的目的是什麼？本來興致勃勃我朋友網上查閱了評價好的火煱店，想試一試，但真的超級失望，食物很一般，服務不好，價錢也不便宜，兩個人沒有飲啤酒賣單1200，如果人均$600的話，我相信銅鑼灣亦有很多選擇，反正不會再去

好朋友生日話想打邊爐，於是book定檯同佢去近期好興復古懷舊風嘅地方打邊爐慶生~裝修擺設懷舊有心思，整晚都播著經典懷舊金曲，氣氛好好。我地次次都必叫沙嗲鍋，今次都唔例外~ 老港沙嗲鍋好大一鍋，厚而濃郁，滿滿嘅花生碎之餘仲有細細芋頭粒係面，正。難得有日本飛驒牛，就order左細份試試，飛驒牛上盤嘅時候仲有少少煙增強仙氣感！店員問我地試唔試生食，我地比較保守，都係prefer熟dd，係沙嗲湯上涮幾下，真係入口即融好嫩滑，係高級嘅享受唷~桂花蚌同五香肉丁墨魚丸都係當晚比較出色嘅食材。桂花蚌份量唔多但鮮甜爽口，第一次食有五香肉丁做餡料嘅墨魚丸，感覺好特別。田園拼盤有西洋菜、油蜜菜、娃娃菜、生菜、粟米、番茄、好足料！鴛鴦滑(黑松露墨魚滑+蟹籽蝦滑)爽口都唔錯。芝士豆腐磚就一般，口感介乎較腍嘅魚旦於同較硬嘅豆腐之間，味道ok但我麻麻地個口感。腐竹控朋友order左鮮腐竹，份量超多，滿足佢嘅慾望。仲有即炸響鈴超鬆脆，沾附上嘅醬汁即食都好ok~ 記住動作要快，等多陣就冇咁脆㗎啦~臨近尾聲當然一貫傳統整返個出前一丁，掛曬汁兼吸曬食材嘅精華，大滿足~飲品方面，order左杞子園肉菊花茶同山楂紫背天葵，樽裝

今天傍晚要到銅鑼灣登龍街OFFICE攞少量精油現貨，所以又經過鵝頸橋，只不過今次不打小人了。冠景樓，我個人叫火鍋大廈。今天要試一間以懷舊裝飾作主題的火鍋店。入到店內，便見那些上世紀70，80年代的動漫牆壁，忍者小靈精，17號大跌人；再加一些傳統食店餐具，雞碗，白底藍色圖案的瓷碗等等。總之，店家似乎想令食客有沉溺到幾十年前食店紛圍之中。因為趕時間要食完晚飯回家繼續工作,所以要採用速食火鍋食店的概念:牛豬雞必食拼小食。1)花雕醉人美人鍋2)安格斯牛肉3)梅花黑豚肉4)即炸響鈴5)懷舊蝦多士講下個美人鍋，嘩，個湯底真是不得了。我和同行友人，幾乎未食任何食材前和湯中雞件，便已不停飲藥材味+雞味濃厚的湯底。我和友人邊飲邊說:我們好似去咗藥膳雞湯館咁。鍾情於濃郁湯味的火鍋友應選這個。此店的安格斯牛肉肉質都不錯，紅肉和白色脂肪比例合理。放入熱湯中約一分半鐘便能鬆化入口。至於黑豚肉，就應該不過不失。因為火鍋湯中早已充滿了之前的雞件肉味和其後的安格斯牛肉味。浸熟了的黑豚肉充滿了其它味道，所以難以作公平的評述，唯有下次再光顧再先放黑豚肉品嚐作評分。小食響鈴和蝦多士，由於是即叫即做，熱辣辣，當然口感和味道都

