同心泰國菜館

營業中

休息中

難得來到九龍城附近當然要食飯餐泰國菜la～泰國菜係九龍城咁出名😋😋，我地一行4人，揀咗間同心泰國菜館。今日唔洗等位，一來到坐低，有人俾個menu ,都幾多嘢食😋串燒雞肉和豬肉，雞肉都幾嫰，但沙爹就唔係好出，普普通通。豬肉都係一般般，唔咩特別。泰式酸辣鳳爪，好好味，鳳爪好辣，酸味又剛剛好，幾開胃😋😋豬頸肉好味啵～本來我就唔係好食豬頸肉，但呢個整得好好，豬頸肉肉汁完全鎖住，咬落出好juicy😋,點埋醬汁就更野味～馬來盞炒通菜，一般般，偏辣，有d蝦乾，蝦乾有d硬，唔知係咪泰國菜係咁😂蟹肉炒飯，蟹肉都幾多，但不太有鮮味，應該係冰鮮蟹肉，但整體來講個飯都幾好味，粒粒分明。飯後甜品，芒果糯米飯。天真嘅我以為呢個係主食😂，我個朋友講其實呢一個係甜品！！係呢個熱熱的糯米上淋上椰汁，又出期的夾，但成個甜品最好食嘅係芒果，好酸啊，可能唔係當季水果。整體來講，幾好食，價錢唔係貴，都幾抵食😋，下次可以再叫其他嘢試下～

提到九龍城,必然想起泰菜、糖水店!當然今次我同朋友來到此區係食泰菜,但以往都經常光顧小曼谷、黃珍珍、金寶等,每間的菜式都各有自家風味,都是令人得津津有味所以呢次試下其他泰國餐廳,經朋友介紹,就試下同心呢間我上網search九龍城有兩間,食評都唔錯!當我們來到店前,無需等候就直入內,這對食客來說是很好的事,否則等太久會影響食慾心情。打開MENU,平常有的泰菜都有,如馬拉棧炒通菜、生蝦、咖哩海鮮等,並且個人認為價錢不貴,什至某些菜式較外面的泰國餐廳便宜些少。我先叫我的最愛飲料—椰青!YEAH!一飲即叫爽牙,清甜解渴,而且有驚喜,整個椰子蓋完美地甩殼I LIKE IT跟著就叫生蝦,食泰菜,又是必叫的!生蝦肉質都夠鮮味,再加上同心的秘制醬汁,辣又甜,幾開胃之後當然有燒頸肉啦!個人對呢碟就失望了,雖然肉質能保持鮮嫩,但醬汁就有待改善了,個人不太喜歡醬汁味道!好啦,呢個我可推介給大家,味道好香椰子味但又不太重,加上飯粒軟熟,嘩!口感好正其實,MENU上仲有好多菜式都想試,但唯有等下次吧!

話說有日行完山 朋友想食泰國菜 然後提議到九龍城既泰國餐廳食飯 其實果個位成條街都係泰國菜 我地一行五人入左同心泰國菜餐廳坐低嗌完餸就有蝦片食一開始上左兩碟生蝦刺身 我本身唔食很太辣 個醬汁辣左小小 不過隻隻生蝦都幾大隻好好肉 唔錯👍🏻行完山三五好友梗係去飲返杯先 之後d 野食開始慢慢上黎啦 整體都算好食 有泰國風味 職員都係泰國人埋單位位 130 會返黎再食

一早訂了枱中秋節同家人食晚飯,因人數多(超過14人),所以問他有冇一張大枱可以不用分開坐,他也承諾預留一張大枱可以坐17人,到了當天家人在不同地點到達這大舖共有二層,第一個家庭到達(1845到訂了1900)一拿枱時職員問他訂了幾點貴姓同幾位,和他 confirmed就帶家人上了2樓,比了3張細圓枱排一直線叫家人坐,因家人不知道怎樣安排就坐下,到了我們(負責訂枱)到了一見到咁樣,即時找一個男人(負責人)“炸形”(但現埸是有15人枱的,但比了別人,他們剛剛食),我訂枱時講明要一張大枱,你現在要我分開3張枱坐我們點食?點知這個男人答先高,佢話每樣餸叫3碟分開食就得,結果,即時過對面黄珍珍問有冇15人枱,他有枱但要一個鐘頭後等客人還枱,于是,每人叫一杯野飲叫3碟小食等他打電話來通知一有枱即閃

