同仁四季椰子雞專門店

營業中

休息中

香港人真係好鍾意打邊爐，一年四季都可以打😆近年椰子雞火鍋大熱，發現荃灣都有得食。必點招牌湯底只有椰皇水再加椰青水，不添加水同糖份，店員即場倒出新鮮椰青水及刮肉去煲，倒入半隻招牌椰子文昌雞，再焗5分鐘，先飲湯再食雞🐔，個湯清甜到不得了，飲咗兩大碗，雞件皮爽肉嫩。跟住就食海鮮，蘇格蘭蟶子、游水鮮蝦🦐、台山靚肥蠔🦪、珍寶龍躉🐟、北海道元貝🐚、台灣脆鱔片🐠，即劏即淥好新鮮，尤其肥蠔淥完仲好大隻，肥美肉厚，龍躉片都好正。特選安格斯肥牛、西班牙黑毛豬肉、田園蔬菜拼盤，最後淥埋日本稻延烏冬，飽到十成😂估唔到甜品係懷舊芝麻卷，味道香濃，卷得好有層次，充滿童年回憶。每位$488（2位起）已包加一、服務費、醬油、茶芥紅酒或果汁一杯推廣期內一天前預訂享有九折優惠

其實我平時好鍾意食椰青，覺得椰青同海鮮或者雞肉係非常之咁夾！而係香港又唔係好覺得有餐廳主打呢款菜式。喺OpenRice搜尋咗一輪，見到呢間餐廳幾符合我嘅要求，就膽粗粗去試吓，因為就放學時間，所以我哋都早食飯， 6:00就已經到達餐廳啦！我哋被安排喺卡位度，座位都算幾闊落，坐得幾舒服，而且冷氣都好夠，最後我哋揀咗套餐A，有海鮮拼盤（蟶子、鮑魚、鱔片、龍躉、蝦、生蠔）仲有安格斯肥牛同黑毛豬，烏冬同埋蔬菜拼盤，包埋兩杯果汁汽水同甜品芝麻卷。首先老闆喺我哋面前倒咗幾個椰青水喺煲入邊，再落埋新鮮嘅文昌雞半隻，等到沙漏夠鐘就可以飲湯，時間過得好快，嘩咁快就煲滾啦，個湯係超級超級鮮甜！我總共飲咗兩大碗開始打邊爐，哈哈！而且文昌雞肉質係彈牙，有雞肉嘅味道，跟住落嚟我哋就六海鮮，首先當然係生蠔同龍躉片，都係非常新鮮！蝦肉質好爽脆，因為當日冇聖子，店家改咗做鮑魚俾我，鮑魚夠晒大隻，一啲都唔嚡口，好食。另外黑毛豬同安格斯牛肉片都係正常發揮，我個人喜歡牛肉多啲。最後甜品係新鮮即製嘅芝麻卷，好香濃嘅芝麻味，而且熱辣辣，好有細個懷舊嘅味道！食評總結：食材用料新鮮，椰青香甜，成餐飯嘅食物配搭夾得好好，而且座位舒適，

前排有朋友食過呢間火鍋，大讚佢個椰子雞湯好正，所以我又去試下！我地就豪少少叫左個每位$488 星級火鍋餐，呢個價錢包左加一同$12位既醬油錢，仲送一杯飲品。先黎招牌椰子文昌雞湯鍋，估吾到現場即時開2個椰青，倒椰青水落個鍋煲滾，一滴水都無加入去，連椰肉都會刮出黎放入鍋內。滾左之後就會放半隻文昌雞落去，到差吾多熟再焗一陣就食得！先飲湯再食雞肉，湯底非常清甜，椰子味好香濃，雞件肉質好結實，有咬口，而且好少脂肪，食得出呢隻雞之前經常跑動！呢個餐第二主角就系海鮮，佢地有自家魚缸，海鮮即叫即撈同即劏，保證新鮮，同埋啲海鮮非常大隻，鮑魚仲好有心機戒哂紋。美國安格斯肥牛有少少厚度，食上黎較有口感，都好重牛味。西班牙黑毛豬肉，食得出系有質素。日本稻庭烏冬蔬菜拼盤芝麻卷即刻蒸出黎，熱辣辣！個人覺得打邊爐最重要食材新鮮同靚，呢間既食材絕對一讚，個湯底都用心做，眼見基本上其他枱都系叫椰子雞湯就知道幾受歡迎！價錢可能比任食既貴，但一分錢一分貨，呢間貴都有原因既！