今晚先陪朋友到鄰近鵝頸橋的商業大廈提取他早已訂購但一直缺貨的精油補健產品，然後才慢慢考究食什麼。我們的討論結果是:時代廣場的食通天似乎太花費，平日晚上食得太奢侈不太好;到鵝頸橋靠近灣仔那邊(即堅拿道西)的地舖食店，毗鄰街市檔販，衛生似乎"窄窄地"。因此，最後去了冠景樓低層覓食。這間同撈同煲據說是總店位於九龍城的同撈同煲分店，所以店內佈置都是似香港舊物擺設或裝飾為主:雞碗及孩童時代，粥麵檔經典的白底藍色圖案的碗當然就唔少得啦。1)花雕醉人美人鍋 178元2)安格斯牛肉 278元3)梅花黑豚肉 108元4)自家製手打四寶丸(鯪魚丸、墨魚丸、豬肉丸、牛丸) 118元5)芝士豆腐磚 38元6)墨魚滑豆腐卜 68元首先，最值得讚的是個醉雞湯底。若然我們不是擔心喝乾湯底，之後再加清水/清湯煮後繼食物，可能會令食物丟失此濃厚湯底的調味，我們應該會把它喝到見窩底。我相信，鍾意飲中式湯之人，必定會乾咗佢。這份安格斯牛肉真是很有份量，目測在其它火鍋店，應該訂價至少三百元以上。位於銅鑼灣最旺地段，雖然是樓上舖，但此等份量只是賣278元，心想這位店東真是太有良心，沒有謀取暴利。細味之下，肉質嫰滑，各位若是多人

「又不是80年代……」每次去食打邊爐都會揀啲主打懷舊風格嘅火鍋店，覺得入面啲裝修同staff都會零舍有親切感～而呢間都唔例外，啲卡位特別有懷舊感,同埋啲staff都超有親切感啊～會成日問我地洗唔洗加湯同埋會好主動行過黎幫我地個鍋隔走啲油，服務態度真係200分！🥘冬甫美人鍋 $198第一次食美人鍋！冇諗過除咗隻雞好大隻之外，個湯底仲有好多料，有桃膠、娃娃菜、蟲草花、冬瓜等～重點係❗️竟然有花膠‼️🤩 見到啲料都知有養顏又養生～表示唔建議影太耐相🙈隻雞浸太耐會有機會會太熟，咁就可能會整鞋左隻雞了個湯好有雞味，而且意外地清甜😳完全飲唔出有味精～所以就算係咁飲都唔會覺得口渴～湯底黎講係超推薦！🧡麻辣shake shake炸魚皮 $78一見到店員比左碟炸魚皮，一碗shake shake粉同埋個紙袋我地就忍唔住笑左出聲～操作就同shake shake 薯條一樣🤣 首先炸魚皮係新鮮炸起，超級香脆，而且唔會好油～而麻辣粉都好夠香辣味，我個人覺得好惹味，不過比想像中辣左少少～但同炸魚皮都好夾～🐮本地牛肉 手切 $288碟牛肉擺盤真係好靚好吸引😍不過order完之後都真係等左一段時間先上菜，大概係因為即叫即切

九龍城同撈同煲價錢💲: $198/ $288/ $136/ $58/ $58/ $98/ $78好味程度😋: 3.7/5服務🍴: 4/5環境🗾: 3.7/5性價比🥢: 3.3/5回頭率😚: 3.3/5-天氣涼又係時候去打邊爐！越大越食唔到任食之後，都會揀啲散叫的餐廳食，寧願食得有質素啲🤭 今次呢間係銅鑼灣鵝頸橋樓上，地理位置方便，上到去就係老香港style，聽住舊歌有霓虹燈，階磚地板都幾懷舊。店員超級殷勤，係咁行埋來話加湯/幫我地pid油🙈-✅冬甫美人鍋。呢個湯都幾推介，入面有雞、蟲草花、花膠、冬瓜、桃膠、娃娃菜等，食呢啲餸都會飽咁🤣 一上枱店員會叫飲啖頭啖湯先，真係幾夠味，雞味好出，好香，再配埋啲蔬菜索到入晒味🤓 不過啲雞件記得快啲食晒，如果唔係好快就會好鞋🙈 飲落去嘴唇有小小黏住，加埋桃膠，好滋潤🤩 就咁飲都好適合！-🆗本地手切牛肉(細)。2-3人都絕對夠的size。師傅真係order之後先切，所以上枱都要啲時間。片片都切得好薄，色澤紅潤，新鮮。入口肉味唔肥膩，相反係肉味濃郁，比較瘦的，中間有d或者仲會好似封門柳咁有小小筋🫢 不過唯一唔好就係好細片，好快就縮，存在感比較低…-✅聖子