是甘的，我一時行開在去聽個重要電話，說時慢，那時快個menu落左喺個傻嘅手中，我番到黎已經落好同埋有幾味陸續上緊，大佬，一行只有4.5條友（0.5是中童一名），用不著叫8個野食吖嘛？！傻的嗎？！冬蔭公湯，好香香料味，酸辣味道好平衡，但可能味精重，飲完幾頸喝～炸魚外皮炸到脆脆，魚肉仲有d甜味，幾好～海南雞肉質嫩滑，多肉，皮同肉之脂層好薄，不過雞味較淡～生蝦刺身都幾大隻，又係冇鋪冰底，唔夠冰凍就爭dd～燒豬頸肉味道一般般，不過勝在夠份量夠多～泰式凰爪完全冇味冇道，淡淡的～差差地～炒通菜辣辣地幾好食，夠鑊氣炸蝦餅超新鮮，熱辣辣，外脆內彈牙，媽～好熱氣呀～但又好好食呀！點埋酸汁，正斗！喪食，一齊同心協力清餸！食到肚仔脹卜卜～最後係鳳爪冇人哮，豬頸肉食浄左，好啦，咪做大嘥鬼我打包番屋企啦！

見放假，就約咗個好耐無見嘅朋友去九龍城食 Tea，今次朋友介紹咗鴨肉河、海南雞一齊share食，好滿足。鴨肉河:配料夠多，口感好豐富，好香鴨肉味，河粉好滑，無得輸呀。朋友話次次去同心都必食，多謝你的好介紹。海南雞：由雞皮至雞肉都好滑，點埋個汁，有少少辣又酸酸甜甜，同雞肉好夾，簡直胃口大開呀！西瓜冰：天氣咁熱，第一時間就諗起西瓜。略嫌冰多咗少許，飲落太凍了，擺一陣先飲就好d，西瓜冰唔會太水，有西瓜甜味，好清新。

今次同一大班朋友黎九龍城食泰國菜，我細個阿媽就帶我食到大架喇，幫襯左都十幾年(但我仲好後生架haha👧🏻)，平時幫襯開隔離舊舖，水準都幾好，呢間新舖就大d，坐得舒服d，其實食物都一樣。今次叫左生蝦刺身、沙嗲串燒、冬蔭功、燒豬頸肉、蝦醬炒飯、鮮蝦炒金邊粉同小食拼盤，食左咁多年都係咁好食。生蝦刺身，蝦夠凍同爽口，配埋個醬汁同蒜片，酸酸辣辣好開胃。燒豬頸肉，本身燒完切成一片片都好香，可以點埋個辣汁，更加惹味。冬蔭功，入面都有唔少材料，有蝦、草菇同香茅等，味道係偏酸既，我覺得可以再辣d。小食併盤，有春卷、香葉包雞、蝦餅同魚餅。新鮮炸起熱辣辣好香口，最鍾意蝦餅，爽口彈牙，可以點埋酸梅醬或泰式辣醬。蝦醬炒飯，有泰式香腸係面，係甜甜地有d似臘腸，不過再落多d蝦醬炒會更加香同好味！沙嗲串燒，豬雞各三串，兩款都唔錯，不過我鍾意雞多d，因為滑d，而沙嗲汁偏甜既。鮮蝦炒金邊粉，呢個係我最鍾意既泰菜之一，因為金邊粉炒得乾身，加埋少少青檸汁調下味，好食！值得一讚既係，今次拎埋生日蛋糕黎慶祝，餐廳冇收切餅費，而且上蛋糕前都主動幫我地執好哂枱上既野。

心血來潮 今既想煮下泰國野即call個朋友同我去九龍城買餸買餸前去食個lunch 同心 由我細個讀書到宜家都好喜歡既一間泰菜但我都好耐無去了入面應該裝潢過有點唔同左2個人叫左3樣野食首先緊係會叫 我同我朋友最愛既鴨河鴨河湯底好濃 （感覺好似真係係泰國食緊泰粉咁）入面既蘿白 入哂味 又'林' 泰式豬頸肉豬頸肉燒得岩岩好 唔會太硬再沾埋佢既泰式醬 咸咸辣辣 更好味蒜蓉炒椰菜苗而現正進有優惠 6點前離座湯粉每碗減10蚊

習慣每年遊泰國的我，已有年多沒到泰國旅行，突然思鄉病發作很掛念泰國的街頭河粉。終於這天經過九龍城，很好的機會可以給我一嚐，止一止渴先啦！來到九龍城吃泰國菜，喜歡幫襯比較地道的同心，皆因每次也不會令我失望。第一時間當然要點泰式湯河，有鴨絲、雞絲、或扎肉可供選擇，這次我選擇了比較罕見的鴨絲。其實鴨絲的主要作用只是用來增添湯底精華的層次，而吸收了湯底精華的蘿蔔及豬紅更是整碗河粉的靈魂所在，美中不足之處是一碗河粉只得一舊蘿蔔及一舊豬紅......另外河粉可提供調味架，不過要自己主動問侍應才會奉上，伴入少許辣椒粉及炸蒜茸更加惹味醒胃。炸釀雞翼雖然製作方法與傳統糯米釀雞翼沒什麼大分別，但要炸得香脆不燶丶外脆內軟丶糯米飯軟硬適中卻不是每一間餐廳也能做得到，這裏的釀雞翼絕對是值得推介！