想打椰子雞邊爐, 所以就黎咗了~今次,先試下佢嘅 “星級火鍋 A餐” $488/位~2個人 啱啱好呢~ 招牌椰子文昌雞鍋 (半隻)2個大大椰青 同雞一齊黎;黎到我地面前 汁同肉放入去煲滾, 滾咗放雞~打邊邊 都有儀式感!沙漏計時, 轉眼間就食得;雞嫩嫩的, 無肥膏 皮薄肉厚, 唔錯唔錯~中左: 特選安格斯肥牛中右: 西班牙黑毛豬肉前: 日本稻庭烏冬豬同牛肉片嘅質量都好呀, 食落滿足, 忍唔住佢一片我一片, 好快就比我地清光喇~錦繡海鮮盛盤台山蠔大隻厚肉一對元貝都好大隻啊 鮮甜鮮甜的2款魚片都好食, 我地都無偏好呀~

荃灣 | 同仁四季椰子雞專門店我係一個好鐘意打邊爐叫椰子雞湯底嘅人，今次就去試下同仁四季椰子雞專門店先，一入到同仁四季，環境已經畀到我好舒服嘅感覺，裝修走高雅路線，燈光暖暖哋，坐得超寫意 😊 今次試咗佢哋嘅星級火鍋A餐（每位$488，二人起），真心話畀你聽，呢個價錢真係值到爆！💥飲品我地都係叫可樂。主角當然係招牌椰子文昌雞鍋 🥥🐔，半隻雞湯底用新鮮椰子水熬成，望住店員開椰青，倒落去湯底再刮肉！湯頭清甜得黎帶點雞香，飲落超級無敵甜！雞肉嫩滑，啖啖都係椰香，簡直係靈魂所在 😍。錦繡海鮮盛盤 🦞🦑真係靚到震！蘇格蘭聖子入口爆汁，鮮甜無敵；游水鮮蝦串彈牙爽口，每隻都好大隻；台山靚肥蠔肥美多汁，入口即化；珍寶龍躉球同北海道元貝都好鮮，鱔片都好滑😋特選安格斯肥牛&西班牙黑毛豬肉兩樣肉類真係高質，油花分佈均勻，涮一涮就入口即化，牛肉濃香，豬肉軟嫩，完美 👌。日本稻延烏冬吸晒湯底精華，彈牙又入味，係火鍋嘅最佳拍檔 🍜。田園蔬菜拼盤五顏六色好吸引，有多種蔬果，健康又平衡 🥕🥬懷舊芝麻卷黑芝麻好香~甜甜哋做甜品，圓滿收尾 🥮服務員態度親切，隨傳隨到，加湯加料都好快手，畀足十分服務！😄 香港真係好難得搵到咁

今次去左朋友係荃灣返工嘅好介紹，唔係荃灣人都未必搵到嘅同仁四季椰子雞專門店!星級火鍋A餐 $488一位（兩位起），仲包加一服務費同醬芥，預訂仲有九折優惠，送紅酒或果汁一杯，開餐氣氛即刻升級🍷🍹。🖤招牌椰子文昌雞鍋湯底清甜，用左100% 椰汁做湯底，店員仲細心拆埋椰肉加入湯到，愈煲愈出味！而且精準控制火侯時間，保證雞肉嫩滑，啖啖都食到雞油香同椰子味，口感一流。🖤海鮮拼盤同樣新鮮，有蘇格蘭聖子、游水鮮蝦串、台山靚肥蠔、珍寶龍躉球、北海道元貝同台灣脆鱔片，每款海鮮都新鮮彈牙，鮮味十足，令整個火鍋層次更豐富🦐🦪🐚🖤安格斯牛、黑毛豬肉，兩樣都好有水準，最後仲有懷舊芝麻卷做甜品成個火鍋餐夠晒豐富，預早訂仲有九折，性價比高，值得一試！🍲🥥