今次因為又係朋友想食雞煲所以就決定去食，事前我完全唔知有咩食，所以食完覺得幾suprise佢有唔同湯底可以揀，我地想食雞煲所以就揀左麻辣半隻雞，有洋蔥🧅豆仆等配料仲可以加腐竹👍🏻夠入味但酒味有少少濃，如果唔係好接受到酒味的人要注意！食完雞煲轉打邊爐，另外叫左蘿白，炸魚皮，日本鳥冬，韭菜餃同蟹柳。蟹柳一條超大有睇頭，其他配料都有水準唔錯😋因為唔係放題任食，每一個配料都要加錢，但以同類火鍋餐廳來說價錢尚算合理，質素都好好👍🏻另外服務態度值得一讚，好旺場但態度好好，上菜又快，會再去😋

我哋食飯喇，今次我哋試新嘢- 試係銅鑼灣嘅九龍城同撈同煲 - Happy together 😀首先，一定要讚佢嘅，係服務，同事們非常有禮貌，又勤力，好耐冇見過樓上鋪，而服務咁好👍🏻裝修方面，採用懷舊六七十年代裝飾，有霓虹燈、賣魚勝金魚缸、街市招牌、大排檔 Feel。 雖然懷舊，但衛生好，嘢食方面都好好，真係值得再去！講返嘢食先，我哋嗌左個胡椒豬肚雞湯，胡椒味都幾重，但又唔係話好有內臟味，食之前飲左個湯先，暖下個胃，之後先開動🫣主食嗌咗個特級手切牛肉，份量唔係好多，但係質量可以，牛有牛味，同埋都厚切既。另外叫咗個鴛鴦滑 - 蟹子蝦滑同埋黑松露墨魚滑，好彈牙😄炸物方面，老油條一碟，浸一浸個湯食啱啱好，就咁食配埋個醬料又得。海鮮方面，叫咗個鰻魚誠意推介 - 海蝦六隻、鮑魚4隻、帶子2隻、仲有及聖子王2隻！ 兩個字- 新鮮，好味，鮮甜！蝕到最尾食唔晒添😮‍💨當然仲有蔬菜籃及豆腐，都要食吓綠色嘢清吓腸胃嘅～最咪甜點仲有啫喱同糖不甩🤣啫喱係細個有把遮係嗰個透明碗上面，酒樓必備既甜品😳糖不甩，佢嘅外型係一條鯉魚，服務員，會將條魚放落去個湯底度，搞下搞下佢，你以為佢係甜嘅，加埋啲餡，會唔會好奇怪呢？原

因為見到人嘅IG post ，知道呢度有好多舊式香港食店嘅打咭位，咁啱要約舊同事食飯，又因為呢度近時代廣場，啱行完街過來食。呢度嘅裝修，從地板的懷舊格仔磚，以至代表飛髪舖嘅紅白藍燈，主打舊式香港情懷。食物種類多，價錢合理。連海鮮推介都用賣魚勝命名，令人會心微笑。我唔食蝦，服務員主動提出幫我哋轉做聖子，超nice！海鮮全部新鮮、大隻，一睇就知係靚食材。其他火鍋料都好正，真係一分錢一分貨，絕對係靚料。樓面極友善，最後仲有驚喜，原來有甜品送，糖不甩，全程好似有表演咁，態度超好，同佢有講有笑，而且質素都唔馬虎，好味，份量都好大。仲有加咗花奶啫喱，呢把遮姐，正正就係我細個去酒樓食啫喱時嘅樣，絕對相機食先！