去到九龍城就梗係食泰國野啦本來係想去我地既最愛 泰金國可惜去到果時已經排緊隊因為小公主實在係太肚餓所以就去左附近既同心試下串燒雞+豬 6串串燒燒得幾好，唔會太燶雞同豬都唔會韌而且醃得唔錯，唔會過咸沙爹夠多花生夠哂香，唔錯冬蔭公湯雖然個湯都好足料不過唔係好夠蝦味而且辣同酸既比例唔係咁平均辣味重左D而且個湯匙岩岩好會卡住個鍋攪到好難筆到D湯芋頭焗飯其實叫果時都唔知係咩黎不過見到芋頭就想試下我覺得佢有D似楊州炒飯不過係加左芋頭既楊州炒飯飯底太濕(唔知係唔係THAI STYLE呢?)個汁唔錯，不過芋頭小左D唔算太大驚喜，不過不失脆肉炒椰菜苗可能係加左脆肉緣故，所以咸左D椰菜苗好硬，好似未炒好就上菜咁呢到既食物唔算差不過你Feel到d食物係無heart總之由樓面到廚房都係有單咪落，有單咪煮有得揀我點都會番番泰金國食 

講泰菜，我和家人是同心的長期顧客那條烤魚總讓人讚好! 某個星期天4時多做完泰式按摩，要來個泰式下午茶才覺圓滿。吃同心似是理所當然...豬雜粉:三角形河粉依舊有趣，但鍾情為何只限第一次相見?青木瓜沙律:咸甜酸"未到位"炒椰菜苗:KEEP到椰青:糖水般甜

兩人一BB去食晚餐，叫咗3樣食物2杯飲品，食物味道質數ok平均。但重點想講的是由坐低到去counter比錢都係未見過張單，最後在counter收銀講出總數後付款！比完錢後諗諗下發覺貴咗咁多，於是叫佢print張單出嚟睇，查到多有一項$100數目 ，問收銀係咩數？ 收銀就叫個店內嘅waitress過嚟，可能係話佢打錯單呱，收銀同我地講個數應該係收$10茶介(只得一碟魚干)，於是退回$90比我地，而且攞咗張單冇比返我地！總之找數時要check單！

星期六4:30pm要食下午茶，去到九龍城既泰國菜舖，其他九龍城既泰國餐廳有好多，但係我地獨愛去呢一間，原因係...... 價值$36到，好味程度係.......10分....豬手同港式既唔到，因為已經預先切好一塊塊，好方便，但係成個湯河既重點係....個湯，味濃但有好重既香料味，而且有淡淡既甜味，就好似落左羅漢果咁...湯河入面有好多通菜，夾住d湯食....每次食都一定飲晒D湯....價值$48到，出面有好多冬陰公湯河都好流，一飲就覺得唔足料同好似沖粉咁，但佢個湯就完成好似叫果D冬陰公咁，而且仲有成4-5隻鮮蝦，勁彈牙^^...仲有佢D河粉同上面個泰式豬手湯河既河係唔同既，佢用左寬既河粉....

九龍城出名多泰國餐廳...去過幾次都係食同心...今次叫咗兩個麵一個小食... 即係三個下午茶餐...炸蝦餅唔錯...新鮮炸起熱辣辣...食落去唔算油膩...炒金邊粉同炒公仔麵...份量一樣足...跟餐包野飲...亦可以揀加錢轉椰青...好多椰青水...飲落好清甜...仲有椰子肉食...平日容易搵位泊車啲...假日人多車多...

今日係元旦同班朋友行完山鬼咁肚餓，想搵間泰國菜醫肚，因為農曆年好快到大家都想慳皮D，友人建議去同心泰國菜，佢話同心好經濟，就係咁就去左同心。一坐低就叫左柚子鮮蝦沙律，泰式鳳爪，醒醒胃，柚子又甜又多汁，腰果香脆，甜，酸，辣度[]岩[]岩好，最可惜係蝦少左D，泰式鳳爪辣味夠又爽口份量足（正）炸蝦餅，炸春卷，香脆又唔油，蝦餅有彈牙[]既感覺～串燒雞肉，雞肉有肉汁，沙爹醬好香花生味兩者配合得完美至極！炭燒豬頸肉就一般冇咩特別 ～泰式生菜包，唔辣但係有乾葱頭分外香，用黎撈飯一樣咁好味，燒魷魚夠淋，醬汁甜甜辣辣野味之選，可惜份量就少左D黄咖哩雞，咖哩甜而不辣，配菜份量少，雞肉係用雞扒好在蒜茸飽烘得香脆牛油味香濃立即加番多少分脆肉炒椰菜苗，脆肉太肥，椰菜苗嫩滑有菜味。貢菜，可能因為椰菜苗太好食相對起有D失色冬陰功湯辣味夠，有香矛，青檸味，蝦大大隻，草菇，秀珍菇又多，一句講晒抵食夾大件蝦醬炒飯，有淡淡蝦醬香加埋切碎泰式臘腸連最後一粒飯都食清再加埋3大支泰啤3杯青檸梳打，1個椰青都係$1207每人都係$172已經可以捧住個肚走＜抵＞