食材用料上承，椰子雞美味，而座位空間夠大。即使價錢偏貴，裝修設計上卻似茶餐廳，食客座位之間卻互望有欠私隱度，欠缺屏風等分隔不人同食客的視線。 樓面服務員態度欠佳，可能服務員人手不足 或 店員待客應對訓練不足所致，有店員亦會謊稱只有海鮮餐牌而已，未達應有水平。海鮮火鍋餐牌，卻沒有飲品提供，相當奇怪。餐廳的地點位置在橋底，一般沒有人排隊，算是相當方便。如果顧客願意用高的價錢去換美食，可選這間餐廳，但可能要承受不舒服的服務態度。

上次幫襯完正和軒，今次去同一集團係樓下嘅同仁四季椰子雞專門店，見天氣涼涼地就約埋友人試吓先😋椰子雞火鍋，見到有個全日套餐，今日試咗椰漿椰青海鹽文昌雞鍋半隻 、然後肉類選了美國安格斯肥牛、海鮮類就揀咗鮮龍躉、火鍋配料係有32款可以揀3款，我哋就選擇咗黃沙豬膶、午餐肉同埋炸響鈴⋯豬膶好新鮮無餲味，午餐肉好有heart😍煎香先上枱，炸響鈴都係熱辣辣⋯除咗龍躉一般之外，其他都好好。下次都係聽經理推介叫台灣白鱔片，魚身係爽口的⋯重有個湯底真係無得輸，煲起個湯頭好香椰味，也很甜！真係飲咗好幾碗～雖然位置係橋底唔多起眼，但座得舒服服務又好真係要多多支持💪🏻亮點係全日免開瓶費，帶咗枝香檳🍾去飲得特別開心🥳

中午喺公司附近搵地方食飯，係車行行前少少原來有間同仁四季椰子雞火鍋店，中午有套餐，入去座即刻又湯又沙律好好招呼，重送上熱水一杯。我哋叫咗沙薑雞同埋咕嚕肉⋯等咗一陣熱辣辣上枱，佢哋唔係碟頭飯係餸還餸，白飯另外一碗，味道真係唔錯，新鮮炒上，沙薑雞都份量都唔少，除咗醒個肶位我之外，個汁撈一撈飯真係very good👍雞都滑身👏🏻隨餐重有熱飲一杯，配即磨咖啡真係無得輸。免加一再12:45前埋單有85折

中午一支公就喺附近搵食，見到有同仁四季椰子雞，佢有做午餐，就走咗入去試吓⋯一入去服務員已經遞咗前菜係今日沙律同埋個湯，佢哋話前菜同個湯會定期轉款，然後佢哋推介咗一個紅酒燴牛尾跟飯俾我食⋯上咗枱份量好足一碗係紅酒牛尾牛尾大概都有3至4件，然後係有新鮮蕃茄洋蔥等⋯個汁超正啊！好啱送飯👍🏻個餐仲送埋熱飲添。埋單仲要話免加一外重要係12:45前埋單會有八五折🤭真係開心指數爆燈，服務員話14:00後同樣有八五折優惠，抵啊！

讚-嘢食幾好 湯底好清甜 配料都幾好 豬肉夠嫩 龍塞皮好爽彈 烏冬滑溜 -服務唔錯 店員態度好主動 上菜流程好順彈-椰子雞既雞係淡味同埋過熟噃 枝竹好硬啫-冷氣有啲弱 -價錢真係唔平

🍽 今日揀咗「同仁四季 椰子雞專門店」試下，因為聽朋友講佢哋嘅椰子雞好出名，咁我哋就嚟踩吓場啦！😋🍲 鮮椰雞鍋餐🌶 泡椒藕片流心蛋呢個小食真係好醒胃！泡椒嘅酸辣味正正好，藕片脆脆地，夠爽口～配埋個流心蛋，蛋黃一流出嚟真係好邪惡🥵，酸酸辣辣嘅感覺刺激味蕾，食完仲想再嚟多碟！👌🐔 招牌椰子文昌雞 半隻呢隻文昌雞肉質好嫩滑，而且帶有淡淡嘅椰子香味，真係幾特別～每啖雞肉都好鮮甜，皮薄肉滑，完全唔需要太多調味，個雞本身嘅味道已經好好食👍。半隻雞兩個人share啱啱好，值得一試！🍍 鳳梨脆皮咕嚕肉咕嚕肉外層炸得好脆，唔會過厚，入面嘅豬肉仲keep住嫩滑～配埋鳳梨嘅酸甜味，食落去冇咁膩，呢個組合好夾😋！而且個甜酸汁唔會過酸，調味啱啱好，呢個真係必食菜式之一！🍖🍍🐟 木桶龍躉球蒸飯呢個蒸飯表面睇落好簡單，但一打開木桶，個龍躉球嘅鮮味真係撲面而來！魚肉滑溜溜，配埋熱辣辣嘅飯，呢個搭配好滿足～飯粒蒸得剛剛好，唔會過濕，濃濃嘅魚香同飯香滲透每一口，份量唔算太多，但係啱啱好夠飽😌。🍮 懷舊香滑芝麻卷（送）呢個芝麻卷係餐廳送嘅甜品，食落去好懷舊～外層煙韌，入面嘅芝麻餡好香好滑，唔會太甜，食完正餐嚟一件真係啱啱好