上次試間懷舊邊爐係新試，今次呢間我就二刷，食完九龍城分店，今次同我同撈同煲的姐妹去撈一撈🤣.食店裝修由門口到窗口都有懷舊特色，好似賣魚勝&理髮店，好多打卡位，又播住7-80年代歌曲，如果有90年代更開心🤣.✨試咗幾款特色野，睇下有咩特別好推介！✨🟥湯底 $158🟧✨老港沙爹湯：沙爹濃郁，不會好稠/過鹹，辣（非常少辣）多過甜，好惹味. 🟨肉類 🥩/海鮮🟩✨極級封門柳 $328🐮⏩雪花油脂均勻，肉質軟嫩，好濃牛味.✨家鄉米酒黃沙潤 $128⏩激讚💯米酒浸過，但淥完不減酒的香甜味！唔會厚切/太老或乾，依然爽脆好好食💯.鴛鴦蚌就正常爽脆，不過好欣賞佢有個細網箕放係爐中間for 快熟/細散食品👍.🟦丸/餃類（半份）🥟 🟪✨ 鵪鶉蛋燒賣 $48開頭我哋以為普通點心，點知叫完原來用黎淥🤣燒賣肉餡非常足料，皮吸哂湯精華亦好食，不過就要心理準備面的蟹籽會跌哂🥲.✨芋頭腊味餃 $88臘味飯就食得多，轉餃都好食。絕對唔會覺得多肥膏，有甜甜的臘味香烤味，食落有一粒粒好似桃膠咁的，配上芋蓉，一脆一淋非常特別夠港式.✨鵝肝墨魚丸$68真係有鵝肝夾心，墨魚丸都彈牙鮮甜.芝士牛丸就正常發揮保持到濃牛汁，好配咸香芝士夾

終於到星期五， 放工後想和朋友打邊爐談心，但在銅鑼灣地區很多打邊爐的餐廳都要限時交檯，唯獨這家同撈同煲可以坐幾耐都得， 不會掃興趕人走。第一次到這家餐廳， 已被門外的招牌所吸引，內在的裝修亦還原六七十年代的香港。   連同碗碟都有以前的特色，呢D 應該真係買少見少。員工親切有禮, 推介我們食海鮮餐, 有鮑魚, 扇貝，聖子，蝦，另外我們再單點孜然魚皮，田園拼盤及一支啤酒。各種海鮮亦很新鮮, 食落口亦沒有沙, 單點的魚皮每塊都很大塊, 可以按自己的口味shake shake ， 作為送啤酒的小食真是一流。湯底方面， 我們選了惹味的胡椒豬肚雞湯, 湯底沒有腥味, 飲落去不會嗆喉, 而且過一陣喉嚨會覺得好舒服,  基本上有呢個湯底, 食物都不需要點其他醬料。而且雞件有一隻雞的份量, 兩個人都食唔哂。員工的服務有禮, 在吃的期間亦會定時加湯及隔油，招呼周到。最後餐廳亦會送上懷舊啫喱及糖不甩，飽到頂住個肚。會再推薦給朋友下次有機會來試試其他食物。

Bookmark左呢個打邊爐好耐知道銅鑼灣開咗分店今晚就黎試吓呀～雞湯底超級濃郁真係飲咗幾碗雞肉幾滑身Staff會幫手切開隻雞 ～一讚個炸響鈴熱辣辣炸出嚟真係好鬆化就咁食有跟一個醬酸酸咪咪好開胃或者點湯食都好讚～海鮮拼盤海鮮都好新鮮鮑魚有處理過已經脫殼就唔使食得咁狼狽聖子好爽～蟹棒就比較特別超級長美中不足就係雪到有啲彊硬但熟左之後質感非常好**like 社交平台有甜品糖不甩送糖不甩係自家製嘅好煙靭***整體食物同服務都好好下次可以encore