午餐前後菜比較差今日星期日中午找地方吃午飯，本來去荃錦附近的餐廳，行過見到哩間以前系八咪半吾錯的餐廳，睇埋個午餐牌60幾蚊有飯有菜有湯有餐茶，覺得OK。因為搬來幾個月同埋主要做火鍋晚飯，所以裝修吾錯，系細間d。餐具金色好像高級。可惜一坐低到離開，都有一兩隻倉蠅飛來飛去。例湯比較淡，系冬瓜湯，(2分)菜系比沙拉，如果無倉蠅，都勉強可以，但現在感覺比較差。(2分)兩個主菜就剛剛相反，熱辣辣，有鑊氣(4分)菠蘿糖醋生炒骨($65)— 甜酸辣味都有，排骨表面粉好博，有肉味。瑞士乾炒安格斯牛河($65)—等得耐少少，—分量十足—可能真安格斯牛，好林吾鞋加有牛肉味。— 河粉都幾滑，餐茶系比較淡(2分)—茶走睇到有幾淡，無香味，無奶味。—朱古力亦一般。

之前試過國內嘅椰子雞, 今次本着試一試嘅心態去香港店，實在有驚喜。店舖地點有啲偏僻，雖然在愉景新城商場附近，但門口向大街外面也不太明顯，可能這是一個原因較少人認識。但進入店舖之後，發現服務員親切有禮，細心解釋各樣食材同湯底，值得一讚！ 服務員態度細心，好認真幫我們調教湯料。用上新鮮椰子， 無論雞肉牛肉豬肉都非常鮮嫩可口。 這裏的椰子湯，用上椰皇加椰子， 味道與國內的截然不同，更加清甜可口。非常滿意的一個晚餐，價錢亦非常吸引！

之前去過深圳食椰子雞火鍋又平又好食，所以一直都很回味最近去荃灣經過見到呢間琴日放假就同屋企人去咗試整體都OK但性價比低我哋一行7人叫咗兩個火鍋餐 （$348/1)招牌椰子文昌雞鍋(半隻雞)-包1個小食同3個火鍋配料因為兩個餐，我哋就揀咗8樣：炸魚皮、潮州白魚蛋、萵筍、淮山、娃娃菜、豆腐、泡椒蓮藕片、五香醉牛𦟌另加：雪花牛小排、白鱔片、大蝦、手打墨魚丸、手打鮮蝦丸、炸香芋片、蘿蔔片、懷舊芝麻卷☝🏻文昌雞侍應等啲椰青水滾咗先落雞，用漏斗計時，夠鐘再焗一陣，啲雞真係非常嫩滑！而且個湯底好清甜，我哋每人都起碼飲咗兩碗湯☝🏻要讚個炸魚皮估唔到係即炸魚皮(驚喜!)，上枱時仲熱辣辣，非常脆口，仲要好大份☝🏻雪花牛小排靚牛，好新鮮☝🏻手打墨魚丸好爽口，而且真係有好多墨魚喺入面，不過$58得4粒，少貴☝🏻兩個小食都唔錯泡椒蓮藕片酸酸地，少少辣，幾開胃！五香醉牛𦟌好香酒味-嘢食方面，選擇唔算多但食物新鮮，不過不失啲椰青都係即開(見住個椰青小哥不停扑椰青，真係辛苦…)性價比就一般，人均$250-服務方面～侍應都有耐性講個落流程：(等水滾後佢會落兩個椰青嘅水，刮埋啲椰子肉落去，然後落雞，再焗一陣⋯)又會幫我哋